ချင်းပြည်နယ်၊ မတူပီမြို့အခြေစိုက် ခလရ (၁၄၀) တပ်ရင်းတွင် ကိုဗစ်ကူးစက်မှုဖြစ်ပွားကာ သေဆုံးမှုရှိလာသောကြောင့် မတူပီတမြို့လုံးကို စက်တင်ဘာ ၁၃ ရက်နေ့ကစ၍ ရက်အကန့်အသတ်မရှိ Lockdown ချထားသည်ဟု သိရသည်။ “အခုမတူပီတော့ အကုန်လုံးကို ဒီနေ့ကစပြီး Lockdown ချထားတယ်၊ ကိုဗစ်ပိုးတွေ့များတဲ့အပြင် တယောက်လဲသေလို့ ရက်ကန့်သတ်တော့မရှိဘူး၊ ကိုဗစ်အခြေအနေက နည်းနည်းဆိုးနေတာ။ မနက်စျေးလည်းမရောင်းရဘူး။ ပြီးတော့ ဘယ်မှလည်းမသွားရဘူးဆိုပြီး၊ ဒီနေ့ ၁၄-၁၆ ရက်အထိ ကိုဗစ်ပိုးစစ်ဆေးပေးမှာ” ဟု မတူူပီဒေသခံ တစ်ဦးက ပြောသည်။ မတူပီမြို့ပေါ် ခလရ (၁၄၀) တပ်ရင်းတွင် တပ်သားတစ်ဦးနှှင့် ဇနီးထံ ကိုဗစ်ပိုးတွေ့ရှိခဲ့ကြပြီး ဇနီးဖြစ်သူမှာ စက်တင်ဘာ လ ၁၂ ရက်နေ့ကသေဆုံးသွားသည့်အတွက် တမြို့လုံးအား ရက်အကန့်အသတ်မရှိ Lockdown ချလိုက်ခြင်းဖြစ်သည်။ မတူပီမြို့တွင် စစ်ကောင်စီတပ် ခလရ(၁၄၀)၊ ခလရ (၃၀၄) နှင့် စစ်ဗျူဟာတပ်တို့ရှိပြီး တပ်တွင်းကိုဗစ်ကူးစက်မှုပြန့်နေသည်ဟုလည်း စုံစမ်းသိရှိရသည်။ မတူပီမြို့တွင် ကိုဗစ်ပိုးတွေ့လူနာများရှိလာသောကြောင့် မတူပီခရစ်ယာန်ဂိုဏ်ပေါင်းစုံမှဦးဆောင်ပြီး ပြည်သူ့ဆေးရုံမှ ကျန်းမာရေးဝန်ထမ်းများက ကိုဗစ်ပိုးရှိ၊မရှိ အ.ထ.က (၂) ကျောင်းနှင့် ပြည်သူ့ဆေးရုံတို့ တွင်လက်ခံစစ်ဆေးပေးနေပြီး ယနေ့တွင် စန်ဘောင်ရပ်ကွက်၊ ၁၅-၁၆ ရက်နေ့တွင် အနောက်ခိုဘွေ၊ လောင်ပန်းနှင့် ငလားရပ်ကွက်တို့တွင် ထပ်မံ စစ်ဆေးပေးသွား မည်ကြောင်းလည်း မတူပီဒေသခံများထံမှ သိရသည်။ မတူပီမြို့တွင် ကိုဗစ်ပိုးတွေ့လူနာ ၁၁ ဦးရှိခဲ့ပြီး ဆေးရုံမှဆင်းသွားသူ ၂ ဦးနှင့် ယမန်နေ့က တစ်ဦးသေဆုံးခဲ့သည်။ လက်ရှိတွင် ၈ ဦးကုသမှုခံယူလျှက်ရှိကာ ယခုပိုးတွေ့ ကိုဗစ်လူနာအများစုမှာ တင်ဒါကိစ္စဖြင့် ဟားခါးမြို့သို့…
Author: Editor
