(004SS)
စစ်ကိုင်းတိုင်း ကလေးမြို့မှ ချင်းပြည်မြောက်ပိုင်းသို့သွားရာ အဓိကလမ်းကမကြီး ကလေး-သိုင်းငင်း ကားလမ်းကို ဒေသကာကွယ်ရေးတပ်ဖွဲ့ဘက်က ပြန်ဖွင့်ပေးခဲ့ပြီးဖြစ်သော်လည်း စစ်ကောင်စီတပ်ဖွဲ့က ကိုးမိုင်စစ်ေဆးရေးဂိတ်မှ ပိတ်ထားပြီး ဖြတ်သန်းခွင့်မပြုကြောင်း သိရသည်။
“ကျွန်တော်က သိုင်းငင်းလမ်းဖွင့်ပြီဆိုတော့ ချင်းတောင်ဘင်တက်မယ်ပေါ့ ပြင်ဆင်ပြီးပြီ စစ်တပ်က ဂိတ်ကနေ ကားတွေ ထွက်ခွင့်မပေးဘူးဆိုလို့ ပြန်နေလိုက်ရတယ်” ဟု ကလေးမြို့နေ ဒေသခံတစ်ဦးက ပြောသည်။
သိုင်းငင်းကျေးရွာက စစ်ကောင်စီတပ်စခန်းကို ချင်းကာကွယ်ရေးပူပေါင်းတပ်ဖွဲ့များက ဇန်န၀◌ါရီလ ၁၆ ရက်က အပြီးသတ် သိမ်းပိုက်ခဲ့ပြီးနောက် ဇန်နဝါရီ ၂၂ ရက်ကစပြီး ၂ လကျော်ကြာ ပိတ်ထားခဲ့သည့် ကလေး – သိုင်ငင်းလမ်းမကြီးကို ပြန်လည်အသုံးပြု၍ရပြီဖြစ်ကြောင်း CDF-CDM Siyin က ထုတ်ပြန်ခဲ့သည်။
သို့သော်လည်း စစ်ကောင်စီတပ်ဖွဲ့က ချင်း-စစ်ကိုင်းအစပ် ခိုင်ကမ်းမြို့အနီး ကိုးမိုင်စစ်ဆေးရေးဂိတ်ကို သံဆူးကြိုးများချထားကာ ကလေးမြို့မှ သိုင်ငဲင်းဘက်သို့တက်မည့် ယာဉ်အ၀င်/အထွက်အားလုံးကို ပိတ်ပင်လိုက်ခြင်းဖြစ်သည်ဟု သိရသည်။
“ကိုးမိုင်ကနေ သိုင်းငင်းဘက်ကို ဘယ်သူ့ကိုမှ မသွားခိုင်းဘူးေပါ့၊ ကိုးမိုင်နဲ့ ခိုင်ကမ်းကိုတော့ သွားလာခွင့်ပေးတယ်၊ ပြီးတော့ သူတို့ရဲ့စစ်ဆေးရေးဂိတ်ရောက်ရင် ဆိုင်ကယ်တွေဆို ဆင်းပြီးတွန်းရတာပေါ့။ နောက် ဆိုင်ကယ်နဲ့ ပစ္စည်းတင်ရင် ပိုက်ဆံ ၅၀၀၀ တောင်းတယ်” ဟု ဆိုင်ကယ်ဖြင့် ခရီးသွားသူတစ်ဦးက ပြောသည်။
ထို့သို့ ကလေး-သိုင်းငင်းလမ်းမအား စစ်ကောင်စီတပ်က ပိတ်ထားသည့်အတွက် ကလေးမြို့မှ ချင်းတောင်သို့သွားမည့် ခရီးသွားပြည်သူများသည် ရှောင်ကွင်းလမ်းမှ သွားကြရပြီး ကလေးမြို့- တီးတိန် ယာဉ်စီးခ တစ်ဦးမှာ ကျပ် ၇၀၀၀၀ နှင့် ကလေး-ဟားခါး ယာဉ်စီးခ တစ်ဦးမှာ ကျပ် တစ်သိန်းခွဲဝန်းကျင်အထိ ကုန်ကျေနကြောင်း သိရသည်။
ထို့ကြောင့် စားသောက်ကုန်ပစ္စည်းများအတွက် ကလေးမြို့အား အဓိကအားထားသည့် တီးတိန်မြို့တွင် ကုန်ဈေးနှုန်းများ အဆမတန် မြင့်တက်သောကြောင့် ကလေးမြို့မှ မှာယူခြင်းထက် အိန္ဒိယဘက်မှသာ ကုန်ပစ္စည်းများ မှာယူနေကြရကြောင်း တီးတိန်မြို့ ဒေသခံများထံမှ သိရသည်။
