အိန္ဒိယ-မြန်မာနယ်စပ် ချင်းပြည်နယ် ရိခေါဒါရ်မြို့ပြင်တွင် သေဆုံးနေသော အမျိုးသားတစ်ဦး၏ ရုပ်အလောင်းကို အောက်တိုဘာလ ၁၁ နေ့က တွေ့ရှိခဲ့ကြသည်ဟု သိရသည်။
သေဆုံးသူမှာ အသက် ၂၇ နှစ်အရွယ် အောင်းဌေးမင်းဟုသိရပြီး ယမန်နေ့ မွန်းလွဲ့ပိုင်းက ရိခေါဒါရ်မြို့အမှတ် ၂ ရပ်ကွက် (တီယိုချောင်း) မှ ဟိုင်မွှလ်ရွာဘက်သွားသည့် ဆုတောင်းတောင်ဘက်တွင် ဒေသခံများက ရုပ်အလောင်းကို တွေ့ရှိခဲ့ကြခြင်းဖြစ်သည်။
ရုပ်အလောင်းတွင် ထိခိုက်ဒဏ်ရာဒဏ်ချက်များတွေ့ရပြီး အသတ်ခံရခြင်းဖြစ်နိုင်သည်ဟု ဒေသခံတစ်ဦးကပြောသည်။
အောင်းဌေးမင်းသည် ရိခေါဒါရ်မြို့အမှတ် (၂) ရပ်ကွက် တီးယိုချောင်းတွင်နေထိုင်သူဖြစ်ပြီး ဇနီးနှင့် ၄ နှစ်အရွယ်သမီး ကျန်ရစ်ခဲ့သည်ဟု သိရသည်။
