ဟားခါးၿမိဳ႕ Nawi Dam စီမံကိန္းႏွင့္ပတ္သက္ေသာ အခ်က္အလက္မ်ား တိက်ရွင္းလင္းစြာမခ်ျပႏိုင္သေရႊ႕အစမျပဳရန္ ခ်င္းအရပ္ဘက္အဖြဲ႔အစည္း ၄၀ ေက်ာ္ေတာင္းဆို

0

#Unicode

By လားနွန် – ဟားခါးမြို့တွင် Nawi ချောင်းဆည်တည်ဆောက်မည့်စီမံကိန်းနှင့်ပတ်သက်၍ ပြည်သူများ သိရှိအပ်သော အချက်အ လက်များအား တိကျရှင်းလင်းစွာချပြခြင်း မပြုနိုင်သေးသရွေ့ စီမံကိန်းအစမပြုရန် ချင်းအရပ်ဘက်မှုအဖွဲ့အစည်းများနှင့် ကျောင်းသားအဖွဲ့အစည်းပေါင်း ၄၈ ဖွဲ့က ချင်းပြည်နယ်အစိုးရအဖွဲ့ထံသို့ ဇန်နဝါရီလ ၁၄ ရက်နေ့က အိတ်ဖွင့်ပေးစာပေးပို့ခဲ့ကြသည်။

Nawi ဆည်စီမံကိန်းသည် ရေရှည်တွင်ဒေသခံများအတွက် ကောင်းကျိုးထက် ဆိုကျိုးဖြစ်လာမည်ကို စိုးရိမ်ရသောကြောင့် အစိုးရအဖွဲ့ထံသို့ အိတ်ဖွင့်စာပေးရခြင်းဖြစ်သည်ဟု ချင်းအရပ်ဖက်လူမှုအဖွဲ့အစည်းများနှင့် ကျောင်းသားအဖွဲ့ အစည်းများမှ ပြောရေးဆိုခွင့်ရှိ ဆလိုင်းဗျက်လျန်ထန်ကပြောသည်။

“ကျနော်တို့ ရည်ရွယ်ချက်ကတော့ အကောင်းဖက်ကိုရည်ရွယ်ပေမဲ့ ဒီ Nawl Dam တည်ဆောက်ခြင်းအားဖြင့် ကျနော်တို့ နောင်နှစ် ၁၀ – ၂၀ မှာ ကျနော်တို့အတွက် ကောင်းကျိုးမဟုတ်ဘဲနဲ့ ဆိုးကျိုးများဖြစ်ပေါ်လာစေမလား ကျနော်တို့ စိုးရိမ်တယ် အဲဒါကြောင့် ကျနော်တို့ ပြောတဲ့အချက်အလက်တွေကို အတိအကျ မချပေးသရွေ့ ဒီစီမံကိန်းကို မဖော်ဆောင်ပေးဖို့ ကျနော်တို့ အိတ်ဖွင့်စာပေးရခြင်းဖြစ်ပါတယ် ကန့်ကွက်တယ်ဆိုတာတော့မပါသေးဘူး သူတို့ Nawl Dam ကလုပ်သင့်မလုပ်သင့်ကို ကျနော်တို့ ပြည်သူအစိုးရလို့ အားကိုးပြီးသဘောထားတဲ့အစိုးရက ဒီစီမံကိန်းကို ဖော်ဆောင်တဲ့ အခါမှာ ပြည်သူနဲ့ ဆန့်ကျင်ဖက်မဟုတ်ဘဲနဲ့ ပြည်သူနဲဲ့အတူ ပြည်သူရဲ့ အသံကို ဆင်ခြင်ပြီးတော့မှ သူတို့လုပ်ဆောင်မယ်လို့ကျနော်တို့ယုံကြည်တယ်” ဟု ဆလိုင်းဗျက်လျန်ထန်ကပြောသည်။

