(002MG) စစ်ရေးအခြေအနေတင်းမာနေသော ကလေးမြို့တွင် စစ်ကောင်စီက စစ်မှုထမ်းအပတ်စဉ် ခေါ်ယူရာမှာ လူငယ်များကို ဖမ်းဆီးကာ အတင်းအဓမ္မ တပ်သားစုဆောင်းမှုရှိနေသောကြောင့် မိဘပြည်သူများ၏ စိုးရိမ်ပူပန်မှု မြင့်တက်နေသည်ဟု သိရသည်။ ဒေသကွပ်ကဲမူစစ်ဌာနချုပ်ရှိရာ ကလေးမြို့တွင် မေလဆန်းပိုင်းကစ၍ စစ်ကောင်စီက စစ်မှုထမ်းအပတ်စဉ် (၁) နှင့် (၂) အထိ ဖွင့်လှစ်ခဲ့ပြီဟုသိရသည်။ ယင်းစစ်မှုထမ်းသင်တန်းတွင် တက်ရောက်နေသူအများစုမှာ စစ်တပ်ထောက်ခံသူများနှင့် မြို့တွင်း ပေါ်တာဆွဲဖမ်းဆီးခံရသူအများဆုံးပါဝင်ကြသောကြောင့် သားသမီးများအတွက် စိုးရိမ်ပူပန်နေရသည်ဟု ကလေးမြို့ အောင်သစ္စာရပ်ကွက်သူနေထိုင်သူ အမျိုးသမီးတဦးက ပြောသည်။ ”ကိုယ့်ဆန္ဒ သဘောနဲ့မရှိကြပါဘူး သူတို့ဆွဲပြီးမှ တက်ခိုင်းတဲ့ဟာမျိုးပဲရှိတာ။ အဲ့လိုမျိုးဆွဲဆွဲ ပြီးမှ မိဘတွေနဲ့ ဆက် သွယ်မရဘူး၊ ကျမတို့ရပ်ကွက်ထဲက အမျိုးသားရော၊အမျိုးသမီးရော စာရင်းကောက်သွား တဲ့အိမ်က လူငယ်တွေ ကိုဆိုရင် သူတို့မိဘတွေက အိမ်မှာ မထားတော့ဘူး၊ လွတ်ရာ လွတ်ကြောင်း ပို့လိုက်တယ်၊ တကယ်လို့ လာလို့စစ်လို့ မတွေ့လို့ မိဘတွေကို ပြဿနာရှာရင်လည်း ကိစ္စမရှိဘူးဆို ပြီး အဲ့လိုနေတဲ့မိဘတွေများတယ်” ဟုပြောသည်။ စစ်ကောင်စီသည် ကလေးမြို့ပေါ် ရပ်ကွက်တချို့တွင်လည်း စစ်မူထမ်းရန်အသက်ပြည့်မီသည့် အမျိုးသား၊အမျိုး သမီး စာရင်းများကို ရပ်ကွက်အုပ်ချုပ်ရေးမူများထံမှတဆင့် ကောက်ခံနေသည့်အပြင် ညနေ (၆) နာရီ နောက်ပိုင်း သွားလာ သောလူငယ်များအား အဓိကပစ်မှတ်ထား တပ်သားစုဆောင်း ဖမ်းဆီးခြင်းများ ပြုလုပ်နေသည်ဟုသိရသည်။ ဧည့်စာရင်းစစ်မည်ဟု အကြောင်း ပြုကာ လူငယ်များအား အိမ်တိုင်ရာဝင်ရောက်ဖမ်း ဆီးခြင်း၊ မြို့တွင်း စစ်ဆေးရေး ဂိတ်တို့တွင် ဖမ်းဆီးမှုများလာခြင်းကြောင့် မိဘပြည်သူများအနေဖြင့် သားသမီးများကို လွတ်မြောက်ရာဒေသကို စေလွှတ်သူများလာကြောင်း မိခင်တစ်ဦးက ပြောသည်။…
Author: Editor
