Close Menu
  • Home
  • Featured
  • English
  • Headline
  • About Us
Facebook X (Twitter) Instagram
Khonumthung Media Group
Khonumthung Ad
  • Home
  • Featured
  • English
  • Headline
  • About Us
Khonumthung Media Group
You are at:Home»Khonumthung»မတူပီအခြေစိုက် ချင်းတပ်ဖွဲ့ အချင်းချင်းကြား စစ်ကြောင်းထိုး ဖမ်းဆီးမှု ဖြစ်ပွား

မတူပီအခြေစိုက် ချင်းတပ်ဖွဲ့ အချင်းချင်းကြား စစ်ကြောင်းထိုး ဖမ်းဆီးမှု ဖြစ်ပွား

0
By Editor on July 11, 2025 Khonumthung

(006SV)

ချင်းပြည်နယ်တောင်ပိုင်း၊ မတူပီမြို့နယ်အတွင်း မတူပီ- လိုင်လင်းပီလမ်းမဘက်ရှိ ချင်းလဲန်းကာကွယ်ရေးတပ်ဖွဲ့ – မတူပီ၊ တပ်ရင်း – ၃ ထိန်းချုပ်ဒေသကို MRO/ Chin Defense Force – မတူပီက အင်အားအလုံးအရင်းဖြင့် စစ်ကြောင်းထိုးပြီး တပ်ဖွဲ့ဝင်တချို့ကို ဖမ်းဆီးသွားကြောင်း ချင်းလဲန်းကာကွယ်ရေးတပ်ဖွဲ့ – မတူပီထံမှ သိရသည်။

ဇူလိုင်လ ၁၀ ရက် ညနေ ၆ နာရီခန့်က MRO/ Chin Defense Force – မတူပီ နှင့်မဟာမိတ်တပ်ဖွဲ့ဝင် အင်အား ၆၀ ခန့်သည် ချင်းလဲန်းကာကွယ်ရေးတပ်ဖွဲ့ – မတူပီ ထိန်းချုပ်ဒေသကို စစ်ကြောင်းထိုးခြင်းဖြစ်သည်ဟု ချင်းလဲန်းကာကွယ်ရေးတပ်ဖွဲ့ – မတူပီ ပြောရေးဆိုခွင့်ရှိသူ ဆလိုင်းနိုင်ဂျွန်ကိန်းက ပြောသည်။

“ကျနော်တို့ နေရာမှာ သူတို့ စစ်ကြောင်းလာထိုးတာ ညကပါ၊၊ ကျနော်တို့ တွေ့ဆုံတဲ့အချိန်မှာလည်း ဒီကိစ္စတွေကို ခဏ၊ ခဏ ပြောတယ်။ ကိုယ်ရှိတဲ့ နေရာကနေ ရှေ့မတိုးဖို့ဆိုတာ ကျနော်တို့ သဘောတူညီချက်လည်း အများကြီး ရှိခဲ့ပြီးသာ။ ဘာကြောင့် ဒီလို လုပ်လာသလဲဆိုတာ ကျနော်လည်း မသိဘူး။ ကျနော်တို့ လူတွေကိုလည်း ဖမ်းထားတယ်။ ကျနော်တို့ ပစ်ချင်ပေမယ့်လည်း အချင်းချင်းပစ်ခတ်မှုတွေ လုံးဝ ရှောင်ရှားမယ်ဆိုတာ စွဲကိုင်ထားတယ်။ ဒီလက်နက်မပါဘဲနဲ့‌ တွေ့ဆုံမှုတွေ လုပ်မယ်၊ ဆွေးနွေးမှု တွေ လုပ်မယ်ဆိုတဲ့ဟာကို ကျနော်တို့ စွဲကိုင်ထားတဲ့အတွက်ကြောင့် ကျနော်တို့ မပစ်ပဲနေခဲ့တာ” ဟု ဆလိုင်းနိုင်ဂျွန်ကိန်းက ပြောသည်။

MRO/ Chin Defense Force – မတူပီက ဖမ်းဆီးသွားသော ရဲဘော်အရေအတွက်ကို အတိအကျ အတည်ပြု ပြောဆိုခြင်း မရှိပေ။

ချင်းလဲန်းကာကွယ်ရေးတပ်ဖွဲ့ – မတူပီအနေဖြင့် မိမိတို့၏ လူများ ဖမ်းဆီးခံထားရသောကြောင့် တင်းမာမှုများ ဖြစ်ပွားနေပြီး MRO/ Chin Defense Force – မတူပီက နောင်တွင် ဆင်ဆင်ခြင်ခြင်လုပ်ရန် လိုလိမ့်မည်ဖြစ်ကြောင်း၊ မိမိတို့ သည်းခံမှု များနေခြင်းကြောင့် MRO မှ ပြုလုပ်လာနေခြင်းဖြစ်သည်ဟု ဆလိုင်းနိုင်ဂျွန်ကိန်းက ပြောသည်။

