Author: Editor

အိန္ဒိယနယ်စပ် ချင်းပြည်နယ် ဖလမ်းမြို့နယ် ရိခေါဒါရ်မြို့အနီးတွင် တောင်ယာသွားသော အမျိုးသားတစ်ဦး မြေမြှုပ်မိုင်းနင်းမိကာ ပေါက်ကွဲမှုကြောင့် သေဆုံးသွားသည်ဟု သိရသည်။ ဧပြီလ ၁၉ ရက် မနက် ၉ နာရီအချိန့်ခန့်တွင် ရိခေါဒါရ်မြို့ အမှတ် (၂) ရပ်ကွက်တွင်နေထိုင်သူ အသက် ၆၉ အရွယ်ရှိ ပူးလန်ဇာဆွပ်သည် မြို့ပြင်ဘက်တောင်ယာသွားရာတွင် မြေမြှုပ်မိုင်းနင်းမိကာ ပေါက်ကွဲမှုကြောင့် ပွဲချင်းပြီး သေဆုံးသွားခဲ့ကြောင်း ဒေသခံတစ်ဦးကပြောသည်။ ရိခေါဒါရ်မြို့အမှတ် ၂ ရပ်ကွက် သချုင်းကုန်းအနီး စစ်ကောင်စီတပ်စခန်းနှင့် မလှမ်းမကမ်းနေရာတွင် မြေမြှုပ်မိုင်းနင်းမိ ပေါက်ကွဲခဲ့ခြင်းဖြစ်သည်ဟု သိရသည်။ မြေမြှုပ်မိုင်းပေါက်ကွဲမှုကြောင့် ပူးလန်ဇာဆွပ်၏ ခန္ဓာကိုယ်တခုံးလုံးနီးပါး ကြေမွပျက်စီးသွားခဲ့သည်ဟု သူကဆိုသည်။

စစ်ကိုင်းတိုင်း၊ ကလေးမြို့မှာ ပြီးခဲ့တဲ့သင်္ကြန်အတက်နေ့တုန်းက တော်လှန်သင်္ကြန်သပိတ်ပြုလုပ်စဉ် စစ်ကောင်စီက ဖမ်းဆီးခဲ့တဲ့ ကလေး ပင်မသပိတ်အင်အားစုအဖွဲ့ဝင် ၄ ဦးရဲ့ နေအိမ်တွေ ချိပ်ပိတ်ခံခဲ့ရပြီးနောက် သူတို့ထဲက မကျိန်ဒွန့်ကိမ်ရဲ့ နေအိမ်ကို ဧပြီလ ၁၉ ရက်နေ့ ညနေပိုင်းမှာ စစ်ကောင်စီတပ်ဖွဲ့က မြေထိုးစက်နဲ့ဖြိုဖျက်ခဲ့တယ်လို့ သိရပါတယ်။ ဧပြီလ ၁၉ ရက်နေ့ ညနေပိုင်း ၃ နာရီဝန်းကျင်လောက်မှာ ကလေးမြို့ တောင်ဖီလာရပ်ကွက် နယ်မြေ ၁၁ မှာရှိတဲ့ မကျိန်ဒိန့်ကိမ်ရဲ့နေအိမ်ကို အင်အား ၃၀ လောက်ရှိတဲ့ စစ်ကောင်စီတပ်ဖွဲ့တွေ ပါဂျဲရိုးကား အနက်တစ်စီး၊ စစ်ကား အသေး ၂ စီး၊ စစ်ကား အကြီးတစ်စီး၊ JCB (မြေထိုးစက်) တို့ဖြင့် ရောက်ရှိလာပြီး နေအိမ်ကို ဖြိုချဖျက်ဆီးခဲ့တာဖြစ်တယ်လို့ ဒေသခံမျက်မြင်တစ်ဦးက ပြောပါတယ်။ “အခု စစ်သားတွေဖျက်ဆီးလိုက်တဲ့ အိမ်က နံကပ် နှစ်ထပ်အိမ်ပေါ့နော်၊ အုတ်စီထားတဲ့အိမ်နော် ကြေမွသွားတာပဲ ယူစရာမရှိဘူး ဒါပေမဲ့ မီးဖိုချောင်ဘက်တော့ ၇ ပေ ၈ပေလောက်ရှိမလား