(005MK)
မီဇိုရမ်ပြည်နယ်တောင်ပိုင်း ရှာဟာခရိုင် အိန္ဒိယ-မြန်မာနယ်စပ်အနီးတွင် အာသံရိုင်ဖယ်နှင့် မီဇိုရမ်ရဲပူးပေါင်းတပ်ဖွဲ့က AK 47 ကျည်ဆံနှင့် ဖောက်ခွဲရေးလက်နက်များဖမ်းဆီးရမိသည်ဟု သိရသည်။
ရှာဟာခရိုင် Lungbun ကျေးရွာ အိန္ဒိယ-မြန်မာနယ်စပ်အနီးတွင် တရားမ၀◌င်လက်နက်ခဲယမ်းသယ်ယူမှုရှိသည်ဟု သတင်းရရှိထားချက်အရ အာသံရိုင်ဖယ်နှင့် ရှာဟာရဲတပ်ဖွဲ့တို့သည် အောက်တိုဘာလ ၈ ရက်မွန်းလွဲပိုင်း ၂ နာရီခန့်တွင် စစ်ဆေးမှု များဆောင်ရွက်ခဲ့ရာမှာ ဖမ်းဆီးရမိခြင်းဖြစ်သည်ဟု မီဇိုရမ်သတင်းဌာနတစ်ခုဖြစ်သည့် Bengvarna ကဖော်ြပသည်။
အာသံရိုင်ဖယ်နှင့် ရဲတပ်ဖွဲ့တို့သည် အမည်မသိလူ ၂ ဦးကို ရှာဖွေစစ်ဆေးမည့်အချိန်မှာ ကုလားတန်မြစ်တဖက်ကမ်း မြန်မာ ဘက်ခြမ်းသို့ထွက်ပြေးလွတ်မြောက်သွားကြီး ၎င်းတို့ကျကျန်ခဲ့သောအိတ်ထဲမှ အဆိုပါခဲယမ်းများကို ဖမ်းဆီးခဲ့ခြင်းဖြစ် သည်။
ဖမ်းဆီးရမိသည့် ခဲယမ်းများမှာ ဖောက်ခွဲရေးကိရိယာ Geletine အချောင်း ၁၀၀၊ Detonator အချောင်း ၁၀၀၊ AK 47 ကျည်ဆံ ၁၅၀ ၊ ၀◌ိုယာကြိုး ၁၀ မီတာ နှင့် ဘက်ထရီ ၁၀ လုံးတို့ဖြစ်သည်ဟု Bengvarna ကဖော်ပြသည်။
ယခုဖမ်းဆီးရမိသော လက်နက်ခဲယမ်းများကို ရှာဟာမြို့ရဲတပ်ဖွဲ့ထံသို့ အမှုဖွင့်အပ်နှံကာ ယင်းအမှုနှင့် ပတ်သက်ဆက်နွယ်သူများအား စုံစမ်း ရှာဖွေလျက်ရှိသည်ဟု သိရသည်။
