(006SV) မလေးရှားနိုင်ငံ၊ ပဲရပ်ပြည်နယ်၊ Cameron Highlands တွင် မြေပြိုမှုကြောင့် သေဆုံးသွားသည့် မင်းတပ်မြို့မှ သွားရောက်လုပ်ကိုင်နေသည့် ချင်းလူမျိုး (၅) ဦး၏ ရုပ်အလောင်းအားလုံးကို ယနေ့မှာ ပြန်လည်တူးဖော်ရရှိပြီးဖြစ်ကြောင်း The Highlands Chin Community ထံမှ သိရသည်။ ဇန်နဝါရီလ ၂၅ ရက် ည ၈ နာရီခန့်တွင် မလေးရှားနိုင်ငံတွင် သွားရောက် အလုပ်လုပ်ကိုင်နေသည့် ချင်းပြည်နယ်၊ မင်းတပ်မြို့မှ အလုပ်သမားများ နေထိုင်သော ခြံအတွင်း မြေပြိုကျရာမှ သေဆုံးသူအားလုံးကို ယနေ့ ဇန်နဝါရီလ ၂၇ ရက်တွင် ပြန်လည်တူးဖော်နိုင်ခဲ့ကြောင်း HCC ထံမှ သိရသည်။ သေဆုံးသွားသူများမှာ တစ်မိသားစုထဲမှ ဦးရှိန်းလောဟာ၊ ဦးရှိန်းလောဟာ၏ သား ဦးလောဟာဖေ ၊ ဦးလောဟာဖေ၏ ဇနီး ဒေါ်အွမ်မြူး တို့အပြင် ကိုထန်းမောင်းနှင့် ကိုကီးရှိန်အွမ် တို့ဖြစ်ပါသည်။ ဇန်နဝါရီလ ၂၆ ရက်တွင် ရုပ်အလောင်း (၂) လောင်းကို တူးဖော်နိုင်ခဲ့ပြီး ယနေ့တွင် ကိုထန်းမောင်း၊ ဦးရှိန်လောဟာနှင့် ဒေါ်အွမ်မြူးတို့၏ ရုပ်အလောင်းများကို ပြန်လည်တူးဖော်နိုင်ခဲ့ခြင်းဖြစ်သည်။ သေဆုံးသွားသူထဲမှ ဦးလောဟာဖေနှင့် ဒေါ်အွမ်မြူးတို့မှာ မလေးရှားနိုင်ငံတွင် ကျောင်းပညာသင်ယူနေသည့် ၈ နှစ်အရွယ်သမီးတစ်ဦးနှင့် ၅ နှစ်အရွယ် သမီးတစ်ဦးတို့ကျန်ရှိခဲ့သည်။
Author: Editor
Salai Vakok မြန်မာ့နွေဦးတော်လှန်ရေးနဲ့အတူ ချင်းတော်လှန်ရေးအင်အားစုတွေ နှစ်ရှည်လများ ရည်မှန်းထားတဲ့ ဒီမိုကရေစီရေး၊ အမျိုးသား တန်းတူရေး၊ ကိုယ်ပိုင်ပြဌာန်းခွင့် ရရှိရေးတွေဟာ စစ်အာဏာသိမ်းပြီး ၃ နှစ်နီးပါးကြာမှာ အခွင့်အလမ်းကောင်းတွေနဲ့ ပို၍ လမ်းပွင့်သွားပါတယ်။ ချင်းတော်လှန်ရေး အင်အားစုတွေဟာ မိမိတို့ရဲ့ ရပိုင်ခွင့်တွေကို ရရှိဖို့နဲ့ ကာကွယ်နိုင်ဖို့အတွက် စစ်ကောင်စီကို လက်နက်စွဲကိုင် တော်လှန်နေမှုမှ ဖွဲ့စည်းပုံအခြေခံဥပဒေနဲ့အညီ ပြည်တွင်းပြည်ပရဲ့ တရားဝင်မှု ရရှိရေးကို ကြိုးစားလာခြင်းလည်းဖြစ်ပါတယ်။ ချင်းလဲန်းဖွဲ့စည်းပုံအခြေခံဥပဒေနဲ့ ချင်းလဲန်းကောင်စီ ဖြစ်ပေါ်လာဖို့ ချင်းတော်လှန်ရေးအင်အားစုတွေ နှစ်ပေါင်းများစွာကတည်းက ကြိုးစားနေကြတာပါ။ CNF ၊ CDFs နဲ့ ချင်းလွတ်တော်ကိုယ်စားလှယ်တချိုု့က ၊ အခု ပြဌာန်းလိုက်တဲ့ ချင်းလဲန်းဖွဲ့စည်းပုံ အခြေခံဥပဒေဟာ မြန်မာနိုင်ငံ လွတ်လပ်ရေးရပြီးနောက်ပိုင်း နှစ်ပေါင်း ၇၅ ကျော်မှာ ပထမဦးဆုံး ပြည်နယ်ဖွဲ့စည်းပုံအခြေခံဥပဒေ ဖြစ်တယ်ဆိုတဲ့ ဝိသေသဂုဏ်ပုဒ်ကိုလည်း ပိုင်ဆိုင်ထားပါတယ်။ တော်လှန်ရေးအင်အားစုတွေကို နိုင်ငံရေးနဲ့ စစ်ရေးအရ ဟန်ချက်ညီညီပေါင်းစပ် တိုက်ပွဲဝင်နိုင်ဖို့ စုစည်းပေမယ့် ပြည်နယ်ဖွဲ့ စည်းပုံအခြေခံဥပဒေနဲ့ ကောင်စီဟာ လက်ရှိမှာ ချင်းတော်လှန်ရေးအင်အားစုတွေကို ကွဲပြဲစေဖို့ ဖြစ်ပေါ်လာနေပါတယ်။ – ချင်းလဲန်းကောင်စီ (CC) ဘာလုပ်နေလဲ CNF/CAN၊ CDFs (၁၄) ဖွဲ့နဲ ချင်းလွှတ်တော်ကိုယ်စားလှယ်တချို့က ပြဌာန်းအတည်ပြုထားတဲ့ ချင်းလဲန်းဖွဲ့စည်းပုံ အခြေခံဥပဒေ နဲ့အတူ ချင်းလဲန်းကောင်စီ (CC) ဟာ ကောင်စီဖွဲ့ပြီး ရက်ပေါင်း (၅၀) ခန့်ကြာမှာ ချင်းပြည်အစိုးရယန္တရားတွေမှာ တာဝန်ထမ်း ဆောင်မယ့်သူတွေကို အခုသီတင်းပတ်ထဲ အပြီးသတ် ရွေးချယ်နေပါတယ်။ CNF/CNA ဌာနချုပ်၊ ချင်းလုံးမြို့မှာ ဇန်နဝါရီလ…
(006SV) ချင်းပြည်နယ်တွင် ကြားကာလပြည်သူ့အုပ်ချုပ်ရေး ဆောင်ရွက်နေသည့် အဖွဲ့များဖြင့် ချင်းပြည်သူ့ အုပ်ချုပ်ရေးကော်မတီကို ဖွဲ့စည်းလိုက်ကြောင်း ကြားကာလချင်းအမျိုးသား အတိုင်ပင်ခံကောင်စီ(ICNCC)က ယနေ့မှာ သတင်းထုတ်ပြန်လိုက်သည်။ ချင်းပြည်သူ့အုပ်ချုပ်ရေးကော်မတီက ဒေသန္တရ အုပ်ချုပ်ရေး အဖွဲ့များနှင့် ချိတ်ဆက်ပြီး လက်ရှိချင်းပြည်သူများ၏ အခြေခံပြည်သူ့ ဝန်ဆောင်မှု လုပ်ငန်းများကို ပိုမိုဖြည့်ဆည်းပေးနိုင်ရန် ကြိုးစားမည်ဟု ယနေ့ ဇန်နဝါရီလ ၂၇ ရက်တွင် ထုတ်ပြန်သည်။ ချင်းပြည်သူ့ အုပ်ချုပ်ရေးကော်မတီသည် ICNCC မှတစ်ဆင့် အမျိုးသားညီညွတ်ရေးအစိုးရ (NUG)၊ အမျိုးသား ညီညွတ်ရေး အတိုင်ပင်ခံ ကောင်စီ (NUCC)၊ ပြည်ထောင်စု လွှတ်တော်ကိုယ်စားပြု