Close Menu
  • Home
  • Featured
  • English
  • Headline
  • About Us
Facebook X (Twitter) Instagram
Khonumthung Media Group
Khonumthung Ad
  • Home
  • Featured
  • English
  • Headline
  • About Us
Khonumthung Media Group
You are at:Home»Khonumthung»BNRA တပ်ဖွဲ့ခေါင်းဆောင် ဗိုလ်နဂါး အာဏာသိမ်းစစ်ကော်မရှင်ထံ လက်နက်ချပူးပေါင်း

BNRA တပ်ဖွဲ့ခေါင်းဆောင် ဗိုလ်နဂါး အာဏာသိမ်းစစ်ကော်မရှင်ထံ လက်နက်ချပူးပေါင်း

0
By Editor on February 18, 2026 Khonumthung

ဗိုလ်နဂါးနှင့်တပ်ဖွဲ့ဝင်တချို့သည် ရာဇဝတ်ပြစ်မှု ၇ ခု ကျူးလွန်ထားဟု NUG ထုတ်ပြန်

(006SV)

စစ်ကိုင်းတိုင်း၊ ပုလဲမြို့နယ်အခြေစိုက် ဗမာအမျိုးသားတော်လှန်ရေးတပ်မတော် (BNRA) အဖွဲ့၏ အဖွဲ့ခေါင်းဆောင် နိုင်းလင်း (ခေါ်) ဗိုလ်နဂါးသည် ၎င်း၏ မိသားစုဝင်များနှင့်အတူ လက်နက်ခဲယမ်းများဖြင့် အာဏာသိမ်းစစ်ကော်မရှင်ထံ လက်နက်ချပူးပေါင်းသွားကြောင်း သိရသည်။

ယနေ့ ဖေဖော်ဝါရီလ ၁၈ရက် ညနေ ၄ နာရီ ၅၀ မီနစ်ခန့်တွင် BNRA အဖွဲ့ခေါင်းဆောင် ဗိုလ်နဂါးသည် ၎င်း၏ မိသားစုဝင်များနှင့်အတူ လက်နက်မျိုးစုံ ၆ လက်၊ ဆက်စပ်ပစ္စည်းများနှင့်အတူ စစ်ကိုင်းတိုင်းထဲရှိ စစ်ကော်မရှင် တပ်ထံသို့ ဆက်သွယ်၍ အလင်းဝင်ခြင်းဖြစ်ကြောင်း စစ်ကော်မရှင်က ထုတ်ပြန်သည်။

ဖေဖော်ဝါရီလ ၁၇ ရက်က ပုလဲမြို့နယ်ထဲတွင် BNRA တပ်ဖွဲ့၏ တပ်စခန်းတချို့ကို အမျိုးသားညီညွတ်ရေးအစိုးရ (NUG) ကာကွယ်ရေးဝန်ကြီးဌာနလက်အောက်ရှိ တပ်ဖွဲ့များက စီးနင်တိုက်ခိုက်ခဲ့ပြီးနောက် BNRA တပ်ဖွဲ့‌ ခေါင်းဆောင်သည် စစ်ကော်မရှင်ထံ လက်နက်ချပူးပေါင်းသွားခြင်းဖြစ်သည်။

အမျိုးသားညီညွတ်ရေးအစိုးရ (NUG) ၏ ပြည်ထဲရေးဝန်ကြီးဌာနနှင့် ကာကွယ်ရေးဝန်ကြီးဌာန ပူးပေါင်းတပ်ဖွဲ့များသည် BNRA တပ်ဖွဲ့က ကျူးလွန်ခဲ့သော ရာဇဝတ်မှုများနှင့် ပတ်သက်၍ ဖမ်းဆီးထိန်းသိမ်း စစ်ဆေးနိုင်ရန် ဆောင်ရွက်လျက်ရှိကြောင်း NUG ဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က သတင်းမီဒီယာတချို့တွင် ဖြေကြားထားသည်။