ချင်းပြည်နယ်စီမံအုပ်ချုပ်ရေးကောင်စီမှ ထောက်ပံ့သော အလှူငွေများကို ပလက်ဝမြို့နယ် ခရစ်ယာန်အမှုတော် ဆောင်ပါစတာများက စက်တင်ဘာလ ၁၁ ရက်နေ့က လက်ခံရရှိခဲ့သော်လည်း ၎င်းတို့ လက်ခံရရှိခဲ့သော ငွေကြေးများကို ပလက်ဝမြို့နယ်အတွင်း ဒေသလိုအပ်ချက်များအတွက် အသုံးပြုရန် ပြန်လည်လှူဒါန်းလိုက်ကြသည်ဟု သိရသည်။ “သူတို့ပေးတာက စာရင်းလဲမမှန်ပါဘူး၊ လက်ရှိ မြို့ပေါ်မှာရှိတဲ့ သင်းအုပ်ဆရာရှိတဲ့ စာရင်းအားလုံးတော့မဟုတ်ဘူး ဒါပေမယ့် အရင်က ရှိပြီးသားစာရင်းလားမသိဘူး။ ၃၀၀ ဝန်းကျင်လောက်ပဲပေးတယ်။ ကျွန်တော်တို့ သင်းအုပ်ဆရာအားလုံးက ပရဟိတအဖွဲ့ကို အားလုံး ဒီနေ့ ကျွန်တော်တို့ ပြန်လှူလိုက်တယ်” ဟု ပလက်ဝမြို့နယ် ခရစ်ယာန်အမှုတော် ဆောင်ပါစတာတစ်ဦးက ပြောသည်။ ပလက်ဝမြို့နယ်တွင် ခရစ်ယာန်အမှုတော်ဆောင် (၅၀၀) ဝန်းကျင်ရှိသည်ဟု သိရပြီး လက်ရှိ စစ်ကောင်စီက ခရစ်ယာ န်အမှုတော်ဆောင် (၃၁၀) အတွက် တစ်ဦးလျှင် ကျပ် ၁၈၀၀၀ နှူန်းဖြင့် ထောက်ပံ့လှူဒါန်းပေးသော ငွေကျပ် ၅၅၈၀၀၀၀ ကို ပလက်ဝမြို့ ပြည်သူ့ဆေးရုံတွင် လိုအပ်သော မီးစက်တစ်လုံးနှင့် ဒီဇယ်ဝယ်ရန် (၁၀ သိန်း)၊ Oxygen Plant ဖြစ်မြောက်ရေးအတွက် (၁၀ သိန်း) နှင့် COVID-19 ကာကွယ်ထိန်းချုပ်ရေး အတွက် ကျပ် ၃၃၆၄၀၀၀ နှင့် ၂၁၆၀၀၀ ကျပ်တန်ဖိုးရှိ (ဆန်၊ဆီ၊ ဆား၊ ပဲ) တို့ကို ပြန်လည်လှူဒါန်းခဲ့ကြခြင်းဖြစ်သည်။ အလားတူ ချင်းပြည်နယ်၊ မင်းတပ်မြို့နယ်ရှိ ခရစ်ယာန်ဓမ္မအမှုတော်ဆောင်များကလည်း စစ်ကောင်စီက ထောက်ပံ့လှူဒါန်းသော ကျပ် (၃၉၆၀၀၀၀) ကို မင်းတပ်ပရဟိတမိတ်ဆွေအဖွဲ့ထံကို သာရေးနာရေးနှင့် လူမှုရေးကိစ္စအဝဝတို့တွင် အသုံးပြုရန်အတွက် တဆင့်…
အိန္ဒိယနိုင်ငံ အာသံပြည်နယ် Guwahati မြို့တွင် ချင်းလူမျိုး ၂၆ ဦးကို နိုင်ငံသားကဒ်အတု ကိုင်ဆောင်မှုနှင့် စက်တင်ဘာ လ ၁၂ ရက်နေ့က အဖမ်းခံရသည်ဟု သိရသည်။ ၎င်းတို့ကို Guwahati မြို့ Rehabari ရပ်ကွက် Muana Run တည်းခိုခန်းတွင် အာသံရဲတပ်ဖွဲ့က ဖမ်းဆီးခဲ့ခြင်းဖြစ်ပြီး ကျမ်းစာကျောင်းတက်ရောက်ရန် နယူးဒေလီမြို့သို့ သွားရောက်ကြသူများဖြစ်ကြကြောင်း ထွက်ဆိုထားကြသည်ဟု သိရသည်။ အဖမ်းခံရသူများထဲတွင် အမျိူးသမီး ၁၀ ယောက်ပါဝင်ကြောင်းသိရသည်။ နယူးဒေလီအခြေစိုက် CHRO တာဝန်ခံ Salai Cung Dawt