(05MK) ချင်းပြည်နယ် ဖလမ်းမြို့နယ် ရိခေါဒါရ်မြို့တပ်စခန်းမှထွက်ပြေးလာသော စစ်ကောင်စီ တပ်သား ၂ ဦးကို ချင်းအမျိုးသားကာကွယ်ရေးတပ်ဖွဲ့ CNDF က ဇွန်လ ၆ ရက်နေ့က ဖမ်းဆီးထိန်းသိမ်းထားသည်ဟု သိရသည်။ အဆိုပါတပ်သား ၂ ဦးမှာ စောနောင်ထွန်း (တသ-၁၂၈၃၂၆) နှင့် အောင်မျိုးကျော် (တသ-၁၂၈၂၄၁) တို့ဖြစ်ကြပြီး စစ်ကောင်စီလက်အောက်တွင် တာဝန်ထမ်းဆောင်လိုစိတ်မရှိတော့၍ ကင်းပုန်းတာဝန်ကျရာမှ ဇွန်လ ၄ ရက်နေ့က ထွက်ပြေးလာကြခြင်းဖြစ်သည်ဟု ချင်းအမျိုးသားအဖွဲ့ချုပ် (CNO) သတင်းပြန်ကြားရေးနှင့် ပြည်သူ့ဆက်ဆံရေးဌာနက ယနေ့ ဇွန်လ ၁၀ ရက်နေ့တွင် သတင်းထုတ်ပြန်သည်။ သူတို့ ၂ ဦးကို ချင်းအမျိုးသားကာကွယ်ရေးတပ်ဖွဲ့ စစ်ဆေးရေးဂိတ်တွင် ဇွန်လ ၆ ရက်နေ့က ဖမ်းဆီးခဲ့ခြင်းဖြစ်ပြီး ထိန်းသိမ်းစောင့်ရှောက်လျှက်ရှိသည်ဟု CNO က ဆိုသည်။ ၎င်းတို့နှင့်အတူ MA1 သေနတ်တလက်၊ ကျည်ဘောက် ၄ ခု၊ ကျည် ၃၃၀ တောင့်၊ MG1 လက်ပစ်ဗုံးတလုံး ပါရှိလာသည်ဟု သိရသည်။ အိန္ဒိယ-မြန်မာနယ်စပ်တွင်တည်ရှိသော ရိခေါဒါရ်မြို့တွင် စစ်ကောင်စီတပ်ဖွဲ့များ ခြေကုပ်ယူထားသော တပ်စခန်း ၂ ခုရှိပြီး ချင်းကာကွယ်ရေးပူးပေါင်းတပ်ဖွဲ့များနှင့်လည်း မကြာခဏ ပစ်ခတ်မှု ဖြစ်ပွားလေ့ရှိသော်လည်း ယခုရက်ပိုင်းအတွင်း ထိတွေ့မှုမရှိကြောင်း သိရသည်။
Author: Editor
(01RB) ချင်းပြည်နယ် မတူပီမြို့နယ်တွင် စစ်ကောင်စီတပ်ဖွဲ့က ယခုရက်ပိုင်းအတွင်း ထိုးစစ်ဆင်မှုကြောင့် နေရပ်စွန့်ခွါထွက်ပြေးကြသော စစ်ဘေးရှောင်ထဲမှ (၇) ရက်သားအရွယ်ကလေးငယ်နှင့် အသက် (၆၀) ရွယ်အမျိုးသမီးတို့ နာမကျန်းဖြစ်ကာ သေဆုံးခဲ့သည်ဟု သိရသည်။ မတူပီမြို့အခြေစိုက် ခလရ (၁၄၀) တပ်ရင်းမှ စစ်ကောင်စီတပ်ဖွဲ့သည် မတူပီ-မင်းတပ်လမ်းမကြီးဘက်သို့ ဇွန်လဆန်းပိုင်းကစ၍ စစ်ကြောင်းထိုးလာခြင်းကြောင့် မင်းတပ်-မတူပီလမ်းမကြီးပေါ်ရှိ မိုင်တိုင်(၉၀) ခြမ်းပြန်းရွာ၊ မိုင်တိုင် (၈၄) ရမ်တိန်းရွာ နှင့် မိုင်တိုင် (၈၁) မွှန်တုန်းရွာတို့မှ ဒေသခံပြည်သူများသည် မင်းတပ်မြို့နယ်ဘက်သို့ စစ်ဘေးတိမ်းရှောင်လာခဲ့ကြသည်ဟု သိရသည်။ ထိုကဲ့သို့ စစ်ဘေးတိမ်းရှောင်နေကြစဉ်တွင် ဇွန်လ (၅) ရက်နေ့က အသက် (၆၀) ရွယ် အမျိုးသမီးတစ်ဦးနှင့် ဇွန်လ ၉ ရက်နေ့က (၇) ရက်သားအရွယ် ကလေးငယ်တစ်ဦးတို့သည် နာမကျန်းဖြစ်ကာ သေဆုံးခဲ့သည်ဟု Mindat Township IDPs Camp Management Committee က ထုတ်ပြန်သည်။ စစ်ဘေးရှောင်ပြည်သူများသည် အဝတ်အစားအချို့နှင့် အစားအသောက်အနည်းငယ်များသာ ယူဆောင်လာကြသည့်အတွက် အရေးပေါ်အစားအသောက်နှင့် ဆေးဝါးများလည်း လိုအပ်သည်ဟု သိရသည်။ Mindat Township IDPs Camp Management Committee အနေဖြင့် ဇွန်လ ၉ ရက်နေ့က အဆိုပါစစ်ဘေးရှောင်များထံ ဆိုးရွားလှသည့် ရာသီဥတုကြားမှ သွားရောက်ကာ ဆန်အိတ် (၆၁) အိတ်နှင့် ဆီ ဗူး(၄၀) တို့ကို ပေးအပ်လှူဒါန်းခဲ့သည်ဟု သိရသည်။
စစ်ကောင်စီလက်အောက် ပညာရေးဝန်ကြီးဌာနက ၂၀၂၂-၂၀၂၃ ပညာသင်နှစ် တက္ကသိုလ်ဝင်တန်း စာမေးပွဲ အောင်စာရင်းကို ယနေ့ဇွန်လ ၉ ရက်နေ့မနက်ပိုင်းမှာ ထုတ်ပြန်ခဲ့ရာတွင် ချင်းပြည်နယ်သည် တနိုင်ငံလုံးတွင် စတုတ္ထမြောက် အောင်ချက်ရာခိုင်နှုန်း အများဆုံးဖြစ်ခဲ့သည်။ ၂၀၂၂-၂၀၂၃ ပညာသင်နှစ် တက္ကသိုလ်ဝင်တန်းစာမေးပွဲကို ချင်းပြည်နယ် စာစစ်ဌာန ၁၃ ခုတွင် ကျောင်းသူ/ကျောင်းသား ၂၈၂၄ ဦးက ဖြေဆိုခဲ့ကြရာ ၂၀၄၅ ဦးက တက္ကသိုလ်ဝင်တန်းစာမေးပွဲကို အောင်မြင်ခဲ့ကြပြီး တစ်နိုင်ငံလုံးတွင် အောင်ချက် ၇၂.၄၂ ရာခိုင်နှုန်းဖြင့် စတုတ္ထမြောက်အဆင့်ရှိခဲ့သည်။ ၂၀၂၁-၂၀၂၂ ပညာသင်နှစ်တုန်းက ချင်းပြည်နယ်တွင် တက္ကသိုလ်ဝင်တန်းစာမေးပွဲဖြေဆိုသူ ၂၂၅၉ ဦးရှိခဲ့ရာ အောင်မြင်သူ ၆၀၅ ဦးရှိခဲ့ပြီး အောင်ချက် ၂၆.၇၈ ရာခိုင်နှုန်းဖြင့် တစ်နိုင်ငံလုံးတွင် အနည်းဆုံးအဆင့်ရှိခဲ့သည်။ ချင်းပြည်နယ်သည် စစ်အာဏာသိမ်းမှုမဖြစ်ခင်ကလည်း တက္ကသိုလ်ဝင်တန်းစာမေးပွဲတွင် တစ်နိုင်ငံလုံးမှာ အောင်ချက်အ နည်းဆုံး (သို့မဟုတ်) ဒုတိယအောင်ချက်အနည်းဆုံးပြည်နယ်ဖြစ်လေ့ရှိသော်လည်း စစ်ကောင်စီလက်အောက်တွင် ယခုကဲ့သို့ အောင်ချက်မြင့်တက်လာသည့်အပေါ် ချင်းပြည်သူအများစုက အံ့သြနေကြသည်။
