(03PT)
ချင်းပြည်နယ် ထန်တလန်မြို့တွင် ဖြစ်ပွားခဲ့သော တိုက်ပွဲအတွင်း စစ်ကောင်စီတပ်သား ၃၀ ကျော်သေဆုံးပြီး အယောက် ၅၀ ကျော်ဒဏ်ရာရရှိခဲ့သည်ဟု CDF-Thantlang က ယနေ့ထုတ်ပြန်သည်။
ချင်းအမျိုးသားတပ်ဦး CNF/ CNA၊ CDF ထန်တလန် ၊ CDF ဟားခါး နှင့် CDF ဇိုဖေ စသည့် ချင်းပူးပေါင်းတပ်ဖွဲ့များသည် Tilim Operation 3 ဟုအမည်ပေးထားသော စစ်ဆင်ရေးကို ဩဂုတ်လ ၂၇ နှင့် ၂၈ ရက်တို့တွင် ဖော်ဆောင်ခဲ့ကြပြီး ထန်တလန်မြို့ပေါ် တပ်ကုန်းနှင့်အနီးပတ်၀◌န်းကျင်တွင် ခြေကုပ်ယူထားသော စစ်ကောင်စီတပ်စခန်း ၅ ခုအပြင် အခြားသော မြို့တွင်းရှိ စခန်းငယ် ၂ နှင့် ဟားခါး-ထန်တလန်ကြား Auto Tower တောင်တို့တွင် ထိုးစစ်ဆင်တိုက်ခိုက်ခဲ့ကြ သည်ဟု CDF-Thantlang ၏ထုတ်ပြန်ချက်မှာဖော်ြပထားသည်။
ယင်း Tilim Operation 3 စစ်ဆင်ရေးတွင် စစ်ကောင်စီတပ်သား ၃၀ ကျော်သေဆုံးပြီး ၅၀ ကျော် ဒဏ်ရာရရှိခဲ့ကြသည့်အပြင် လက်နက် ၅ လက်နဲ့ ကျည်ဆံများသိမ်းဆည်းရမိသည်ဟု CDF-Thantlang က ဆိုသည်။
အဆိုပါ ၂ ရက်ကြာစစ်ဆင်ရေးအတွင်းမှာ ချင်းကာကွယ်ရေးပူးပေါင်းတပ်ဖွဲ့များဖြစ်သည့် CNA မှ ရဲဘော် ၅ ဦး၊ CDF-Thangtlang မှ ရဲဘော် ၄ ဦး၊ CDF-Hakha မှ ရဲဘော် ၁ ဦး နှင့် CDF-Zophei မှ ရဲဘော် ၅ ဦး စုစုပေါင်း ရဲဘော် ၁၅ ဦးတို့သည် ချင်းအမျိုးသားလွတ်မြောက်ရေးအတွက် အသက်ပေးလှူခဲ့ကြသည်ဟု CDF-Thantlang ၏ ထုတ်ပြန်ချက်မှာ ဖော်ြပထားသည်။
