မီဇိုရမ်ပြည်နယ်တွင် တစ်ရက်လျှင် လူ (၉) ဦးနှုန်း HIV ရောဂါကူးစက်ခံနေရဟုဆို

0

ချင်းပြည်နယ်နှင့် နယ်နိမိတ်ချင်းထိစပ်နေသော အိန္ဒိယနိုင်ငံအရှေ့မြောက်ဒေသ မီဇိုရမ်ပြည်နယ်တွင် တစ်ရက်လျှင် လူ ၉ ဦးနှုန်း HIV ရောဂါကူးစက်ခံနေရသည်ဟု Mizoram State Aids Control Society (MSACS) ၏ လေ့လာဆန်းစစ်ချက် အရသိရသည်။

ယခုနှစ် ၂၀၁၉ ဇန်န၀ါရီလမှ စက်တင်ဘာလအထိ (၉ လတာအတွင်း) မီဇိုရမ်ပြည်နယ်တွင် HIV ရောဂါပိုးရှိသူ ၁၂၅၇ ဦး ထပ်မံတွေ့ရှိခဲ့ကြသည်။ ဇန်န၀ါရီလ မှ စက်တင်ဘာလအတွင်း ရက်ပေါင်း ၂၇၃ ရက်ရှိကာ ယင်းနေ့ရက်နှင့်တွက်ချက်ပါက တစ်ရက်လျင် HIV ရောဂါကူးစက်ခံရသည် (၄.၆၀) နှုန်းရှိသည်။

သို့သော်လည်း အစိုးရရုံးဖွင့်သည့် နေ့ရက်များတွင်သာ HIV ရောဂါပိုးရှိမရှိ သွေးစစ်ဆေးမှုများပြုလုပ်လေ့ရှိသည့်အတွက် အစိုးရရုံးပိတ်သည့်နေ့များ(စနေ၊ တနင်္ဂနွေ၊ အခြားသော Holiday ရက်များ) မပါဘဲ အစိုးရရုံးဖွင့်သည့်နေ့ရက်ကိုသာ အခြေခံပြီးတွက်ချက်ပါက တစ်ရက်လျှင် လူ (၉) ဦးနှုန်း HIV ရောဂါပိုးကူးစက်ခံရသည့်သဘောဖြစ်သည်ဟု (MSACS) ၏ မှတ်တမ်းအရသိရှိရကြောင် မီဇိုရမ်နေ့စဉ်ထုတ် Vanglaini သတင်းစာတွင်ဖော်ပြထားသည်။

၂၀၁၉ ခုနှစ် ဇန်န၀ါရီမှ စက်တင်ဘာလအထိ မီဇိုရမ်ပြည်နယ် ခရိုင်အသီးသီး၌ HIV ရောဂါပိုးကူးစက်ခံရသည့်ပမာဏမှာ Aizawl ခရိုင်တွင် (၈၄၃) ဦး၊ Lunglei ခရိုင်တွင် (၁၂၀) ဦး၊ Saiha ခရိုင်တွင် (၁၄)ဦး၊ Champhai ခရိုင်တွင် (၈၄) ဦး၊ Kolasib ခရိုင်တွင်(၉၄) ဦး၊ Serchhip ခရိုင်တွင် (၃၆) ဦး၊ Lawngtlai ခရိုင်တွင် (၁၁)ဦး နှင့် Mamit ခရိုင်တွင် (၅၅) တို့ ဖြစ်သည်။

အဆိုပါ HIV ရောဂါပိုးထပ်မံတွေ့ရှိသည့်သူများထဲတွင် အသက် (၁၄) နှစ်အောက်သည် (၃.၁၇) ရာခိုင်နှုန်း၊ အသက် (၁၅ မှ ၂၄) နှစ်အကြားသည် (၂၃.၀၃) ရာခိုင်နှုန်း၊ အသက် (၂၅ မှ ၃၄) နှစ်အကြားသည် (၄၂.၃၈) ရာခိုင်နှုန်း၊ အသက် (၃၅ မှ ၄၉) နှစ်အကြားသည် (၂၆.၄၆) ရာခိုင်နှုန်းနှင့် အသက် (၅၀) အထက်သည် (၄.၉၆) ရာခိုင်နှုန်းရှိသည်ဟု သိရသည်။

Share.

About Author

Leave A Reply

*

code