ပလက္၀အနီးတိုက္ပြဲေၾကာင့္ ၂ ရက္အတြင္း အရပ္သား ၄ ဦးေသဆံုး

0

#Zawgyi

By လားႏြန္ – ခ်င္းျပည္နယ္ေတာင္ပိုင္း ပလက္၀ၿမိဳ႕ႏွင့္အနီးအ၀ိုက္တြင္ ျမန္မာ့တပ္မေတာ္ႏွင့္ ရကၡိဳင္တပ္ေတာ္(AA) တို႔အၾကား ျဖစ္ပြားသည့္တိုက္ပြဲအတြင္း လက္နက္ႀကီးျဖင့္အျပန္အလွန္ပစ္ခတ္မႈမ်ားေၾကာင့္ ၂ ရက္အတြင္း အရပ္သား ၄ ဦး ေသဆံုးခဲ့ရၿပီး ၃ ဦးဒဏ္ရာရရွိခဲ့ၾကသည္ဟု သိရသည္။

ဧၿပီလ ၂၂ ရက္ေန႔ကျဖစ္ပြားသည့္ အဆိုပါတိုက္ပြဲတြင္ ပလက္၀ၿမိဳလယ္ ျမန္မာ့စီးပြားေရးဘဏ္၀င္းအတြင္းလက္နက္ႀကီးက်ေရာက္ေပါက္ကြဲမႈေၾကာင့္ ကေလးငယ္ ၂ ဦးအပါအ၀င္ အသက္ ၂၈ ႏွစ္အရြယ္ ဘဏ္၀န္ထမ္းတဦးပြဲခ်င္းၿပီးေသဆံုးခဲ့သည္။ အလားတူဧၿပီလ ၂၁ ရက္ေန႔ကလည္း ပလက္၀ၿမိဳ႕အေရွ႕ဘက္ကမ္း မီးလက္၀ေက်းရြာအနီး စိုက္ခင္းတြင္ ဟင္းခူးေနသည့္ အသက္ ၄၉ ႏွစ္အရြယ္ အမ်ဴိးသမီးတစ္ဦး လက္နက္ႀကီးက်ည္ထိမွန္၍ေသဆံုးခဲ့သည္။

လက္နက္ႀကီးက်ည္ထိမွန္၍ ေသဆံုးသူမ်ားမွာ  ျမန္မာ့စီးပြားေရးဘဏ္၀န္ထမ္း ေဒၚအက္စတာ အသက္ (၂၈)ႏွင့္သမီး မိုင္ဧလိဇဘတ္ မိုးမိုးေအာင္ အသက္(၄)ႏွစ္ ၊ ေမာင္ေအာင္ႏိုင္၀င္း အသက္ (၉) ႏွစ္ႏွင့္ ေဒၚသန္းသန္း၀င္း အသက္ (၄၉) ႏွစ္တို႔ျဖစ္ၾကၿပီး ဒဏ္ရာရရွိသူမ်ားမွာ ဦးေလာဟာကီး အသက္ (၄၅)၊ ဦးလွသိန္းေအာင္ အသက္ (၅၀)ႏွင့္ ေအြ႕လံုးယဒ္ အသက္(၂၄) တို႔ျဖစ္ၾကသည္ဟု ခူမီးခ်င္းမ်ဴိးႏြယ္စုမ်ားေရးရာေပါင္းစပ္ညိွႏိႈင္းေရးေကာ္မတီ၏ ထုတ္ျပန္ခ်က္အရသိရသည္။

ပလက္၀ၿမိဳ႕ေပၚရွိ စစ္ေဘးကူညီေရးအဖြဲ႔မွတာ၀န္ရွိသူတစ္ဦးက “ျမိဳ႕တစ္ဖက္ကမ္းမွာ တပ္ကေတာ့ ထိုးစစ္ဆင္တယ္ထင္တယ္ တုိက္ပြဲျဖစ္တာ အဲဒါ လက္နက္ၾကီးေတြဘာေတြ ဒီဘက္ကိုေရာက္လာတယ္ အဲဒီမွာ ဘဏ္မွာက်သြားတယ္ ေသဆံုးမႈေတြရိွတယ္ ၀န္ထမ္း (၂) ဦးကေတာ့ အခုေဆးကုသမႈခံယူေနတယ္၊ အသက္အႏၱရာယ္စိုးရိမ္ရတဲ့အေျခအေနေတာ့ မဟုတ္ပါဘူး” ဟုေျပာသည္။