က “အားလုံး ၂၆ ယောက်ဖြစ်တယ်။ အားလုံး ချင်းပြည်နယ်ဖ က်ကဖြစ်တယ်။ ဖမ်းတယ်ဆိုတဲ့သတင်းကို ကြားကြားချင်းဘဲ လူတစ်ယောက်ကို စုံစမ်းခိုင်းထားတယ်။ အခုသူတို့က ရဲစခန်းမှာထားထားတယ်။ သူတို့နဲ့လည်း စကား ပြောဖြစ်တယ်။ အဓိကတော့ Document အတု၊ fake ID ကိုင်ဆော င်လာတာကြောင့် ဖမ်းတာဖြစ်တယ်။” ဟု ပြောသည်။ အဆိုပါ ချင်းလူမျိုး ၂၆ ဦးတို့သည် ချင်းပြည်နယ်အတွင်း စစ်ရေးပဋိပက္ခကြောင့် မီဇိုရမ်ပြည်နယ်ဘက်သို့ ထွက်ပြေး လာကြသူများဖြစ်ကြသည်ဟု Salai Cung Dawt ကပြောသည်။ “သူတို့ပြောတာက ပြည်တွင်းနိုင်ငံရေးအခြေအနေမကောင်းလို့ နယူးဒေလီကိုသွားတာဖြစ်တယ်။ ဒါပေမယ့် အဖမ်းခံ ရတော့ ဒီဘက်နိုင်ငံရေးအခြေအနေကိုလည်း မသိတဲ့အခါ refugee တွေပါလို့ပြောရင် ဖမ်းပြီးထောင်ချမှာကြောက် လို့ ကျမ်းစာကျောင်းတက်မဲ့သူတွေပါဆိုပြီး ရဲကိုဝန်ခံထားကြတယ်။ အဲဒီကိစ္စကို ရဲကို သေသေချာချာ ရှင်းပြဖို့တော့ လိုတာပေါ့။ လက်ရှိအခြေအနေမှာတော့ သူတို့လွတ်နိုင်အောင်…
စစ်ရေးပဋိပက္ခကြောင့် မီဇိုရမ်ပြည်နယ်အတွင်း ထွက်ပြေးတိမ်းရှောင်လာကြသည့် မြန်မာ စစ်ဘေးရှောင်ပြည်သူများ စားနပ်ရိက္ခာပြန်လပ်မှုမကြုံစေရပဲ အစိုးရအနေဖြင့် တတ်နိုင်သည့်ဘက်မှ ကူညီပံပိုးပေးသွားမည်ဟု မီဇိုရမ်ပြည်နယ် ကျန်းမာရေးဝန်ကြီး Dr. R Lalthangliana ကပြောသည်။ ချင်းပြည်နယ် ထန်တလန်မြို့နယ် အိန္ဒိယ-မြန်မာနယ်စပ်တွင်တည်ရှိသည့် Lungler ကျေးရွာတွင် စစ်ကောင်စီတပ်နှင့် ချင်းအမျိုးသားတပ်ဦး CAN/CDF ပူးပေါင်းတပ်တို့ တိုက်ပွဲဖြစ်ပွားပြီး စစ်ကောင်စီဘက်မှ ဂျက်လေယာဉ်ဖြင့် ဗုံးကျဲ တိုက်ခိုက်မှုဖြစ်ပွားပြီးနောက်ပိုင်းတွင် Lungler ကျေးရွာနှင့် အနီးနားကျေးရွာမှ ဒေသခံပြည်သူများသည် တဖက် အိမ်နီးချင်း မီဇိုရမ်ပြည်နယ်ဘက်သို့ ထွက်ပြေးတိမ်ရှောင်းနေကြရသည်။ အဆိုပါတိုက်ပွဲကြောင့် ချင်းပြည်သူ စစ်ဘေးရှောင် ၁၀၀၀ ကျော် မီဇိုရမ်ပြည်နယ်ထဲကို ထွက်ပြေးတိမ်းရှောင်လာပြီး မီဇိုရမ်ပြည်နယ် Hnahthial ခရိုင် Cherhlun ကျေးရွာတွင် (80), New Ngarchhip