ကော်မတီ (CRPH) တို့နှင့် ချိတ်ဆက်ဆောင်ရွက် သွားမည်ဟု သိရသည်။ ကြားကာလချင်းအမျိုးသား အတိုင်ပင်ခံကောင်စီ(ICNCC)တွင် အသစ်ပါဝင်လာသည့် မြို့နယ်နှင့် ဒေသအစုအဖွဲ့၊ ချင်းကာကွယ် ရေးအစုအဖွဲ့ (CDF) အပါအဝင် ချင်းလွှတ်တော်ကိုယ်စားလှယ်အစုအဖွဲ့၊ နိုင်ငံတကာရောက် ချင်းအစုအဖွဲ့နှင့် Chin CDMer အစုအဖွဲ့တို့ ပါဝင်ကြောင်း၊ လက်ရှိတွင် (၆) မြို့နယ်မှာ မြို့နယ်အဆင့်မှ ပါဝင်လျက်ရှိကြောင်း ICNCC အလှည့်ကျသဘာပတိ ဒေါက်တာကင်တန်လင်းက ခိုနူမ်းသုန်နှင့် ဇန်နဝါရီလလယ်ပိုင်းက အင်တာဗျူးတွင် ပြောသည်။ ကြားကာလချင်းအမျိုးသားအတိုင်ပင်ခံကောင်စီ -ICNCC သည် ချင်းအင်အားစုအဖွဲ့များအကြား နိုင်ငံရေးအရ သဘောတူညီမှု ရရှိရန် ကြိုးစားပြီး ICNCC Reform ကော်မတီမှ လုပ်ဆောင်မည့် Chin Charter ပြင်ဆင်မှု ပြီးစီးသောအခါ ချင်းပြည်အစိုးရအား ဖွဲ့စည်းတည်ထောင်သွားမည်ဖြစ်ကြောင်း ထုတ်ပြန်သည်။ ချင်းတစ်မျိုးသားလုံးစည်းလုံးညီညွတ်ရေးကို ရှေးရှူလျက် ချင်းတော်လှန်ရေးအဖွဲ့ အချင်းချင်းအကြား မလိုလားအပ်သော ပဋိပက္ခများ…
မီဇိုရမ်ပြည်နယ်တောင်ပိုင်း မရာကိုယ်ပိုင်အုပ်ချုပ်ခွင့်ရခရိုင် ရှာဟာ (Siaha) မြို့တွင် သုံးဘီးတက္ကစီယာဉ်မောင်းတစ်ဦးကို သတ်သွားသူ ၄ ဦး၏ အချက်အလက်ကို မရာနယ်မြေအုပ်ချုပ်ရေးကောင်စီ ယမန်နေ့က ထုတ်ပြန်ကာ ၎င်းတို့သည် မိန်းမခိုးပြေးရန် ချင်းပြည်နယ်မှ ရောက်ကြသော ချင်းလူမျိုးများဖြစ်ကြသည်ဟု ဆိုသည်။ ရှာဟာမြို့ ECM ရပ်ကွက်နေ အသက် ၂၃ နှစ်အရွယ် သုံးဘီးတက္ကစီ (Auto rickshaw) ယာဉ်မောင်း KL Zoasa သည် ဇန်န၀ါရီလ ၂၄ ရက်နေ့က ၎င်းတို့ ၄ ဦးက လောင်တလိုင်မြို့သို့ ငှါးရမ်းကာ သတ်ဖြတ်ခဲ့ကြသည်။ KL Zoasa ကိုသတ်ဖြတ်သူ ၄ ဦးစလုံးကို မီဇိုရမ်ရဲတပ်ဖွဲ့က ဖမ်းဆီးရမိထားပြီဖြစ်ကာ ၎င်းတို့သည် စစ်ဘေးရှောင်များမဟုတ်ကြဘဲ ရခိုင်လူမျိုးများ AA နှင့်ပတ်သက်သူများဟု မီဇိုးကျောင်းသားသမဂ္ဂ MZP နှင့် စစ်ဘေးရှောင် ကူညီရေးအဖွဲ့တစ်ခုဖြစ်သည့် NUA က ဇန်န၀ါရီလ ၂၅ ရက်ညမှာ ထုတ်ပြန်ခဲ့ကြသည်။ သို့သော်လည်း အဆိုပါကိစ္စနှင့်ပတ်သက်၍ မရာနယ်မြေအုပ်ချုပ်ရေးကောင်စီ၊ မဟာမိတ်ရေးရာ၊ သတင်းပြန်ကြားရေးနှင့် ဖြန့်ချီရေးဌာနက ကျုးလွန်သူများ၏ သတင်းအချက်အလက်ကို စုံစမ်းခဲ့ရာတွင် ၎င်းတို့ ၄ ဦးစလုံးသည် ရခိုင်လူမျိုးများမဟုတ်ကြဘဲ ချင်းပြည်နယ် ပလက်၀မြို့နယ် မရာနယ်ကျေးရွာတစ်ရွာဖြစ်သည့် Raka ကျေးရွာတွင် နေထိုင်ကြသူများဟု သိရသည်။ ၎င်းတို့သည် သူငယ်ချင်းဖြစ်သူအတွက် မိန်းမခိုးပြေးရန် ရှာဟာမြို့သို့ လာရောက်ကြသူများဖြစ်ကြပြီး ယခုကဲ့သို့ လူသတ်မှုကျူးလွန်ရသည့် အကြောင်းရင်းကိုမူ မသိရသေးပေ။
(002MG) ဆန်ပြတ်မူ လချီကြုံနေရသည့် ချင်းပြည်နယ်တောင်ပိုင်း၊ မတူပီမြို့တွင် ယမန်နေ့က ကုန်တင်ကားနှစ်စီးဖြင့် စားသုံးကုန်ပစ္စည်းအပါအဝင် ဆန်အိတ် (၄၀၀) နီးပါး ရှောက်ရှိလာသည်ဟု မတူပီမြို့ခံတစ်ဦးကပြောသည်။ မတူပီမြို့ခံတစ်ဦးက ”မနေ့ကပဲ ကုန်တင်ကားကြီးတွေဝင်တယ် ဆန်ကတော့ အိတ် (၄၀၀) နီးပါးဝင်တယ်၊ လောလောဆယ် ဆန်ပြတ်တဲ့သူတွေအတွက်တော့ လောက်ပါတယ် အဆင်ပြေတယ်။ အကုန်လုံးတအိမ်ထောင်ကိုတ အိတ်ဝယ်ရင်တော့ တဝက်တောင်လောက်မှာမဟုတ်ဘူး၊ နောက်ထပ်ကားတွေလဲဝင်ဖို့ရှိတယ်လို့ ကြားတယ်” ဟုပြောသည်။ အဆိုပါ ဆန်သယ်ကုန်တင်ကားတို့သည် ဂန့်ဂေါ-မတူပီကားလမ်းပိုင်းမှ ရောက်ရှိလာခြင်းဖြစ်ပြီး ဆန်အရေအတွက် အကန့်အသတ်ဖြင့်သာ သယ်ဆောင်ရပြီး အိမ်ဆောက်ပစ္စည်းသုံး ဘိလပ်မြေတို့ကိုမူ တင်ခွင့်မပြုကြောင်း သိရသည်။ လက်ရှိရောက်လာသည့် ပဒေသာ ဆန်တအိတ်လျှင် ကျပ် (၁၂၀၀၀၀) ခန့်ရှိပြီး ကြက်သွန်ဖြူ၊ အနီ တပိသာလျင် ၈၀၀၀ ကျပ်တို့ဖြင့် ဝယ်ယူကြရသည်ဟု သိရသည်။ မတူပီမြို့တွင် စစ်ကောင်စီတပ်ဖွဲ့က လွန်ခဲ့သော (၃) လခန့်ကတည်းက ကုန်ကားအဝင်/အထွက် ပိတ်ပင်ခဲ့ပြီးနောက် မြို့တွင်း ဆန်ပြတ်လပ်ပြီး ပြည်သူများ စားဝတ်နေရေးခက်ခဲလာကြခြင်းဖြစ်သည်။ မတူပီမြို့တွင်း မြို့မိမြို့ဖနှင့် ဘာသာရေးဆရာတော်များက စစ်ကောင်စီတပ်ဖွဲ့ထံ ခွင့်ပြုချက်တောင်းဆိုကာ ဒေသကာကွယ်ရေးတပ်ဖွဲ့တို့၏ ခွင့်ပြုချက်တို့ဖြင့် ကုန်တင်ကားများ ပြန်လည်ဝင်ရောက်လာခြင်းဖြစ်ပြီး မင်းတပ်-မတူပီ ကားလမ်းပိုင်းမှာ ပိတ်ထားဆဲဖြစ်သည်ဟု သိရသည်။
