(005MK)
မီဇိုရမ်ပြည်နယ် အထွေထွေရွေးကောက်ပွဲမှာ အနိုင်ရရှိသော Zoram People’s Movement (ZPM) က အစိုးရသစ်ဖွဲ့ စည်းရန် ၀န်ကြီးချုပ်သစ် Pu Lalduhoma နှင့် သူ၏ ၀န်ကြီးများက ယနေ့မနက်ပိုင်း ၁၁ နာရီတွင် ကျမ်းသစ္စာကျိန်ဆို ခဲ့သည်ကြသည်။
ကျမ်းသစ္စာကျိန်ဆိုသည့်အခမ်းအနားကို မီဇိုရမ်ပြည်နယ် မြို့တော် အိုင်ဇောလ်မြို့ အုပ်ချုပ်ရေးမှူး (Governor) အမ်ယာ Raj Bahwan တွင် ယနေ့ မနက်ပိုင်း ၁၁ နာရီက ကျင်းပခဲ့ကြပြီး ၀န်ကြီးချုပ် Pu Lalduhoma ၊ ၀◌န်ကြီးများအဖွဲ့ (Cabinet of Ministers) ၇ ဦး၊ ပြည်နယ်၀န်ကြီး (Minister of State) ၄ ဦးနှင့် လွှတ်တော်ဉက္ကဌ (Speaker) တို့မှ ကျမ်းသစ္စာကျိန်ဆိုခဲ့ကြသည်။
မီဇိုရမ်ပြည်နယ် ၀◌န်ကြီးချုပ် Pu Lalduhoma သည် India Police Service (IPS) အရာရှိတစ်ဦးလည်းဖြစ်ပြီး အိန္ဒိယ ၀◌န်ကြီးချုပ်ဟောင်း Indira Gandhi ၏ လုံခြုံရေးအရာရှိဖြစ်ခဲ့ဖူးသူဖြစ်သည်။ ထို့အပြင် အိန္ဒိယအစိုးရနှင့် မီဇိုးတော် လှန်ရေးတပ်ဖွဲ့ Mizo National Front (MNF) တို့ငြိမ်းချမ်းရေးစာချုပ် ချုပ်ဆိုနိုင်ရေးအတွက်အဓိက ဆောင်ရွက်ခဲ့သူ ထဲက တစ်ဦးလည်းဖြစ်သည်။
သူသည် India Police Service (IPS) မှအနားယူပြီးနောက် နိုင်ငံရေးလောကတွင် ၁၉၈၄ ခုနှစ်ကစ၍ ခြေစုံပစ်၀◌င်ကာ ယခုအခါမီဇီုရမ်ပြည်နယ်တွင် ၀ါအရင့်ဆုံးနိုင်ငံရေးသမားထဲက တစ်ဦးဟုဆိုနိုင်သူဖြစ်သည်။
သူသည် အိန္ဒိယ-မြန်မာ-ဘဂ်လားဒေရှ့် ၃ နိုင်ငံမှာ ခွဲခြားအုပ်ချုပ်ခြင်းခံခဲ့ရသော ချင်း-လူရှိုင်း-ကူကီးမျိုးနွယ်စုများ ပြန်လည်ပေါင်းစည်းရေး လိုလားသူတစ်ဦးဖြစ်သည်။
မြန်မာနိုင်ငံမှာ စစ်အာဏာသိမ်းမှုမဖြစ်ပွားခင် NLD အစိုးရလက်ထက်တုန်းကလည်း ရန်ကုန်၊ ကလေးမြို့တို့တွင် သွားရောက်ကာ မြန်မာဘက်မှာနေထိုင်ကြသော ချင်းမျိုးနွယ်စုများနှင့်တွေ့ဆုံကာ ချင်း-လူရှိုင်း-ကူကီး မျိုးနွယ် စုများပြန်လည်ပေါင်းစည်းရေးများ ဟောပြောဆွေးနွေးခဲ့ဖူးသည်။
ယနေ့ကျမ်းသစ္စာကျိန်ဆိုသည့် မီဇိုရမ်ပြည်နယ်အစိုးရသစ် Cabinet of Ministers ၇ ဦးမှာ Pu K. Sapdanga, Pu Vanlalthlana, Pu C. Lalsawivunga , Pu Lalthansanga , Dr. Vanlalthlana , Pu PC Vanlalruata နှင့် Pi Lalrinpuii တို့ဖြစ်ကြသည်။ Minister of State ၄ ဦးမှာ F. Rodingliana, B. Lalchhanzova , Prof. Lalnilawma, Lalnghinglova Hmar (Tetea) တို့ဖြစ်ကြပြီး Speaker မှာ Pu Lalfamkima ဖြစ်သည်။
ယနေ့ကျမ်းသစ္စာကျိန်ဆိုပွဲတွင် မီဇိုရမ်ပြည်နယ် ၀န်ကြီးချုပ်ဟောင်း ပူးလာလ်ထန်ဟောလ်အာ နှင့် ပူးဇိုးရမ်းထန်းငါ လည်း တက်ရောက်လာခဲ့ကြသည်။
မီဇိုရမ်ပြည်နယ်တွင် ပြီးခဲ့သည့် နို၀င်ဘာလ ၇ ရက်နေ့က ၉ ကြိမ်မြောက် ပြည်နယ်လွှတ်တော်ရွေးကောက်ပွဲကို ကျင်းပခဲ့ကြပြီး အတိုက်ခံပါတီဖြစ်သည့် Zoram People’s Movement (ZPM) က မဲဆန္ဒနယ်မြေ ၄၀ တွင် ၂၇ နေရာမှာအနိုင်ရရှိခဲ့ခြင်းဖြစ်သည်။
မီဇိုရမ်ပြည်နယ်တွင် အိန္ဒိယအမျိုးသားကွန်ကရက်ပါတီ (INC) နှင့် Mizo National Front (MNF) ပါတီ ၂ ခုက ၁၉၈၇ ခုနှစ်ကစ၍ မီဇိုရမ်ပြည်နယ်မှာ တလှည့်စီအစိုးရဖွဲ့စည်းကာ အုပ်ချုပ်လာခဲ့ကြပြီး ယခုအခါမှာတော့ အစိုးရကို တခါမျှ မဖွဲ့စည်းသေးသော ပါတီအသစ် Zoram People’s Movement (ZPM) ပါတီက ပထမဦး ဆုံးအကြိမ် အစိုးရဖွဲ့စည်းမှုကို မြင်တွေ့ရမည်ဖြစ်သည်။