ကျေးရွာတွင် (250), Old Ngarchhip ကျေးရွာတွင် (60), Thingsai ကျေးရွာတွင် (700) နှင့် Bualpui ‘H’ ကျေးရွာတွင် (108) ဦး စသဖြင့် အသီးသီးပြန့်နှံ့နေထိုင်ကြသည်။ မီဇိုရမ်ပြည်နယ် Hnahthial ခရိုင်အတွင်း ထွက်ပြေးတိမ်းရှောင်လာသော စစ်ဘေးရှောင်ပြည်သူများကို Hnahthial မြို့နယ် လွှတ်တော်အမတ် လက်ရှိ မီဇိုရမ်ပြည်နယ် ကျန်းမာရေးဝန်းကြီး Dr.R.Lalthangliana က ချက်ချင်းကူညီဆောင်မှုပြုလုပ်ခဲ့သည်။ Dr.R.Lalthangliana က “ကျနော့်နယ်အတွင်း ထွက်ပြေးတိမ်းရှောင်လာသော စစ်ဘေးရှောင်တွေအတွက် စိတ်မကောင်းဖြစ်ရပါတယ်၊ ဘယ်သူမှစားနပ်ရိက္ခာပြတ်လတ်မှုခံမှာမဟုတ်ဘူး၊ လိုအပ်သလို ကူညီဆောင်ရွက်ပေးသွားမယ်။” လို့ ပြောသည်။ Hnahthial ခရိုင်းအတွင်းရှိ စစ်ဘေးရှောင်ပြည်သူများအတွက် ဆန် (ကားနှစ်စီးစာ)၊ ပဲ…
ချင်းပြည်နယ် တီးတိန်မြို့တွင် စက်တင်ဘာလ ၁၁ ရက်နေ့ ည ၉ နာရီဝန်းကျင်ခန့်က မြို့မရဲစခန်းရှေ့တင် ဆိုင်ကယ်ဖြင့် ဖြတ်သွားသူများအား ရဲတပ်ဖွဲ့က သေနတ်ဖြင့်ပစ်ခတ်မှုကြောင့် တစ်ဦးသေဆုံးပြီး ၂ ဦးဒဏ်ရာရရှိကြောင်း သိရသည်။ “ရဲစခန်းရှေ့က လမ်းကိုသွားတော့ ရဲက သူ့ကိုရပ်ဖို့တားတယ်၊ ရဲစခန်းဖက်က ရပ်ပြီး စစ်ဆေးခံဖို့နဲ့ မရပ်ရင်ပစ်မယ်လို့ ပြောတာ သူကမရပ်တော့ ရဲစခန်းဖက်ကနေပစ်သတ်တာပေါ့ မနေ့ကတော့ သူ့အလောင်းကို ရွာကိုပြန်သယ်ကြတယ်၊ ၂ ယောက်က ဒဏ်ရာရတယ်၊ မိန်းကလေးက သူ့ရဲဲ့ပေါင်မှာ တချက် ယောကျင်္ာလေးက ဘယ်ဖက်ခြေထောက်မှာ ၂ ချက်ဒဏ်ရာရတယ်” ဟု တီး တိ်န်မြို့ဒေသခံတစ်ဦးက ပြောသည်။ ရဲတပ်ဖွဲ့ပစ်ခတ်မှုကြောင့် သေဆုံးသွားသူမှာ တီးတိန်မြို့နယ် ဂေါန်မွှောလ်(Gawngmual) ရွာသားဖြစ်သည်ဟု သိရ သည်။ တီးတိန်မြို့တွင် စက်တင်ဘာလ ၄ ရက်နေ့က မြို့မရဲစခန်းမှ နယ်ထိန်းဒုရဲအုပ်တစ်ဦး သေနတ်ဖြင့် ပစ်သတ်ခံခဲ့ရသည့် အပြင် ပြီးခဲ့သည့် သြဂုတ်လတွင်လည်း မြန်မာ့စီးပွားရေးဘဏ်လုံခြုံရေးတာဝန်ကျ ရဲတပ်သား ၃ ဦး သေနတ်ဖြင့် ပစ်သတ်ခံခဲ့ရသည်။ အမျိုးသားညီညွှတ်ရေး အစိုးရ (NUG) က စက်တင်ဘာလ ၇ ရက်နေ့ မနက်ပိုင်းတွင် စစ်အာရှင် ဆန့်ကျင်ရေး ခုခံတွန်းလှန်တိုက်ပွဲခေါ်သံကို တနိုင်ငံလုံးအတိုင်းအတာဖြင့် အရေးပေါ်အခြေအနေ စတင်ကြေညာပြီးနောက်ပို််င်းတွင် ချင်းပြည်နယ်နှင့် အခြားမြို့ရွာများတွင်လည်း မြို့တွင်းတိုက်ပွဲများ ဆက်လက်ဖြစ်ပွား လာကြောင်းလည်း သိရသည်။
