မင်းတပ်ပြည်သူ့ဆေးရုံဝန်းအတွင်း စစ်တပ်က ဒုတိယအကြိမ်တပ်စွဲ

0
#Unicode
By လားနွန် – ချင်းပြည်နယ်တောင်ပိုင်း မင်းတပ်မြို့ရှိ ခရိုင်ပြည်သူ့ဆေးရုံးဝန်းအတွင်း ယနေ့နံနက်ပိုင်းကစ၍ စစ်တပ်က ဒုတိယအကြိမ် ခြေကုပ်ယူတပ်စွဲလာပြီး မင်းတပ်ပြည်သူလူထုကလည်း ဆန့်ကျင်ကန့်ကွက်ဆန္ဒဖော်ထုတ်ကြမည်ဟု သိရသည်။
“အဲဒီဆေးရုံကြီးမှာပဲ ကျနော်တို့ ဆန္ဒပြမှာ အဲဒီမှာတောင်းဆိုမယ် တဖက်မှာလည်း ညှိုနှိုင်းမယ် ဘာပဲဖြစ်ဖြစ် ကျနော်တို့ တပ်မစွဲစေချင်ဘူး ကျနော်တို့ ထိုင်သပိတ်နေရာလို့ ကျနော်လူခေါ်ထားတယ်လူတွေရောက်လာပြီ အဲဒီကနေ အင်အားကို အခြေအနေကြည့်ပြီးတော့ ကျနော်တို့သွားမယ် ဆေးရုံရှေ့ကိုသွားမယ်လို့ စီစဉ်ထားတယ် ဒါပေမဲ့ ကျနော်တို့အားလုံး ဆွေးနွေးရအုံးမယ် မဆုံးဖြတ်ရသေးဘူး” ဟု မင်းတပ်မြို့မှ အရပ်ဘက်အဖွဲ့အစည်းဦးဆောင်သူတစ်ဦးကပြောသည်။
ပြီးခဲ့သည့် မတ်လ (၈) ရက်နေ့ မွန်းလွဲပိုင်း (၁) နာရီခန့်ကလည်း မင်းတပ်မြို့ ပြည်သူ့ဆေးရုံဝန်းအတွင်း စစ်တပ်က ခြေကုပ်ယူတပ်စွဲရန် ပထမအကြီကြိုးစားခဲ့သော်လည်း ပြည်သူလူထုမှ သွားရောက်ဆန့်ကျင် ကန့်ကွက်မောင်းထုတ်ခဲ့ ကြပြီးဖြစ်သည်။
ယခု ဒုတိယအကြိမ်တွင်လည်း မင်းတပ်ပြည်သူလူထုမှ သပိတ်စစ်ကြောင်းနှင့်အတူ ပြန်လည်မောင်းထုတ်ရန် စီစဉ်ထားကြောင်းသိရသည်။
#Zawgyi
By လားႏြန္ – ခ်င္းျပည္နယ္ ေတာင္ပိုင္း မင္းတပ္ၿမိဳ႕ရွိ ခ႐ိုင္ျပည္သူ႔ေဆးရံုး၀န္းအတြင္း ယေန႔နံနက္ပိုင္းကစ၍ စစ္တပ္က ဒုတိယအႀကိမ္ ေျခကုပ္ယူတပ္စြဲလာၿပီး မင္းတပ္ျပည္သူလူထုကလည္း ဆန္႔က်င္ကန္႔ကြက္ဆႏၵေဖာ္ထုတ္ၾကမည္ဟုသိရသည္။
“အဲဒီေဆးရံုႀကီးမွာပဲ က်ေနာ္တို႔ ဆႏၵျပမွာ အဲဒီမွာေတာင္းဆိုမယ္ တဖက္မွာလည္း ညွိဳႏိႈင္းမယ္ ဘာပဲျဖစ္ျဖစ္ က်ေနာ္တို႔ တပ္မစြဲေစခ်င္ဘူး က်ေနာ္တို႔ ထိုင္သပိတ္ေနရာလို႔ က်ေနာ္လူေခၚထားတယ္လူေတြေရာက္လာၿပီ အဲဒီကေန အင္အားကို အေျခအေနၾကည့္ၿပီးေတာ့ က်ေနာ္တို႔သြားမယ္ ေဆးရံုေရွ႕ကိုသြားမယ္လို႔ စီစဥ္ထားတယ္ ဒါေပမဲ့ က်ေနာ္တို႔အားလံုး ေဆြးေႏြးရအံုးမယ္ မဆံုးျဖတ္ရေသးဘူး” ဟု မင္းတပ္ၿမိဳ႕မွ အရပ္ဘက္အဖြဲ႔အစည္းဦးေဆာင္သူတစ္ဦးကေျပာသည္။
ၿပီးခဲ့သည့္ မတ္လ (၈) ရက္ေန႔ မြန္းလြဲပိုင္း (၁) နာရီခန္႔ကလည္း မင္းတပ္ၿမိဳ႕ ျပည္သူ႔ေဆးရံု၀န္းအတြင္း စစ္တပ္က ေျခကုပ္ယူတပ္စြဲရန္ ပထမအႀကီႀကိဳးစားခဲ့ေသာ္လည္း ျပည္သူလူထုမွ သြားေရာက္ဆန္႔က်င္ ကန္႔ကြက္ေမာင္းထုတ္ခဲ့ ၾကၿပီးျဖစ္သည္။
ယခု ဒုတိယအႀကိမ္တြင္လည္း မင္းတပ္ျပည္သူလူထုမွ သပိတ္စစ္ေၾကာင္းႏွင့္အတူ ျပန္လည္ေမာင္းထုတ္ရန္ စီစဥ္ထားေၾကာင္းသိရသည္။
Share.

About Author

Leave A Reply