Close Menu
  • Home
  • Featured
  • English
  • Headline
  • About Us
Facebook X (Twitter) Instagram
Khonumthung Media Group
Khonumthung Ad
  • Home
  • Featured
  • English
  • Headline
  • About Us
Khonumthung Media Group
You are at:Home»Khonumthung»မရာလူမျိုးတိုင်း စစ်မှုထမ်းရမည်ဟု MTC/ MDF ကြေညာ

မရာလူမျိုးတိုင်း စစ်မှုထမ်းရမည်ဟု MTC/ MDF ကြေညာ

0
By Editor on April 8, 2026 Khonumthung

ရကားရွာမှာ ကျင်းပသည့် ရွာပေါင်းစုံဘောလုံးပြိုင်ပွဲမှာ မရာလူငယ်အများအပြား စစ်မှုထမ်းရန် ခေါ်ဆောင်ခံရဟုဆို

(006SV)

ချင်းပြည်နယ်၊ မရာဒေသတွင် စစ်ကော်မရှင်တပ်အပါအဝင် ရန်သူအမျိုးမျိုး၏ ရန်မှ ကာကွယ်နိုင်ရေး အင်အား ဖြည့်တင်းရန် အရေးပေါ်လိုအပ်နေသည့်အတွက် မရာလူမျိုးတိုင်း စစ်မှုထမ်းရမည်ဟု MTC/ MDF က ယနေ့ဧပြီလ ၈ ရက်မှာ ကြေညာသည်။

မရာဒေသနယ်မြေလုံခြုံရေးနှင့် ဆက်စပ်သည့် စစ်မှုထမ်း ဥပဒေကို ဒုတိယအကြိမ်၊ မရာပြည်သူ့ညီလာခံသက်တမ်း၊ ဒုတိယအကြိမ် ဗဟိုကောင်စီအစည်းအဝေးတွင် မရာဒေသအတွင်း နေထိုင်သော သတ်မှတ်ထားသည့် အသက်ပြည့် ပြီးသူ မရာလူမျိုးတိုင်း စစ်မှုထမ်းရန် ဆုံးဖြတ်ခဲ့သည်ဟု မရာနယ်မြေအုပ်ချုပ်ရေးကောင်စီ/ မရာလဲန်း ကာကွယ်ရေး တပ်ဖွဲ့ (MTC/ MDF) က ထုတ်ပြန်သည်။

“ဒီဟာက ပြီးခဲ့တဲ့ တစ်နှစ်ကျော်ကတည်းက ကျနော်တို့ ပြဌာန်းထားပြီးသားပါ” ဟု MTC/ MDF ပြောရေးဆိုခွင့်ရှိသူ ကိုဓူဝံက ပြောသည်။

ဗဟိုကောင်စီအစည်းအဝေး၏ ဆုံးဖြတ်ချက်ကို အကောင်အထည်ဖော်နေခြင်းဖြစ်၍ မရာလူထုတစ်ရပ်လုံးက MTC/ MDF ၏ လုပ်ငန်း အကောင်အထည်ဖော် ဆောင်ရွက်နေမှုများကို ပူးပေါင်းပါဝင်ကြရန်နှင့် အရွယ်ရောက်ပြီးသူတိုင်း စစ်မှုထမ်းရန် အသိပေးသည်။

လက်ရှိတွင် စစ်ကော်မရှင်တပ်သည် အင်အားစုဆောင်း၍ တော်လှန်ရေးတပ်ဖွဲ့များ ထိန်းချုပ်ထားသည့် နယ်မြေများကို မြေပြင်၊ ဝေဟင်မှ အပြင်းအထန် ထိုးစစ်ဆင်နေပြီး နယ်မြေပြန်လည် ထိန်းချုပ်ရန် ကြိုးပမ်းနေသည့် ကာလ ဖြစ်သည်ဟု MTC/ MDF က ဆိုသည်။

တော်လှန်ရေးတပ်ဖွဲ့များအနေဖြင့်လည်း စစ်ကော်မရှင်တပ်၏ ထိုးစစ်ကို ခုခံတွန်းလှန်နိုင်ရန် ပြင်ဆင်နေသည့် ကာလ ဖြစ်သည့် အတွက် စစ်ကော်မရှင်တပ်ကို ခုခံတွန်းလှန်နိုင်ရန်နှင့် ရန်သူအမျိုးမျိုး၏ ရန်မှ ကာကွယ်နိုင်ရန် အင်အား ဖြည့်တင်းရန် အရေးပေါ် လိုအပ်နေသည်ဟု MTC/ MDF ထံမှ သိရသည်။

ဧပြီလ ၄ ရက်က၊ ပလက်ဝမြို့နယ်၊ မရာဒေသရှိ ရကားရွာတွင် ဘောလုံးပွဲကျင်းပနေစဉ် MTC/ MDF တပ်ဖွဲ့သည် လက်နက် လူအင်အားအပြည့်အစုံ နှင့် ရောက်ရှိလာပြီး ကလေးငယ်များအပါအဝင် မရာလူငယ် ၁၀၀ ကျော်ကို စစ်မှုထမ်းရန် ခေါ်ဆောင် သွားကြောင်း၊ လူငယ်များကို ပြန်လည် လွတ်ပေးခြင်း မရှိသေးကြောင်း သတင်းများ ထွက်ပေါ်နေသည်။

