မီဇိုရမ်မှ မြန်မာနိုင်ငံသား အိမ်ခြေ ၁၂၀ ကျော် မောင်းထုတ်

0

မီဇိုရမ်ပြည်နယ်ရှိ မြန်မာနိုင်ငံသား အများစုနေ ထိုင်သည့် ရပ်ကွက်ဖြစ်ကြသော Rangvamual
နှင့် Phunchawng ရပ်ကွက်ရှိ မိသားစုအိမ်ခြေ ၁၂၀ ကျော်ကို Central Young Mizo Association (CYMA) မှ မောင်းထုတ်ခဲ့သည်။

ဧပြီလကုန်ပိုင်းကတည်းက မီဇိုရမ်ပြည်နယ်တွင် အကြီးဆုံး NGO ဖြစ်သော CYMA တာဝန်ရှိ သူ များနှင့် အိမ်ရှင်များဆွေးနွေးခဲ့ပြီး ယင်းဆွေးနွေး ချက်အရ တရားမဝင်နေထိုင် သူ နိုင်ငံခြား သား များအပါအဝင် အရက်ချက်လုပ်ငန်းများတွင် လုပ်ကိုင်နေသော မိသားစုများကို မေလ ၁၅ ရက်နေ့ မတိုင်ခင် ရပ်ကွက်မှ  ထွက်သွားရန် အသိပေးထားပြီဖြစ်ကြောင်း ယနေ့ ထုတ် The Aizawl post သတင်းစာတွင် ဖေါ်ပြထားသည်။
“နောက်ဆုံးသတင်းအရ Phunchawng ရပ်ကွက်မှ အိမ်ခြေ ၉၀ ခန့် ပြောင်းရွေ့ကြပြီဖြစ် တယ်။ Rangvamual ရပ်ကွက်မှ အိမ်ခြေ ၃၀ ခန့်လည့်း  ယင်းရပ်ကွက်မှ ပြောင်းရွေ့ခဲ့တယ်”  ဟု အဆိုပါ သတင်းစာတွင် ဖော်ပြသည်။

ဆက်လက်ပြီး အာဏာပိုင်များက သတ်မှတ်ထားသည့် နေ့ရက်တွင် ရပ်ကွက်မှ မပြောင်းရွေ့၊ မထွက်ခွာသေးသည့် အိမ်ထောင်စု အခြေအနေကို ဆက်လက်စစ်ဆေးသွား မည်ဖြစ်ပြီး၊ တကယ် လို့ ရှိခဲ့ပါက ဆက်လက် မောင်းထုတ်သွားမည် ဖြစ်ကြောင်း သိရသည်။

ယခုကဲ့သို့ ပြောင်းရွေ့ခံရသည့် မိသားစုများမှာ အခြားရပ်ကွက်များတွင် အိမ်ငှားနေခြင်း၊ အချို့  မိသားစု များမှာ ဆွေမျိုး အိမ်များ တွင် ကပ်၍ နေကြသည်ဟု သိရပြီး၊ တချို့ အိမ်ထောင်စုများ သည် မြန်မာနိုင်ငံဘက်သို့  ပြန်သွားသူများလည်း ရှိသည်ဟုသိရသည်။

“ဒီကိစ္စနှင့် ပတ်သက်လို့  တချို့ အိမ်ထောင်စုတွေ ဆိုရင် မြန်မာပြည်ဘက်ကို လည်း မသွားရဲ ဖြစ်နေကြတော့ စိတ်သောကရောက်နေ တယ်” ဟု ဒေသခံတဦးက ဆိုသည်။

မီဇိုရမ်ပြည်နယ် အိုင်ဇောလ်မြို့ က နေ မိုင် ၂၀ ကွာဝေးသည့် Phunchawng နှင့် Rangvamual ရပ်ကွက်တွင် မြန်မာနိုင်ငံ သား တော်တော်များ များနေထိုင် ကြပြီး၊ အများစုမှာ  အရက်ချက် လုပ်ငန်းတွင် ပါဝင်လုပ်ကိုင်ကြသည်ဟု သိရသည်။ သို့ သော် မြန်မာနိုင်ငံသား မည်၍မည်မျှ နေထိုင်ကြသည်ကိုမူ အသေးစိတ်မသိရှိနိုင်ပေ။

အိုင်ဇောလ်မြို့ တွင် အခြေစိုက်သော CYMA သည် ၂၀၁၃ခုနှစ် မေလ (၁၅) ရက်နေ့ တွင် ယင်း ဒေသရှိ မြန်မာနိုင်ငံသားများကို ရပ်ကွတ်မှ အပြီးထွက်သွားကြရန် နှင့် အကယ်၍ မထွက်သွားပါက ၄င်းတို့ အပေါ် လုပ်ဆောင်သည့် အရေးယူမှု အပေါ် CYMA မှ တာဝန် ယူမည်မဟုတ်ကြောင်း အသိပေးခဲ့သည်။

Share.

About Author

Comments are closed.