ဟားခါးမြို့၏ မြေခိုင်မာမှုအနေအထားနှင့် မြေမျက်နှာသွင်ပြင် အပြောင်းအလဲများ ၂၀၁၅ ခုနှစ် ကိုမန်ဆိုင်ကလုန်းကြောင့် ဖြစ်ပေါ်ခဲ့သည့် မြေပြိုမှုအနေအထားကို ထောက်ရှုသော်လည်းကောင်း၊ ပြည်တွင်းနှင့် နိုင်ငံတကာပညာရှင်များ၏ ဆန်းစစ်အကြံပြုချက်များကို ထောက်ရှုလျှင်သော်လည်းကောင်း၊ Nawi Dam စီမံကိန်းကြောင့် ဖြစ်လာနိုင်သည့် သဘာဝ ပတ်ဝန်းကျင်ထိခိုက်မှုနှင့် လူမှုပတ်ဝန်းကျင်ထိခိုက်မှုမည်မျှကြီးမားနိုင်သည်ကို ခန့်မှန်းနိုင်သည်ဟု အဆိုပါအိပ်ဖွင့်ပေးစာ တွင်ထောက်ပြထားသည်။

ထို့ကြောင့် ချင်းပြည်နယ်အစိုးရအနေဖြင့် Nawi ချောင်းဆည်စီမံကိန်း၏ အဓိကရည်ရွယ်ချက်၊ Initial Environmental Exami nation, Environmental Impact Assessment နှင့် Social Impact Assessment, Nawi Dam project design အသုံးပြုရန်လျာထားသည့် ဘဏ္ဍာငွေပမဏ စသည့် ပြည်သူများသိအပ်သောအချက်အလက်များကို ပြည့်စုံစွာ ပြည်သူလူ ထုထံ အရင်ချသင့်သည်ဟု ယင်းအိပ်ဖွင့်ပေးစာတွင်ဆက်လက်ဖော်ပြထားသည်။

ဟားခါးမြို့နယ်အတွင်း လူဦးရေ (၅) သောင်းကျော်ရှိပြီး မြို့ပေါ်နေလူဦးရေ (၃) သောင်းခန့်ရှိပြီး ဆက်လက်တိုးလာ ဖွယ်ရှိသည့်အတွက် မြို့နေပြည်သူများသောက်သုုံးရေလုံလုံလောက်လောက် ရရှိနိုင်ရေးအတွက် Nawi ချောင်းဆည်တ ည်ဆောက်ရေးစီမံကိန်းကို ချင်းပြည်နယ်အစိုးရအဖွဲ့မှ လုပ်ဆောင်နေရခြင်းဖြစ်ကြောင်း သိရသည်။

အဆိုပါကိစ္စနှင့် ပတ်သက်ပြီး ချင်းပြည်နယ်အစိုးရပြောရေးဆိုခွင့်ရှိသူ စည်ပင်ဝန်ကြီးဦးစိုးထက် “ဒါကတော့ ကျနော်တို့ ဒေသခံတွေနဲ့ ပြေပြေလည်လည်တွေ့ဆုံဆွေးနွေးရမယ့်အနေအထားပါ ပြည်သူတွေလည်းပြောဖို့ရှိတယ် ဒေသခံတောင်သူ တွေနဲ့လည်း ပြောဖို့ရှိတယ် တောင်သူတွေပြောသလို့ အရမ်းကြီး ဥပက္ခာပြုပြီးတော့ နစ်နာဆုံးရှုံးမယ့် စီမံကိန်းတော့ မဟုတ်ဘူး ဒေသအကျိုးအတွက်ကို သေချာစဉ်းစားပြီးမှ လုပ်ရမယ့် အစဉ်အစီပါ ကျနော်တို့လည်း ဒေသခံ အဲဒီ Nawi Dam လုုပ်မယ့်နေရာမှာပါတဲ့ တောင်သူတွေနဲ့ ထပ်ပြီးတော့ တွေ့ဖို့တော့ရှိတယ် နောက်ပြီးတော့ ဒီအရပ်ဖက်အဖွဲ့အစည်းတွေနဲ့ တွေ့ဖို့ရှိတယ် လောလောဆယ်တော့ ကျနော်တို့ တွေ့မှပဲ မှတ်ချက်ပေးပါမယ်” ဟု ပြောသည်။

