ချင်းပြည်နယ်၊ ကန်ပက်လက်မြို့၊ ယနေ့ မွန်းလွဲ ၁ နာရီဝန်းကျင်အချိန်တွင် ရန်အောင်ရတနာစေတီဘုရားဝန်းအတွင်း တပ်စွဲထားသော စစ်ကောင်စီတပ်ဖွဲ့ဝင်များမှ ထောင်ထားသည့် မိုင်းနင်းမိ၍ အရပ်သားတစ်ဦး ထိခိုက်ဒဏ်ရာရသည်ဟု သိရသည်။
“မိုင်းနင်းမိလို့ ဒဏ်ရာရတယ်၊ သိပ်မပြင်းထန်ဘူးလို့သိရတယ်။ ရဲထဲက ပင်စင်ယူပြီးသား ဦးလိပ်ရွှေလို့သိရတယ်။ သိပ်မကြာသေးဘူး၊ ၁ နာရီဝန်းကျင်လောက်ကဖြစ်တာ” ဟု ကန်ပက်လက် ဒေသခံတစ်ဦးထံမှ ဖြစ်စဉ်ကို ပြောပြသည်။
အဆိုပါအမျိူးသားမှာ ပင်စင်ထုတ်ယူရန်အတွက် ဥယျာဉ်မှပြန်လာသူဖြစ်ကြောင်းလည်း သိရသည်။
ကန်ပက်လက်မြို့တွင် စစ်ကောင်စီတပ်ဖွဲ့များက ကန်ပက်လက်မြို့၊ အ.ထ.က ကျောင်း၊ ရဲစခန်းနှင့် ရန်အောင်ရတနာစေတီဘုရားတို့တွင် တပ်စွဲထားသည်ဟုလည်း သိရသည်။
