(004SS) ချင်း-စစ်ကိုင်းနယ်စပ် ခိုင်ကမ်းမြို့ ကိုးမိုင် ရဲစခန်းအနီးတွင် နေထိုင်ကြသော ပြည်သူများအနေဖြင့် ဘေးကင်းရာသို့ ရှောင်ကြ ရန် CDF CDM-Siyin က ဇန်န၀◌ါရီလ ၂၁ ရက်က ကြေညာချက်ထုတ်ပြန်ပြီး သတိပေးတောင်းဆိုလိုက်သည်။ ချင်းပြည်နယ် တီးတိန်မြို့နယ် သိုင်းငင်းကျေးရွာက စစ်ကောင်စီတပ်စခန်းကို ချင်းကာကွယ်ရေးပူးပေါင်းတပ်ဖွဲ့များက သိမ်း ပိုက်ခဲ့ပြီးနောက် ကျန်နေသေးသော ခိုင်ကမ်းမြို့ ကိုးမိုင်ရဲစခန်းကို မကြာခင်ချိန်အတွင်း သိမ်းပိုက်ထိန်းချုပ်တော့မည်ဖြစ် သောကြောင့် ရဲစခန်းအနီးရှိပြည်သူများ ဘေးလွတ်ရာသို့ ရှောင်တိမ်းကြရန် CDF CDM-Siyin က ထုပ်ပြန်ခြင်းဖြစ်သည်။ ခိုင်ကမ်းမြို့ဒေသခံအမျိုးသမီးတစ်ဦးက “ကျွန်မတို့လဲ ဘယ်လိုလုပ်ရမလဲမသိဘူး၊ အခုထိတော့ မရှောင်ကြသေးဘူး စဉ်းစားနေတုန်းပါ” ဟု ပြောသည်။ CDF CDM-Siyin က ထိုကဲ့သို့ ထုတ်ပြန်ခဲ့ပြီးနောက် ယနေ့တွင် စစ်ကောင်စီတပ်ဖွဲ့များသည် အင်အားအများအပြားဖြင့် ခိုင်ကမ်းမြို့ ကိုးမိုင်၊ လိုင်သာယာရပ်ကွက်အတွင်း စစ်ဆေးမေးမြန်း၊ ရှာဖွေခြင်းများ ပြုလုပ်နေကြောင်း ဒေသခံများကပြောသည်။ “ကျွန်မတို့ရပ်ကွက်ထဲ စစ်သားတွေ အများကြီးရောက်လာတယ်၊ သူတို့ ဘာတွေရှာတာလဲတော့ မသိဘူး၊ ကြည့်ရတာ လူရှာတာနဲ့တူတယ်။ ကျွန်မအမျိုးတို့အိမ်ဆို အိမ်ထဲထိဝင်ပြီးရှာတာ သူတို့လိုချင်တာမရှိတာနဲ့ ပြန်လှည့်သွားကြတယ်” ဟု လိုင်သာယာရပ်ကွက် ဒေသခံအမျိုးသမီးတစ်ဦးက ပြောသည်။ ယနေ့ နံနက်ပိုင်းတွင်လည်း စစ်ကောင်စီတပ်ဖွဲ့များသည် ကလေးမြို့အနောက်ဘက် ကြို့သုံးပင် ဗိုလ်ချုပ်လမ်းမပေါ်တွင် စစ်ကောင်စီတပ်သား အများအပြားရောက်ရှိနေကြောင်း ဒေသခံများထံမှ သိရသည်။
Author: Editor
(005MK) အိန္ဒိယ-မြန်မာ နယ်စပ်တလျှောက်ကို ခြံစည်းရိုးခတ်ပြီး နယ်စပ်တဖက်တချက်စီ လွတ်လပ်စွာ ဖြတ်သန်းသွားလာခွင့် Free Movement Regime (FMR) ကိုလည်း ဖျက်သိမ်းမည်ဟု အိန္ဒိယပြည်ထဲရေး၀န်ကြီးက ပြောဆိုသည်။ အိန္ဒိယ အရှေ့မြောက်ဒေသ Meghalaya ပြည်နယ်၊ Shillong မြို့က