(006SV) ချင်းပြည်နယ်မြောက်ပိုင်း တွန်းဇံမြို့ကို ယနေ့ မနက်ပိုင်းတွင် CNA ၊ CDFs ချင်းကာကွယ်ရေးပူးပေါင်းတပ်များက အပြီးသတ် သိမ်းလိုက်ပြီးဖြစ်ကြောင်း ချင်းအမျိုးသားတပ်ဦး CNF/ CNA ပြောရေးဆိုခွင့်ရှိသူ ဆလိုင်းထက်နီက ပြောသည်။ “ကျနော်တို့ မေလ ၁၅ ရက်နေ တွန်းဇံတပ်ထိုင်စခန်းကို အပြီးသိမ်းဖို့ဆိုပြီး စစ်ဆင်ရေးလုပ်တယ်။ ဒီမနက်မှာပဲ အပြီးသိမ်းလိုက်တယ်လို့ ပြောလို့ရပါတယ်။ အခုက မြို့ထဲမှာ ထွက်ပြေးကြတော့ အခုလိုက်ပြီး နယ်မြေရှင်းလင်းရေး တော့ လုပ်နေသေးတယ်။ တွန်းဇံတစ်မြို့နယ်လုံးစစ်ကောင်စီ ကင်းစင်ပြီးလို့ အတပ်ပြောလို့ မရပေမယ့် မကြာမှီ ကျနော်တို့ပဲ စိုးမိုးမှုလုပ်နိုင်တော့မယ်လို့ ကျနော်တို့ အဲသလိုပဲ ပြောချင်တယ်” ဟု CNF ပြောရေးဆိုခွင့်ရှိသူ ဆလိုင်းထက်နီက ပြောသည်။ ယနေ့ မေလ ၂၁ ရက် မနက်ပိုင်းတွင် တွန်းဇံမြို့ကို အပြီးသိမ်းလိုက်ပြီးနောက် ထွက်ပြေးနေကြသော စစ်ကောင်စီ တပ်ဖွဲ့များကို နယ်မြေရှင်းလင်းရေး ဆောင်ရွက်နေသည်ဟုဆိုသည်။ တိုက်ပွဲတွင် စစ်ကောင်စီတပ်ဖွဲ့၏ ရုပ်အလောင်း ၁၁ လောင်းကို တွေ့ရှိခဲ့ပြီး အထိအခိုက်အကျအဆုံး အတိအကျကို အတည်ပြုနေဆဲဖြစ်ကြောင်း၊ ချေးမှုန်ရေးရိုင်ဖယ် အလက် ၅၀ ခန့်သိမ်းဆည်းရမိခဲ့ကြောင်း သိရသည်။ ယနေ့မနက်ပိုင်းတွင်လည်း စစ်ကောင်စီက လေကြောင်းမှ ဗုံးကြဲတိုက်ခိုက်မှုများ ပြုလုပ်ခဲ့ကြောင်း သိရသည်။ တွန်းဇံမြို့ သိမ်းပိုက်ရေး စစ်ဆင်ရေးသည် ချင်းပြည်အစိုးရ၊ ကာကွယ်ရေးဝန်ကြီးဌာနမှ ဖော်ဆောင်သည့် ပထမဆုံး စစ်ဆင် ရေးဖြစ်ပြီး မေလ ၁၅ ရက်က စစ်ကောင်စီ တပ်စခန်းများကို စတင်တိုက်ခိုက်ခဲ့ပြီး မေလ ၂၀ ရက်နေ့တွင် ကျီခါးမြို့ကိုသိမ်းပိုက်ခဲ့ပြီးနောက်…