ျမန္မာ့တပ္မေတာ္ႏွင့္ ရကၡိဳင့္တပ္ေတာ္တို႔အၾကားျဖစ္ပြားေနသည့္ စစ္ေရးပဋိပကၡသည္ ပိုမိုျပင္းထန္လာေနၿပီး ပလက္၀ၿမိဳ႕ေပၚအနီးတစ္၀ိုက္တြင္ တိုက္ပြဲျဖစ္ပြားမႈ ခတ္စိတ္စိတ္ရွိလာသည့္အတြက္ ၿမိဳ႕ေပၚေနျပည္သူမ်ားလည္း အသက္အိုးအိမ္လံုျခံဳမႈမရွိေတာ့ေၾကာင္း ၎ကဆက္ေျပာသည္။

ခ်င္းျပည္နယ္ စည္ပင္၀န္ႀကီးေဟာင္း ဆလုိင္းအိုက္ဇက္ခင္က “ပလက္၀ျမိဳ႕တစ္၀ိုက္မွာက AA က၀င္ထြက္ေနတာက လနဲ႔ ခ်ီရိွေနျပီ အရင္တိုက္ပြဲမရိွတာက တပ္ဘက္ကမပစ္ဘူးေပါ့ေနာ္ တုိက္ပြဲကမျဖစ္ေလေလ AA က၀င္ေလေလျဖစ္ေနတာပဲ အဲဒီေတာ့ AA က ျမိဳ႕ထဲထိကို ေသနတ္ကိုင္ျပီးေတာ့ ၀င္ထြက္ေနတယ္ဆိုတာ က်ေနာ္တို႔ၾကားတယ္ အဲဒီေတာ့ မေန႔ကျဖစ္တ့ဲ အေနအထားဆိုလို႔ရိွရင္ ဒီေက်ာက္ေတာ္ၾကီးဘုရားေတာင္ေက်ာေပၚမွာရိွတဲ့ AA ေတြအေျခခ်တဲ့ေနရာရယ္  ေနာက္ပလက္၀ျမိဳ႕အေရွ႕ဖက္ကမ္း ၂၈၉ ကုန္းအဲဒီႏွစ္ခုၾကားအျပန္အလွန္ျပစ္ၾကတာ ႏွစ္ဖက္စလံုးလက္နက္ၾကီးေတြသံုးေနတာပဲ” ဟု ေျပာသည္။

ျမန္မာ့တပ္မေတာ္ႏွင့္ ရကိၡဳင္တပ္ေတာ္ AA အဖြဲ႕တို႔လက္နက္ႀကီးမ်ားျဖင့္ အျပန္အလွန္ပစ္ခတ္ၿပီး အရပ္သားေသဆံုးမႈမ်ား ရွိ္လာသည့္အခါ တဖက္ႏွင့္တဖက္ စြပ္စြဲလႊဲခ်ေလ့ရိွၿပီး အမွန္တကယ္ပစ္ခတ္သူမ်ားကို ရွာေဖြေဖာ္ထုတ္သင့္သည္ဟု ခ်င္းအမ်ဴိးသားဒီမိုကေရစီအဖြဲ႔ခ်ဴပ္ (CNLD) အတြင္းေရးမွဴး ဆလုိင္းက်ဲအိုဘိခ္ေထာင္ကေျပာသည္။