နယ်ခြားစောင့်တပ် – အာသံ ရိုင်ဖယ် ဌာနချုပ်မှာ အိန္ဒိယပြည်ထဲရေး၀န်ကြီး Amit Shah က ဘင်္ဂလားဒေ့ရှ်နှင့် နယ်စပ်ကို ကာကွယ်ထားသကဲ့သို့ မြန်မာနှင့် ထိစပ်နေသော နယ်စပ်ဒေသတလျှောက်မှာလည်း ခြံစည်းရိုးခတ် ကာကွယ်သွားမည်ဟု ဇန်န၀ါရီလ ၁၉ ရက်နေ့က ပြောဆိုခဲ့ခြင်းဖြစ်သည်။ အိန္ဒိယဗဟိုအစိုးရအနေဖြင့် မြန်မာနယ်စပ်တလျှောက်ကို ခြံစည်းရိုးခတ်ပြီး လွတ်လပ်စွာ ဖြတ်သန်းသွားလာခွင့် FMR ကို ဖျက်သိမ်းမည်ဟု ယခင်ကလည်း ပြောဆိုခဲ့ပြီးဖြစ်သည်။ ယင်းကိစ္စအပေါ် လက်ခံနိုင်စရာမရှိကြောင်း မီဇိုရမ်ပြည်နယ် ၀န်ကြီးချုပ် ပူးလာလ်ဒိုအောမ်မာက ယခုလအစောပိုင်းက နယူးဒေလီမြို့သို့ အလည်ပတ်သွားရောက်စဉ်မှာ အိန္ဒိယ၀န်ကြီးချုပ်နှင့် ပြည်ထဲရေး၀န်ကြီးနှင့် တွေ့ဆုံစဉ်မှာ ပြောဆိုခဲ့သည်။ သို့သော်လည်း အိန္ဒိယပြည်ထဲရေး၀န်ကြီးက ယခုကဲ့သို့ ထပ်မံပြောဆိုလာခြင်းဖြစ်သည်။ အဆိုပါကိစ္စနှင့်ပတ်သက်၍ မီဇိုရမ်ပြည်နယ် ၀န်ကြီးချုပ်က ဇန်န၀ါရီလ ၂၀ ရက်နေ့က ပြုလုပ်သော သတင်းစာရှင်းလင်းပွဲတွင် ၀န်ကြီးချုပ်နှင့် ပြည်ထဲရေး၀န်ကြီးထံ ယင်းကိစ္စကို လက်မခံနိုင်ကြောင်း ပြောဆိုခဲ့ပြီးဖြစ်သော်လည်း ယခုကဲ့သို့ ထပ်မံပြောဆိုလာသည့်အပေါ် နားမလည်နိုင်ကြောင်း အကယ်၍ ဗဟိုအစိုးရက အတင်းအကျပ် ဆောင်ရွက်လာပါက သူ့အနေဖြင့် လွန်ဆန်နိုင်မည်မဟုတ်ကြောင်း ပြောဆိုခဲ့သည်။ “သူတို့ ရှေ့ဆက်လုပ်ဆောင်သွားမယ်ဆိုရင်တော့ ကျနော်တို့ ဘာမှတတ်နိုင်မှာမဟုတ်ပါဘူး၊ ကျနော်တို့အနေနဲ့ ဟန့်တားလို့ရနိုင်မှာမဟုတ်ပါဘူး၊ ကျနော်တို့ကတော့ ဒီကိစ္စကို မလိုလားပါဘူး၊…
(005MK) ချင်းပြည်နယ် ပလက်၀မြို့နယ်တွင် ရက္ခိုင့်တပ်တော် AA နှင့်ဖြစ်ပွားသော တိုက်ပွဲအတွင်း စစ်ရှုံး၍ အိန္ဒိယနိုင်ငံ မီဇိုရမ် ပြည်နယ်ထဲ ထွက်ပြေးကြသော စစ်ကောင်စီတပ်သား ၂၇၀ ကျော်ကို ပြည်နယ်၏ မြို့တော် အိုင်ဇောလ်မြို့သို့ စနေနေ့က ပို့ဆောင်လိုက်ပြီးနောက် မနက်ဖြန်တွင် မြန်မာနိုင်ငံသို့ပြန်ပို့မည်ဟုသိရသည်။ အိန္ဒိယ ပြည်ထဲရေး၀န်ကြီးဌာန တာ၀န်ရှိသူများကို ကိုးကားပြီး All