(004SS)
ကလေးမြို့၊ တာဟန်းရပ်ကွက်တွင် စစ်ကောင်စီတပ်ဖွဲ့မှ ပစ်ခတ်ခြင်းကြောင့် ဆယ်ကျော်သက်အရွယ် လူငယ်တစ်ဦး သေနတ်ကျည်ဆံထိမှန်ကာ သေဆုံးသွားကြောင်း ကလေးမြို့ ဒေသခံများထံမှ သိရသည်။
ယနေ့ အောက်တိုဘာလ ၆ ရက်နေ့ မွန်းလွဲပိုင်း ၂ နာရီဝန်းကျင်တွင် လူငယ်လေးဦး ဘော်လုံးကန်ရန် ဆိုင်ကယ်ဖြင့် သွားနေစဉ် တာဟန်းရပ်ကွက် လက်ပံချောင်းလမ်းခွဲတွင် စစ်ဆေးရေးလုပ်နေသည့် စစ်ကောင်စီတပ်ဖွဲ့က သေနတ်ဖြင့် လှမ်းပစ်ခဲ့ခြင်းဖြစ်သည်ဟု သိရသည်။
“သူတို့က ဘေ်ာလုံးကန်ဖို့ ဆိုင်ကယ်နဲ့ သွားနေတာပေါ့ တာဟန်း AG ဘုရားကျောင်းနားမှာ စစ်သားတွေက စစ်ဆေးရေးလုပ်ေနတာကိုတွေ့တော့ ကလေးတွေက ပြန်လှည့်ထွက်ခဲ့တယ်။ အဲမှာ စစ်သားတွေက လှမ်းပစ်တာ နောက်ဆုံးမှာ ထိုင်တဲ့သူကို မှန်ပြီးတော့ သေဆုံးသွားတယ်” ဟု ဒေသခံတစ်ဦးက ပြောသည်။
ထိုသို့ စစ်ကောင်စီတပ်ပစ်ခတ်ခြင်းကြောင့် သေဆုံးသွားသူမှာ ချင်းတိုင်းရင်းသား Tg. Lian Mun Sing ဖြစ်ပြီး နောက်ကြောတွင် သေနတ်ထိမှန်ကာ ပွဲချင်းသေဆုံးခဲ့ခြင်းဟု သိရသည်။
စစ်ကောင်စီတပ်ဖွဲ့များသည် ကလေးမြို့ လမ်းဆုံလမ်းခွများတွင် နေရာယူကာ အသွားအလာစစ်ဆေးခြင်း ငွေကြေးများ ကောက်ခံခြင်းများအား ပြုလုပ်ကာ ယခုရက်ပိုင်းတွင် တာဟန်း AG ဘုရားကျောင်းဘေး၊ လက်ပံချောင်းလမ်းခွဲတွင် နေရာယူကာ အသွားအလာ စစ်ဆေးရေး သောင်းကျန်းနေကြောင်း သိရသည်။
စစ်ကောင်စီတပ်များသည် အထူးသဖြင့် ဆိုင်ကယ်များအား စစ်ဆေးကာ မသင်ကာသည့်လူများအား ဖမ်းဆီးမှုများပြုလုပ်ပြီး ငွေကြေးများဖြင့် ပြန်လည်ရွေးခိုင်းကြောင်းလည်း သိရသည်။
“သူတို့ကတော့ သူတို့ သံသယဝင်တဲ့လူတွေကို လိုက်ဆွဲ ဖမ်းတယ်၊ အပစ်မဲ့ပြည်သူတွေကို ဖမ်းတယ်၊ ပိုက်ဆံနဲ့ပြန်ရွေးခိုင်းတယ်ပေါ့။ သူတို့အတွက် ဝင်ငွေက ဒီတစ်လမ်းပဲရှိတာဆိုတော့လေ။ စစ်ဆေးလို့ အပစ်မရှိတာတောင်မှ ပိုက်ဆံတောင်းတယ်၊ ငွေညှစ်တာပေါ့ဗျာ” ဟု ကလေးမြို့ ဒေသခံ အမျိုးသားတစ်ဦးက ပြောသည်။
ယခုတလော ကလေးမြို့ပေါ်မှာ နေ့စဉ်နဲ့အမျှ ဖမ်းဆီးမှုများ ခပ်စိပ်စိပ်ကြုံတွေ့နေရပြီး မြို့ပေါ်တွင် ရှောင်တခင် စစ်ဆေးမှုများပြုလုပ်ကာ ဒေသခံပြည်သူများသည် ရိုက်နှက်ခြင်း၊ အကြောင်းမရှိအကြောင်းရှာကာ ဖမ်းဆီးမှု များကြုံေတွ့ေနရေကြာင်း ကလေးမြို့ ဒေသခံတစ်ဦးက ပြောသည်။