(005MK) အိန္ဒိယ-မြန်မာနယ်စပ် မီဇိုရမ်ပြည်နယ် ရှာဟာခရိုင် Tuipang ကျေးရွာအနီးတွင် မေလ ၁၈ ရက်နေ့က အမျိုးသားတစ်ဦးထံမှ စစ်အသုံးဆောင်ပစ္စည်းတချို့ဖမ်းဆီးရမိသည်ဟု သိရသည်။ ရှာဟာမြို့မှ အိန္ဒိယ-မြန်မာနယ်စပ်ဘက်သွားသည့် Tuipang ကျေးရွာလမ်းကြောင်းတွင် တရုတ်နိုင်ငံထုတ် 125 Kenbo ဆိုင်ကယ်ဖြင့် အထုတ်အပိုးအပြည့်နှင့် မောင်းနှင်လာသူတစ်ဦးကို အာသံရိုင်ဖယ်တပ်ဖွဲ့က ရပ်တန့်စစ်ဆေး ရာမှာ ယင်းပစ္စည်းများကို ဖမ်းဆီးရမိခြင်းဖြစ်သည်ဟု သိရသည်။ ဖမ်းဆီးရမိသည့် ပစ္စည်းများမှာ 12 Gauge shrotgun ကျည်ဆံ ၁၇၀၊ Radio set ၁၄ လုံး၊ Radio အားသွင်းကြိုး၊ Tactical gare ကျည်ကာ နှင့် စစ်ဖိနပ်တို့ဖြစ်သည်။ ဖမ်းဆီးရမိသော စစ်ပစ္စည်းနှင့် သယ်ဆောင်လာသူအမျိုးသားကို Tuipang ရဲစခန်းသို့ လွဲပြောင်းခဲ့ကြောင်း မီဇိုရမ်ဒေသတွင်း Bengvarna သတင်းဌာနကဖော်ပြသည်။ စစ်ဆေးမေးမြန်းချက်အရ အဖမ်းခံရသူအမျိုးသားသည် ချင်းကာကွယ်ရေးတပ်ဖွဲ့ CDF အဖွဲ့ဝင်ဖြစ်ကြောင်း ထွက်ဆိုထားကြောင်း ယင်းသတင်းဌာနက ဖော်ပြထားသည်။
(004SS) ချင်းပြည်နယ် တောင်ပိုင်း၊ ပလက်၀မြို့နယ်က ကျောင်းဆရာ ၂ ဦးအပါအဝင် ဒေသခံအမျိုးသား ၉ ဦးကို အာရက္ခတပ်တော် AA က ဖမ်းဆီးသွားသည်ဟု သိရသည်။ ပလက်၀မြို့နယ် ဘောင်ဝီကျေးရွာက ကျောင်းဆရာ ၂ ဦး၊ ကျေးရွာဥက္ကဌအပါအဝင် ဒေသခံ ၆ ဦးနှင့် ဘောင်ကူးကျေးရွာက ဒေသခံ ၃ ဦး စုစုပေါင်း ၉ ဦးကို AA က မေလ ၁၇ ရက်နေ့ကဖမ်းဆီးသွားပြီး ယနေ့ချိန်ထိ ပြန်လည်လွတ်မြောက်ခြင်းမရှိသေးကြောင်း ဒေသခံများထံမှ သိရသည်။ “သူတို့က AA ကို အနှောင့်အယှက်ပေးတာမျိုးလဲမရှိဘူး၊ သူတို့ကိုဒီတိုင်းပဲ ခေါ်သွားကြတာလို့ ပြောတယ်၊ အဖမ်းခံ ရတဲ့သူတွေက လူကြီးပိုင်း အမျိုးသားတွေပဲ စုစုပေါင်း ၉ ယောက်ပေါ့နော် အခုထိ မလွတ်လာသေးဘူး” ဟု ခူမီးလူငယ် တစ်ဦးက ပြောသည်။ အဖမ်းခံရသူများမှာ ဘောင်ဝီကျေးရွာက ကျောင်းဆရာ ဦးအောင်မင်းနှင့် ဦးအောင်စိုး၊ ဦးကျော်ထွန်း၊ ဦးအောင်နင်း၊ ဦးကျော်ဝင်း၊ ဦးအောင်လင်းတို့ဖြစ်ကြပြီး ဘောင်ကူးကျေးရွာက ဦးကျော်လှ၊ ဦးပျိုလဲနှင့် ဦးအောင်ဒိုင် တို့ဖြစ်ကြကာ ၎င်းတို့အားလုံးမှာ အသက် ၄၀ ကျော်အရွယ်ရှိသူများဖြစ်ကြကြောင်း သိရသည်။ အာရက္ခတပ်တော်က မည်သည့်အကြောင်းပြချက်ဖြင့် ဖမ်းဆီးသွားသည်ကို