ချင်းပြည်နယ် ဟားခါးမြို့တွင် အာဏာသိမ်းစစ်ကောင်စီတပ်မှ ဟားခါးထာရ်ရပ်ကွက်ရှိ နေအိမ်များအား ယနေ့ညနေပိုင်းတွင် ဝင်ရောက်စီးနင်းရှာဖွေပြီး ပါစတာတစ်ဦးအပါအဝင် အမျိုးသား ၇ ဦး ဖမ်းဆီးသွားကြောင်း သိရသည်။
“ပါစတာ ၁ ယောက်နဲ့ လူငယ် ၆ ယောက်လို့ဘဲ ကြားတယ် အဲ့တာတောင် အတိအကျသိပ်မသိကြဘူး ဒီနေ့မနက်က စစ်ကား ၂ စီး ရဲကားအကြီး ၂ စီး ကားအသေးမီးတန်းကား ၂ စီးနဲ့ ပတ်တယ်လို့တော့ကြားတယ် လူအင်အားများတယ်လို့ပြောတယ်” ဟု ဟားခါးမြို့ခံတစ်ဦးမှ ပြောသည်။
လက်ရှိတွင် စစ်ကောင်စီဘက်မှ မည်သည့်အတွက်ကြောင့် ဖမ်းဆီးသွားသည်ကို မသိရသေးဘဲ အဖမ်းခံရသူ ပါစတာမှာ ဆရာတော် Sang Awi ဖြစ်ကြောင်းသိရသည်။
ဟားခါးမြို့တွင် မေလ ၄ ရက်နေ့ညပိုင်း ပစ်ခတ်မှုကြောင့် စစ်ကောင်စီတပ်မှ မေးမြန်းစရာရှိသည်ဟုဆိုကာ အင်းဝဘဏ်အနီးရှိ နေအိမ်တစ်အိမ်မှ လူသုံးဦးအား မေလ ၅ ရက်နေ့မနက်ပိုင်းတွင် ဖမ်းဆီးခေါ်ဆော်ငသွားခဲ့ပြီး ညနေပိုင်းတွင် ပြန်လွှတ်ပေးခဲ့ကြောင်းသိရသည်။