အဲဟာတော့နဲနဲကျန်တယ် ပစ္စည်းတွေကိုလဲ ဘာမှ မသိမ်းခိုင်း မယူခိုင်းဘူး ဒီတိုင်းအိမ်ကိုဖြိုချပြီး ပြန်လှည့်သွားကြတယ်” လို့ မျက်မြင်တစ်ဦးက ပြောပါတယ်။ ကျန် ၃ ဦးရဲ့နေအိမ်တွေကိုတော့ စစ်ကောင်စီက ဖြိုဖျက်ခြင်းရှိ/မရှိ မသိရပေ။ ကလေး ပင်မသပိတ်အင်အားစုအဖွဲ့ဝင်တွေဟာ ကလေးမြို့ တပ်ဦးသီတာရပ်ကွက်၊ ဗိုလ်ချုပ်လမ်းမ တံတာဦးအနီးမှာ ဧပြီလ ၁၆ ရက်နေ့မွန်းလွဲပိုင်း ၂ နာရီလောက်မှာ တော်လှန်သင်္ကြန် လျှပ်တပြတ်ဆန္ဒဖော်ခဲ့စဉ်မှာ စစ်ကောင်စီတပ်ဖွဲ့တွေ ကားနဲ့ရောက်ရှိလာပြီး သူတို့ထဲက ကိုသန်းစိုးဦး၊…

မီဇိုရမ်ပြည်နယ် Lunglei မြို့အကျဉ်းထောင်တွင် အကျဉ်းကျနေသူ မြန်မာနိုင်ငံသား ၅ ဦးသည် ယနေ့ နံနက်ပိုင်း ၂ နာရီခန့်က ထောင်ဖောက်ထွက်ပြေးခဲ့ကြသည်ဟု သိရသည်။ ထောင်ဖောက်ထွက်ပြေးသွားသူ အားလုံးသည် မြန်မာနိုင်ငံသားများဖြစ်ကြပြီး သူတိုထဲက တစ်ဦးမှာ လူသတ်မှုဖြင့် ထောင်ဒဏ်ကျခံနေရသူဖြစ်သည်ဟု Lunglei မြို့ရဲစခန်းထံမှ သိရသည်။ ၎င်းတို့အားလုံးသည် အကျဉ်းထောင်ထဲတွင် အခန်းတစ်ခုတည်း၌ အတူတူ နေထိုင်ကြသူများဖြစ်ကြပြီး အိမ်သာအုပ်နံရံကို ဖောက်ထွင်းပြီး ထွက်ပြေးသွားကြခြင်းဖြစ်သည်ဟု ရဲတပ်ဖွဲ့ကပြောသည်။ Lunglei မြို့ရဲတပ်ဖွဲ့များသည် အဖွဲ့ ၄ ဖွဲ့ခွဲပြီး ထွက်ပြေးလွတ်မြောက်သူများအား ဖမ်းဆီးနိုင်ရေးအတွက် အပူတပြင်း လိုက်လံရှာဖွေလျက်ရှိကာ ယခုသတင်းရေးသားနေသည့်အချိန် ဖမ်းဆီးနိုင်ခြင်းမရှိသေးကြောင်း သိရသည်။

စစ်ကိုင်းတိုင်း၊ ကလေးမြို့တွင် ဧပြီလ ၁၈ ရက်နေ့ ည ၈ နာရီနောက်ပိုင်းကစတင်ပြီး စစ်ကောင်စီတပ်များ တပ်စွဲရာနေများတွင် ပစ်ခတ်မှုဖြစ်ပွားခဲ့ပြီး စစ်ကောင်စီတပ်ဖွဲ့များက လက်နက်ကြီးများဖြင့် ရမ်းသမ်းပစ်ခတ်ခဲ့သောကြောင့် တာဟန်းရပ်ကွက်တွင် ကျရောက်ပေါက်ကွဲကာ လူနေအိမ်များ ထိခိုက်ပျက်စီးမှုရှိသည်ဟု ကလေးမြို့ခံတစ်ဦးက ပြောသည်။ “အနီးကပ်တိုက်ပွဲမျိုးတော့မဟုတ်ဘူး အကြာကြီးပဲ လက်နက်ကြီးကတော့ ၅ လုံးလောက်ကျတယ်။ တချို့က B ရပ်ကွက်မှာကျတာ ၂ နေရာ၊ ခြံဝင်းထဲမှာ ကျတဲ့ဟာက လူသေတာတော့ မရှိဘူး၊ ကံကောင်းတယ်။ တလုံးက လူမရှိတဲ့နေအိမ်ခေါင်းမိုး ပေါ်ကျတာ အမိုးတွေက ပွင့်သွားတာ။ တနေရာကတော့ ခြံဝင်းထဲမှာကျတော့ ကားတစီးက ရှေ့လေကာမှန် ကြေသွားတယ်၊ အိုင်းစတိုင်းကျောင်းနားမှာလည်း ကျတယ်။” ဟု ကလေးမြို့ခံက ပြောသည်။ ကလေးမြို့တွင်း စစ်ကောင်စီတပ်ဖွဲ့ဝင်များ တပ်စွဲထားသည့် ဝယ်စလီဆေးရုံလမ်းခွဲ၊ နေကြာတိုက်ရှေ့နှင့် တာဟန်းရဲစခန်းတို့တွင် ပစ်ခတ်မှုဖြစ်ပွားခဲ့ခြင်းဖြစ်သည်ဟု သိရသည်။ စစ်ကောင်စီတပ်ဖွဲ့၏ လက်နက်ကြီးပစ်ခတ်မှု အသံများကြောင့် ကျောင်းတိုက်ကျေးရွာက အသက် (၃၇) နှစ်အရွယ် နှလုံးရောဂါသည်အမျိုးသမီးတစ်ဦး သေဆုံးခဲ့သည်ဟု သိရသည်။

မီဇိုရမ်ပြည်နယ်အတွင်းရှိ အင်အားကြီးသော အရပ်ဖက်အဖွဲ့အစည်းများဖြစ်သည့် CYMA, CYLA နှင့် MTP တို့သည် ဧပြီလ ၁၈ ရက်နေ့က Lunglei မြို့တွင် တွေ့ဆုံခဲ့ကြပြီး မြန်မာစစ်ဘေးရှောင်အရေး ဆွေးနွေးခဲ့ကြသည်ဟု သိရသည်။ Central Young Mizo Association, Central Young Lai Association နှင့် Mara Thyutlia Py စသည့်အဖွဲ့ ၃ ဖွဲ့မှေ ခါင်းဆောင်များသည် Lunglei မြို့တွင် တွေ့ဆုံခဲ့ကြပြီး အိမ်နီးနိုင်ငံတို့မှ ဝင်ရောက်လာကြသော စစ်ဘေးရှောင်အရေးနှင့်ပတ်သက်၍ ပူးပေါင်းဆောင်ရွက်နိုင်မည့် နည်းလမ်းများကို ဆွေးနွေးခဲ့ကြသည်ဟု မီဇိုရမ်နေ့စဉ်ထုတ် Vanglaini သတင်းစာတွင် ဖော်ပြသည်။ Central YMA ဥက္ကဌ Pu R. Lalngheta က “အိမ်နီးချင်းနိုင်ငံတွေကနေ အသက်ဘေး လုံခြုံရေးအတွက် စစ်ဘေးရှောင်လာကြသူတွေနဲ့ပတ်သက်ပြီး စည်းစည်းလုံးလုံးနဲ့ ဘယ်လိုပူးပေါင်းဆောင်ရွက်ကြမလဲဆိုတာ ဆွေးနွေးခဲ့ကြတယ်” ဟု ပြောဆိုကြောင်း သတင်းစာကဆိုသည်။ အဆိုပါဆွေးနွေးပွဲတွင် စစ်ဘေေးရှာင်အရေးနှင့်ပတ်သက်၍ ဆွေးနွေးကြေသော အချက်တချို့မှာ အိမ်နီးချင်းနိုင်ငံမှ အသက်ဘေးလုံခြုံရေးအတွက် စစ်ဘေးရှောင်လာကြသူများအား