(004SS)
စစ်ကောင်စီ ကျင်ပခဲ့သော ၂၀၂၅ ခုနှစ် တက္ကသိုလ်ဝင်တန်း စာမေးပွဲအောင်စာရင်းကို ဇူလိုင် ၂၇ ရက်၊ တနင်္ဂနွေနေ့ နံနက် ၆ နာရီတွင် စစ်ကောင်စီလက်အောက်ခံ ပညာရေးဝန်ကြီးဌာနက တရားဝင်ထုတ်ပြန်သွားမည်ဖြစ်ကြောင်း သိရသည်။
အောင်စာရင်းကို မြန်မာနိုင်ငံ စာစစ်ဦးစီးဌာန၏ ဝက်ဘ်ဆိုဒ် [www.myanmarexam.org] (http://www.myanmarexam.org) တွင် ဇူလိုင် ၂၇ ရက် မနက် ၄ နာရီမှစ၍ ဝင်ရောက်ကြည့်ရှုနိုင်မည်ဖြစ်ပြီး၊ အင်တာနက်အဆက်အသွယ် အားနည်းသည့် ဒေသများအတွက် မြန်မာ့အသံရေဒီယိုမှလည်း ကြေညာပေးသွားမည်ဟု သိရသည်။
ထို့အပြင် အောင်စာရင်းနှင့်ပတ်သက်၍ မေးမြန်းလိုပါက မြန်မာနိုင်ငံ စာစစ်ဦးစီးဌာန၊ ဖုန်း – ၀၁-၆၅၃၅၀၉ မှ ဆက်သွယ်စုံ စမ်းနိုင်ကြောင်း ပညာရေးဝန်ကြီးဌာနက ဖော်ပြထားသည်။
ချင်းပြည်နယ်တွင် ၂၀၂၅ ခုနှစ် တက္ကသိုလ်ဝင်တန်းစာမေးပွဲကို ဟားခါးနှင့် တီးတိန်မြို့နယ်တွင်သာ ဖြေဆိုခဲ့ကြပြီး၊ ဖြေဆိုသူ စုစုပေါင်း ၄၀၈ ဦးသာ ရှိခဲ့သည်။