“အဲဒီဗံုးေတြ က်ည္ေတြက ႏွစ္ဖက္တပ္ဖြဲ႕ကေနျပီးေတာ့ ပစ္ေနျပီဆိုလို႔ရိွရင္ သူတို႔ လူထုေပၚမွာေရာက္တာနဲ႔က  ပိုင္ရွင္မဲ့ျဖစ္သြားေလ့ရွိတာက ျပသာနာ အခုဟာလည္းပဲ ဘယ္သူ႔ုရဲ႕က်ည္ျဖစ္တယ္ဘယ္သူ႕လက္ခ်က္ျဖစ္တယ္ အျပန္အလွန္စြပ္စြဲေနတဲ့ဟာက အဲဒါကေတာ္ေတာ္ေလးကို တာ၀န္မယူရဲတဲ့လုပ္ရပ္ျဖစ္ေနတယ္၊ ၾကိဳက္သလိုရမ္းကားျပီးပစ္တယ္ လူထုကိုထိတယ္ဆိုရင္လည္းပဲ ဘာမွ ျပသာနာမရိွဘူး ဟိုအဖြဲ႕ကို ငါလႊဲခ်လိုက္ရင္ရတယ္ ဆိုတဲ့ေပ့ါဆမႈျဖစ္သြားေစတယ္ ဒီလိုပိုင္ရွင္မဲ့က်ည္ေတြကို တကယ့္ပိုင္ရွင္ေတြကို ရွာေဖြဖို႕လိုတယ္ လႊတ္လပ္တဲ့အဖြဲ႕အစည္းေတြကေနေဖာ္ထုတ္ဖို႔လိုတယ္၊ ဘယ္ဖက္ကပစ္တယ္ဆိုတာကို ေဖာ္ထုတ္ေပးႏိုင္တဲ့နည္းလမ္းေတြ က်ေနာ္တို႔ရွာဖို႔လိုတယ္ ဒီအစိုးရကလည္းဒါကို ဘယ္ေလာက္ထိတံခါးဖြင့္ေပးႏိုင္မလဲ ဒါမွမဟုတ္ ျပည္သူလူထုဘက္က  က်ေနာ္တို႔ ႏိုင္ငံတကာအဖြဲ႕အစည္းေတြကေရာ က်ေနာ္တို႔ဘယ္ေလာက္ထိေအာင္လုပ္ႏိုင္မလဲဆိုတာက အေရးၾကီးတယ္္”  ဟု  ဆလိုင္းက်ဲအိုဘိခ္ေထာင္ကေျပာသည္။

Covid-19 ကပ္ေရာဂါ ကမၻာတ၀န္းျဖစ္ပြားေနသည့္ ယေန႔လိုကာလမ်ဴိးတြင္ တိုက္ပြဲမ်ားရပ္တန္႔သင့္ၿပီး ႏုိင္ငံေတာ္အတိုင္ပင္ခံပုဂၢိဳလ္၏  ပလက္၀စားနပ္ရိကၡာအေရးႏွင့္ပတ္သက္၍ ဧၿပီလ ၂၁ ရက္ေန႔က ထုတ္ျပန္ေသာ ေၾကညာခ်က္တြင္ စစ္ပြဲမ်ားရပ္တန္႔ရန္မေတာင္းဆိုဘဲ တပ္မေတာ္ကို ခ်ီးက်ဴးစကားထည့္သြင္းေျပာဆိုခဲ့ မႈသည္ လံုး၀မသင့္ေလ်ာ္သည့္ကိစၥျဖစ္သည္ဟု ဆလိုင္းက်ဲအိုဘိခ္ေထာင္က ဆက္ေျပာသည္။

ႏုိ္င္ငံေတာ္အတိုင္ပင္ပုဂၢိဳလ္၏ အဆိုပါေၾကညာခ်က္တြင္ ျပည္သူလူထု၏ အသက္၊ အိုးအိမ္၊ စည္းစိမ္ကို ထိန္းသိမ္းကာကြယ္ေစာင့္ေရွာက္ႏုိင္ရန္အတြက္ အသက္စြန္႔၍ ရြပ္ရြပ္ခြ်ံခြ်ံ တာ၀န္ထမ္းေဆာင္လ်က္ရွိေသာ တပ္မေတာ္သားအရာရွိ၊ စစ္သည္မ်ားအားလံုးကို အသိအမွတ္ျပဳခ်ီးက်ဴးဂုဏ္ျပဳသည္ဟု ပါရွိသည္။