ချင်းပြည်နယ်အစိုးရအနေဖြင့် Nawi ချောင်းဆည်ရေလှောင်တမံစီမံကိန်းအတွက် ပြည်နယ်ငွေလုံးငွေရင်းရန်ပုံငွေ ကျပ်သန်း (၂၀၀၀) လျာထားပြီး ၂၀၂၁ ခုနှစ်တွင် စတင်တည်ဆောက်ရန် ပြင်ဆင်နေသည်ဟုသိရသည်။

Nawl ချောင်းဆည် စီမံကိန်းဧရိယာတွင် လက်ရှိ စိုက်ပျိုးလုပ်ကိုင်နေသည့် လယ်မြေဧက လေးဆယ်ခန့်ရှိပြီး လယ်ပိုင်ရှင်တောင်သူများကတော့ ယင်းစီမံကိန်းကို ကန့်ကွက်ခဲ့ကြပြီး နိုင်ငံတော်အတိုင်ပင်ခံပုဂ္ဂိုလ်ထံ သြဂုတ်လ ၂၀၂၀ တုန်းကလည်း ကန့်ကွက်စာပေးပို့ခဲ့ဖူးကြောင်းသိရသည်။

#Zawgyi

By လားႏြန္ – ဟားခါးၿမိဳ႕တြင္ Nawi ေခ်ာင္းဆည္တည္ေဆာက္မည့္စီမံကိန္းႏွင့္ပတ္သက္၍ ျပည္သူမ်ား သိရွိအပ္ေသာ အခ်က္အ လက္မ်ားအား တိက်ရွင္းလင္းစြာခ်ျပျခင္း မျပဳႏိုင္ေသးသေရြ႕ စီမံကိန္းအစမျပဳရန္ ခ်င္းအရပ္ဘက္မႈအဖြဲ႕အစည္းမ်ားႏွင့္ ေက်ာင္းသားအဖြဲ႕အစည္းေပါင္း ၄၈ ဖြဲ႔က ခ်င္းျပည္နယ္အစိုးရအဖြဲ႕ထံသို႔ ဇန္နဝါရီလ ၁၄ ရက္ေန႔က အိတ္ဖြင့္ေပးစာေပးပို႔ခဲ့ၾကသည္။ 

Nawi ဆည္စီမံကိန္းသည္ ေရရွည္တြင္ေဒသခံမ်ားအတြက္ ေကာင္းက်ိဳးထက္ ဆိုက်ိဳးျဖစ္လာမည္ကို စိုးရိမ္ရေသာေၾကာင့္ အစိုးရအဖြဲ႔ထံသို႔ အိတ္ဖြင့္စာေပးရျခင္းျဖစ္သည္ဟု ခ်င္းအရပ္ဖက္လူမႈအဖြဲ႕အစည္းမ်ားႏွင့္ ေက်ာင္းသားအဖြဲ႕ အစည္းမ်ား မွ ေျပာေရးဆိုခြင့္ရွိ ဆလိုင္းဗ်က္လ်န္ထန္ကေျပာသည္။