သေချာလေ့လာပြီး နည်းစနစ်တကျဖြင့် စာရင်းပြုစုရန်၊ စစ်ဘေးရှောင်နှင့်ပတ်သက်သော သတင်းအချက်အလက် ဖလှယ်ရန်၊ မီဇိုရမ်ပြည်နယ်သူ/ပြည်နယ်သားများ၏ ဆန္ဒသဘောထားအတိုင်း နေထိုင်ရမည်၊ စစ်ဘေးရှောင်များအနေဖြင့် မိမိနေရာထိုင်ပြောင်းရွှေ့မည်ဆိုပါက ရပ်ကွက်၊ ကျေးရွာက အရပ်ဖက်အဖွဲ့အစည်းများကို အသိပေးအကြောင်းကြားရန်၊ CYMA, CYLA နှင့် MTP တို့မှ စစ်ဘေး ရှောင်အတွက် လူဦးရေစာရင်း (Census) ကောက်ခံပါက အခြား NGO အဖွဲ့အစည်းများမှ ပါဝင်စွပ်ဖက်ခြင်းမပြုရန်၊ အကယ်၍အခြားအဖွဲ့အစည်းက…

မီဇိုရမ်ပြည်နယ်ကို ခိုလုံလာကြသော မြန်မာစစ်ဘေးရှောင်ပြည်သူများအတွက် ယာယီတဲများတည်ဆောက်ရန် လိုအပ်နေသော မိုးကာများကို မီဇိုရမ်ပြည်နယ် အရပ်ဖက်အဖွဲ့အစည်းတစ်ခုဖြစ်သော ZORO က ပေးအပ်လှူဒါန်းခဲ့သည်ဟု သိရသည်။ မီဇိုရမ်ပြည်နယ်တွင် နေ့စဉ်နှင့်အမျှ မြန်မာနိုင်ငံက ညီအကိုစစ်ဘေးရှောင်ပြည်သူများ တိုးလာနေပြီး ၎င်းတို့နေထိုင်ရန် ယာယီတဲများဆောက်လုပ်ရန် မိုးကာစများလို အပ်ကြောင်း အကူအညီတောင်းခံလာသည့်အပေါ် ကူညီပံ့ပိုးနိုင်ခဲ့သည်ဟု Zo Reunification Organization (ZORO) အဖွဲ့က ဧပြီလ ၁၈ ရက်နေ့တွင် ထုတ်ပြန်သည်။ ယင်းမိုးကာစများကို ကျန်ဖိုင်းခရိုင် Farkawn ကျေးရွာက စစ်ဘေးရှောင်များထံ ZORO အဖွဲ့ကိုယ်စား Tuipuiral Group YMA ဥက္ကဌ Pu Papuia က ဧပြီလ ၁၇ ရက်နေ့က ပေးအပ်ခဲ့သည်ဟု ZORO ၏ ထုတ်ပြန်ချက်တွင် ဖော်ပြသည်။ ထို့အပြင် အိုင်ဇောလ်ခရိုင်အတွင်းရှိ မြန်မာစစ်ဘေးရှောင်များနေထိုင်ကြသော Nghalchawm, Sihhmui, YHAI, Durtlang စစ်ဘေးရှောင်စခန်းများတွင်လည်း ရူပီးငွေ ၂ သိန်းကျော်ခန့်တန်ဖိုးရှိသော ဆန်၊ အာလူး၊ ကျောင်းနေရွယ်ကလေးငယ်များ အတွက်လိုအပ်သောအသုံးအဆောင်များကိုလည်း ZORO အဖွဲ့က ပေးအပ်ခဲ့သည်ဟု သိရသည်။ ZORO အဖွဲ့အစည်းသည် အိန္ဒိယ-မြန်မာ-ဘင်္ဂလားဒေရှ့် စသည့် ၃ နိုင်ငံတွင် နေထိုင်ကြသော ဇိုး (ချင်း) မျိုးနွယ်စုများ အုပ်ချုပ်မှုတစ်ခုအောက်တွင် တစည်းတလုံးတည်း ပြန်လည်ပေါင်းစည်းနေထိုင်နိုင်ရန်အတွက် လှုပ်ရှားနေသော အဖွဲ့အစည်းတစ်ခုဖြစ်ပြီး မီဇိုရမ်ပြည်နယ်အတွင်းရှိ သြဇာရှိသော အရပ်ဖက်အဖွဲ့အစည်းတစ်ခုဖြစ်သည်။

