မြွေတောင်ဒေသမှ အဖိုးတန်သတ္တုများ ခိုးယူတူးဖော်နေသူကို ZRA က ကျည်တစ်တောင့်နှင့် သတိပေးစာပို့

0

ချင်းပြည်နယ်၊ တီးတိန်မြို့နယ်အတွင်းရှိ မြွေတောင်ဒေသမှ အဖိုးတန်သတ္တုများအား တရားမ၀င် ခိုးယူတူးဖော်နေသည်ဟုဆိုကာ စစ်ကိုင်းတိုင်းဒေသကြီး၊ ကလေးမြို့နယ်၊ ညောင်ကုန်းကျေးရွာနေ ဦးသန်းဆောင်ကို ဇိုးမီးတော်လှန်ရေးတပ်မတော် (Zomi Revolutionary Army) က ကျည်ဆံတစ်တောင့်နှင့် သတိပေးစာတစ်စောင်ကို ဇွန်လ ၁၃ ရက်နေ့က ပေးပို့သည်ဟု သိရသည်။

ZRA အရှေ့ပိုင်းတိုင်း စစ်ကြောင်းမှူး ဗိုလ်မှူး ဇိုထန် မှ လက်မှတ်ရေးထိုးသည့် အဆိုပါ သတိပေးစာထဲတွင် ဦးသန်းဆောင်သည် ဇိုမီးလူမျိူးတို့၏ ဘိုးဘွားပိုင် မြွေတောင်ဒေသမှ အဖိုးတန် သတ္တုရတနာများကို ကြိမ်ဖန်များစွာ တရားမ၀င် ခိုးယူ တူးဖော်နေကြောင်း ခိုင်လုံစွာ သတင်းရရှိပြီး နောက်နောင်တွင် မိမိတို့ ဇိုမီးတော်လှန်ရေးတပ်မတော်(အရှေ့ပိုင်းတိုင်း)၏ မျက်ကွယ်တွင် ထပ်မံကျူးလွန်ပါက တော်လှန်ရေး လုပ်ထုံး၊ လုပ်နည်းအတိုင်း အရေယူမည်ဖြစ်ကြောင်း ပထမဆုံးအကြိမ်နှင့်နောက်ဆုံးအကြိမ်အဖြစ် ပြင်းထန်စွာသတိပေးလိုက်သည် ဟု ဖော်ပြထားသည်။

ဇိုမီးတော်လှန်ရေးတပ်မတော်သည် အိန္ဒိယအရှေ့မြောက်ဒေသ မဏိပူရပြည်နယ်တွင် အခြေစိုက်သည့်လက်နက်ကိုင်တပ်ဖွဲ့ဖြစ်သည်။ မဏိပူရပြည်နယ် Churachandpur ဒေသတွင်အဓိကခြေကုပ်ယူလှုပ်ရှားပြီး မြန်မာပြည်ဘက်ခြမ်းသို့ ၀င်ရောက်လှုပ်ရှားလေ့မရှိပေ။ အိန္ဒိယဗဟိုအစိုးရနှင့်လည်း ငြိမ်းချမ်းရေးရယူထားသည့် လက်နက်ကိုင်တပ်ဖွဲ့ဖြစ်သည်။

ယခု သတိပေးခံရသည့် ဦးသန်းဆောင်သည် မြွေတောင်ဒေသရှိ အဖိုးတန်သတ္တုများကို ပြီးခဲ့သည့် ၂၀၁၈ ခုနှစ်ကတည်းက တရားမ၀င်တူးဖော်လေ့ရှိသည်ဟု နာမည်ကျော်ကြားသူတစ်ဦးဖြစ်ပြီး နောက်ပိုင်းတွင် တခြားနာမည်ဖြင့် ဆက်လက်တူးဖော်မှုများပြုလုပ်နေသည့်အတွက် ယခုကဲ့သို့ သတိပေးခံရခြင်းဖြစ်နိုင်သည်ဟု မြွေတောင်းအရေးလှုပ်ရှားနေသူတစ်ဦးကပြောသည်။

ဘူမိဗေဒပညာရှင်များ၏ လေ့လာခန့်မှန်းချက်အရ မြွေတောင်ဒေသတွင် အဖိုးတန်သတ္တုများဖြစ်သည့် နီကယ်၊ သံ၊ ခရိုမိုက် စသည့် မက်ထရစ်တန်ချိန်ပေါင်းများစွာထွက်ရှိနိုင်သည်ဟု သိရသည်။ ပြီးခဲ့သည့် ၂၀၁၃ ခုနှစ်အစောပိုင်းကလာတွင် တရုတ်ကုမ္ပဏီတစ်ခုဖြစ်သည့် North Mining Investment Company မှ တူးဖော်ထုတ်လုပ်ရန် လာရောက်စမ်း သပ်လေ့လာမှုများရှိခဲ့သော်လည်း ပွင့်လင်းမြင်သာမှုရှိဟုဆိုကာ ချင်းနိုင်ငံရေးပါတီနှင့် ချင်းအရပ်ဖက်အဖွဲ့အစည်းများက ကန့်ကွက်ခဲ့ကြသည်။

Share.

About Author

Leave A Reply