(02HH) ချင်းပြည်နယ်တောင်ပိုင်း၊ မတူပီမြို့အခြေစိုက် စစ်ကောင်စီတပ်စခန်းမှ မင်းတပ်မြို့နယ်ဖက်သို့ အင်းအား (၁၂၀) ခန့် ဖြင့် စစ်ကြောင်းထိုးလာသည့် စစ်ကောင်စီတပ်ဖွဲ့ဝင်နှင့် CDF-Matupi တို့သည် ဇွန်လ ၆ ရက်နေ့က ထိတွေ့တိုက်ပွဲ ဖြစ်ပွားခဲ့ကြပြီး ပြည်သူများအနေဖြင့် မင်းတပ်-မတူပီလမ်းအား အသုံးမပြုကြရန် CDF-Matupi က ထုတ်ပြန်သည်။ စစ်ကောင်စီတပ်ဖွဲ့သည် ဇွန်လ ၆ ရက်နေ့မနက်ပိုင်းတွင် မင်းတပ်-မတူပီလမ်းမကြီး အောက်ဘက်ရှိ ရမ်တိန်းကျေးရွာဟောင်းသို့ လက်နက်ကြီး၊ လက်နက်ငယ်များ ပစ်ခတ်ကာ ရွာအတွင်း ဝင်ရောက်စီးနင်ခဲ့ပြီး CDF-Matupi တပ်ဖွဲ့ကလည်း စစ်ကောင်စီတပ်ဖွဲ့ကို လက်နက်ကြီး၊ လက်နက်ငယ်များဖြင့် ပစ်ခတ်ခဲ့ရာမှာ စစ်ကောင်စီတပ်ဖွဲ့များသည် ရမ်တိန်း ကျေးရွာအထက် ၂ မိုင်အကွာသို့ စစ်ကြောင်းဆုတ်ခွာ စခန်းချခဲ့ကြသည်ဟု CDF-Matupi က ဆိုသည်။ CDF-Matupi ပြောရေးဆိုခွင့်ရှိသူ ကိုနိုင်ဂျွန်ကိမ်က “သူတို့က လမ်းမကြီးအတိုင်းမဟုတ်မဟုတ်ပဲနဲ့တောဖက် ကနေလာတော့ ကျွန်တော်တို့က နည်းလမ်းပေါင်းစုံသုံးပြီး သူတို့လာနိုင်တဲ့နေရာတွေ၊ သူတို့ရှိမယ့်နေရာတွေကို လှမ်းပစ်တာ၊ လက်ဦးတာက ကျွန်တောတို့။ ထိတွေ့တယ်ဆိုတာက အနီးကပ်ထိတွေ့တာ မဟုတ်ဘူး၊ ကျွန်တော်တို့ဒီဖက် ရှိပါတယ်ဆိုတဲ့ဟာမျိုးကို လုပ်ထား တယ်။ ကျွန်တော်တို့ ကောင်း ကောင်း ပြန်ဆုတ်နိုင်ခဲ့တယ်။သူတို့ဖက်က အထိအခိုက်ရှိတယ်လားဆိုတာ အခုချိန်ထိ အတည်ပြုလို့မရသေးဘူး” ဟု ပြောသည်။ စစ်ကောင်စီတပ်ဖွဲ့များ စစ်ကြောင်းထိုးလာသောကြောင့် မတူပီမြို့နယ်ထဲက ခြန်ပြန်၊ ရမ်တိန်း၊ မွှန်တုန်းကျေးရွာတို့မှ ဒေသခံပြည်သူ ၆၀ ကျော်တို့သည် ကျေးရွာတွင် မနေရဲကြသောကြောင့် ချင်းလူမှုစောင့်ရှောက်ရေးအသင်း (CCA) နှင့် ကျေးရွာ IDP ကော်မတီအဖွဲ့တို့မှ လုံခြုံသည့်နေရာများတွင် ပြောင်းရွေ့ပေးခဲ့ကြသည်ဟု…
(05MK) ချင်းပြည်နယ်(ချင်းလဲန်) သို့ ဒေသခံချင်းပြည်သူများမှအပ ပြင်ပမှခရီးသည်များ ဝင်ရောက်ခြင်းကို ချင်းအမျိုးသားတပ်ဦး CNF က တားမြစ်လိုက်ကြောင်း ယနေ့ ထုတ်ပြန်သည်။ ချင်းပြည်နယ်တွင် စစ်ကောင်စီတပ်ဖွဲ့ဝင်များသည် အများပြည်သူခရီးသည်ယာဉ်များကို အသုံးပြုကာ အရပ်ဝတ်ဖြင့် ဝင်ရောက်ပြီး စစ်ရေးဆိုင်ရာ အင်အားဖြည့်တင်း လျက်ရှိ သည်ဟု CNF ကဆိုသည်။ ထို့ကြောင့် ချင်းလဲန်အတွင်းသို့ ဒေသခံချင်းပြည်သူများမှအပ ပြင်ပမှ ခရီးသည်များ ဝင်ရောက်ခြင်းကို တားမြစ်လိုက်ခြင်းဖြစ်သည်ဟု ဇွန်လ ၈ ရက်နေ့စွဲဖြင့် ထုတ်ပြန်သော CNF ၏ စစ်ရေးဆိုင်ရာအသိပေးချက်တွင်ဖော်ပြထားသည်။ ချင်းလဲန်သို့ လာရောက်ရန် အရေးကြီးကိစ္စရှိပါက သက်ဆိုင်ရာ CDF နှင့် PDF များ၏ ထောက်ခံစာဖြင့်သာ ဝင်ခွင့်ပြုမည်ဟု CNF ကဆိုသည်။ ထို့အပြင် အများပြည်သူခရီးသွားယာဉ်များအနေဖြင့်လည်း စစ်ကောင်စီ၏ အဖွဲ့ဝင် (သို့မဟုတ်) လက်နက်ခဲယမ်း၊ စစ်ဘက်ဆိုင်ရာပစ္စည်းများ သယ်ယူပို့ဆောင်ခြင်းကို တားမြစ်သည်ဟု CNF ၏ ထုတ်ပြန်ချက်တွင်ဖော်ပြသည်။ အထက်ပါအသိချက်များအား ချိူးဖောက်ပါက ပြင်းထန်စွာအရေးယူသွားမည်ဖြစ်ပြီး နောက်ထပ် အမိန့်တစ်စုံတစ်ရာ မထုတ်ပြန်မချင်း ယခုထုတ်ပြန်ချက်သည် အတည်ဖြစ်သည်ဟု CNF ကဆိုသည်။ ပြီးခဲ့သည့်မေလကုန်ပိုင်းကစ၍ ချင်းပြည်နယ် ဟားခါး-ထန်တလန်ကြား သီမြစ်လွင်ပြင်တွင် စစ်ကောင်စီတပ်နှင့် ချင်းကာကွယ်ရေးပူးပေါင်းတပ်ဖွဲ့တို့သည် တိုက်ပွဲအပြင်းအထန်ဖြစ်ပွားလျက်ရှိပြီး နှစ်ဖက်ထိခိုက်ကျဆုံးမှုများရှိခဲ့သည်။ အလားတူချင်းပြည်နယ်တောင်ပိုင်း မင်းတပ်-မတူပီမြို့နယ်ဖက်တွင်လည်း စစ်ရေးအခြေအနေတင်းမားလျက်ရှိသည်။
(02HH) အင်အားပြင်း မိုခါဆိုင်ကလုန်းမုန်တိုင်းကြောင့် မြန်မာနိုင်ငံမှာ ထိခိုက်ပျက်စီးမှု ဒုတိယအများဆုံးဒေသဖြစ်သည့် ချင်းပြည်နယ်တွင် မုန်တိုင်းဘေးဒဏ်ခံပြည်သူများထံ ကူညီထောက်ပံ့မှုများ ရောက်ရှိမှုနည်းပါးနေသေးပြီး ပြန်လည်ထူထောင်ရေးပိုင်းမှာလည်း အခက်အခဲများ ကြုံနေရသည်ဟု သိရသည်။ ချင်းပြည်နယ်သည် ရခိုင်ပြည်နယ်ပြီးရင် ထိခိုက်ပျက်စီးမှု ဒုတိယအများဆုံး ပြည်နယ်ဖြစ်သော်လည်း ကမ္ဘာ့ကုလသမဂ္ဂကဲ့သို့သော နိုင်ငံတကာအဖွဲ့အစည်းကြီးများမှ ဝင်ရောက်ကူညီပေးခြင်း မရှိသေးသောကြောင့် မုန်တိုင်းသင့်ပြည်သူများ ပြန်လည်ထူထောင်ရေးမှာ အခက်ကြုံနေရသည်ဟု ကြားကာလ ခူမီးချင်းမျိုးနွယ်စုများရေးရာ အတိုင်ပင်ခံကောင်စီ ဒုက္ကဌ ဦးပြည်မင်းက ပြောသည်။ “ချင်းကတော့ ရခိုင်ပြီးရင်တော့ ဒုတိယ အထိခိုက်ဆုံးပြည်နယ်ဖြစ်တယ်ဆိုတော့ UN Agency တွေကလည်း ဝင်ပေးဖို့ သင့်ပါတယ်။ ၉ မြို့နယ်အလိုက် နိုင်သလောက် ရံပုံငွေလေးတွေရှာတာကတော့ လက်တလုံး လောက်ပဲရမှာပေါ့နော် ပြန်လည်ထူထောင်ရေးစနစ်တွေမှာ တော်တော်လေးအခက်အခဲရှိမယ်၊ ကျွန်တော်တို့ Local INGO ပုံစံနဲ့ ပံ့ပိုးတာကတော့ ထိထိရောက်ရောက်တော့ မဖြစ်နိုင်ဘူးလေ သူတို့ရဲ့ လိုအပ်ချက်ကို ပြည့်စုံ၊ လုံလောက်နိုင်တဲ့ အတိုင်းအတာတခု လုပ်ပေးဖို့ အရမ်းခက်ခဲရှိတယ်၊ NUG ကနေ နည်းနည်း သူတို့ နိုင်သလောက်တော့ မုန်တိုင်းကြိုတင်ပြင်ဆင်ရေးမှာ နည်းနည်းပံ့ပိုး ကူညီတာရှိတယ်။ ပြီးရင်တော့ အမိုးအတွက်ကို နည်းနည်းကူညီထောက်ပံ့တာရှိတယ်။ အဲ့လိုပုံစံနဲ့ပဲ၊ ကြီးကြီးမားမား တော့မဟုတ်ဘူး ရိက္ခာပိုင်းတို့ ပြန်လည်တည်ဆောက်ရေးပိုင်းတို့ မရောက်နိုင်သေးဘူးဗျာ။ နိုင်သလောက် နည်းနည်းစီ ကူညီပံ့ပိုးတာ ပဲရှိသေးသေးတယ်” ဟု ဦးပြည်မင်းကပြောသည်။ မေလ ၁၄ ရက်နေ့ကတိုက်ခတ်ခဲ့သော မိုခါဆိုင်ကလုန်းမုန်တိုင်းကြောင့် ချင်းပြည်နယ်တဝန်းလုံးတွင် ဘာသာရေးအဆောက်အဦး၊ စာသင်ကျောင်း၊ စပါးကျီများအပါအဝင် လူနေအိမ်ခြေ ၃၀၀၀ နီးပါးခန့် ပျက်စီးခဲ့ပြီး မတူပီ၊ ပလက်ဝ၊…
ကလေးမြို့နယ်တောင်ပိုင်း ထိုမာကျေးရွာတွင် ဇွန်လ ၆ ရက်နေ့ညက စစ်ကောင်စီမှ ပစ်ခတ်လိုက်သော လက်နက်ကြီးကျည် ၅ လုံးကျရောက်ပေါက်ကွဲကာ နေအိမ်တစ်လုံးထိမှန်ပြီး ပြည်သူ ၃ ဦး မစိုးရိမ်ရ ဒဏ်ရာရရှိသည်ဟု သိရသည်။ စစ်ကောင်စီက ပစ်ခတ်လိုက်သောသော လက်နက်ကြီးကျည်သည် ထိုမာရွာထဲ ၃ လုံးကျပြီး ရွာပြင်မှာ ၂ လုံး ကျရောက်ပေါက်ကွဲခဲ့သည်ဟု သိရသည်။ ယင်းလက်နက်ကြီးကျည်ကြောင့် လူကြီး ၂ ဦးနှင့် ကလေးတစ်ဦးတို့ မစိုးရိမ်ရဒဏ်ရာရရှိခဲ့သည်ဟု သတင်းရင်းမြစ်ကဆိုသည်။ ယခုရက်ပိုင်း ကလေးမြို့နယ်တွင် စစ်ရေးတင်းမာနေကြောင်း သိရသည်။