(002MG) စစ်ကိုင်းတိုင်း၊ ကလေးမြို့နယ်၊ ကျောင်းတိုက်အုပ်စု၊ Khawpuichhip (သင်္ဘောပြင်ကွင်း) ကျေးရွာက အသက် (၂၇) နှစ်အရွယ် Biakmuana (မောင်ဗျက်မွန်နာ) ကို ယမန်နေ့ ညနေပိုင်းတွင် စစ်ကောင်စီတပ်ဖွဲ့က သတ်ဖြတ်ခဲ့သည်ဟု သိရသည်။ ကလေးမြို့မြောက်ဘက် Khawpuichhit နှင့် ပျဉ်းခုံလေးကျေးရွာကြားတွင် ယမန်နေ့ ဇန်န၀◌ါရီလ ၂၄ ရက် မွန်းလွဲပိုင်းတွင် ပြည်သူ့ကွယ်ရေးတပ်ဖွဲ့နှင့် စစ်ကောင်စီတပ်ဖွဲ့တို့ တိုက်ပွဲဖြစ်ပွားခဲ့ပြီးနောက် စစ်ဘေးရှောင်ရန် ရွာထဲသို့ ပစ္စည်း၀င်ယူချိန်တွင် မောင်ဗျက်မွန်နာကို စစ်ကောင်စီတပ်ဖွဲ့က ဖမ်းဆီးပြီးသတ်ဖြတ်ခဲ့ခြင်းဖြစ်သည်ဟု ၎င်းနှင့်နီးစပ်သူတစ်ဦးကပြောသည်။ “အိတ်စွတ်ဖက်နားထိရောက်ပြီ စစ်ဘေးရှောင်ဖို့ ဒါပေမယ့် အိမ်ကပစ္စည်းတွေ သွားသိမ်းမယ်ဆိုပြီး ပြန်လှည့်တာ ဟိုမှာ စစ်သားတွေနဲ့တိုးပြီး အသတ်ခံရတာ၊ အလောင်းကို လူတွေမသိအောင် စောင်နဲ့ရစ်ပတ်ပြီး ထားခဲ့တာ။ လည်ပင်းမှာလည်း သေနတ်နဲ့ပစ်တာလား၊ ဓားနဲ့ထိုးတာလား ဒဏ်ရာလည်းရှိတယ် မနေ့ည (၈) နာရီမှာ သဂြိုလ်လိုက်တယ်” ဟုပြောသည်။ ထို့အပြင် စစ်ကောင်စီတပ်ဖွဲ့များက Khawpuichhip ကျေးရွာ စင်တာတခုက အရပ်သားအမျိုးသား (၃) ဦးနှင့် အနီးအနားက အမျိုးသား (၂) ဦး စုစုပေါင်း (၅) ဦးကိုလည်း ဖမ်းဆီးခဲ့ပြီး ကလေးမြို့ ဒ.က.စ ထဲကို ဖမ်းဆီးခေါ်ဆောင်ကာ ယနေ့ မွန်းလွဲပိုင်းတွင် (၅) ဦးစလုံး ပြန်လည်လွတ်ပေးခဲ့သည်ဟု သိရသည်။ “(၅) ဦးစလုံး ပြန်လွတ်ပေးတယ်၊လူမူရေးအရ လဘ္ကရည်ဖိုးလောက်တော့ ပေးတာတော့ရှိတယ်၊ ရိုက်နက်တာတော့ မရှိဘူး၊ သူတို့ဖုန်းတော့ ပြန်မရဘူး” ဟု ၎င်းတို့နှင့်နီးစပ်သူတစ်ဦးက ပြောသည်။ ကျောင်းတိုက်အုပ်စု၊ Khawpuichhip ရွာသည်…
