By လားနွန် – အိန္ဒိယ-မြန်မာအမှတ် (၂) ရိ နယ်စပ်ကုန်သွယ်ရေးလမ်းမှတဆင့် အိန္ဒိယနိုင်ငံ မီဇိုရမ်ပြည်နယ်သို့ တရားမ၀င်တင်သွင်း သော ၀က်အကောင်ရေ (၁၀၀) ကျော်တွင် Porcine Reproductive and Respiratory Syndrome virus (PRRS) ခေါ် ၀က်ရောဂါတွေ့ရှိသည့်အတွက် မီဇိုရမ်ပြည်နယ် တရားသူကြီး၏ခွင့်ပြုချက်ဖြင့် တိရိစ္ဆာန်မွေးမြူရေး ကုသဌာနမှ သြဂုတ်လ ၂၆ ရက်နေ့က ရှင်းလင်းသုတ်သင်လိုက်သည်ဟု သိရသည်။
မြန်မာနိုင်ငံမှတင်သွင်းသော ၀က်အကောင်ရေ (၁၂၁) ကောင်ကို ပြီးခဲ့သည့် ဇူလိုင် ၂၅ နှင့် ၂၈ ရက်နေ့က မီဇိုရမ်အာဏာပိုင်များကဖမ်းဆီးခဲ့သည်။ အဆိုပါ ဖမ်းဆီးရမိသည့် ၀က်များကို မီဇိုရမ်ပြည်နယ် တရားသူကြီး၏ ခွင့်ပြုချက်ဖြင့် (PRRS) ခေါ် ၀က်ရောဂါရှိမရှိကို သြဂုတ်လ ၂၃ ရက်နေ့က စမ်းသပ်စစ်ဆေးရာတွင် ၀က်အားလုံးတွင် ရောဂါတွေ့ရှိရသည့်အတွက် သတ်ဖြတ်ပြီး ကျန်ဖိုင်းခရိုင် Selesih ကျေးရွာ ယာခင်းတစ်နေရာတွင် မြှပ်နှံလိုက်ကြသည်ဟု မီဇိုရမ်နေ့စဉ်ထုတ် Vanglaini သတင်းစာတွင်ဖော်ပြထားသည်။
အဆိုပါဝက်များသည် မီဇိုရမ်ပြည်နယ် ကာလပေါက်ဈေးအားဖြင့် ရူပီးငွေသိန်း( ၄၀) ကျော်တန်ဖိုးခန့်ရှိသည်။ မြန်မာနိုင်ငံတွင်တွင် ပြီးခဲ့သည့်ရက်ပိုင်းအတွင်း အာဖရိက၀က်ရောဂါတစ်မျိူး ပြန့်နှံ့နေသည်ဟုဆိုကာ မီဇိုရမ်ပြည်နယ် အစိုးရက မြန်မာနိုင်ငံမှ ၀က်တင်သွင်းခွင့်က တင်းတင်းကြပ်ကြပ်ပိတ်ပင်ထားသည်။