ယင်းသို့ မရာလူငယ်များ အစုအပြုံလိုက် ခေါ်ဆောင်ခြင်း ခံရသည်ဟု သတင်းများ ထွက်ပေါ်လာပြီးနောက် ယနေ့ ဧပြီလ ၈ ရက် တွင် မရာလူမျိုးတိုင်း စစ်မှုထမ်းထမ်းရမည်ဟု ကြေညာချက် ထုတ်ပြန်လာသည်၊ ယင်းဖြစ်စဉ်ကို MTC/ MDF တာဝန်ရှိသူများထံ ခိုနူမ်းသုန်သတင်းဌာနက ဆက်သွယ်မေးမြန်းသော်လည်း မရသေးပါ။

MTC/ MDF တာဝန်ရှိသူတစ်ဦးကတော့ ကျေးရွာ ပေါင်းစုံ လူငယ်ဘောလုံး ပြိုင်ပွဲအတွင်း မရာလူငယ်များကို စစ်မှုထမ်းရန်အတွက် မရာလူထုက ပေးအပ်သည့် တာဝန်အရ စစ်မှုထမ်းစာရင်းဝင်သူများကို ခေါ်ဆောင်သည်မှာ မှန်ကန်ကြောင်း မတူပီတိုင်မ်း သတင်းဌာနကို အတည်ပြုဖြေကြားထားသည်။

MTC/ MDF သည် အာဏာရှင်စနစ် မှန်သမျှ တွန်းလှန်ရေး၊ ကိုယ့်ကြမ္မာကိုယ် ဖန်တီးရေးနှင့် ဖက်ဒရယ်ဒီမိုကရေစီ နိုင်ငံတော်သစ် ပေါ်ပေါက်လာရေးအတွက် ညီနောင်မဟာမိတ်များနှင့်အတူ တိုက်ပွဲဝင်နေသည့် ချင်းတော်လှန်ရေးအဖွဲ့ ဖြစ်သည်။

ချင်းပြည်နယ်၊ မရာဒေသတွင် MTC/ MDF နှင့် IMC/ CDF – မရာ ဟူ၍ ချင်းတော်လှန်ရေးတပ်ဖွဲ့ ၂ ဖွဲ့ ရှိနေရာ ယင်း နှစ်ဖွဲ့စလုံးသည် စစ်မှုထမ်းရန် တပ်သားသစ် ဖိတ်ခေါ်စုဆောင်းနေသည်ဟု သိရသည်။

Share. Facebook Twitter Pinterest LinkedIn Tumblr Email
Editor
  • Website

Related Posts

ZCDF- Zo Army ကော်မတီကို အသစ်ပြန်လည်ဖွဲ့စည်း

အမဲလိုက်ရာမှ သားကောင်ဟု အထင်မှားပစ်ခတ်မိ၍ ချင်းအမျိုးသားတစ်ဦး သေဆုံး

စိတ်ဝေဒနာ ခံစားရမှုကြောင့် ဆယ်စုနှစ်တစ်ခုကျော်ကြာ အိမ်အောက်တွင် သီးခြားနေထိုင်ခိုင်းသည့် ချင်းလူငယ်တစ်ဦး အသိစိတ်ပြန်ဝင်လာပြီး စကားစပြောလာ

Leave A Reply Cancel Reply


The reCAPTCHA verification period has expired. Please reload the page.

  • Featured Article
November 4, 2026

“ကျူးလွန်ခံရတဲ့ လူတိုင်းက တရားမျှတမှုကို လိုလားပြီး တောင်းတနေကြတယ်”

September 17, 2026

Palangvum (သို့) ပလက်ဝတွင် ဘာတွေဖြစ်နေလဲ

September 4, 2026

ကလေးမြို့က သားသည်မိခင်တို့၏ ညစဉ်ခြောက်လှန့်အိပ်မက်နှင့် ပေါ်တာဆွဲမှု အရေခြုံစစ်မှုထမ်းဥပဒေ

August 26, 2026

“ဒဏ်ရာများထက် ပိုမိုတောက်ပသော အနာဂတ်အတွက် ပေးဆပ်မှု”

Ads
Leaderboard Ad
Archives
Leaderboard Ad
–
Leaderboard Ad
  • Featured Article
November 13, 2026

ချင်းပြည်အစိုးရအဖွဲ့ အစည်းအဝေးမှာ လမ်းတံတားပြုပြင်ရေး၊ စစ်ဘေးရှောင်အရေးအပါအဝင် အချက် ၁၄ ချက်ကို ဆုံးဖြတ်ခဲ့ဟု ဆို

November 13, 2026

မင်းတပ်မြို့အနောက်ခြမ်းရှိ ကျေးရွာနှင့် နေရာတချို့ ဗုံးကြဲခံရ၊ ပြည်သူ ၂ ဦး သေဆုံး၊ ကလေးငယ်များ အပါအဝင် ၃ ဦး ဒဏ်ရာရ

November 13, 2026

ZCDF- Zo Army ကော်မတီကို အသစ်ပြန်လည်ဖွဲ့စည်း

November 12, 2026

၃ နှစ်ကျော်စစ်ရှောင်သော စက္ကန့်ကျေးရွာပြည်သူတချို့နေရပ်ပြန်၊ နေအိမ်အများစုမီးလောင်ပြာကျသည့်အတွက် ယာယီတဲထိုးကာ နေထိုင်ကြရ

Copyright © 2015 Khonumthung News Group. Design & Developed by ExL.

Copyright © 2015 Khonumthung News Group. Design & Developed by ExL.

Type above and press Enter to search. Press Esc to cancel.