By မိုးကျော် – မီဇိုရမ်ပြည်နယ်တောင်ပိုင်း “လိုင်” ကိုယ်ပိုင်အုပ်ချူပ်ခွင့်ရခရိုင်ကောင်စီ (Lai Autonomous District Council (LADC) နယ်မြေအတွင်း မေလ (၈) ရက်နေ့တွင်ကျင်းပမည့် ကျေးရွာကောင်စီရွေးကောက်ပွဲတွင် ရခိုင်စစ်ဘေးရှောင်ပြည်သူများ ကိုယ်စားလှယ်လောင်းအဖြစ် ၀င်ရောက်ယှဉ်ပြိုင်ရန် ကြိုးပမ်းနေသည်ဟု ဆိုကာ လိုင်ကျောင်းသားအသင်း (Lai Students’ Association) မှ အပြင်း အထန်ကန့်ကွက်သည်ဟု ယမန်နေ့က ကြေညာချက်ထုတ်ပြန်လိုက်သည်။
မြန်မာ့တပ်မတော်နှင့် ရခိုင်လက်နက်ကိုင် (AA) တပ်ဖွဲ့အကြား ဖြစ်ပွားသည့် တိုက်ပွဲများကြောင့် မီဇိုရမ်ပြည်နယ်သို့ ထွက်ပြေးတိမ်းရှောင်လာကြသည့် ရခိုင်စစ်ဘေးရှောင်ပြည်သူများသည် ကျေးရွာကောင်စီရွေးကောက်ပွဲတွင် မဲထည့်ခွင့် နှင့် ကိုယ်စားလှယ်လောင်းအဖြစ် ၀င်ရောက်ရန်ကြိုးစားမှုများရှိနေပြီး ယင်းကိစ္စကို လိုင်ကျောင်းသားများအနေဖြင့် လုံးဝ လက်မခံကြောင်း ၎င်းတို့ကြေညာချက်တွင်ဖော်ပြထားသည်။
လိုင်ကျောင်းသားအသင်းဥက္ကဌ H Vanlaltanpuia က “ ဒီစစ်ဘေးရှောင်ပြည်သူတွေက မီဇိုရမ်ပြည်နယ်မှာ ၂ နှစ်/ ၃ နှစ်ပြင် မနေထိုင်ကြသေးပါဘူး၊ မကြာခင်ကျင်းပတော့မယ့် LADC ကောင်စီရွေးကောက်ပွဲမှာ ကိုယ်စားလှယ်လောင်းအနေနဲ့ ယှဉ်ပြိုင်ဖို့ ပြင်ဆင်နေတဲ့သူတွေရှိတယ်၊ မြန်မာဘက်ကနေ ထွက်ပြေးလာတဲ့ စစ်ဘေးဒုက္ခသည်တွေက ဒီနိုင်ငံသားတွေလို အခွင့်အရေးရဖို့ ကြိုးစားလာတာ ကျနော်တို့မလိုလားဘူး နောက်ဆုံးအချိန်ထိ ကျနော်တို့ ကန့်ကွက်သွားမယ်’’ ဟု မီဇိုရမ်အခြေစိုက် Vanglaini သတင်းစာတွင်ပြောကြားသည်။
လောင်တလိုင်မြို့နယ်အတွင်း ထွက်ပြေးလာကြသော စစ်ဘေးဒုက္ခသည်များကို Lai Students’ Association အနေဖြင့် ဂရုဏထားရှိကြောင်းနှင့် ကြိမ်ဖန်များစွာ ကူညီထောက်ပံ့ပေးခဲ့ကြောင်း သို့သော် ပြည်နယ် အုပ်ချုပ်မှုစနစ်တွင် ရောယှက်ပါဝင်လိုခြင်းကို လုံးဝကန့်ကွက်ကြောင်း၊ ယခုလို ဆက်လက်လုပ်ဆောင်ပါက ဒီပြည်နယ်အတွင်း ဆက်လက်နေထိုင်ရန် ဖြစ်နိုင်မည်မဟုတ်တော့ကြောင်း ၎င်းတို့ကြေညာချက်တွင်ပါရှိသည်။
နိုင်ငံရေးပါတီများအနေဖြင့်လည်း မိမိပါတီအနိုင်ရလိုမှုကိုသာကြည့်ပြီး စစ်ဘေးဒုက္ခသည်များအား မဲရရှိနိုင်ရေးကို မလုပ်ဆောင်သင့်ကြောင်း လိုင်ကျောင်းသားအသင်းက တောင်းဆိုထားသည်။
ယခုလက်ရှိ လောင်တလိုင်ခရိုင်တွင် ရခိုင်စစ်ဘေးဒုက္ခသည် ၂၀၀ ကျော်နေထိုင်သည်ဟု သိရသည်။
လောင်တလိုင်မြို့တွင်နေထိုင်သူ ချင်းအမျိုးသားတဦး B.Johna က စစ်ဘေးဒုက္ခသည်များတွင် မဲပေးနိုင်သူ (မီဇိုရမ်နိုင်ငံသားကဒ်ပြား) ရှိသူ အများအပြားရှိကြောင်းနှင့် သို့သော် ကိုယ်စားလှယ်လောင်း ရွေးကောက် တင်မြှောက်လိုသည့်အပေါ် လုံးဝမဖြစ်နိုင်ကြောင်း ယခုလို ပြောသည်။
“ဒီကိစ္စက လုံးဝမဖြစ်နိုင်ဘူး၊ ဘယ်လိုလုပ် စစ်ဘေးဒုက္ခသည်တွေ VC ရွေးကောက်ပွဲမှာ ကိုယ်စားလှယ်လောင်းရပ်နိုင်မလဲ၊ ဥပဒေအရလည်း မဖြစ်နိုင်ဘူး၊ ဒါကြောင့် ဘယ်သူမှ ကိုယ်စားလှယ်လောင်းအဖြစ် ရပ်မှာမဟုတ်ဘူး။ ဒါပေမယ့် အနေကြာတဲ့ ရခိုင်လူမျိုးများထဲမှာတော့ မဲပေးနိုင်တဲ့သူ (နိုင်ငံသားကဒ်ပြား) ရှိတဲ့သူ အများအပြားရှိတယ်။” ဟု ပြောသည်။