(006SV) ချင်းပြည်နယ်၊ တီးတိန်းမြို့နယ်၊ သိုင်းငင်းစခန်းသိမ်းတိုက်ပွဲအတွင်း ဒဏ်ရာ အပြင်းအထန်ရရှိသည့် ရဲဘော် အများအပြားအတွက် ဆေးဝါးကုသမှု ခံယူရရှိနိုင်ရန် အရေးပေါ်အကူအညီများ လိုအပ်နေကြောင်း CDF CDM-Siyin က ထုတ်ပြန်သည်။ ဇန်နဝါရီလလယ်ပိုင်းက ငါးရက်ကြာမြင့်သည့် သိုင်းငင်းစခန်းသိမ်းတိုက်ပွဲတွင် ချင်းကာကွယ်ရေးပူးပေါင်းတပ်ဖွဲ့မှ ရဲဘော် ၄၀ နီးပါး ထိခိုက်ဒဏ်ရာများရရှိခဲ့ရာ CDF CDM-Siyin မှ ရဲဘော်အများအပြား ပါဝင်နေသည်ဟု CDF CDM-Siyin စစ်ဦးစီးချုပ်က ပြောသည်။ “ကျနော့ရဲဘော် ၂ ဦးက ညာဘက်ဒူးကနေ ပြတ်သွားတယ်။ နင်းမိုင်း နင်းမိလို့ပါ။ သူတို့ ခြေတုတွေဝယ်ဖို့ လိုတယ်။ အခုလည်း လွတ်မြောက်နယ်မြေတစ်ခုမှာ ဆေးရုံတက်နေရတယ်။ ပြီးတော့ ဌာနချုပ်မှာလည်း ရဲဘော် ၃ ဦးလောက် ရှိသေးတယ်။ ဒဏ်ရာပြင်းထန်တဲ့ ရဲဘော်တွေပေါ့နော်” ဟု CDF CDM-Siyin မှ စစ်ဦးစီးချုပ်က ပြောသည်။ CDF CDM-Siyin မှ ရဲဘော် (၂) ဦးသည် နင်းမိုင်းကြောင့် ညာဘက်ဒူးအောက်ပိုင်းမှ ပြတ်သွားပြီး ၎င်းတို့အတွက် ခြေတုများ တပ်ဆင်ပေးနိုင်ရန် အကူအညီ လိုအပ်နေသည်ဟု သိရသည်။ လွတ်မြောက်နယ်မြေတစ်နေရာတွင် နောက်ထပ် ရဲဘော် (၃) ဦးလည်း ဆေးဝါးကုသနေရပြီး ယင်းအထဲမှ တပ်ရင်းမှူးတစ်ဦးသည် ခြေထောက်နှစ်ဖက်စလုံး ဒူးအောက်မှ ကျည်ဆံထိမှန်သွား၍ တစ်ဖက်မှာ အရိုးကြေမွသွားသောကြောင့် သံမဏိ (steel) ထည့်ကာ ခွဲစိတ်ကုသမှုများ ပြုလုပ်ရန် လိုအပ်နေကြောင်း သိရသည်။ လွတ်မြောက်နယ်မြေတစ်နေရာတွင် ဆေးကုနေရသော နောက်ရဲဘော်တစ်ဦးသည် နောက်ကျောပုခုံးတွင် ကျည်ထိမှန်၍…
(005MK) ချင်းပြည်နယ်တွင် စစ်ရှုံးပြီး အိန္ဒိယနိုင်ငံ မီဇိုရမ်ပြည်နယ်ထဲ ထွက်ပြေးသွားကြသော စစ်ကောင်စီတပ်သားများကို စစ်ကောင်စီက အခြားလေယာဉ်တစ်စီးဖြင့် ယနေ့ လာရောက်ခေါ်ထုတ်သွားပြီဟု သိရသည်။ ယမန်နေ့ ဇန်န၀◌ါရီလ ၂၃ ရက်မနက်ပိုင်း ၁၀ နာရီခန့်မှာ စစ်ကောင်စီတပ်သားများကို လာရောက်သယ်ယူမည့် စစ်ကောင်စီ၏ Y-8 အမျိုးအစား လေယာဉ်အမှတ် 5821 သယ်ယူပို့ဆောင်ရေးလေယာဉ်သည် မီဇိုရမ်ပြည်နယ် အိုင်ဇောလ်မြို့အနီး Lengpui