ဒီသတင်းအမှားကို Yandar Maung ဆိုတဲ့ Facebook အကောင့်ကနေ “ပြင်ဉီးလွင်မြို့နယ်၊ စည်ကားကျေးရွာတွင် မိသားစုဝင် (၅) ဉီးကို ပြည်သူ့အကြမ်းဖက် PDF အဖွဲ့က ရက်ရက်စက်စက် လည်လှီးသတ်ဖြတ်လိုက်ကြောင်း သိရှိရပါတယ်။” လို့ ရေးသားဖော်ပြထားတာဖြစ်ပါတယ်။
ဒီကိစ္စနဲ့ပတ်သက်ပြီး ဒေသခံပြည်သူတစ်ယောက်က “ပိုင်ရှင်ရဲ့သားနဲ့ လုပ်သမား စကားများပြီးတော့ ပြသနာစဖြစ်တာ ညရောက်တော့ အရက်မူးနေတဲ့ ပိုင်ရှင်သားကိုသတ်ပစ်တာပဲ။ သား အိမ်ပြန်မလာလို့ အဖေက ကြက်ခြံကို လိုက်သွားတာ အဖေကိုလည်း သတ်တာ အဲ့ဒီလိုပဲ အဖေပြန်မလားလို့ သူ့မိန်းမနဲ့ကလေးတွေက ပြန်လိုက်သွားတာ အားလုံး အဲ့မှာပဲ သတ်ခံရတာပဲ” လို့ ပြောပါတယ်။
“အနီးစခန်းဈေးကုန်း စည်ကားကြက်ခြံအား PDF များက ပိုက်ဆံတောင်းရာ မပေးလို့ တစ်မိသားစုလုံးကို လည်လှီးသတ်သွားတာ ၁၃ နှစ် ကလေးလေး ၂ ယောက်ကိုလည်း လည်လှီးဓားနဲ့ခုတ်သွားပါတယ်။ မနေ့ညကတည်းက ဖြစ်ပွားပြီး အခုမနက်မှ သေဆုံးမှုကို သိရတာပါ။”
ဒီကိစ္စနဲ့ပတ်သက်ပြီး ဒေသခံပြည်သူတစ်ယောက်က “ဘယ် PDF ကမှ သတ်တာမဟုတ်ပါဘူး အချင်းချင်းစကားများပြီး ဖြစ်တာပါ။ တရာခံကတော့ အခု ထွက်ပြေးနေတယ်။ မဖမ်းမိသေးပါဘူး” လို့ ပြောပါတယ်။
သတင်းတုသတင်းမှားတွေဟာ နေ့စဉ်နဲ့အမျှ ထွက်ပေါ်နေပါတယ်။
ဒါကြောင့် သတင်းတုသတင်းမှားတွေကို သေချာစွာပိုင်းခြားသိမြင်ပြီး ရွေးချယ်ဖတ်ရှုကြဖို့ တိုက်တွန်းလိုက်ပါတယ်။
