(002MG)
စစ်ကိုင်းတိုင်း၊ ကလေးမြို့အကျဉ်းထောင်မှ နိုင်ငံရေးအကျဉ်သား (၂၃) ဦးအပါအဝင် အကျဉ်းသူ၊ အကျဉ်းသား (၃၃) ဦး လွတ်မြောက်လာသည်ဟု ကလေးမြို့နိုင်ငံရေးအကျဉ်းသားနဲ့ နီးစပ်သူထံမှ သိရသည်။
“ဒီနေ့ ၃၃ ယောက်လွတ်တယ်။ နိုင်/ကျဥ်းက မိန်းကလေး နှစ်ယောက်၊ ယောကျားလေး ၂၁ ယောက်ပါ။ ဘယ်သူတွေ လည်းဆိုတာ စုံးစမ်းနေတုန်းပါ” ဟု ပြောသည်။
အာဏာသိမ်းစစ်တပ်သည် ယနေ့မြန်မာနှစ်ဆန်းတစ်ရက်နေ့ အထိမ်း အမှတ်အဖြစ် အကျဉ်းထောင်အ သီးသီးတွင် ပြစ်ဒဏ်ကျခံနေရသည့် အ ကျဉ်းသား၊ အကျဉ်းသူ (၄၃၃၅) ဦးအား ရာဇဝတ် ကျင့်ထုံးဥပဒေ ပုဒ်မ ၄၀၁ ၊ ပုဒ်မခွဲ (၁)အရ နောက်တစ်ကြိမ် ပြစ်မှုထပ်မံကျူး လွန်ပါက ယခုကျခံရန် ကျန်ရှိသော ပြစ်ဒဏ်များအား ဆက်လက်ကျခံ ပါမည်ဟု သတ်မှတ်ချက်ဖြင့် လွတ်ငြိမ်းခွင့်ပေးခဲ့ခြင်းဖြစ်သည်။
၎င်းအပြင် လွတ်ငြိမ်းတွင် မပါဝင်သူများအားပြစ်ဒဏ်လျှော့ပေးခြင်း ၊ သေဒဏ်ချမှတ်ခံထားရသူများအား ထောင်ဒဏ်တသက်၊ ထောင်ဒဏ် တသက်နှင့် နှစ်အကန့်အသတ်မရှိ ထောင်ဒဏ်ကျခံနေရသူမျအား ထောင်ဒဏ် ၄၀ နှစ်၊ ထောင် ဒဏ် ၄၀ နှစ်အထက် ကျခံနေရသူများအား ထောင်ဒဏ် ၄၀ နှစ်နှင့်အထက် ထောင်ဒဏ် ၄၀ နှစ်နှင့် အောက် ကျခံနေရ သူများကိုလည်း ၎င်းတို့ကျခံရန်ကျန်သော ပြစ်ဒဏ်၏ ၆ ပုံတပုံအား လျှော့ပေါ့ပေးခဲ့သည်။
မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက် (PPNM) ၏ စာရင်းပြုစုချက်အရ ဧပြီလ ၁၇ ရက်နေ့၊ မွန်းလွဲပိုင်း (၂) နာရီအထိ အတည်ပြုနိုင်သည့်အချက်အလက်များအရ တစ်နိုင်ငံလုံးအတိုင်းအတာဖြင့် နိုင်ငံရေးအကျဉ်းသား ၁၆၅ ဦးသာ လွတ်မြောက်လာသည်ဟု သိရသည်။