စစ်ကိုင်းတိုင်း ကလေးမြို့ပေါ်တွင် စစ်ကောင်စီကိုဆန့်ကျင်သော တော်လှန်သင်္ကြန် ဆန္ဒဖော်ထုတ်ခဲ့သူ ၄ ဦးကို ဧပြီလ ၁၆ ရက်နေ့က စစ်ကောင်စီတပ်ဖွဲ့ကဖမ်းဆီးခဲ့ပြီးနောက် ၎င်းတို့မိသားစုဝင်တချိူ့ကိုပါ နေအိမ်အထိလိုက်လံဖမ်းဆီးခဲ့သည်ဟု စုံစမ်း သိရှိရသည်။ ကလေးမြို့ တပ်ဦးသီတာရပ်ကွက်၊ ဗိုလ်ချုပ်လမ်းမ တံတာဦးတွင် ဧပြီလ ၁၆ ရက်နေ့မွန်းလွဲပိုင်း ၂ နာရီခန့်တွင် တော်လှန်သင်္ကြန် လျှပ်တပြတ်ဆန္ဒဖော်ထုတ်ခဲ့သူများအနက် ကိုသန်းစိုးဦး၊ မကျိန်ဒွန့်ကိမ်၊ မနှင်းစံနှင့် ကိုမျိုးကိုဝင်းတို့ကို စစ်ကောင်စီတပ်ဖွဲ့ ဖမ်းဆီးခဲ့သည်။ အဖမ်းခံရသူများအနက် ကလေးမြို့မွန်းလိုင်ရပ်ကွက်တွင် နေထိုင်သော မကျိန်ဒွန့်ကိမ်၏နေအိမ်ကို ယင်းနေ့ညနေပိုင်း ၄ နာရီဝန်းကျင်ခန့်တွင် စစ်ကောင်စီတပ်ဖွဲ့များကားဖြင့် ရောက်ရှိလာကြပြီး နေအိမ်မှာရှိနေသော အသက် ၆၀ အရွယ် နာမကျန်းမိခင်ဖြစ်သူနှင့် တူမတော်စပ်သူ မကြားမပြော မသန်စွမ်း အမျိုးသမီးတို့ကို ဖမ်းဆီးခေါ်ဆောင်သွားကာ နေအိမ်ကိုလည်း ချိတ်ပိတ်ခဲ့သည်ဟု ဒေသခံတစ်ဦးကပြောသည်။ “သူတို့နေအိမ်မှာ အမျိုးသမီးတွေပဲရှိတာ ဖခင်ဖြစ်သူနဲ့ အကိုဖြစ်သူက တခြားအရပ်မှာ မိသားစု စားဝတ်နေရေးအတွက် လှုပ်ရှားရုန်းကန်နေကြတာအိမ်မှာ အမေဖြစ်သူကလဲ နာမကျန်းဖြစ်ပြီး ခြေထောက်တစ်ဖက် အားနည်းသူဖြစ်တယ်၊ နောက် သူ့အကိုရဲ့သမီးဖြစ်သူက စကားမပြောတတ်ဘူး သူတို့ဆီနေနေတာ စစ်ကောင်စီက အိမ်မှာရှိတဲ့သူအားလုံး ဖမ်းခေါ်သွားကြတာ အခုထိ အိမ်ပြန်မရောက်သေးဘူး။” ဟု ၎င်းတို့နှင့် နီးစပ်သူဒေသခံတစ်ဦးက ပြောသည်။ စစ်ကောင်စီတပ်ဖွဲ့များက မည်သည့်ကိစ္စကြောင့် မကျိန်ဒွန့်ကိမ်၏ မိခင်ဖြစ်သူနှင့် တူမ မသန်စွမ်းအမျိုးသမီးတို့အား ဖမ်းဆီးခေါ်ဆောင်သွားသည်ကိုမူ မသိရပဲ ယနေ့ချိန်ထိ ပြန်လည်လွတ်မြောက်လာခြင်းမရှိသောကြောင့် မိသားစုဝင်များက စိုးရိမ်ပူပန်နေကြကြောင်း သူက ဆက်ပြောသည်။ ယမန်နေ့ ဧပြီလ ၁၆ ရက်နေ့သည် မြန်မာ့ရိုးရာနှစ်သစ်ကူး အတာသင်္ကြန်ပွဲတော် အတက်နေ့ဖြစ်ပြီး…

ချင်းပြည်နယ်၊ ဖလမ်းမြို့နယ် ရမ်ထလို (Ramthlo) ရွာမှာ ဧပြီလ ၁၇ ရက်နေ့ နံနက်ပိုင်းက ဒေသခံ ဇနီးမောင်နှံ ၂ ဦး တောင်ယာသွားစဉ်မှာ မိုင်းနင်းမိ၍ အပြင်းအထန် ဒဏ်ရာရရှိခဲ့ကြပြီး ဇနီးဖြစ်သူမှာ သေဆုံးခဲ့သည်ဟု သိရသည်။ ဖလမ်းမြို့မှ ၂၂ မိုင်ကွာဝေးပြီး ဖလမ်း-ဟားခါးလမ်းပေါ်တွင်တည်ရှိသော ရမ်ထလိုကျေးရွာတွင် ဧပြီလ ၁၇ ရက်နေ့ မနက်ပိုင်းက ဒေသခံ ဦးဖွန်းကြီးနှင့် ဒေါ်မဆန်းတို့သည် တောင်ယာသွားစဉ်မှာ မိုင်းနင်းမိ၍ ပေါက်ကွဲမှုကြောင့် နှစ်ဦးစလုံး ဒဏ်ရာအပြင်းအထန် ရရှိခဲ့ကြပြီးနောက် ဇနီးဖြစ်သူမှာ သွေးထွက်လွန်မှုကြောင့် သေဆုံးသွားခဲ့သည်ဟု ဒေသခံတစ်ဦးက ပြောသည်။ “ရွာနား ရမ်ထလိုမရောက်ခင်မှာ လမ်းအောက်က ခြံအသေးလေးလုပ်နေတာစားဖို့ ဟင်းသီးဟင်းရွက်သွားခူးတာ မိုင်းနင်းမိပြီးမှ သူ့မိန်းမက ဆုံးသွားတယ် သူ့အမျိုးသားက အခုဖလမ်းဆေးရုံ ခွဲခန်းထဲ မှာရှိနေတုန်းပဲ” ဟု ရမ်ထလိုရွာသားတစ်ဦးက ပြောသည်။ ဦးဖွန်ကြီးတို့ဇနီးမောင်နှံသည် မိုင်းပေါက်ကွဲမှုကြောင့် ညာဖက်ခြေထောက်နှင့် လက်မောင်းဒဏ်ရာရရှိခဲ့ကြပြီး ဖလမ်းဆေးရုံသို့ပို့ဆောင်စဉ် အမျိုးသမီးဖြစ်သူမှာ သွေးထွက်လွန်၍ ကွယ်လွန်သွားခဲ့ခြင်းဖြစ်သည်ဟု ဆိုသည်။ ၎င်းတို့တွင် သား ၄ ဦးနှင့် ၄ နှစ်အရွယ် သမီး ၁ ဦး ရှိသည်ဟုသိရသည်။ ရမ်ထလိုကျေးရွာသည် စစ်ကောင်စီတပ် စစ်ကြောင်းထိုးထွက်လာချိန်တွင် မကြာခဏဝင်ရောက်ကာ လူနေအိမ်များကို မီးရှို့ခြင်း၊ ပြည်သူပိုင်ပစ္စည်းများကို ခိုးယူခြင်းများပြုလုပ်သောကြောင့် ဒေသခံများမှာ ရွာထဲတွင် မနေရဲဘဲ တောထဲ တောင်ထဲသို့ တိမ်းရှောင်လေ့ရှိကြသည်။ ပြီးခဲ့သည့် ဧပြီလ ၆ ရက်နေ့ကလည်း ရမ်ထလိုကျေးရွာက ပြည်သူနေအိမ် ၁၉ လုံးကို စစ်ကောင်စီတပ်ဖွဲ့က…