ချင်းပြည်နယ် ထန်တလန်မြို့နယ် အိန္ဒိယ-မြန်မာနယ်စပ်ကျေးရွာ Lungler တပ်စခန်းကို ချင်းအမျိူးသားတပ်မတော် CNA/CDF ပူးပေါင်းတပ်က စက်တင်ဘာလ ၁၁ ရက်ညက သိမ်းပိုက်လိုက်ပြီး စစ်ကောင်စီတပ်သား ၁၂ ဦးသေဆုံးသည်ဟု CDF- Thantlang က ယနေ့ထုတ်ပြန်သည်။ CNA/CDF ပူးပေါင်းတပ်ဖွဲ့သည် စက်တင်ဘာလ ၁၀ ရက်နေ့က Lungler ကျေးရွာရှိ စစ်ကောင်စီအခြေစိုက်တပ်စခန်းကို အင်အား ၂၀၀ ကျော်ဖြင့် စတင်တိုက်ခိုက်ခဲ့ပြီး စစ်ကောင်စီဘက်မှ တိုက်လေယာဉ်အသုံးပြုကာ ဝေဟင်မှပစ်ခတ်ခဲ့သော ကြောင့် ဆုတ်ခွါခဲ့ကြသည်ဟု သိရသည်။ ထို့ု့ာက် စက်တင်ဘာလ ၁၁ ရက်ည ၇ နာရီ ၄၅ မိနစ်တွင် CNA/CDF အင်အား ၄၀၀ ဝန်းကျင်ဖြင့် ပြန်လည်တိုက်ခိုက်ရဲ့ရာ ည ၉ နာရီ ၃၀ မိနစ်ဝန်းကျင်တွင် စခန်းတစ်ခုလုံး သိမ်းပိုက်နိုင်ခဲ့ပြီး စစ်ကောင်စီဘက်မှ ၁၂ ဦး သေဆုံးကာ CNA/CDF ဘက်မှ အကျဆုံးမရှိဘဲ ထိခိုက်ဒဏ်ရာရရှိသူ ၈ ဦးအထိရှိခဲ့သည်ဟု CDF-Thantlang ၏ ကြေညာချက်တွင် ဖော်ပြထားသည်။ CNA/CDF အနေဖြင့် Lungler တပ်စခန်းမှ လက်နက်ခဲယမ်းများသိမ်းစည်းပြီးနောက် စခန်းအားမီးရှို့ဖျက်ဆီးခဲ့ကြသည်ဟု သိရသည်။
By Ro Sang (ဂ)#ဂျပန်ခေတ် ချင်းလက်နက်ကိုင်တပ်များ (၁၉၄၂-၁၉၄၄) ဂျပန်ခေတ်ချင်းလက်နက်ကိုင်တပ်များတွင် အပိုင်းသုံးပိုင်းခွဲပါမည်။ ပထမတွင် ဗြိတိသျှလက်အောက်တွင် ဆက်လက်သစ္စာခံကြသော ချင်းတပ်များ၊ ပျောက်ကြားများ၊ အပျော်တမ်းစစ်သည်များဖြစ်သည်။ ဒုတိယမှာ ဂျပန်၊ ဗမာတပ်မတော်များနှင့်လက်တွဲကာ ဗြိတိသျှတို့ကိုတိုက်ထုတ်သောချင်းတပ်များ၊ စစ်သည်များဖြစ်သည်။ တတိယအုပ်စုမှာ ဂျပန်တို့ကိုပြန်လည်တော်လှန်သော ဒေသပျောက်ကြားများဖြစ်လေသည်။ ၁)#ဗြိတိသျှသစ္စာတော်ခံ ဂျပန်ခုခံရေးချင်းတပ်များ ဂျပန်များဝင်ရောက်လာသောအခါ ချင်းတောင် တန်းများမှ ခုခံစစ်များဆင်နွဲရလေသည်။ အထူးသဖြင့် Chin Levis များ၊ Chinwags များ၊ Chin Forces များ Chin Hill Batalion များက ကျူးကျော် ဝင်ရောက်လာသော ဂျပန်တို့အား ခုခံတိုက်ခိုက်လေသည်။ ယခင်ကတည်းကရှိနှင့်နေသော Chin Hill Battalion၊ ဗမာသေနတ် ကိုင်တပ်ရင်းမှ ချင်းလက်နက်ကိုင်စစ်သည်များ၊ ဒေသခံများနှင့်ဖွဲ့စည်းသော ပျောက်ကြား တပ်များတို့ဖြစ် လေသည်။ ချင်းလေဗီးတွင် Siyin Levies, Sukte Levies, Hakha Levies တို့ပါဝင်လေသည်။ ထိုအချိန်က ချင်းလေဗီးများ၊ ချင်းဝှက်များ၊ ချင်းဖိုစ့်များ၊ ချင်းတောင်တန်းတပ်ရင်းတို့အမည်များသည် BBC အသံလွှင့်ဌာနနှင့် All India Radio တို့တွင် ထင်ရှားလာလေသည်။ i-#ချင်းဝန်ထမ်းတပ်များ (Chin Levee Corps) ဂျပန်များချင်းတောင်သို့ဝင်ရောက်လာချိန်နှင့် အင်္ဂလိပ်များစတင်ဆုတ်ခွာချိန်တွင် ဂျပန်တို့၏ ထိုးစစ်များတုန့် ဆိုင်း သွားရန်အတွက် ချင်းတောင်တွင် ချင်းဝန်ထမ်းတပ်များ (Chin Levee Corps) အား ဖွဲ့စည်းကြလေသည်။ တီးတိန်နယ်တွင် ဦးဗွန်ခေါဟော၊ ဦးထောင်ကျင့်ထန်၊ ဦးအွန်ငင်း၊ ဦးတွမ်းကျင့်တို့မှာထင်ရှားလေသည်။ ဟားခါးနယ်တွင် ဦးဇာဟိုး၊…
ချင်းပြည်နယ်၊ ထန်တလန်မြို့ပေါ်တွင် ပြီးခဲ့သည့်ရက်ပိုင်းအတွင်း မြို့တွင်းတိုက်ပွဲဖြစ်ပွားမှုကြောင့် ထောင်နှင့်ချီသော ဒေသခံပြည်သူများ ဘေးလွတ်ရာသို့ နေ့စဉ် စစ်ဘေးတိမ်းရှောင်နေကြရသည်ဟု ထန်တလန်မြို့ စစ်ဘေးရှောင်ကူညီရေးအဖွဲ့ထံမှ သိရသည်။ “အခုလူဦးရေအရတော့ ကျွန်တော်တို့ဒေတာ အတိအကျတော့မရသေးဘူး၊ ဒေတာကောက်နေတုန်းပဲ အခုရထားသလောက်တော့ တစ်ထောင်ကျော်လောက်တော့ရှိပြီ၊ ဒါပေမယ့် ဒီထက်အများကြီး ရှိနိုင်ပါသေးတယ်၊ ဒီနေ့လည်း အဆက်မပြတ်စစ်ဘေးရှောင်တွေ သွားနေကြတုန်းဆိုတော့၊ အခုက ထန်တလန်မြို့ပေါ်က ထက်ဝက်လောက်ကတော့ အနီးအနားရွာတွေကို ပြေးကြကုန်ပြီ” ဟု ထန်တလန်မြို့ စစ်ဘေးရှောင်ကူညီရေးအဖွဲ့မှ တာဝန်ခံတစ်ဦးက ပြောသည်။ ထန်တလန်မြို့ပေါ်တွင် ပြီးခဲ့သည့် သြဂုတ်လ ၂၅ ရက်နောက်ပို််င်းကစပြီး မြို့တွင်း တိုက်ပွဲဖြစ်ပွားလာခဲ့သည့်အပြင် စစ်ကောင်စီတပ်ဖွဲ့က လက်နက်ကြီးများဖြင့် ပစ်ခတ်ခဲ့ရာတွင် လူနေအိမ်များ ကျည်ထိပျက်စီးမှုနှင့် လက်နက်ကြီး ပေါက်ကွဲမှုကြောင့် ဒေသခံပြည်သူများ သေဆုံးမှုရှိလာခဲ့ပြီးနောက် ယခုရက်ပိုင်းတွင်လည်းတိုက်ပွဲ ထပ်မံဖြစ်ပွားလာသောကြောင့် မြို့ပေါ်နေပြည်သူအများစုမှာ ကျေးလက်ဒေသများသို့ ထွက်ပြေးတိမ်းရှောင်နေရခြင်းဖြစ်သည်။ ထန်တလန်မြို့ပေါ်ရှိ ပြည်သူများသည် ဘေးလွတ်ရာကျေးရွာများတွင် စစ်ဘေးရှောင်နေရသော်လည်း စစ်ဘေးလုံခြုံ စိတ်ချမှုမရှိသေးကြောင်းလည်း ထန်တလန်မြို့ပေါ်က စစ်ဘေးရှောင်ကူညီရေးအဖွဲ့က ဆက်ပြောသည်။ “အခုတော့ လုံခြုံမှုစိတ်ချမှုတော့မရသေးဘူး၊ ဘာဖြစ်လို့လဲဆိုတော့ စစ်ကောင်စီစစ်သားတွေက ဘယ်နားကနေ စစ်ကြောင်းဖွင့်မယ််ဆိုတာ ကျွန်တော်တို့မသိရသေးဘူး၊ အဲ့အတွက်ကြောင့် လုံခြုံတယ်လို့ပြောလို့မရသေးဘူး၊ အိန္ဒိယပြည် မဖြတ်သေးခင်အထိတော့ လုံခြုံတယ်လို့ပြောလို့မရသေးဘူး” ဟု စစ်ဘေးရှောင်ကူညီရေးအဖွဲ့မှ တာဝန်ခံကပြောသည်။ လက်ရှိ ချင်းပြည်နယ် ထန်တလန်မြို့ပေါ် ပြည်သူများသည် ရိက္ခာအနည်းငယ်များဖြင့် တိမ်းရှောင်နေကြရပြီး ထန်တလန်မြို့နယ်အတွင်းရှိ ကျေးရွာစာသင်ကျောင်းများ၊ ဆွေမျိုးများနှင့် ထန်တလန်မြို့ ရပ်ကွက်အလိုက်ပြုလုပ်ထားသော Camp များတွင် စစ်ဘေးရှောင်နေကြရသည်ဟု သိရသည်။ ယမန်နေ့တွင်လည်း အိန္ဒိယ-မြန်မာနယ်စပ်၊ ချင်းပြည်နယ်၊ ထန်တလန်မြို့နယ် Lungler ကျေးရွာတွင်…
ချင်းပြည်နယ် ထန်တလန်မြို့နယ် Lungler ကျေးရွာတွင် စက်တင်ဘာ ၁၀ ရက်နေ့က ချင်းအမျိုးသားတပ်မတော် CNA/CDF ပူးပေါင်းတပ်နဲ့ စစ်ကောင်စီတပ်တို့ တိုက်ပွဲဖြစ်ပွားခဲ့ပြီး စစ်ကောင်စီတပ်က ဂျက်လေယဉ်အသုံးပြုကာ ဗုံးကျဲတိုက်ခိုက်မှုကြောင့် Lungler ကျေးရွာ ရွာလုံးကျွတ်နီးပါး မီဇိုရမ်ပြည်နယ်ဘက်ကို ထွက်ပြေးတိမ်းရှောင်နေကြကြောင်း သိရသည်။ မီဇိုရမ်ပြည်နယ်ကို ထွက်ပြေးတိမ်းရှောင်လာသော Lungler ကျေးရွာနှင့် အခြားသောကျေးရွာမှ ပြည်သူလူထုများကို