ပလက္၀ၿမိဳ႕နယ္တြင္ တပ္မေတာ္ႏွင့္ AA တပ္ဖြဲအၾကားျဖစ္ပြားေနသည့္ တိုက္ပြဲအတြင္း ျမန္မာ့တပ္မေတာ္က ေလေၾကာင္းအသံုးျပဳပစ္ခတ္တိုက္ခတ္မႈေၾကာင့္ ၿပီးခဲ့သည့္ မတ္လ ၁၄ ရက္ေန႔မွ ဧၿပီလ ၇ ရက္ေန႔အထိ အရပ္သား ၂၈ ဦးေသဆံုးခဲ့ၿပီး ၄၀ နီးပါးခန္႔ဒဏ္ရာရရွိခဲ့ၾကသည္။

#Unicode

By လားနွန် – ချင်းပြည်နယ်တောင်ပိုင်း ပလက်ဝမြို့နှင့်အနီးအဝိုက်တွင် မြန်မာ့တပ်မတော်နှင့် ရက္ခိုင်တပ်တော်(AA) တို့အကြား ဖြစ်ပွားသည့်တိုက်ပွဲအတွင်း လက်နက်ကြီးဖြင့်အပြန်အလှန်ပစ်ခတ်မှုများကြောင့် ၂ ရက်အတွင်း အရပ်သား ၄ ဦး သေဆုံးခဲ့ရပြီး ၃ ဦးဒဏ်ရာရရှိခဲ့ကြသည်ဟု သိရသည်။

ဧပြီလ ၂၂ ရက်နေ့ကဖြစ်ပွားသည့် အဆိုပါတိုက်ပွဲတွင် ပလက်ဝမြိုလယ် မြန်မာ့စီးပွားရေးဘဏ်ဝင်းအတွင်းလက်နက်ကြီးကျရောက်ပေါက်ကွဲမှုကြောင့် ကလေးငယ် ၂ ဦးအပါအဝင် အသက် ၂၈ နှစ်အရွယ် ဘဏ်ဝန်ထမ်းတဦးပွဲချင်းပြီးသေဆုံးခဲ့သည်။ အလားတူဧပြီလ ၂၁ ရက်နေ့ကလည်း ပလက်ဝမြို့အရှေ့ဘက်ကမ်း မီးလက်ဝကျေးရွာအနီး စိုက်ခင်းတွင် ဟင်းခူးနေသည့် အသက် ၄၉ နှစ်အရွယ် အမျိူးသမီးတစ်ဦး လက်နက်ကြီးကျည်ထိမှန်၍သေဆုံးခဲ့သည်။

လက်နက်ကြီးကျည်ထိမှန်၍ သေဆုံးသူများမှာ  မြန်မာ့စီးပွားရေးဘဏ်ဝန်ထမ်း ဒေါ်အက်စတာ အသက် (၂၈)နှင့်သမီး မိုင်ဧလိဇဘတ် မိုးမိုးအောင် အသက်(၄)နှစ် ၊ မောင်အောင်နိုင်ဝင်း အသက် (၉) နှစ်နှင့် ဒေါ်သန်းသန်းဝင်း အသက် (၄၉) နှစ်တို့ဖြစ်ကြပြီး ဒဏ်ရာရရှိသူများမှာ ဦးလောဟာကီး အသက် (၄၅)၊ ဦးလှသိန်းအောင် အသက် (၅၀)နှင့် အွေ့လုံးယဒ် အသက်(၂၄) တို့ဖြစ်ကြသည်ဟု ခူမီးချင်းမျိူးနွယ်စုများရေးရာပေါင်းစပ်ညှိနှိုင်းရေးကော်မတီ၏ ထုတ်ပြန်ချက်အရသိရသည်။

ပလက်ဝမြို့ပေါ်ရှိ စစ်ဘေးကူညီရေးအဖွဲ့မှတာဝန်ရှိသူတစ်ဦးက “မြို့တစ်ဖက်ကမ်းမှာ တပ်ကတော့ ထိုးစစ်ဆင်တယ်ထင်တယ် တိုက်ပွဲဖြစ်တာ အဲဒါ လက်နက်ကြီးတွေဘာတွေ ဒီဘက်ကိုရောက်လာတယ် အဲဒီမှာ ဘဏ်မှာကျသွားတယ် သေဆုံးမှုတွေရှိတယ် ဝန်ထမ်း (၂) ဦးကတော့ အခုဆေးကုသမှုခံယူနေတယ်၊ အသက်အန္တရာယ်စိုးရိမ်ရတဲ့အခြေအနေတော့ မဟုတ်ပါဘူး” ဟုပြောသည်။

