ZAWLBUK ပရဟိတအဖွဲ့ မှ တာဟန်းရပ်ကွက်ရှိ လိုအပ်နေသူများအသုံးပြုဖို့ ရေတိုင်ကီ (၃) လုံးလှူဒါန်း

0

By မိုး​ကျော်​ – ချင်းတောင်ခြေရင်းတွင်တည်ရှိသည့် ကလေးမြို့ပေါ် ရပ်ကွက်တချိူ့တွင် ယခုရက်ပိုင်း အပူလွန်ကဲမှုကြောင့် တွင်းရေများနှင့် အ၀ီစိရေများခန်းခြောက်လာပြီး ရေပြတ်လပ်မှုကြုံနေကြသည့် ဇိုး(ချင်း)မျိုးနွယ်စုအများဆုံးနေထိုင်သည့် တာဟန်းရပ်ကွက်ရှိ ပြည်သူများအတွက် sintex (ရေတိုင်ကီ) သုံးလုံးကို တာဟန်းအခြေစိုက် ZAWLBUK (Tanpui Ngaite Tanpuitu Pawl) အဖွဲ့မှ မေလ ၉ ရက်နေ့က လှူဒါန်းခဲ့ကြကြောင်းသိရသည်။

ယခုရက်ပိုင်းအတွင်း အပူလွန်ကဲမူကြောင့် ရေပြတ်လပ်မှုဒဏ်ကြုံတွေနေရသူများ၏အခက်အခဲကို ဖြေရှင်းနိုင်ရေးအတွက် ယခုလို ရေတိုင်ကီများ လှူဒါန်းရခြင်းဖြစ်ကြောင်း သိရသည်။

ကလေးမြို့နယ်၊ တာဟန်း C ရပ်ကွက်တွင် ရေတိုင်ကီနှစ်လုံး၊ E ရပ်ကွက်တွင် တစ်လုံး အပြင် မိုးကာဖြင့် ရေသိုလျောင်ထားဖို့ရန် ရေသိုလျောင်ကန်ကိုလည်း ပြုလုပ်ပေးခဲ့ကြသည်။

ယခု ထားရှိသော ရေတိုင်ကီနှင့် ရေသိုလျောင်ကန်များတွင် Zawlbuk အဖွဲ့အပါအဝင် အခြားသောအဖွဲ့အစည်းများမှ ရေများ ဖြည့်ထားသွားမှာဖြစ်ပြီး ၄င်းရေများကို တကယ်လိုအပ်နေသည့် မိသားစုအနေဖြင့် လိုသလောက်ကိုသာ ခတ်သုံးသွားမှာဖြစ်သည်။

ပြီးခဲ့သည့် ဧပြီလကစ၍ ကလေးမြို့ပေါ် အထူးသဖြင့် တာဟန်း၊ တောင်ဖီလာ၊ ကြို့သုံးပင်၊ နေပြည်တော် ရပ်ကွက်တို့တွင် ရေတွန်းခန်းခြောက်မှုဖြစ်ပွားခဲ့ပြီး ပြည်သူအများအပြာ သောက်သုံးရေပြတ်လပ်မှုကြုံတွေ့ခဲ့ကြကြောင်း သိရသည်။

ယခုကဲ့သို့ ရေပြတ်လပ်မှုကြုံတွေ့နေကြရသည့် ပြည်သူများကို ကလေးလွင်ပြင် ပဟရတိအဖွဲ့မှ မေလ ၁ ရက်နေ့ကစ၍ ရေသယ်ကားများဖြင့် သောက်သုံးရေဖြန့်ဝေပေးကြောင်း သိရပြီး ယခုလက်ရှိ စုံစမ်းသိရှိရသည့် စာရင်းအရ ရေတွင်းနှင့် အ၀ီစိတွင်း (၁၀၀) ကျော် ခန်းခြောက်ပြီး အသစ်ပြန်လည်တူးဖော်မှုများအပူတပြင်း လုပ်ဆောင်နေကြရသည်။

Share.

About Author

Leave A Reply

*

code