India Radio News ၏ ဖော်ပြချက်အရက် မီဇီုရမ်ပြည်နယ် လောင်တလိုင်ခရိုင် Bandukbanga ကျေးရွာထဲကို ဇန်န၀◌ါရီလ ၁၇ ရက်နေ့က ထွက်ပြေးလာကြသော စစ်ကောင်စီတပ်သား ၂၇၆ ယောက်သည် ဇန်န၀◌ါရီလ ၂၀ ရက် စနေနေ့က အိုင်ဇောလ်မြို့ အာသံရိုင်ဖယ်ဌာနချုပ် Zokhawsang သို့ ပို့ဆောင်ခဲ့ကြသည်ဟု သိရသည်။ ၎င်းတို့ထဲတွင် အရာရှိ ၃၆ ဦးပါ၀င်ကာ ၂၄၀ မှာ ရိုးရိုးတပ်သားများဖြစ်ကြပြီး ၁၁ ယောက်မှာ ဒဏ်ရာရရှိကြသည်ဟု All India Radio News က ဆိုသည်။ အဆိုပါ စစ်ကောင်စီတပ်သားများကို ယခုလ ဇန်န၀◌ါရီ ၂ ရက်နှင့် ၉ ရက်နေ့ကကဲ့သို့ မနက်ဖြန် ဇန်န၀◌ါရီ ၂၂ ရက် နေ့တွင် အိုင်ဇောလ်မြို့ Lengpui လေဆိပ်မှ တဆင့် ရခိုင်ပြည်နယ် စစ်တွေ့မြို့သို့ စစ်ကောင်စီတပ် လေကြောင်းလိုင်းက လာရောက်ခေါ်ထုတ်သွားမည်ဟု သိရသည်။ ချင်းပြည်နယ် အိန္ဒိယ-မြန်မာနယ်စပ်အနီးတွင်ခြေကုပ်ယူထားသော စစ်ကောင်စီတပ်ဖွဲ့များသည် ယခင်ကလည်း တိုက်ပွဲအတွင်း စစ်ရှုံး၍ မီဇိုရမ်ပြည်နယ်ထဲကို မကြာခဏထွက်ပြေးခဲ့ကြသည်။…
(006SV) ချင်းပြည်နယ်၊ လိုင်လင်းပီမြို့အနီးတွင် Maraland Defense Force (MDF)က CDF- Mara မှ ရဲဘော် (၂) ဦးကို ယနေ့ ထပ်မံဖမ်းဆီးခဲ့ပြီး နှစ်ပတ်ခန့်အတွင်း CDF- Mara မှ ရဲဘော် ၆ ဦးအထိ ဖမ်းဆီးထိန်းသိမ်းခံရကြောင်း CDF- Mara မှ ပြောရေးဆိုခွင့်ရှိသူက ပြောသည်။ ယနေ့ ဇန်နဝါရီလ ၁၉ ရက် နံနက် ၁၀ နာရီခန့်တွင် လိုင်လင်းပီမြို့အနီး ၉ မိုင်ရွာတွင် CDF – Mara ၊ တပ်ရင်း – ၃ မှ တပ်ခွဲ့မှူး ဆန်နှင်နှင့် ရဲဘော် ရာလိုင်တို့ကို MDF က ဖမ်းဆီးသွားခြင်းဖြစ်သည်ဟု CDF- Mara မှ ပြောရေးဆိုခွင့်ရှိသူက ပြောသည်။ “၄ ယောက်ကို ခုချိန်လည်း ပြန်မလွတ်ပေးသေးဘူး။ ဒီမနက်လည်း ၂ ယောက်ထပ်ဖမ်းသေးတယ်။ တစ်ယောက်က တပ်ခွဲမှူး ၊ ၉ မိုင်ရွာမှာ ဈေးသွားဝယ်ရင်းနဲ့ အဲဒီမှာ ဖမ်းသွားတယ်။ နောက်တစ်ယောက်ကတော့ လူကြုံသွားပို့ရင်နဲ့ ဖမ်းဆီးခံလိုက်ရတယ်” ဟု ၎င်းက ပြောသည်။ တပ်ခွဲမှူး ဆန်နှင်ကို ဖမ်းဆီးချိန်တွင် ၎င်းမှာ သေနတ်တစ်လက်ပါသွားပြီး ရဲဘော် ရာလိုင်ကို ဖမ်းဆီးချိန်တွင် မည်သည့်လက်နက်မျှ မပါရှိကြောင်း သိရသည်။ ဇန်နဝါရီလ ၅ ကလည်း ရွှေလိုက်ဝကျေးရွာတွင် CDF- Mara တပ်ရင်း (၄) မှ ဘိတ်နှေချွာ…