ချင်းပြည်နယ် ဟားခါးမြို့နဲ့ထန်တလန်မြို့အကြား သီမြစ်လွင်ပြင်မှာ စစ်ကောင်စီတပ်ဖွဲ့နဲ့ ချင်းကာကွယ်ရေးပူးပေါင်းတပ်ဖွဲ့ တွေ တိုက်ပွဲဖြစ်ပွားနေတာ ခုဆိုရင် ၂ ပတ်ခန့်ရှိလာပြီဖြစ်ပါတယ်။ သီမြစ်လွင်ပြင်တိုက်ပွဲမှာ စစ်ကောင်စီဖက်က အကျအဆုံးများသလို ချင်းကာကွယ်ရေးပူးပေါင်းတပ်ဖွဲ့တွေဖက်ကလည်း အကျအဆုံးများခဲ့တယ်လို့သိရပါတယ်။ စစ်ကောင်စီတပ်ဖွဲ့ဟာ သီမြစ်လွင်ပြင်ကိုဖြတ်ကျော်ပြီး ထန်တလန်မြို့ကို ဝင်ရောက်ထိုးဖောက်ကာ နယ်မြေထိန်းချုပ်ဖို့ ကြိုးစားနေတာလို့လည်းဆိုကြပါတယ်။ ဒီကိစ္စနဲ့ပတ်သက်ပြီး ချင်းအမျိုးသားတပ်ဦး CNF/CNA ပြောရေးဆိုခွင့်ရှိသူ ဆလိုင်းထက်နီကို ဆက်သွယ်မေးမြန်းထားပါတယ်။ မေး ။ ဟားခါး-ထန်တလန်ကြား သီမြစ်တိုက်ပွဲအခြေအနေအရှင်ဆုံးရှင်းပြလို့ရမလား။ ဖြေ။ ။ သူတို့တက်လာတာ ၂၆ ရက်နေ့က တက်လာတာ အဲ့ဒီ ၂၆ ရက်နေ့မတိုင်ခင် သုံးရက်နေ့အလိုကနေ သူတို့ မြေပြင်တပ်ဖွဲ့တွေအတွက် လမ်းကြောင်းရှင်းဖို့ဆိုပြီးတော့ သုံးရက်ဆက်တိုက် လေယာဉ်နဲ့ ဗုံးကြဲတယ်၊ ပြီးတော့ လက်နက်ကြီးနဲ့လည်းပစ်တယ် အဲ့သည်ပြီးမှ ၂၆ ရက်နေ့မှာ တက်လာတယ်။ တက်လာတော့ ၂၆ ရက်နေ့ကနေ ဒီနေ့အထိ အခုက တိုက်ပွဲက ဆက်ဖြစ်နေတယ်။ အဲ့ဒီမှာ ကျွန်တော်တို့ဖက်က ၁၂ ယောက် ကျပြီးတော့ ၁၀ ယောက်ခန့် ဒဏ်ရာရတယ်။ သူတို့ဘက်က ဒီနေ့အထိဆိုရင် ၃၀ နီးပါး၊ ကျွန်တော်တို့ တွက်ထားတာကတော့ ၂၇ ဦးပေါ့ ပြီးတော့ ဒဏ်ရာရရှိတဲ့ဟာ စရင်းကောက်ထားအရ ၁၅ ဦးပေါ့ တာကတော့ မြေပြင်သတင်းအရ ကျွန်တော်တို့က သိရတာပေါ့။ အခုတိုက်ပွဲကတော့ ဆက်လက်ပြီးတော့ ဖြစ်လာမယ့်အနေထားမှာရှိတယ်။ သူတို့က အင်အား ၁၅၀ ခန့်အားနဲ့ တက်လာတယ်။ အဓိကကတော့ ထန်တလန်မြို့တပ်ကုန်းကို အင်အားဖြည့်ပြီးတော့ သူတို့အဲ့ဒီမှာ နယ်မြေစိုးမိုးဖို့ အဲ့ဒီကနေတစ်ဆင့် စစ်ရေးအရ…
