• Home
  • Featured
  • English
  • Headline
Facebook Twitter Instagram
Khonumthung Media Group
Khonumthung Ad
  • Home
  • Featured
  • English
  • Headline
Khonumthung Media Group
You are at:Home»Khonumthung»မကွေးတောင်ပိုင်းရှိ ရပ်ရွာနေလူထုကို အရှိချင်းတပ်နှင့် PIA တို့ ကျန်းမာရေးစောင့်ရှောက်မှုပေး၊ ငှက်ဖျားဆေး အပါအဝင် ဆေးဝါးအကူအညီလိုအပ်နေ

မကွေးတောင်ပိုင်းရှိ ရပ်ရွာနေလူထုကို အရှိချင်းတပ်နှင့် PIA တို့ ကျန်းမာရေးစောင့်ရှောက်မှုပေး၊ ငှက်ဖျားဆေး အပါအဝင် ဆေးဝါးအကူအညီလိုအပ်နေ

0
By Editor on August 17, 2023 Khonumthung

(06SV)

မကွေးတိုင်းတောင်ပိုင်းရှိ တောင်ပေါ် ကျေးရွာနေ ပြည်သူလူထုကို အရှိုချင်းကာကွယ်ရေးတပ်နှင့် ပြည်သူ့လွတ်လပ် ရေးတပ်မတော်တို့မှ ရဲဘော်များက ကျန်းမာရေး စောင့်ရှောက်မှုများ ပြုလုပ်ပေးနေသည်ဟု သိရသည်။

အရှိုချင်းကာကွယ်ရေးတပ် (ACDF) နှင့် ပြည်သူ့လွတ်လပ်ရေးတပ်မတော် (PIA) တို့က မကွေးတောင်ပိုင်းရှိ ကျေးရွာနေ ပြည်သူများကို တပ်ရင်းများရှိ ဆေးဝါးများနှင့် အခမဲ့ကုသပေးခြင်း၊ ကျန်းမာရေးအသိပညာပေးခြင်းများ ဆောင်ရွက်နေသည်ဟု အရှိချင်းကာကွယ်ရေးတပ်မှ ပြန်ကြားရေးမှူး ဆလိုင်ခနီးလေဗွေက ပြောသည်။ 

“စတင်ကုသပေးနေတာက ဂျူလိုင်လကတည်းကပါ။ ငှက်ဖျားရောဂါတွေ အဖြစ်များနေတာလည်း တွေ့ရတယ်။ လောလောဆယ် ငှက်ဖျားဆေး မရှိဘူး။ ငှက်ဖျားဖြစ်နေတဲ့ လူတွေအတွက် အခက်အခဲဖြစ်နေတယ်။ အဓိကက ဆေးဝါးတွေ လိုအပ်နေပါတယ်။ ကျနော်တို့ ပြည်သူတွေကို အတတ်နိုင်ဆုံး ဆက်လက်ကူညီသွားဖို့ ရှိတယ်။ ပြည်သူတွေကလည်း ကျနော်တို့ကို ပါဝင်အားဖြည့်ပေးကြပါဦး” ဟု သူက ပြောသည်။

မိုခါမုန်တိုင်းဒဏ်ကြောင့် ပျက်စီးမှုနှင့် ထိခိုက်မှု များစွာရှိနေသော ယင်းဒေသက ကျေးရွာနေ ပြည်သူများမှာ ဆေးဝါးနှင့် ဆေးကုသရန် အလွန်ပင်ခက်ခဲနေကြောင်း၊ ယခု ဩဂုတ်လအတွင်း မိုးသည်းထန်စွာ ရွာသွန်း၍ ရေကြီးရေလျံမှုများကြောင့် ပြည်သူများမှာ ပိုမိုအခက်အခဲကြုံတွေ့နေရပြီး အရေးပါ်အကူအညီများ လိုအပ်နေသည်။

ပူးပေါင်းတပ်ဖွဲ့သည် မကွေးတောင်ပိုင်းက ကျေးရွာ ၅ ရွာမှ ပြည်သူများကို ကျန်းမာရေးစောင့်ရှောက်မှုပေးထားပြီး တခြားကျေးရွာများကိုလည်း ဆက်လက်ပေးရန်ရှိသည်။

