မီဇိုရမ်တွင် စစ်ဘေးရှောင်ရန်ပုံငွေအတွက် Hope Charity Concert ပြုလုပ်

Hope for Tomorrow အဖွဲ့၏ စီစဉ်မှုဖြင့် မီဇိုရမ်ရောက် စစ်ဘေးရှောင်ပြည်သူများအတွက် ရန်ပုံငွေဖျော်ဖြေရေး Hope Charity Concert ကို ဧပြီလ ၃၀ ရက်နေ့ညက အိုက်ဇောလ်မြို့ရှိ Vanapa Hall ခန်းမတွင် ပြုလုပ်ခဲ့ကြသည်။

Hope Charity Concert စစ်ဘေးရှောင်ရန်ပုံငွေပွဲတွင် ချင်း/မီဇိုး နာမည်ကြီးအဆိုတော်များဖြစ်ကြသည့် Shin Bia, K.Lalthlamuankimi, Angaihte, Marina V Varte, Maruati, Francis နှင့် Salai Ruatte တို့က ဖျော်ဖြေခဲ့ကြသည်။

Hope Charity Concert တွင် ဝင်ကြေးမရှိဘဲ လူတိုင်းအခမဲ့ကြည့်ရှုစေခဲ့ပြီး အွန်လိုင်းငွေပေးစနစ်နှင့် အလှူခံပုံများအားဖြင့် ရန်ပုံငွေထည့်ဝင်ခဲ့ကြသည်။