စစ်ကောင်စီက မင်းတပ်ကို လက်နက်ကြီးဖြင့်အကြိမ် (၆၀) ထက်မနည်းပစ်ခတ်ပြီး မြို့ပေါ်လူနေအိမ်များကိုချိူးဖျက်ကာ ယောကျာင်္းမှန်သမျှကို ဖမ်းဆီးနေ

0
By လားနွန် – စစ်ကောင်စီက မင်းတပ်မြို့ပေါ်ရှိ ပြည်သူများ အိမ်တွင်းထွင်းဖောက်ပြီး ယောက်ျားမှန်သမျှ ဖမ်းဆီးမှုများရှိပြီး လက်နက်ကြီးများဖြင့် မြို့ထဲထိ ပစ်ခတ်မှုတွေရှိဆဲဖြစ်ကြောင်း မင်းတပ်မြို့ ပြည်သူ့အုပ်ချုပ်ရေးအဖွဲ့ တာဝန်ရှိသူတစ်ဦးကပြောသည်။
“မြို့ထဲက အိမ်တွေခြေထောက်နဲ့ ကန်ဖွင့် ဖျက်ဆီးဖွင့် အဲဒီမှာ ယောက်ျားဘယ်သူရှိလဲ ဘာတွေရှိလဲ ရှိရှိသမျှဖမ်းတဲ့သဘောရှိနေတော့ ကျနော်တို့လည်းတောထဲပြေးနေရတဲ့သဘောရှိတယ် အဲလိုဖမ်းတော့ ယောက်ျားမှန်သမျှတော့ တောထဲပြေးနေရတယ် မြို့ထဲမှာ သက်ကြီးပိုင်းနဲ့ ကလေးသူငယ် အမျိုးသမီးများလောက်သာကျန်နေကြတယ်” ဟု ပြည်သူ့အုပ်ချုပ်ရေးအဖွဲ့ တာဝန်ရှိသူတစ်ဦးကပြောသည်။
မင်းတပ်မြို့ထဲရှိ ဖမ်းဆီးခံရသူများကိုလည်း အာဏာသိမ်းစစ်ကောင်စီများမှ လူသားဒိုင်းကာအဖြစ်ထားပြီး မြို့ထဲပတ်ကာ Sniper သမားနှင့် ပတ်နေရကြောင်းသူကဆက်ပြောသည်။
ယခုချိန်တွင် အာဏာသိမ်းစစ်ကောင်စီများ လာသည့် ကုန်းလမ်းနှင့် လာသမျှကိုထိုးစစ်ကားများ တားဆီးနိုင်သော်လည်း ရဟတ်ယာဥ်ဖြင့် တစ်နေ့ထဲတွင် အခေါက် ၃၀ လောက်သယ်ယူပြီး မြို့ထဲတွင် လက်နက်များနှင့်စစ်သားများတပ်ဖြန့်နေကြဟုလည်းသိရသည်။
မင်းတပ်မြို့ကို မနက် ၇ နာရီမှ အာဏာသိမ်းစစ်ကောင်စီအဖွဲ့များက မကွေးတိုင်း ကျောက်ထုမှ အမြှောက်တပ်ဖြင့်အဆက်မပြတ်အမြှောက်ကြီးဖြင့် ပစ်ခတ်နေရပြီး အကြိမ် (၆၀) မည်ဟုလည်း ပြည်သူ့အုပ်ချုပ်ရေးအဖွဲ့ တာဝန်ရှိသူတစ်ဦးကပြောသည်။
အများပြည်သူများနေထိုင်သည့် မြို့လယ်လူနေအိမ်ထဲအထိ လက်နက်ကြီးတွေများကျကာ ကလေးသူငယ်များနှင့်အမျိုးသား အမျိုးသမီးအချို့ထိခိုက်မှုတွေလည်းရှိသည်။
မြို့ထဲလမ်းသွားလမ်းလာသမျှကိုလည်း စနိုက်ပါနှင့် ပြည်သူတွေကို တောက်လျှောက်ပစ်ခတ်နေကြောင်းသိရသည်။
ပြည်သူ့အုပ်ချုပ်ရေးအဖွဲ့ တာဝန်ရှိသူတစ်ဦးက “သူတို့လုပ်ရက်က KNU KIA AA တို့လိုမျိုး အင်အားကြီးတဲ့လက်နက်အဖွဲ့ကိုယ်တောင်မှ တစ်နေ့ထဲ ရဟတ်ယာဉ် အခေါက် ၂၀ / ၃၀ သုံးတာမရှိဘူး မြို့ထဲမှာ ရမ်းသန်းပြီးမှ တကယ်လက်နက်ကြီးတွေကို ၆၀/၇၀ လောက် တနေကုန်နီးပါး ပစ်ပြီးမှ ရက်စက်တာမျိုးမရှိဘူး ဆိုတော့ ဒီလောက်လူမျိုးလေးကို လူမျိုးတုန်းသတ်ဖြတ်ပါစေလို့ သေချာသေပါစေလို့ အကုန်လုံးအစွမ်းကုန်လုပ်နေတဲ့ သဘောဖြစ်နေတယ် အဲလိုမျိုးအခြေအနေနဲ့ကျနော်တို့ ကြုံနေရတယ် ဒါပေမဲ့ ကျနော်တို့တပ်တွေက နောက်မဆုတ်သွားဘူး အားလုံးက ကျနော်တို့ တော်လှန်နေရမှာပဲ ပြန်လာဖို့ရှိတယ် ဆက်လက်ပြီးမှ သူတို့ မကျမဆုံးမခြင်း ကျနော်တို့လှန်သွားမယ်” ဟု ပြည်သူ့အုပ်ချုပ်ရေးအဖွဲ့ တာဝန်ရှိသူတစ်ဦးကပြောသည်။
ထို့ကြောင့် ကျန်ရှိနေသည့် အခြားလက်နက်ကိုင် ညီကိုများမှလည်း ရရာနည်းဖြင့် တော်လှန်ပေးရန် ဆန္ဒပြနေရမည့်အစား လက်နက်ကိုင်ပြီး ရဲရဲတင်းတင်းတော်လှန်ပြသရမည့်အချိန်ဖြစ်ပြီး မင်းတပ်မြို့ပြည်သူများအတွက်ရုန်းကန် တိုက်ခိုက်ကူညီပေးရန် တောင်းဆိုထားကြောင်း ပြည်သူ့အုပ်ချုပ်ရေးအဖွဲ့ တာဝန်ရှိသူတစ်ဦးကပြောသည်။
မင်းတပ်မြို့တွင် အာဏာသိမ်းစစ်ကောင်စီနှင့် မင်းတပ်မြို့ ပြည်သူ့အုပ်ချုပ်ရေးအဖွဲ့ကြား ပစ်ခတ်ရပ်ဆဲမှုပျက်ပြယ်ခဲ့ပြီးနောက် မေလ ၁၂ ရက်နေ့ညကစ၍ တကျော့ပြန်တိုက်ပွဲဖြစ်ပွားကာ အာဏာသိမ်းစစ်ကောင်စီဘက်က စစ်အင်အားအလုံးအရင်းနှင့် လက်နက်ကြီးများ၊ စစ်ရဟတ်ယာဉ်များအသုံးပြုကာ အပြင်းအထန်ပစ်ခတ်ခဲ့ခြင်းဖြစ်သည်။
Share.

About Author

Leave A Reply