ယင်းဒေသတွင် ငှက်ဖျား၊ တုပ်ကွေး၊ ယားနာတွေကို အများဆုံး ကုသပေးခဲ့ရသည်။

ယင်းဒေသက ကလေးများသည် သံမချရသေးသော ကလေး အများအပြားကို တွေ့ရှိရသည့်အတွက် သံချရန် ဆေးဝါးများလည်း လိုအပ်နေသည်။

စစ်ကောင်စီတပ်၏ ကန့်သတ်ပိတ်ဆို့မှုများကြောင့် ကျေးရွာနေ ပြည်သူများမှာ ဆေးဝါးနှင့် ရိက္ခာများ ရရှိနိုင်ရေးလည်း အလွန်ခက်ခဲနေသည်ဟု အရှိုချင်းကာကွယ်ရေးတပ်မှ သိရသည်။

တော်လှန်ရေးကာလအတွင်း လူထုဝန်ဆောင်မှုပေးရေး လုပ်ငန်းများကို တတ်နိုင်သလောက် ဖြည့်ဆည်းပေး၍ လူထုကို ကာကွယ်မှုပေးရန် ကြိုးစားအားထုတ်နေသည်ဟု အရှိုချင်းကာကွယ်ရေးတပ် (ACDF) နှင့် ပြည်သူ့လွတ်လပ်ရေးတပ်မတော် (PIA) က ထုတ်ပြန်သည်။

Share. Facebook Twitter Pinterest LinkedIn Tumblr Email
Editor
  • Website

Related Posts

ကလေးမြို့အနောက်တောင်ပိုင်းတွင် လက်နက်ကြီးကြောင့် အမျိုးသမီးတစ်ဦးပွဲချင်းသေဆုံး၊ အမျိုးသား ၃ ဦး ထိခိုက် ဒါဏ်ရာရ

ကလေးမြို့ မွန်းလိုင်ရပ်ကွက်တွင် ဗုံးပေါက်ကွဲမှုကြောင့် ၁၂ နှစ်အရွယ် ကလေးငယ်တစ်ဦးသေဆုံး

ကန်ပက်လက်မြို့အဝင်တွင် ချင်းအလံလွှင့်ထူ

Leave A Reply Cancel Reply


The reCAPTCHA verification period has expired. Please reload the page.

  • Featured Article
September 28, 2023

ခန္ဓာချို့ယွင်းပေမယ့် စိတ်ဓာတ်ခိုင်မာတဲ့ အောက်ချင်းသားများ

September 26, 2023

စစ်အာဏာရှင်ကိုကျောခိုင်းပြီး အမျိုးသားလွတ်မြောက်ရေးအတွက် တော်လှန်တိုက်ပွဲ ၀င်နေသူ (သို့) ဓမ္မဘက်ကို ရပ်တည်သော စစ်သည်ကောင်း

September 26, 2023

“အစုအဖွဲ့တစ်ခုရဲ့ ကြိုးကိုင်မှု အောက်မှာ ကျနော်တို့ရဲ့ အဖွဲ့အစည်းတစ်ခုလုံး၊ မျိုးနွယ်စုတစ်ခုလုံးကို ထိုးအပ်လိုက်မယ့် အနေအထားမျိုး ရောက်သွားလိမ့်မယ်လို့ ယူဆတဲ့အတွက်ကြောင့် မပါဝင်ရခြင်းဖြစ်ပါတယ်’’ ဆလိုင်းပီတာထန်း

September 21, 2023

“ကျွန်တော်တို့က စစ်ကောင်စီနဲ့ ဘယ်သောအခါမှ နိုင်ငံရေးအရပဲဖြစ်ဖြစ် စစ်ရေးအရပဲဖြစ်ဖြစ် ပူးပေါင်းထားတာ မရှိပါဘူး”

Ads
Leaderboard Ad
Archives
–
Leaderboard Ad
Copyright © 2015 Khonumthung News Group. Design & Developed by ExL.

Type above and press Enter to search. Press Esc to cancel.