မသိရပဲ AA တပ်ဖွဲ့ဝင်များ ကျေးရွာထဲသို့ ဝင်ရောက်လာပြီး နေအိမ်အသီးသီးကနေ ဖမ်းဆီးခေါ်ဆောင်သွားကြကြောင်း ဒေသများပြောပြချက်အရ သိရသည်။ ယခင်ကလည်း AA က ပလက်ဝဒေသခံများအား အကြောင်းပြချက်မရှိဘဲ ဖမ်းဆီးခြင်းများပြုလုပ်လေ့ရှိပြီး လွန်ခဲ့သော ဧပြီလကလည်း ရန်ကုန်မြို့သို့…
(006SV) ချင်းပြည်နယ်၊ မရာဒေသ၊ MDF ထိန်းချုပ်နယ်မြေတွင် အာရက္ခတပ်တော် AA/ULA က စစ်ရေးသင်တန်းပေးသည့် အထူးအခြေ ခံစစ်သင်တန်းတွင် အမျိုးသမီးရဲဘော် ၂၀ ရာခိုင်နှုန်းပါဝင်ကြောင်း သတင်းရရှိသည်။ မေလ ၁၇ ရက်က မရာနယ်မြေ တစ်နေရာတွင် မရာနယ်မြေအုပ်ချုပ်ရေးကောင်စီ၊ မရာလဲန်းကာကွယ်ရေး တပ်ဖွဲ့ (MDF) က အထူးအခြေခံ စစ်သင်တန်း အမှတ်စဉ် (၂) သင်တန်းဆင်းပွဲကို ကျင်းပပြုလုပ်ခဲ့ခြင်းဖြစ်သည်။ “မဟာမိတ်နယ်မြေမှာ MDF အနေနဲ့ သင်တန်းတွေ ယူတာက ဒုတိယအကြိမ် ရှိသွားပြီ။ အခုဟာက ကျနော်တို့ နယ်မြေမှာ လုပ်တဲ့ သင်တန်းဖြစ်တယ်။ အဲဒီမှာ မဟာမိတ်တွေက သင်တန်းမှူး တာဝန်ယူပေးရတယ်။ သင်တန်းဆရာတွေက ကျနော်တို့ သင်တန်းဆရာတွေ ပါတယ်။ မဟာမိတ်သင်တန်းဆရာတွေ ပါတယ်။ စုပေါင်းပြီးမှ ကျနော်တို့ နယ်မြေမှာ ကျနော်တို့ အစီအစဉ်နဲ့ လုပ်တာဖြစ်ပါတယ်” ဟု မရာနယ်မြေ အုပ်ချုပ်ရေးကောင်စီမှ ပြန်ကြာရေးတာဝန်ခံက ပြောသည်။ အထူးအခြေခံ စစ်သင်တန်းအမှတ်စဉ် (၂) တွင် အာရက္ခတပ်တော် ULA/AA မှ သင်တန်းဆရာများက အဓိက တာဝန်ယူ၍ သင်ကြားပေးခြင်းဖြစ်ကြောင်း သိရသည်။ သင်တန်းသူ/သား တစ်ရာကျော် တက်ရောက်သည်ကို သင်တန်းဆင်းပွဲ ဓါတ်ပုံများအရ တွေ့မြင်ရပြီး သင်တန်းသူ ၂၀ ရာခိုင်နှုန်း ပါဝင်ကြောင်း သိရသည်။ “အမျိုးသမီးတွေကလည်း အမျိုးသားရေးနဲ့ ပတ်သက်လာရင် စိတ်ဓါတ်ပြင်းပျတယ်။ ကျနော်တို့မှာ အရင် ၂လက ကြုံတွေ့နေရ တာတွေကို သိပြီးသာဖြစ်မှာပါ။ ကျနော်တို့နယ်မြေမှာ ကျူးကျော်ခံရတယ်။ အဲလိုပုံစံတွေ…