ချင်းလဲန်းကာကွယ်ရေးတပ်ဖွဲ့ – မတူပီ၊ တပ်ရင်း – ၃ ထိန်းချုပ်ဒေသကို MRO/ Chin Defense Force – မတူပီနှင့် အတူ မည်သည့်မဟာမိတ်အဖွဲ့အစည်းများ ပါဝင်နေသည်ကို အတည်ပြုနိုင်ရန် စုံစမ်းနေဆဲဖြစ်သည်ဟု သိရသည်။

ယင်းဖြစ်စဉ်နှင့်ပတ်သက်၍ MRO/ Chin Defense Force – မတူပီ ပြောရေးဆိုခွင့်ရှိသူ ကိုဘွေအုတ်ထံ ဆက်သွယ်မေးမြန်းရာ မသိရသေးကြောင်း ပြောသည်။

MRO/ Chin Defense Force – မတူပီသည် ICNCC နှင့် ချင်းညီနောင်အဖွဲ့ဝင်ဖြစ်ပြီး ချင်းလဲန်းကာကွယ်ရေးတပ်ဖွဲ့ – မတူပီသည် ချင်းလဲန်းကောင်စီ၊ ချင်းပြည်အစိုးရအဖွဲ့ဝင်ဖြစ်သည်။

Share. Facebook Twitter Pinterest LinkedIn Tumblr Email
Editor
  • Website

Related Posts

ZCDF- Zo Army ကော်မတီကို အသစ်ပြန်လည်ဖွဲ့စည်း

အမဲလိုက်ရာမှ သားကောင်ဟု အထင်မှားပစ်ခတ်မိ၍ ချင်းအမျိုးသားတစ်ဦး သေဆုံး

စိတ်ဝေဒနာ ခံစားရမှုကြောင့် ဆယ်စုနှစ်တစ်ခုကျော်ကြာ အိမ်အောက်တွင် သီးခြားနေထိုင်ခိုင်းသည့် ချင်းလူငယ်တစ်ဦး အသိစိတ်ပြန်ဝင်လာပြီး စကားစပြောလာ

Leave A Reply Cancel Reply


The reCAPTCHA verification period has expired. Please reload the page.

  • Featured Article
November 4, 2026

“ကျူးလွန်ခံရတဲ့ လူတိုင်းက တရားမျှတမှုကို လိုလားပြီး တောင်းတနေကြတယ်”

September 17, 2026

Palangvum (သို့) ပလက်ဝတွင် ဘာတွေဖြစ်နေလဲ

September 4, 2026

ကလေးမြို့က သားသည်မိခင်တို့၏ ညစဉ်ခြောက်လှန့်အိပ်မက်နှင့် ပေါ်တာဆွဲမှု အရေခြုံစစ်မှုထမ်းဥပဒေ

August 26, 2026

“ဒဏ်ရာများထက် ပိုမိုတောက်ပသော အနာဂတ်အတွက် ပေးဆပ်မှု”

Ads
Leaderboard Ad
Archives
Leaderboard Ad
–
Leaderboard Ad
  • Featured Article
November 13, 2026

ချင်းပြည်အစိုးရအဖွဲ့ အစည်းအဝေးမှာ လမ်းတံတားပြုပြင်ရေး၊ စစ်ဘေးရှောင်အရေးအပါအဝင် အချက် ၁၄ ချက်ကို ဆုံးဖြတ်ခဲ့ဟု ဆို

November 13, 2026

မင်းတပ်မြို့အနောက်ခြမ်းရှိ ကျေးရွာနှင့် နေရာတချို့ ဗုံးကြဲခံရ၊ ပြည်သူ ၂ ဦး သေဆုံး၊ ကလေးငယ်များ အပါအဝင် ၃ ဦး ဒဏ်ရာရ

November 13, 2026

ZCDF- Zo Army ကော်မတီကို အသစ်ပြန်လည်ဖွဲ့စည်း

November 12, 2026

၃ နှစ်ကျော်စစ်ရှောင်သော စက္ကန့်ကျေးရွာပြည်သူတချို့နေရပ်ပြန်၊ နေအိမ်အများစုမီးလောင်ပြာကျသည့်အတွက် ယာယီတဲထိုးကာ နေထိုင်ကြရ

Copyright © 2015 Khonumthung News Group. Design & Developed by ExL.

Copyright © 2015 Khonumthung News Group. Design & Developed by ExL.

Type above and press Enter to search. Press Esc to cancel.