ချင်းပြည်နယ် မင်းတပ်မြို့နယ်တိုက်နယ်အမှတ် ၁ ပန်းပါကျေးရွာတွင် စစ်ကောင်စီတပ်ဖွဲ့၏ လေကြောင်းတိုက်ခိုက်မှုကြောင့် အသက် ၁၇ နှစ်အရွယ်အမျိုးသမီးငယ်တစ်ဦး ဒဏ်ရာကြောင့် ထပ်မံသေဆုံးခဲ့ရပြီး သေဆုံးဦးရေ ၃ ဦးထိရှိလာပြီဖြစ်သည်။ ဧပြီလ ၁၆ ရက်နေ့ ညနေပိုင်း ၃ နာရီနှင့် ၄ နာရီကြားတွင် ပန်းပါကျေးရွာကို စစ်ကောင်စီတပ်ဖွဲ့က တိုက်လေယာဉ်ဖြင့် ၆ ကြိမ် တိုက်ခိုက်ကာ ဗုံး ၁၇ လုံးကြဲချခဲ့ပြီး အသက် ၄ နှစ်အောက် ကလေးငယ်တစ်ဦးနှင့် အသက် ၇၀ အရွယ် အမျိူးသမီးတစ်ဦး သေဆုံးကာ အမျိုးသား ၂ ဦးနှင့် အမျိုးသမီး ၅ ဦး ထိခိုက်ဒဏ်ရာရရှိခဲ့သည်ဟု CDF-Mindat ၏ ထုတ်ပြန်ချက်အရ သိရသည်။ ထို့အပြင့် လူနေအိမ် ၂ လုံးမီးလောင်ပြီး လူနေအိမ် ၉ လုံး ပျက်စီးသွားခဲ့သည်ဟု ဆိုသည်။ တိုက်လေယာဉ်ဖြင့် ဗုံးကြဲတိုက်ခိုက်ခံရမှုကြောင့် ဒဏ်ရာရရှိသူများထဲမှ အဆိုပါအမျိုးသမီးသည် ပြင်းထန်ဒဏ်ရာကြောင့် ၁၆ ရက်နေ့ညတွင် ထပ်မံသေဆုံးခဲ့ရခြင်းဖြစ်သည်။ စစ်ကော်ငစီတပ်ဖွဲ့သည်မင်းတပ်မြို့နယ်တွင် ရည်ရွယ်ချက်ရှိရှိဖြင့် လက်နက်ကြီး (ဟောင်ဝစ်ဇာအမြောက်) ပစ်ခတ်ခြင်း၊ လေကြောင်းဖြင့် ပစ်ခတ်တိုက်ခိုက်ခြင်းများ ဆက်တိုက်ပြုလုပ်လာနေသည့်အတွက် ပြည်သူများအနေဖြင့် ပုန်းခိုကျင်းများတူးထားကြရန် ဧပြီလ ၁၄ ရက်နေ့က CDF-Mindat က ထုတ်ပြန်ခဲ့သေးသည်။ စစ်ကောင်စီတပ်ဖွဲ့သည် ချင်းပြည်နယ်တွင် လေကြောင်းတိုက်ခိုက်မှု ဆက်တိုက်လုပ်ဆောင်လာနေပြီး ပြီးခဲ့သည့်မတ်လ ၃၀ ရက်နေ့ ထန်တလန်မြို့နယ် ခွါဖိုးကျေးရွာနှင့် ဧပြီလ ၁၀ ရက်နေ့က ဖလမ်းမြို့နယ် ဝေဘူလကျေးရွာတို့ကို ဗုံးကြဲတိုက်ခိုက်မှုကြောင့် ကလေးငယ်များအပါအဝင်…