မီဇိုရမ်ပြည်နယ် ကျန်ဖိုင်းခရိုင် Cherhlun နှင့် Ngharchhip ကျေးရွာလူထုမှ ကြိုဆိုလက်ခံထားကြပြီး အစိုးရကျောင်းများတွင် ထားရှိနေကြရကြောင်း သိရသည်။ မီဇိုရမ်ပြည်နယ်ဘက်ကို ထွက်ပြေးတိမ်းရှောင်လာကြသော စစ်ဘေးရှောင်ပြည်သူများအနေဖြင့် အရေးပေါ် စားဝတ်နေရေးအကူအညီ လိုအပ်ကြောင်း NGO United for Democratic Myanmar ဥက္ကဌ ပူးလောမ်မာက ယခုလိုပြောသည်။ “Cherhlun နှင့် Ngharchhip ကျေးရွာ ရပ်ကွက်လူကြီးနဲ့ဖုန်းပြောဖြစ်တယ်။ ရောက်လာတဲ့ စစ်ဘေးရှောင်လူဦးရေလည်း တိတိကျကျမသိရသေးဘူး။ အစိုးရကျောင်းတွေ ရပ်နားခိုင်းထားပြီး အစိုးရကျောင်းတွေမှာ ထားထားကြတယ်။ Cherhlun နှင့် Ngharchhip ကျေးရွာဆိုတာက ကျေးရွာငယ်ကလေးဖြစ်တော့ စားဝတ်နေရေးပိုင်းမှာ အတော်လေး အခက်အခဲတွေ့နေကြတယ်။” ဟု သူကပြောသည်။ အိန္ဒိယ-မြန်မာနယ်စပ် မီဇိုရမ်ပြည်နယ် Thingsai ကျေးရွာတွင်လည်း ရောက်ရှိလာမည့် မြန်မာစစ်ဘေးရှောင်များအတွက် ရည်ရွယ်ပြီး စစ်ဘေးရှောင်ယာယီစခန်းများလည်း တည်ဆောက်လျက်ရှိကြောင်း သိရသည်။
မကွေးတိုင်း ဂန့်ဂေါမြို့နယ်၊ နှမ်းခါးနှင့် ထှယ်လှော်ရွာအကြားတွင် ဒေသခံ ပြည်သူ့ကာကွယ်ရေးတပ်ဖွဲ့များ (PDF) နှင့် စစ်ကောင်စီတပ်ဖွဲ့များ ယနေ့နံနက်ပိုင်းကစ၍ တိုက်ပွဲပြင်းထန်လျက်ရှိပြီး မော်တော်ယာဉ်များ ဂန့်ဂေါ်ဘက်သို့ မောင်းနှင်းခြင်းမပြုကြရန် PDF (Kalay) သတိပေးထုတ်ပြန်ထားသည်။ စစ်ကောင်စီတပ်ဖွဲ့သည် အရပ်သုံးယာဉ်များအသုံးပြု၍ စစ်သားအင်အား ဖြည့်တင်းလျက်ရှိသည့်အတွက်ကြောင့် ကလေးမြို့ဘက်မှ မည်သည့် မော်တော်ကားအမျိုးအစားမဆို ဂန့်ဂေါဘက်သို့ မောင်းနှင်သွားလာခြင်း လုံးဝ (လုံးဝ) မပြုလုပ်ရန် ထပ်မံသတိပေးလိုက်သည်ဟု PDF (Kalay) ၏ ထုတ်ပြန်ချက်တွင် ဖော်ပြထားသည်။ ထိုကဲ့သို့ သတိပေးသည့်ကြားမှ မောင်းနှင်သွားလာသော မည်သည့် မော်တော်ကားအမျိုးအစားကိုမဆို မိမိတို့တပ်ဖွဲ့ဝင်များက မလွဲမရှောင်သာ ပစ်ခတ်တိုက်ခိုက်သွားမည်ဖြစ်ကြောင်း ကြိုတင်အသိပေးအပ်သည်ဟုလည်း PDF (Kalay) သတိပေးထားသည်။