“က်ေနာ္တို႔ ရည္ရြယ္ခ်က္ကေတာ့ အေကာင္းဖက္ကိုရည္ရြယ္ေပမဲ့ ဒီ Nawl Dam တည္ေဆာက္ျခင္းအားျဖင့္ က်ေနာ္တို႔ ေနာင္ႏွစ္ ၁၀ – ၂၀ မွာ က်ေနာ္တို႔အတြက္ ေကာင္းက်ိဳးမဟုတ္ဘဲနဲ႔ ဆိုးက်ိဳးမ်ားျဖစ္ေပၚလာေစမလား က်ေနာ္တို႔ စိုးရိမ္တယ္ အဲဒါေၾကာင့္ က်ေနာ္တို႔ ေျပာတဲ့အခ်က္အလက္ေတြကို အတိအက် မခ်ေပးသေရြ႕ ဒီစီမံကိန္းကို မေဖာ္ေဆာင္ေပးဖို႔ က်ေနာ္တို႔ အိတ္ဖြင့္စာေပးရျခင္းျဖစ္ပါတယ္ ကန္႔ကြက္တယ္ဆိုတာေတာ့မပါေသးဘူး သူတို႔ Nawl Dam ကလုပ္သင့္မလုပ္သင့္ကို က်ေနာ္တို႔ ျပည္သူအစိုးရလို႔ အားကိုးၿပီးသေဘာထားတဲ့အစိုးရက ဒီစီမံကိန္းကို ေဖာ္ေဆာင္တဲ့ အခါမွာ ျပည္သူနဲ႔ ဆန္႔က်င္ဖက္မဟုတ္ဘဲန႔ဲ ျပည္သူနဲဲ႔အတူ ျပည္သူရဲ႕ အသံကို ဆင္ျခင္ၿပီးေတာ့မွ သူတို႔လုပ္ေဆာင္မယ္လို႔က်ေနာ္တို႔ယံုၾကည္တယ္” ဟု ဆလိုင္းဗ်က္လ်န္ထန္ကေျပာသည္။

ဟားခါးၿမိဳ႕၏ ေျမခိုင္မာမႈအေနအထားႏွင့္ ေျမမ်က္ႏွာသြင္ျပင္ အေျပာင္းအလဲမ်ား ၂၀၁၅ ခုႏွစ္ ကိုမန္ဆိုင္ကလုန္းေၾကာင့္ ျဖစ္ေပၚခဲ့သည့္ ေျမၿပိဳမႈအေနအထားကို ေထာက္ရႈေသာ္လည္းေကာင္း၊ ျပည္တြင္းႏွင့္ ႏိုင္ငံတကာပညာရွင္မ်ား၏ ဆန္းစစ္အၾကံျပဳခ်က္မ်ားကို ေထာက္ရႈလွ်င္ေသာ္လည္းေကာင္း၊ Nawi Dam စီမံကိန္းေၾကာင့္ ျဖစ္လာႏိုင္သည့္ သဘာ၀ ပတ္၀န္းက်င္ထိခိုက္မႈႏွင့္ လူမႈပတ္၀န္းက်င္ထိခိုက္မႈမည္မွ်ႀကီးမားႏိုင္သည္ကို ခန္႔မွန္းႏိုင္သည္ဟု အဆိုပါအိပ္ဖြင့္ေပးစာ တြင္ေထာက္ျပထားသည္။ 

ထို႔ေၾကာင့္ ခ်င္းျပည္နယ္အစိုးရအေနျဖင့္ Nawi ေခ်ာင္းဆည္စီမံကိန္း၏ အဓိကရည္ရြယ္ခ်က္၊ Initial Environmental Exami nation, Environmental Impact Assessment ႏွင့္ Social Impact Assessment, Nawi Dam project design အသံုးျပဳရန္လ်ာထားသည့္ ဘ႑ာေငြပမဏ စသည့္ ျပည္သူမ်ားသိအပ္ေသာအခ်က္အလက္မ်ားကို ျပည့္စံုစြာ ျပည္သူလူ ထုထံ အရင္ခ်သင့္သည္ဟု ယင္းအိပ္ဖြင့္ေပးစာတြင္ဆက္လက္ေဖာ္ျပထားသည္။