လေဆိပ်တွင် ပြေးလမ်းချော်ပြီး မတော်တဆဖြစ်ကာ ပျက်စီးသွားခဲ့သည်။ ထို့ကြောင့် ယနေ့တွင် စစ်ကောင်စီတပ်ဖွဲ့က နောက်ထပ်လေယာဉ်တစ်စီးစေလွှတ်ကာ မီဇိုရမ်ပြည်နယ်ထဲ ကျန်ရှိနေသော စစ်ကောင်စီတပ်သား ၉၂ ဦးနှင့်အတူ လေယာဉ်မတော်တဆမှုကြောင့် ဒဏ်ရာရရှိခဲ့သော လေယာဉ်အမှုထမ်း ၁၄ တို့ကို လာရောက်ခေါ်ထုတ်သွားသည်ဟု ဒေသတွင်း Bengvarna သတင်းက ဖော်ပြသည်။ ချင်းပြည်နယ် ပလက်၀မြို့နယ်အတွင်း ရက္ခိုင့်တပ်တော်နှင့်ဖြစ်ပွားသည့် တိုက်ပွဲအတွင်း စစ်ရှုံးမှုကြောင့် အရာရှိ ၃၆ အပါအ၀င် စစ်ကောင်စီတပ်သား ၂၇၆ ယောက်သည် ဇန်န၀◌ါရီလ ၁၇ ရက်က မီဇိုရမ်ပြည်နယ်ထဲ ထွက်ပြေးလာခဲ့ကြသည်။ အဆိုပါ စစ်ကောင်စီတပ်သား ၂၇၆ ဉီးထဲက ၁၈၄ ဦးကို နေ့ဇန်န၀◌ါရီလ ၂၂ ရက်က စစ်ကောင်စီလေကြောင်းက Lengpui လေဆိပ်တွင် လာရောက်ခေါ်ယူသွားခဲ့ပြီး ဇန်န၀◌ါရီလ ၂၃ ရက်နေ့တွင် ဒုတိယအသုတ် လာရောက်သယ်ဆောင်မည့်အချိန်တွင် လေယာဉ်မတော်တဆဖြစ်ပွားခဲ့ခြင်းဖြစ်သည်။
(004SS) စစ်ကိုင်းတိုင်း ကလေးမြို့မှ ချင်းပြည်မြောက်ပိုင်းသို့သွားရာ အဓိကလမ်းကမကြီး ကလေး-သိုင်းငင်း ကားလမ်းကို ဒေသကာကွယ်ရေးတပ်ဖွဲ့ဘက်က ပြန်ဖွင့်ပေးခဲ့ပြီးဖြစ်သော်လည်း စစ်ကောင်စီတပ်ဖွဲ့က ကိုးမိုင်စစ်ေဆးရေးဂိတ်မှ ပိတ်ထားပြီး ဖြတ်သန်းခွင့်မပြုကြောင်း သိရသည်။ “ကျွန်တော်က သိုင်းငင်းလမ်းဖွင့်ပြီဆိုတော့ ချင်းတောင်ဘင်တက်မယ်ပေါ့ ပြင်ဆင်ပြီးပြီ စစ်တပ်က ဂိတ်ကနေ ကားတွေ ထွက်ခွင့်မပေးဘူးဆိုလို့ ပြန်နေလိုက်ရတယ်” ဟု ကလေးမြို့နေ ဒေသခံတစ်ဦးက ပြောသည်။ သိုင်းငင်းကျေးရွာက စစ်ကောင်စီတပ်စခန်းကို ချင်းကာကွယ်ရေးပူပေါင်းတပ်ဖွဲ့များက ဇန်န၀◌ါရီလ ၁၆ ရက်က အပြီးသတ် သိမ်းပိုက်ခဲ့ပြီးနောက် ဇန်နဝါရီ ၂၂ ရက်ကစပြီး ၂ လကျော်ကြာ ပိတ်ထားခဲ့သည့် ကလေး – သိုင်ငင်းလမ်းမကြီးကို ပြန်လည်အသုံးပြု၍ရပြီဖြစ်ကြောင်း CDF-CDM Siyin က ထုတ်ပြန်ခဲ့သည်။ သို့သော်လည်း စစ်ကောင်စီတပ်ဖွဲ့က ချင်း-စစ်ကိုင်းအစပ် ခိုင်ကမ်းမြို့အနီး ကိုးမိုင်စစ်ဆေးရေးဂိတ်ကို