မြန်မာ့တပ်မတော်နှင့် ရက္ခိုင့်တပ်တော်တို့အကြားဖြစ်ပွားနေသည့် စစ်ရေးပဋိပက္ခသည် ပိုမိုပြင်းထန်လာနေပြီး ပလက်ဝမြို့ပေါ်အနီးတစ်ဝိုက်တွင် တိုက်ပွဲဖြစ်ပွားမှု ခတ်စိတ်စိတ်ရှိလာသည့်အတွက် မြို့ပေါ်နေပြည်သူများလည်း အသက်အိုးအိမ်လုံခြုံမှုမရှိတော့ကြောင်း ၎င်းကဆက်ပြောသည်။

ချင်းပြည်နယ် စည်ပင်ဝန်ကြီးဟောင်း ဆလိုင်းအိုက်ဇက်ခင်က “ပလက်ဝမြို့တစ်ဝိုက်မှာက AA ကဝင်ထွက်နေတာက လနဲ့ ချီရှိနေပြီ အရင်တိုက်ပွဲမရှိတာက တပ်ဘက်ကမပစ်ဘူးပေါ့နော် တိုက်ပွဲကမဖြစ်လေလေ AA ကဝင်လေလေဖြစ်နေတာပဲ အဲဒီတော့ AA က မြို့ထဲထိကို သေနတ်ကိုင်ပြီးတော့ ဝင်ထွက်နေတယ်ဆိုတာ ကျနော်တို့ကြားတယ် အဲဒီတော့ မနေ့ကဖြစ်တဲ့ အနေအထားဆိုလို့ရှိရင် ဒီကျောက်တော်ကြီးဘုရားတောင်ကျောပေါ်မှာရှိတဲ့ AA တွေအခြေချတဲ့နေရာရယ်  နောက်ပလက်ဝမြို့အရှေ့ဖက်ကမ်း ၂၈၉ ကုန်းအဲဒီနှစ်ခုကြားအပြန်အလှန်ပြစ်ကြတာ နှစ်ဖက်စလုံးလက်နက်ကြီးတွေသုံးနေတာပဲ” ဟု ပြောသည်။

မြန်မာ့တပ်မတော်နှင့် ရက္ခိုင်တပ်တော် AA အဖွဲ့တို့လက်နက်ကြီးများဖြင့် အပြန်အလှန်ပစ်ခတ်ပြီး အရပ်သားသေဆုံးမှုများ ရှိ်လာသည့်အခါ တဖက်နှင့်တဖက် စွပ်စွဲလွှဲချလေ့ရှိပြီး အမှန်တကယ်ပစ်ခတ်သူများကို ရှာဖွေဖော်ထုတ်သင့်သည်ဟု ချင်းအမျိူးသားဒီမိုကရေစီအဖွဲ့ချူပ် (CNLD) အတွင်းရေးမှူး ဆလိုင်းကျဲအိုဘိခ်ထောင်ကပြောသည်။