(006SV) ချင်းပြည်နယ်မြောက်ပိုင်း တွန်းဇံနှင့် ကျီခါးမြို့တို့ကို ချင်းကာကွယ်ရေးပူးပေါင်းတပ်က သိမ်းပိုက်ထိန်းချုပ်ထားနိုင်ပြီဟု ချင်းအမျိုးသားတပ်ဦး CNF/ CNA ပြောရေးဆိုခွင့်ရှိသူ ဆလိုင်းထက်နီက ပြောသည်။ ယနေ့ မေလ ၁၉ ရက် မနက်ပိုင်းတွင် ကျီခါးမြို့ စစ်ကောင်စီတပ်စခန်းကို ဝင်ရောက်တိုက်ခိုက်ရာမှာ စစ်ကောင်စီက ကြိုတင် ဆုတ်ခွာသွားသောကြောင့် ပစ်ခတ်မှု မဖြစ်ပွားပဲ အပြီးသတ်ထိန်းချုပ်ထားလိုက်ပြီဖြစ်ကြောင်း ဆလိုင်းထက်နီက ပြောသည်။ “ကျီခါးမြို့က စစ်ကောင်စီတပ်စခန်းကို ဒရုန်းနဲ့ ကြဲချတယ်။ အဲဒါမှာ စစ်ခန်းကို ဝင်စီးတော့ သူတို့က တစ်ယောက်မှ မရှိဘူး။ အဲဒီမတိုင်ခင်က ကျီခါးက စစ်ကောင်စီတပ်ဖွဲ့ဝင်တွေကို တွန်းဇံကို ပို့သွားတယ်လို့ သတင်းတွေ ကြားတာ၊ အမှန်ဖြစ်သွားတယ်။ ကျနော်တို့ ဒရုန်းနဲ့ ကြဲချပြီး လုပ်တော့ သူတို့က ကြိုပြီးတော့ ဆုတ်ခွာသွားပုံရတယ်။ အပစ်အခတ်တွေ မရှိပဲနဲ့ပဲ သိမ်းလိုက်တာဖြစ်တယ်” ဟု ဆလိုင်းထက်နီကပြောသည်။ တွန်းဇံမြို့ပေါ်က ခလရ – ၂၆၉ တပ်စခန်းအပါအဝင် စစ်ကောင်စီအခြေစိုက်ရာစခန်းအားလုံးကိုလည်း ချင်းပူးပေါင်းတပ်က သိမ်းပိုက်ထားလိုက်ပြီဟု ဆလိုင်းထက်နီကပြောသည်။ “တွန်းဇံမြို့ထဲမှာက ခလရ – ၂၆၉ တပ်ကုန်းပဲရှိတယ်။ ပြီးတော့ ရဲစခန်းရယ်၊ မြို့ထဲ ၂ နေရာမှာ နေရာယူထားတာရယ်ကို ကျနော်တို့ တပ်ကုန်းကိုရော၊ ရဲစခန်းကိုရော သိမ်းနိုင်ခဲ့ပြီ။ အခု မြို့ထဲမှာ နယ်မြေ ရှင်းလင်းရေး လုပ်တဲ့အခါမှာ သူတို့က မြို့ထဲကနေ အပြန်အလှန်ပစ်ခတ်တာတွေ ရှိသေးတယ်ဆိုတော့ တွန်းဇံမြို့မှာ စစ်ကောင်စီ ကင်းစင်ပြီးလို့ ပြောမရသေးဘူး။ သူတို့ အခြေချထားတဲ့ စခန်းတွေအားလုံးကတော့ သိမ်းဆည်းပြီးဖြစ်တယ်” ဟု…
မြန်မာနိုင်ငံက စစ်ဘေးရှောင် ၃ သောင်းကျော်နေထိုင်ကြသော အိန္ဒိယနိုင်ငံ မီဇိုရမ်ပြည်နယ်တွင် ကုလသမဂ္ဂအေဂျင်စီများနှင့် နိုင်ငံတကာ NGOs များ ဝင်ရောက်ခွင့်ပြုပြီး ဒေသခံများနှင့် မြန်မာစစ်ဘေးရှောင်များအတွက် လူသားချင်းစာနာထောက်ထားမှု အကူအညီပေးအပ်ရန် အမေရိကန်အခြေစိုက် Chin Association of