ဟားခါးၿမိဳ႕နယ္အတြင္း လူဦးေရ (၅) ေသာင္းေက်ာ္ရွိၿပီး  ၿမိဳ႕ေပၚေနလူဦးေရ (၃) ေသာင္းခန္႔ရွိၿပီး ဆက္လက္တိုးလာ ဖြယ္ရွိသည့္အတြက္ ၿမိဳ႕ေနျပည္သူမ်ားေသာက္သုံုးေရလံုလံုေလာက္ေလာက္ ရရွိႏိုင္ေရးအတြက္ Nawi ေခ်ာင္းဆည္တ ည္ေဆာက္ေရးစီမံကိန္းကို ခ်င္းျပည္နယ္အစိုးရအဖြဲ႕မွ လုပ္ေဆာင္ေနရျခင္းျဖစ္ေၾကာင္း သိရသည္။

အဆိုပါကိစၥႏွင့္ ပတ္သက္ၿပီး ခ်င္းျပည္နယ္အစိုးရေျပာေရးဆိုခြင့္ရွိသူ စည္ပင္၀န္ႀကီးဦးစိုးထက္ “ဒါကေတာ့ က်ေနာ္တို႔ ေဒသခံေတြနဲ႔ ေျပေျပလည္လည္ေတြ႕ဆုံေဆြးေႏြးရမယ့္အေနအထားပါ ျပည္သူေတြလည္းေျပာဖို႔ရွိတယ္ ေဒသခံေတာင္သူ ေတြနဲ႔လည္း ေျပာဖို႔ရွိတယ္ ေတာင္သူေတြေျပာသလို႔ အရမ္းႀကီး ဥပကၡာျပဳၿပီးေတာ့ နစ္နာဆံုးရံႈးမယ့္ စီမံကိန္းေတာ့ မဟုတ္ဘူး ေဒသအက်ိဳးအတြက္ကို ေသခ်ာစဥ္းစားၿပီးမွ လုပ္ရမယ့္ အစဥ္အစီပါ က်ေနာ္တို႔လည္း ေဒသခံ အဲဒီ Nawi  Dam လုုပ္မယ့္ေနရာမွာပါတဲ့ ေတာင္သူေတြနဲ႔ ထပ္ၿပီးေတာ့ ေတြ႕ဖို႔ေတာ့ ရွိတယ္ ေနာက္ၿပီးေတာ့ ဒီအရပ္ဖက္အဖြဲ႕အစည္းေတြနဲ႔ ေတြ႕ဖို႔ရွိတယ္ ေလာေလာဆယ္ေတာ့ က်ေနာ္တို႔ ေတြ႕မွပဲ မွတ္ခ်က္ေပးပါမယ္” ဟု ေျပာသည္။

ခ်င္းျပည္နယ္အစိုးရအေနျဖင့္ Nawi ေခ်ာင္းဆည္ေရေလွာင္တမံစီမံကိန္းအတြက္ ျပည္နယ္ေငြလံုးေငြရင္းရန္ပံုေငြ က်ပ္သန္း (၂၀၀၀) လ်ာထားၿပီး ၂၀၂၁ ခုႏွစ္ တြင္ စတင္တည္ေဆာက္ရန္ ျပင္ဆင္ေနသည္ဟုသိရသည္။ 

Nawl ေခ်ာင္းဆည္ စီမံကိန္းဧရိယာတြင္ လက္ရွိ စိုက္ပ်ိဳးလုပ္ကိုင္ေနသည့္ လယ္ေျမဧက ေလးဆယ္ခန္႔ရွိၿပီး လယ္ပိုင္ရွင္ေတာင္သူမ်ားကေတာ့ ယင္းစီမံကိန္းကို ကန္႔ကြက္ခဲ့ၾကၿပီး ႏိုင္ငံေတာ္အတိုင္ပင္ခံပုဂၢိဳလ္ထံ ၾသဂုတ္လ ၂၀၂၀ တုန္းကလည္း ကန္႔ကြက္စာေပးပို႔ခဲ့ဖူးေၾကာင္းသိရသည္။

Share.

About Author

Leave A Reply