ဖေဖော်ဝါရီလ ၁၈ ရက် မနက်ပိုင်းက ပုလဲမြို့အနီးက သေတ္တရာရွာကို ဝင်ရောက်လာသည့် စစ်ကော်မရှင် စစ်ကြောင်းက နယ်မြေရှင်းလင်းရေး ကူညီပေးပြီးနောက် BNRA အဖွဲ့ခေါင်းဆောင် ဗိုလ်နဂါးနှင့် မိသားစုကို စစ်ကော်မရှင်တပ်က ရွာတစ်နေရာတွင် ရဟတ်ယာဉ်နှစ်စီးဖြင့် ခေါ်ထုတ်သွားသည်ဟု သတင်းများ ထွက်ပေါ်လာပြီးနောက် ယနေ့ ညနေပိုင်းမှာ စစ်ကော်မရှင်က ထုတ်ပြန်လာခြင်းဖြစ်သည်။

BNRA ခေါင်းဆောင် ထင်လင်း (ခ) ဗိုလ်နဂါးနှင့် ၎င်း၏ တပ်ဖွဲ့ဝင်တချို့ကို မုဒိမ်းကျင့်ရန် ကြံစည်သည်ဟု စွပ်စွဲကာ လူသတ်၊ အလောင်းဖျောက်သည့်အမှု၊ ယင်းမာပင်ခရိုင် တပ်ရင်း ၃ တပ်ဖွဲ့ဝင် မင်းထက်နိုင်းကို သေနတ်ဖြင့် ပစ်ခတ်သတ်ဖြတ်မှု၊ ပကဖ ရဲဘော် ၁၀ ဦးကို ကိုယ်ထိလက်ရောက် ကျူးလွန် နှိပ်စက်မှု၊ အမျိုးသမီးငယ် ၂ ဦးကို သက်ငယ် မုဒိမ်း ကျူးလွန်မှု၊ ဥယျာဉ်မြေတွင် ဆင်မပိုးအိစံကို သတ်ဖြတ်ခုတ်ထစ်မီးရှို့မှု၊ NUG ဂိတ်စခန်းအား စီးနင်းပြီး တာဝန်ရှိသူများကို ရိုက်နှက် ဖမ်းဆီးမှုနှင့် သေနတ်ဖြင့် လိုက်လံပစ်ခတ်မှု၊ ယင်းမာပင်ခရိုင် တပ်ရင်း ၄ မှ PDF ရဲဘော် ဂတုံးကို သေနတ်ဖြင့် ပစ်ခတ်သတ်ဖြတ်မှု စသည့် ပြစ်မှု ၇ မှုဖြင့် ဖမ်းဆီးအရေးယူနိုင်ရေး NUG အစိုးရက ဆောင်ရွက်ခဲ့သည်ဟု ယနေ့ ဖေဖော်ဝါရီလ ၁၈ ရက်မှာ အသိပေးထုတ်ပြန်လိုက်သည်။

Screenshot

ဗိုလ်နဂါးနှင့် BNRA တပ်ဖွဲ့ဝင်များ ကျူးလွန်ခဲ့သော ရာဇဝတ်ပြစ်မှုများကို သက်ဆိုင်ရာ ပြည်သူ့ရဲတပ်ဖွဲ့ကို ရဲလုပ်ထုံး လုပ်နည်းများနှင့်အညီ အမှုဖွင့်ဆောင်ရွက်ရာတွင် ကျူးလွန်သူများကို စုံစမ်းစစ်ဆေးနိုင်ရေးအတွက် လွှဲပြောင်း အပ်နှံပေးရန် အကြောင်းကြားခဲ့သော်လည်း ၎င်းတို့ဘက်မှ လွှဲပြောင်းပေးခဲ့ခြင်း မရှိကြောင်း NUG အစိုးရ၏ ထုတ်ပြန်ချက်မှာ ဖော်ပြထားသည်။

Screenshot

ဖေဖော်ဝါရီလ ၁၇ ရက်တွင် NUG အစိုးရသည် ရာဇဝတ် ပြစ်မှုကျူးလွန်သည်ဟု တိုင်းကြားခံရသူများကို စုံစမ်းစစ်ဆေးနိုင်ရေး ဖမ်းဆီးထိန်းသိမ်းရန် ဆောင်ရွက်ရာတွင် BNRA တပ်ဖွဲ့ဝင်တချို့က ပြန်လည်ခုခံသည့်အတွက် ပစ်ခတ်မှုအချို့ ဖြစ်ပွားခဲ့ကြောင်း သိရသည်။