Maryland (CAM) က တောင်းဆိုလိုက်သည်။ Chin Association of Maryland (CAM) အမှုဆောင်ဒါရိုက်တာ Pu Zo Tum Hmung သည် ပြီးခဲ့သည့် ဧပြီလ ၆ ရက်နေမှ ၂၃ ရက်နေ့အထိ မီဇိုရမ်ပြည်နယ်သို့ မြေပြင်အခြေအနေများ သွားရောက်ကွင်းဆင်းလေ့လာခဲ့ပြီးနောက် ၎င်းတို့၏ တွေ့ရှိချက်များကို မေလ ၁၆ ရက်နေ့က အမေရိကန်အစိုးရထံ တင်ပြခဲ့သည်ဟု သိရသည်။ မီဇိုရမ်ပြည်နယ်တွင် ကုလသမဂ္ဂအေဂျင်စီများနှင့် နိုင်ငံတကာ NGOs အဖွဲ့အစည်းများ တရားဝင်ရောက်ရှိခွင့်ပြုရန် နှင့် အိန္ဒိယ-မြန်မာနယ်စပ်ကတဆင့် ချင်းပြည်နယ်၊ စစ်ကိုင်းတိုင်း နှင့် မကွေးတိုင်းက စစ်ဘေးရှောင်ပြည်သူများအား တိုက် ရိုက်အကူအညီများပေးအပ်ရန်လိုအပ်သည်ဟု CAM ကဆိုသည်။ အိန္ဒိယဗဟိုအစိုးရအနေဖြင့် ကုလသမဂ္ဂဒုက္ခသည်များဆိုင်ရာမဟာမင်းကြီးရုံး( UNHCR) ရုံးများကိုလည်း မီဇိုရမ်ပြည် နယ်တွင် ပွင့်လင်းလွတ်လပ်စွာ လှုပ်ရှားဆောင်ရွက်ခွင့်ပြုသင့်သည်ဟု ဆိုသည်။ ထို့အပြင် မြန်မာစစ်ဘေးရှောင်များအား ကူညီထောက်ပံ့မှုများ ဆောင်ရွက်ပေးနေသော မီဇိုရမ်ပြည်နယ်က မီဇိုးလူငယ်အသင်း (CYMA) ကဲ့သို့သော ဒေသဆိုင်ရာ NGOs အတွက် နည်းပညာပိုင်းဆိုင်ရာများကိုလည်း အမေရိကန်အစိုးရအနေဖြင့် ကူညီပံ့ပိုးပေးသင့်သည်ဟု CAM ကအကြံပြုထားသည်။ အမေရိကန်ပြည်ထောင်စု ဝါရှင်တန်ဒီစီမြို့တွင် ရုံးစိုက်သော Chin Association of Maryland…
(005MK) မီဇိုရမ်ပြည်နယ် ရှာဟာခရိုင်တွင် စစ်ဘေးတိမ်းရှောင်လာသည့် ချင်းအမျိုး သမီးတစ်ဦးသည် ယမန်နေ့ မေလ ၁၇ ရ က်နေ့က ကလေး ၃ မွှာပူးအောင်မြင်စွာမွေးဖွားနိုင်ခဲ့သည်ဟု သိရသည်။ ချင်းပြည်နယ် မတူပီမြို့နယ် စပေါ်ကျေးရွာကနေ မီဇိုရမ်ပြည်နယ်တောင်ပိုင်း ရှာဟာမြို့တွင် စစ်ဘေးရှောင်လာသော အသက် ၂၉ နှစ်အရွယ် ဒေါ်နိုက်ဖါသည် လောင်တလိုင်မြို့ Lairam Christian Medical Centre တွင် မေလ ၁၇ ရက်ညနေပိုင်း ၆ နာရီမှာ ဆရာဝန် ၂ ဦးက ခွဲစိတ်ခဲ့ကြသည်ဟုသိရသည်။ တစ်နာရီခွဲကျော်ကြာ ခွဲစိတ်ပြီးနောက် ဗိုက်ထဲက ကလေး ၃ မွှာပူးကို အောင်မြင်စွာခွဲစိတ်နိုင်ခဲ့ကြပြီး ကလေး ၃ ယောက်စလုံးမှာ မိန်းကလေးများဖြစ်ကြကြောင်း သိရသည်။ ပထမဆုံး ထွက်လာသည့်ကလေးမှာ အလေးချိန် ၂.