(05MK) မိုခါဆိုင်ကလုန်းမုန်တိုင်းဘေးဒဏ်ခံခဲ့ရသော ချင်းပြည်သူများအတွက် လူသားချင်းစာနာထောက်ထားသည့် အကူအညီ ကျပ်ငွေ သိန်း ၂၀၀၀ ကို ကချင်ပြည်လွတ်လပ်ရေးအဖွဲ့ (KIO) က ချင်းအမျိုးသားတပ်ဦး CNF ထံ ပေးအပ်လှူဒါန်းခဲ့သည်ဟု သိရသည်။ မေလ ၁၄ ရက်နေ့က ချင်းလဲန်အတွင်း ဝင်ရောက်ဖြတ်သန်းတိုက်ခတ်ခဲ့သော မိုခါဆိုင်ကလုန်းမုန်တိုင်းကြောင့် လေဘေးဒဏ်ရင်ဆိုင်နေကြရသော ချင်းပြည်သူများအတွက် လူသားချင်းစာနာထောက်ထားသည့်အကူအညီအဖြစ် ကချင်ပြည်လွတ်လပ်ရေးအဖွဲ့ (KIO) မှ ပေးအပ်လှူဒါန်းသည့် ကျပ်ငွေ သိန်းနှစ်ထောင်ကို ကောင်းမွန်စွာလက်ခံရရှိသည်ဟု ယနေ့ ဇွန်လ ၅ ရက်နေ့တွင် ချင်းအမျိုးသားတပ်ဦး CNF က ထုတ်ပြန်သည်။ KIO အနေဖြင့် ချင်းလဲန်းပြည်သူများကို စာနာထောက်ထားပြီး ညီရင်းအစ်ကိုစိတ်ဓာတ်ဖြင့် ပြန်လည်ထူထောင်ရေးလုပ်ငန်းအတွက် ပါဝင်လှူဒါန်းပေးမှုအပေါ် အထူးကျေးဇူးတင်ရှိကြောင်း CNF ၏ ထုတ်ပြန်ချက်တွင် ဖော်ပြသည်။ အင်အားပြင်းမိုခါဆိုင်ကလုန်းမုန်တိုင်းကြောင့် ချင်းပြည်နယ်မှာ ဘာသာရေးအဆောက်အဦး၊ စာသင်ကျောင်း၊ စပါးကျီများအပါအဝင် လူနေအိမ် ၂၇၀၀ ကျော်ပျက်စီးခဲ့သည်ဟု ကြားကာလချင်းအမျိုးသားအတိုင်ပင်ခံကောင်စီ ICNCC ၏ စာရင်းအရသိရသည်။
(01RB) ကလေးမြို့နယ် မြောက်ပိုင်း ရှုခင်းသာကျေးရွာ (Phulmawi khua) စာသင်ကျောင်းကို စစ်ကောင်စီက ယနေ့ ဇွန်လ ၅ ရက် မနက် ၁၀ နာရီခွဲလောက်မှာ တိုက်ခိုက်ရေး ရဟတ်ယာဉ်တစ်စီးဖြင့် ပစ်ခတ်တိုက်ခိုက်မှုကြောင့် အရပ်သားပြည်သူ ၁ ဦးသေဆုံးပြီး ၄ ဦး ဒဏ်ရာရရှိခဲ့သည်ဟု သိရသည်။ ရှုခင်းသာကျေးရွာစာသင်ကျောင်းတွင် ကျေးရွာလူကြီးများ အစည်းအဝေးကျင်းပစဉ်မှာ စစ်ကောင်စီက စစ်သုံးရဟတ်ယာဉ်ဖြင့် လာရောက်ပစ်ခတ်ခြင်းဖြစ်သည်ဟု CNO Upper Chindwin Region ကထုတ်ပြန်သည်။ ထို့အပြင် ယနေ့မနက်ပိုင်း ၁၁ နာရီကျော်ခန့်မှာလည်း ကလေးမြို့မြောက်ဘက် လက်ပံချောင်းရွာထဲသို့ လက်နက်ကြီးဖြင့် တစ်ကြိမ်ပစ်ခတ်ကာ ရွာသားများ ထိခိုက်ဒဏ်ရာရသူများလည်းရှိကြောင်း CNO-UCR က ဆိုသည်။ ရှုခင်းသာကျေးရွာသည် ကလေးမြို့မှ ၁၈ မိုင်ခန့်ကွာဝေးပြီး ရာဇဂြိုလ်ဆည်အနီးတွင်တည်ရှိသော ချင်းလူမျိုးများနေထိုင်သည့် ကျေးရွာဖြစ်သည်။