လက်ရှိတွင် BNRA တပ်ဖွဲ့ဝင် ၁၅၀ ဦးခန့်သည် ပြည်သူ့ကာကွယ်ရေးတပ်မတော် PDF နှင့် ပြည်သူ့ကာကွယ်ရေးအဖွဲ့ (ပကဖ) များထံ ချိတ်ဆက်၍ အဖမ်းခံခြင်း၊ လာရောက်ပူးပေါင်းဆောင်ရွက်ခြင်း၊ လက်နက်အပ်နှံခြင်းများ ပြုလုပ်နေပြီဖြစ်ကြောင်း သိရသည်။

Share. Facebook Twitter Pinterest LinkedIn Tumblr Email
Editor
  • Website

Related Posts

ZCDF- Zo Army ကော်မတီကို အသစ်ပြန်လည်ဖွဲ့စည်း

အမဲလိုက်ရာမှ သားကောင်ဟု အထင်မှားပစ်ခတ်မိ၍ ချင်းအမျိုးသားတစ်ဦး သေဆုံး

စိတ်ဝေဒနာ ခံစားရမှုကြောင့် ဆယ်စုနှစ်တစ်ခုကျော်ကြာ အိမ်အောက်တွင် သီးခြားနေထိုင်ခိုင်းသည့် ချင်းလူငယ်တစ်ဦး အသိစိတ်ပြန်ဝင်လာပြီး စကားစပြောလာ

Leave A Reply Cancel Reply


The reCAPTCHA verification period has expired. Please reload the page.

  • Featured Article
November 4, 2026

“ကျူးလွန်ခံရတဲ့ လူတိုင်းက တရားမျှတမှုကို လိုလားပြီး တောင်းတနေကြတယ်”

September 17, 2026

Palangvum (သို့) ပလက်ဝတွင် ဘာတွေဖြစ်နေလဲ

September 4, 2026

ကလေးမြို့က သားသည်မိခင်တို့၏ ညစဉ်ခြောက်လှန့်အိပ်မက်နှင့် ပေါ်တာဆွဲမှု အရေခြုံစစ်မှုထမ်းဥပဒေ

August 26, 2026

“ဒဏ်ရာများထက် ပိုမိုတောက်ပသော အနာဂတ်အတွက် ပေးဆပ်မှု”

Ads
Leaderboard Ad
Archives
Leaderboard Ad
–
Leaderboard Ad
  • Featured Article
November 13, 2026

ချင်းပြည်အစိုးရအဖွဲ့ အစည်းအဝေးမှာ လမ်းတံတားပြုပြင်ရေး၊ စစ်ဘေးရှောင်အရေးအပါအဝင် အချက် ၁၄ ချက်ကို ဆုံးဖြတ်ခဲ့ဟု ဆို

November 13, 2026

မင်းတပ်မြို့အနောက်ခြမ်းရှိ ကျေးရွာနှင့် နေရာတချို့ ဗုံးကြဲခံရ၊ ပြည်သူ ၂ ဦး သေဆုံး၊ ကလေးငယ်များ အပါအဝင် ၃ ဦး ဒဏ်ရာရ

November 13, 2026

ZCDF- Zo Army ကော်မတီကို အသစ်ပြန်လည်ဖွဲ့စည်း

November 12, 2026

၃ နှစ်ကျော်စစ်ရှောင်သော စက္ကန့်ကျေးရွာပြည်သူတချို့နေရပ်ပြန်၊ နေအိမ်အများစုမီးလောင်ပြာကျသည့်အတွက် ယာယီတဲထိုးကာ နေထိုင်ကြရ

Copyright © 2015 Khonumthung News Group. Design & Developed by ExL.

Copyright © 2015 Khonumthung News Group. Design & Developed by ExL.

Type above and press Enter to search. Press Esc to cancel.