(002MG)
စစ်ရေးအခြေအနေတင်းမာနေသော ကလေးမြို့တွင် စစ်ကောင်စီက စစ်မှုထမ်းအပတ်စဉ် ခေါ်ယူရာမှာ လူငယ်များကို ဖမ်းဆီးကာ အတင်းအဓမ္မ တပ်သားစုဆောင်းမှုရှိနေသောကြောင့် မိဘပြည်သူများ၏ စိုးရိမ်ပူပန်မှု မြင့်တက်နေသည်ဟု သိရသည်။
ဒေသကွပ်ကဲမူစစ်ဌာနချုပ်ရှိရာ ကလေးမြို့တွင် မေလဆန်းပိုင်းကစ၍ စစ်ကောင်စီက စစ်မှုထမ်းအပတ်စဉ် (၁) နှင့် (၂) အထိ ဖွင့်လှစ်ခဲ့ပြီဟုသိရသည်။
ယင်းစစ်မှုထမ်းသင်တန်းတွင် တက်ရောက်နေသူအများစုမှာ စစ်တပ်ထောက်ခံသူများနှင့် မြို့တွင်း ပေါ်တာဆွဲဖမ်းဆီးခံရသူအများဆုံးပါဝင်ကြသောကြောင့် သားသမီးများအတွက် စိုးရိမ်ပူပန်နေရသည်ဟု ကလေးမြို့ အောင်သစ္စာရပ်ကွက်သူနေထိုင်သူ အမျိုးသမီးတဦးက ပြောသည်။
”ကိုယ့်ဆန္ဒ သဘောနဲ့မရှိကြပါဘူး သူတို့ဆွဲပြီးမှ တက်ခိုင်းတဲ့ဟာမျိုးပဲရှိတာ။ အဲ့လိုမျိုးဆွဲဆွဲ ပြီးမှ မိဘတွေနဲ့ ဆက် သွယ်မရဘူး၊ ကျမတို့ရပ်ကွက်ထဲက အမျိုးသားရော၊အမျိုးသမီးရော စာရင်းကောက်သွား တဲ့အိမ်က လူငယ်တွေ ကိုဆိုရင် သူတို့မိဘတွေက အိမ်မှာ မထားတော့ဘူး၊ လွတ်ရာ လွတ်ကြောင်း ပို့လိုက်တယ်၊ တကယ်လို့ လာလို့စစ်လို့ မတွေ့လို့ မိဘတွေကို ပြဿနာရှာရင်လည်း ကိစ္စမရှိဘူးဆို ပြီး အဲ့လိုနေတဲ့မိဘတွေများတယ်” ဟုပြောသည်။
စစ်ကောင်စီသည် ကလေးမြို့ပေါ် ရပ်ကွက်တချို့တွင်လည်း စစ်မူထမ်းရန်အသက်ပြည့်မီသည့် အမျိုးသား၊အမျိုး သမီး စာရင်းများကို ရပ်ကွက်အုပ်ချုပ်ရေးမူများထံမှတဆင့် ကောက်ခံနေသည့်အပြင် ညနေ (၆) နာရီ နောက်ပိုင်း သွားလာ သောလူငယ်များအား အဓိကပစ်မှတ်ထား တပ်သားစုဆောင်း ဖမ်းဆီးခြင်းများ ပြုလုပ်နေသည်ဟုသိရသည်။
ဧည့်စာရင်းစစ်မည်ဟု အကြောင်း ပြုကာ လူငယ်များအား အိမ်တိုင်ရာဝင်ရောက်ဖမ်း ဆီးခြင်း၊ မြို့တွင်း စစ်ဆေးရေး ဂိတ်တို့တွင် ဖမ်းဆီးမှုများလာခြင်းကြောင့် မိဘပြည်သူများအနေဖြင့် သားသမီးများကို လွတ်မြောက်ရာဒေသကို စေလွှတ်သူများလာကြောင်း မိခင်တစ်ဦးက ပြောသည်။
“စာရင်းကတောင်ဇလပ်ရပ်ကွက်ဖက်တော့ ကောက်တာမရောက်သေးပေမယ့် သားရှိတော့ သူ့တွက်စိတ်ပူ နေရတယ်၊ နယ်စပ်ဖက်သွားခိုင်းမလို့၊ အခုလည်း ရပ်ကွက်ထဲက လူငယ် တော်တော်များ များသွားနေပြီ” ဟု အဆိုပါမိခင်က ပြောသည်။
လက်ရှိကလေးမြို့ပေါ်တွင် စစ်ကောင်စီတပ်ဖွဲ့သည် မြို့တွင်းလုံးခြုံရေးစစ်ဆေးမှုများတင်းကြပ်စွာ ပြုလုပ်လာ သည့်အ ပြင် ကလေးမြို့နယ်မြောက်ပိုင်းတွင်း ဒေသကာကွယ်ရေးပူးပေါင်းတပ်ဖွဲ့နှင့် စစ်ရေးတင်းမာနေဆဲ သည်ဟု သိရသည်။