စစ်အုပ်ချုပ်ရေးကြေညာခံထားရသည့် ချင်းပြည်နယ်တောင်ပိုင်းမတူပီမြို့နယ်တွင် လမ်းပန်းဆက်သွယ်ရေး၊ အင်တာနက်လိုင်းနှင့် ဖုန်းလိုင်းများဖြတ်တောက်ခံထားရမှု အချိန်ကြာမြင့်လာသည်နှင့်အမျှ မြို့တွင်းနေ ပြည်သူများ နေထိုင်စားသောက်ရေးအပြင် လူမှုစီးပွားကြပ်တည်းမှု ရင်ဆိုင်ကြုံတွေ့နေကြရသည်ဟု သိရသည်။ မတူပီမြို့နယ်တွင် ကုန်စည်စီးဆင်းမှု လုံးဝနီးပါးရပ်တန့်လာခြင်းကြောင့် ဒေသခံများအနေဖြင့် အခြေခံစားသောက်ကုန်များဝယ်ယူရန် ခက်ခဲလာသည့်အပြင် ဒေသတွင်း အဖြစ်အပျက်များကိုပင် မသိရှိနိုင်တော့သည့်အထိ ဖြစ်လာသောကြောင့် အတော်လေး အခက်အခဲများ ကြုံနေကြရခြင်းဖြစ်သည်ဟု မတူပီမြို့ခံတစ်ဦးက ပြောသည်။ “ခရီးသည်ကားတွေဆို ၁ လ လောက်ရှိနေပြီ လမ်းမှာ ဟိုဖက်မသွားခိုင်းလိုက်၊ ဒီဖက်မသွားခိုင်းနဲ့ဆိုတော့ လမ်းမှာ ကြန့်ကြာနေတာ ပိတ်မိနေတာ။ အခုလမ်းခုလတ်မှာ ဖုန်းလည်းပြောလို့မရတော့ဘူး။ ဘယ်လိုမှကို ဆက်သွယ် မရတော့တာ။ ကြိုးဖုန်းလည်းမရတော့တာ အိမ်နဲ့ အဆက်သွယ်ပြတ် ဖုန်းမပြောတာ ၂ လ လောက်ရှိပြီ။ အကုန်ုလုံး ဖြတ်ပြီးပြီး ကျွန်တော်တို့ငယ်ငယ်တုန်းကလိုပါ့။ကိုယ့်အိမ်က လူတွေ ဘယ်လိုအ ခြေ အနေလဲ၊ ကျန်းမာလားဆိုတာ ဘာမှမသိရဘူး” ဟု ပြည်မသို့ ရောက်ရှိနေသည့် မတူပီမြို့ခံတစ်ဦးက ပြောသည်။ စစ်ကောင်စီတပ်ဖွဲ့သည် ချင်းပြည်နယ်တောင်ပိုင်း မတူပီ၊ မင်းတပ်နဲ့ ကန်ပက်လက် မြို့နယ်များကို အင်တာနက်လိုင်း ဖြတ်တောက်ထားဆဲဖြစ် သည့်အပြင် လက်ရှိတွင်လည်း ကြိုးဖုန်းလိုင်း ထပ်မံဖြတ်တောက်ထားသည်မှာ ၃ လ နီးပါးရှိပြီဖြစ်သည်ဟု သိရသည်။ စစ်ကောင်စီတပ်ဖွဲ့များ၏ လမ်းပန်းဆက်သွယ်ရေးဖြတ်တောက်ခြင်း၊ အခြေခံစားသောက်ကုန်နှင့် ဆေးဝါးများ သယ်ယူခွင့်ကန့်သတ်ပိတ်ဆိုခြင်း၊ သတင်းအချက်အလက်အမှောင်ချထားခြင်း စသည့် ဖြတ်လေး ဖြတ်ဗျူဟာ မှာ နယ်ဘက်ကျေးရွာများထက် စစ်ကောင်စီအခြေစိုက်ရာ မြို့တွင်းနေပြည်သူလူထုများမှာ အများဆုံးအခက် ကြုံနေရခြင်းဖြစ်ကြောင်း မတူပီမြို့နယ် ပြည်သူ့အုပ်ချုပ်ရေးအဖွဲ့၏ ပြောရေးဆိုခွင့်ရှိသူ ဆလိုင်းပါထောင်းက ပြောသည်။ “ကျွန်တော်တို့…