၅၀၀ ကီလိုဂရမ်ရှိပြီး၊ ဒုတိယမှာ ၁.၈၀၀ ကီလိုဂရမ်နှင့် တတိယ ကလေး မှာ ၂.၄၅၀ ကီလိုဂရမ်ရှိကာ ကလေးအားလုံးမှာ ကျန်းမာရေးလည်းကောင်းမွန်ကြောင်း သိရသည်။ Lairam Christian Medical Centre ဆရာဝန်များက ဒေါ်နိုက်ဖါ၏ အခြေအနေကို Doctor Without Borders အဖွဲ့အစည်းထံအကြောင်းကြားခဲ့ပြီးနောက် ၎င်းတို့အနေဖြင့် ဒေါ်နိုက်ဖါ၏ ဆေးကုသမှုကုန်ကျစရိတ်အားလုံးကို ကူညီ ထောက်ပံ့ပေးအပ်သွားမည်ဟု ပြောဆိုကြောင်း ဒေသတွင်း ရုပ်သံ Zonet သတင်းကဆိုသည်။
(006SV) ချင်းပြည်နယ်မြောက်ပိုင်း တွန်းဇံမြို့က CNA ဦးဆောင်သည့် ချင်းပူးပေါင်းတပ်များနှင့် စစ်ကောင်စီတို့၏ တိုက်ပွဲများ တွင် အိုးအိမ်စွန့်ခွာ စစ်ဘေးရှောင်ပြည်သူ ၅၀၀၀ နီးပါးရှိလာပြီး စစ်ဘေးရှောင်ဦးရေ တိုးလာလျက်ရှိကြောင်း တွန်းဇံ မြို့ ပြည်သူ့အုပ်ချုပ်ရေးအဖွဲ့က ယနေ့ မှာ သတင်းထုတ်ပြန်သည်။ တွန်းဇံမြို့၊ စစ်ကောင်စီတပ် ခလရ – ၂၆၉ တပ်စခန်းနှင့် မြို့ပေါ်က စစ်ကောင်စီတပ်ဖွဲ့များရှိရာ နေရာများကို ချင်းပြည်အစိုးရ၊ ကာကွယ်ရေး ဝန်ကြီးဌာန လက်အောက်ရှိ ချင်းကာကွယ်ရေး ပူးပေါင်းတပ်များက စုပေါင်း၍ မေလ ၁၆ ရက် စတင်တိုက်ခိုက်ခဲ့ခြင်းဖြစ်သည်။ တွန်းဇံမြို့နယ် တိုက်ပွဲများမှာ တစ်ရက်ပြီး တစ်ရက် ပိုမိုပြင်းထန်လာကာ မြို့နယ်တွင်း ကျေးရွာ ၁၅ ရွာနှင့် မြို့ပေါ် ရပ်ကွက် (၂) ခုမှ စစ်ဘေးရှောင်ဦးရေ ၅၀၀၀ နီးပါး ရှိလာပြီးဖြစ်ကြောင်း တွန်းဇံမြို့နယ်ပြည်သူအုပ်ချုပ်ရေးအဖွဲ့က ယနေ့ မေလ ၁၈ ရက်မှာ ထုတ်ပြန်သည်။ “ပြည်သူမှ ပေါက်ဖွားလာသော တော်လှန်ရေး လက်နက်ကိုင် အဖွဲ့များ အနေဖြင့် မြို့နယ် ပြည်သူ့အုပ်ချုပ်ရေး အဖွဲ့နဲ့ အများပြည်သူအတွက် ကိုယ်ချင်းစာလျက် မြို့နယ်အတွင်း တိုက်ပွဲများ ဖော်ဆောင်ရာတွင် ကြိုတင်ညှိုနှိုင်းမှု