သံဆူးကြိုးများချထားကာ ကလေးမြို့မှ သိုင်ငဲင်းဘက်သို့တက်မည့် ယာဉ်အ၀င်/အထွက်အားလုံးကို ပိတ်ပင်လိုက်ခြင်းဖြစ်သည်ဟု သိရသည်။ “ကိုးမိုင်ကနေ သိုင်းငင်းဘက်ကို ဘယ်သူ့ကိုမှ မသွားခိုင်းဘူးေပါ့၊ ကိုးမိုင်နဲ့ ခိုင်ကမ်းကိုတော့ သွားလာခွင့်ပေးတယ်၊ ပြီးတော့ သူတို့ရဲ့စစ်ဆေးရေးဂိတ်ရောက်ရင် ဆိုင်ကယ်တွေဆို ဆင်းပြီးတွန်းရတာပေါ့။ နောက် ဆိုင်ကယ်နဲ့ ပစ္စည်းတင်ရင် ပိုက်ဆံ ၅၀၀၀ တောင်းတယ်” ဟု ဆိုင်ကယ်ဖြင့် ခရီးသွားသူတစ်ဦးက ပြောသည်။ ထို့သို့ ကလေး-သိုင်းငင်းလမ်းမအား စစ်ကောင်စီတပ်က ပိတ်ထားသည့်အတွက် ကလေးမြို့မှ ချင်းတောင်သို့သွားမည့် ခရီးသွားပြည်သူများသည် ရှောင်ကွင်းလမ်းမှ သွားကြရပြီး ကလေးမြို့- တီးတိန် ယာဉ်စီးခ တစ်ဦးမှာ ကျပ် ၇၀၀၀၀ နှင့် ကလေး-ဟားခါး ယာဉ်စီးခ တစ်ဦးမှာ…
(006SV) ချင်းပြည်နယ်၊ လိုင်လင်းပီမြို့အနီးတွင် ချင်းအမျိုးသားတပ်ဦး CNF/CNA ၊ CDF – Mara တို့၏ ကင်းစခန်းတစ်ခုကို Maraland Defense Force (MDF) က ယနေ့မနက်က အလစ်ငိုက်ဝင်ရောက်တိုက်ခိုက်ရာတွင် CNA ၊ CDF – Mara မှ ရဲဘော် ၂ ဦး ကျဆုံးသွားကြောင်း CDF – Mara မှ တာဝန်ရှိသူက ပြောသည်။ ယနေ့ ဇန်နဝါရီလ ၂၄ ရက် နံနက် ၇ နာရီခန့်တွင် လိုင်လင်းပီမြို့နှင့် ၉ မိုင်ရွာအကြားက CNF/CNA ၊ CDF – Mara တို့၏ အင်အား ၉ ဦး ရှိသည့် ကင်းစခန်းတစ်ခုကို Maraland Defense Force (MDF) က အင်အား ၃၀ ကျော်ဖြင့် ဝင်ရောက်တိုက်ခိုက်ခဲ့ခြင်းဖြစ်သည်ဟု သိရသည်။ “ဘာလို့ဖြစ်ရတယ်ဆိုတာ မသိဘူး။ သေချာတာက မနက် ၇ နာရီ ဝင်တိုက်တာဆိုတော့ ရည်ရွယ်ချက်ရှိရှိနဲ့ပါ၊ လိုင်လင်းပီက ကျနော်တို့ CNA တို့ CDF ပူးပေါင်းတပ်တွေနဲ့ ကျနော်တို့ တိုက်ယူခဲ့တဲ့မြို့ဖြစ်တယ်။ ကျနော်တို့ CNF နဲ့ မရာကောင်စီတို့ ပေါင်းပြီးတော့ အုပ်ချုပ်ရေး ထူထောင်တယ်။ ဖွင့်ပွဲတွေလုပ်တယ်။ သတင်းမီဒီယာမှာ တက်လာတယ်။ သူတို့က မလိုလားတော့ ကျနော်တို့ကို တက်သိမ်းချင်တဲ့သဘောလို့ပဲ မြင်တယ်။ ကျနော်တို့မှာ ဘာရန်ငြိုးရန်စမှ မရှိဘူး” ဟု…