“အဲဒီဗုံးတွေ ကျည်တွေက နှစ်ဖက်တပ်ဖွဲ့ကနေပြီးတော့ ပစ်နေပြီဆိုလို့ရှိရင် သူတို့ လူထုပေါ်မှာရောက်တာနဲ့က  ပိုင်ရှင်မဲ့ဖြစ်သွားလေ့ရှိတာက ပြသာနာ အခုဟာလည်းပဲ ဘယ်သုူ့ရဲ့ကျည်ဖြစ်တယ်ဘယ်သူ့လက်ချက်ဖြစ်တယ် အပြန်အလှန်စွပ်စွဲနေတဲ့ဟာက အဲဒါကတော်တော်လေးကို တာဝန်မယူရဲတဲ့လုပ်ရပ်ဖြစ်နေတယ်၊ ကြိုက်သလိုရမ်းကားပြီးပစ်တယ် လူထုကိုထိတယ်ဆိုရင်လည်းပဲ ဘာမှ ပြသာနာမရှိဘူး ဟိုအဖွဲ့ကို ငါလွှဲချလိုက်ရင်ရတယ် ဆိုတဲ့ပေါ့ဆမှုဖြစ်သွားစေတယ် ဒီလိုပိုင်ရှင်မဲ့ကျည်တွေကို တကယ့်ပိုင်ရှင်တွေကို ရှာဖွေဖို့လိုတယ် လွှတ်လပ်တဲ့အဖွဲ့အစည်းတွေကနေဖော်ထုတ်ဖို့လိုတယ်၊ ဘယ်ဖက်ကပစ်တယ်ဆိုတာကို ဖော်ထုတ်ပေးနိုင်တဲ့နည်းလမ်းတွေ ကျနော်တို့ရှာဖို့လိုတယ် ဒီအစိုးရကလည်းဒါကို ဘယ်လောက်ထိတံခါးဖွင့်ပေးနိုင်မလဲ ဒါမှမဟုတ် ပြည်သူလူထုဘက်က  ကျနော်တို့ နိုင်ငံတကာအဖွဲ့အစည်းတွေကရော ကျနော်တို့ဘယ်လောက်ထိအောင်လုပ်နိုင်မလဲဆိုတာက အရေးကြီးတယ်”  ဟု  ဆလိုင်းကျဲအိုဘိခ်ထောင်ကပြောသည်။

Covid-19 ကပ်ရောဂါ ကမ္ဘာတဝန်းဖြစ်ပွားနေသည့် ယနေ့လိုကာလမျိူးတွင် တိုက်ပွဲများရပ်တန့်သင့်ပြီး နိုင်ငံတော်အတိုင်ပင်ခံပုဂ္ဂိုလ်၏  ပလက်ဝစားနပ်ရိက္ခာအရေးနှင့်ပတ်သက်၍ ဧပြီလ ၂၁ ရက်နေ့က ထုတ်ပြန်သော ကြေညာချက်တွင် စစ်ပွဲများရပ်တန့်ရန်မတောင်းဆိုဘဲ တပ်မတော်ကို ချီးကျူးစကားထည့်သွင်းပြောဆိုခဲ့ မှုသည် လုံးဝမသင့်လျော်သည့်ကိစ္စဖြစ်သည်ဟု ဆလိုင်းကျဲအိုဘိခ်ထောင်က ဆက်ပြောသည်။

နိ်ုင်ငံတော်အတိုင်ပင်ပုဂ္ဂိုလ်၏ အဆိုပါကြေညာချက်တွင် ပြည်သူလူထု၏ အသက်၊ အိုးအိမ်၊ စည်းစိမ်ကို ထိန်းသိမ်းကာကွယ်စောင့်ရှောက်နိုင်ရန်အတွက် အသက်စွန့်၍ ရွပ်ရွပ်ချွံချွံ တာဝန်ထမ်းဆောင်လျက်ရှိသော တပ်မတော်သားအရာရှိ၊ စစ်သည်များအားလုံးကို အသိအမှတ်ပြုချီးကျူးဂုဏ်ပြုသည်ဟု ပါရှိသည်။

ပလက်ဝမြို့နယ်တွင် တပ်မတော်နှင့် AA တပ်ဖွဲအကြားဖြစ်ပွားနေသည့် တိုက်ပွဲအတွင်း မြန်မာ့တပ်မတော်က လေကြောင်းအသုံးပြုပစ်ခတ်တိုက်ခတ်မှုကြောင့် ပြီးခဲ့သည့် မတ်လ ၁၄ ရက်နေ့မှ ဧပြီလ ၇ ရက်နေ့အထိ အရပ်သား ၂၈ ဦးသေဆုံးခဲ့ပြီး ၄၀ နီးပါးခန့်ဒဏ်ရာရရှိခဲ့ကြသည်။

Share.

About Author

Leave A Reply