လုပ်ထားရန်၊ လက်နက်ကိုင်ပြီး လုပ်ချင်ရာဇွတ်မလုပ်ကြရန် တိုက်တွန်းနှိုးဆော်ပါသည်” ဟု တွန်းဇံ ပအဖက ထုတ်ပြန်သည်။ စစ်ကိုင်းတိုင်း၊ ကလေးမြို့နယ် မြောက်ပိုင်းတိုက်ပွဲများကြောင့် ပြည်သူများသည် တွန်းဇံမြို့နယ်သို့ စစ်ဘေး ရှောင်တိမ်းလာရာ လူဦးရေ ၁၀၀၀ ကျော် ရှိလာပြီဖြစ်ကြောင်း သိရသည်။ တွန်းဇံမြို့တိုက်ပွဲတွင်…
(006SV) ချင်းပြည်နယ်၊ ကန်ပက်လက်မြို့နယ်တွင် စစ်ကောင်စီတပ်က ဖမ်းဆီးသွားသော စစ်ဘေးရှောင်ပြည်သူ ၃၈ ဦးထဲမှ သက်ကြီးရွယ်အိုနှင့် ကလေးငယ်အများစု ပါဝင်သည့် ၃၄ ဦး ပြန်လွတ်လာပြီဖြစ်ကြောင်း ကန်ပက်လက်မြို့နယ်၊ ပြည်သူ့အုပ်ချုပ်ရေး အဖွဲ့၊ လူသားစာနာဌာနမှ သိရသည်။ ကလေးငယ်များနှင့် သက်ကြီးရွယ်အိုအများစု ပါဝင်သည့် ဒေသခံပြည်သူ ၃၄ ဦးကို စစ်ကောင်စီတပ်က ပြန်လွတ်ပေး လိုက်ပြီးနောက် ယမန်နေ့ မေလ ၁၇ ညသန်းခေါင်အချိန်တွင် ထပ်မံရွှေ့ပြောင်းထားရသည့် စစ်ရှောင်စခန်းသို့ CDF – ကန်ပက်လက် ရဲဘော်များက ပြန်လည် ပို့ဆောင်ပေးခဲ့ခြင်းဖြစ်ကြောင်း သိရသည်။ “စစ်ကြောင်းက ၃ ကြောင်းခွဲပြီး လောင်းရှည် ကပစထဲကို ပြန်ဆုတ်တယ်။ တစ်ကြောင်းက ဝင်သွားပြီ။ ကျန်တဲ့ ၂ နှစ်ကြောင်းထဲက တစ်ကြောင်းက ဖမ်းခေါ်သွားတာ၊ အဲဒါ ဟိုဘက်အထိ မခေါ်သွားပဲ ပြန်လွတ်လိုက်တာ။ ကျန်ခဲ့တဲ့ဟာက အရွယ်ကောင်းတွေ ဖြစ်နိုင်တယ်။ လွတ်လိုက်တာက အမျိုးသီးတွေ အဖိုးကြီးတွေများတယ်” ဟု ၎င်းက ပြောသည်။ သို့သော်လည်း ဒေသခံပြည်သူ ၃ ဦးကို စစ်ကောင်စီတပ်က ဆက်လက်ဖမ်းဆီးထားဆဲဖြစ်ကာ တစ်ဦးမှာ ပျောက်နေကြောင်း ကန်ပက်လက်၊ လူသားစာနာဌာန တာဝန်ခံက ပြောသည်။ စစ်ကောင်စီတပ်ဖွဲ့သည် မေလ ၁၄ ရက်နေ့က အုံရွာပြည်သူများ စစ်ဘေးရှောင်နေသည့်နေရာသို့ ရောက်ရှိလာပြီး စစ်ရှောင်ပြည်သူ ၃၈ ဦးကို ဖမ်းဆီးသွားခဲ့ခြင်းဖြစ်သည်။ CDF – ကန်ပက်လက်အဖွဲ့မှ တပ်မဟာမှူးဆလိုင်းထွန်းလိန်ထန်းကလည်း စစ်ကောင်စီ ဖမ်းဆီးသွားသော ပြည်သူ များကို နယ်မြေရှင်းလင်းရေး ဆောင်ရွက်နေစဉ်…