ချင်းပြည်နယ် ဟားခါးမြို့နှင့် ထန်တလန်မြို့အကြား သီမြစ်ချောင်းအနီးတဝိုက်တွင်ဖြစ်ပွားသော တိုက်ပွဲအတွင်း စစ်ကောင်စီတပ်ဖွဲ့၏ လက်နက်တချိူ့ကို ချင်းကာကွယ်ရေးပူးပေါင်းတပ်ဖွဲ့များက သိမ်းဆည်းရမိသည်ဟု သိရသည်။
တိုက်ပွဲအတွင်းသိမ်းဆည်းရမိသည့် လက်နက်များမှာ MA 1 တစ်လက်၊ MA2 တစ်လက်၊ MA3 တစ်လက်၊ Machine gun တစ်လက်နှင့် ကျည်ဆံတစ်ထောင်ကျော်လည်း သိမ်းဆည်းရမိသည်ဟု The Chin Post က ဖော်ပြသည်။
ဟားခါးမြို့မှ ၅ မိုင်ခန့်ကွာဝေးသော သီမြင်ချောင်းအနီးတဝိုက်တွင် စစ်ကောင်စီတပ်ဖွဲ့နှင့် ချင်းကာကွယ်ရေးပူးပေါင်းတပ်ဖွဲ့တို့ တိုက်ပွဲဖြစ်ပွားသည်မှာ ၂ ပတ်ကျော်ခန့်ရှိပြီဖြစ်ကာ ထိခိုက်သေဆုံးမှုအခြေနေကိုမူ မသိရသေးပေ။
ယနေ့ဖြစ်ပွားသည့် တိုက်ပွဲတွင် စစ်ကောင်စီတပ်ဖွဲ့က ရဟတ်ယာဉ်ဖြင့် လာရောက်ပစ်ခတ်ခဲ့သည့်အပြင် ဟားခါးမြို့တွင် အထိုင်ချသည့်တပ်ကလည်း လက်နက်ကြီးဖြင့် အကြိမ်ပေါင်းများစွာ ပစ်ခတ်ခဲ့သည်။
Video crd- The Chin Post