(004SS) ချင်းပြည်နယ် ဟားခါးမြို့ပြင် နေရာအများအပြားတွင် စစ်ကောင်စီတပ်ဖွဲ့က နင်းမိုင်းများ ထောင်ထားသောကြောင့် ပြည်သူများအနေဖြင့် အသွားအလာသတိပြုကြရန် ဟားခါးမြို့တော်ကောင်စီ Hakha City Council က သတိပေးချက်ထုတ်ပြန်သည်။ ထိုကဲ့သို့ မြို့နှင့်အနီးတ၀◌ိုက်တွင် စစ်ကောင်စီတပ်ဖွဲ့မှ နင်းမိုင်းများထောင်ထားသည့်အတွက် ပြည်သူများအနေဖြင့် တောင်ယာသွားခြင်း၊ ငါးဖမ်းသွားခြင်း၊ အမဲလိုက်ခြင်းနှင့် အပျော်တမ်းမြို့ပြင်ထွက်ခြင်းများအား မပြုလုပ်ကြရန် ဇန်န၀◌ါရီလ ၁၈ ရက်နေ့က Hakha City Council ကထုတ်ပြန်ခြင်းဖြစ်သည်။ ပြည်သူများအနေဖြင့် အဆိုပါထုတ်ပြန်ချက်ကို လိုက်နာပေးကြရန်နှင့် လိုက်နာခြင်းမရှိပါက လိုအပ်သလို အရေးယူဆောင်ရွက်သွားမည်ဟုဆိုသည်။ ဟားခါးမြို့နေ တောင်သူ အမျိုးသားတစ်ဦးက “မြို့ပြင်မှာ စစ်သားတွေထောင်ထားတဲ့ဗုံးေတွများတယ်ေပါ့ေနာ်၊ ဒေသခံတွေက ဆိတ်စာရှာထွက်တာတို့၊ တောထဲခဏခဏသွားကြတယ်လေ၊ အရင်ကလဲ မိုင်းနှင်းမိတာေတွ မကြာ ခဏရှိတယ်ပေါ့နော်၊ ဆိုတော့ ချောင်းတို့ သီမြစ်ဘက်သွားတာတွေ၊ တောထဲသွားတာေတွ သိပ်မလုပ်သင့်ဘူး၊ ခရီးသွားတာကတော့ လိုအပ်ရင် သွားရမှာပဲပေါ့နော် ကျွန်တော်တော့ အဲလိုမြင်တယ်” ဟု ပြောသည်။ လွန်ခဲ့သော ဇန်နဝါရီလ ၆ ရက်နေ့က အသက် ၁၉ နှစ်အရွယ် လူငယ်တစ်ဦး ဟားခါးမြို့ပြင်တနေရာတွင် မိုင်နင်းမိကာ ခြေထောက်တစ်ဖက် ဆုံးရှူံခဲ့ရပြီးဖြစ်သည်။ ထိုနည်းတူ ပြီးခဲ့သည့်နှစ်ကလည်း ဆိတ်စာရှာရန်သွားသည့် အသက်ကြီးပိုင်းအမျိုးသားတစ်ဦးလည်း နင်းမိုင်းကြောင့် သေဆုံးခဲ့ရပြီး ၎င်းအားရှာဖွေရန်သွားသည့် အမျိုးသမီးတစ်ဦးမှာလည်း နင်းမိုင်းကြောင့် ပြင်းထန် ဒါဏ်ရာရရှိခဲ့ပါသည်။
(002MG) ချင်းပြည်နယ်၊ ပလက်ဝမြို့နယ်၊ ဆမီးမြို့ပေါ်တိုက်ပွဲကြောင့် ထွက်ပြေးတိမ်းရှောင်ရန် ခက်ခဲပြီး မြို့တွင်းမှာကျန်ရစ်ခဲ့ ကြသည့် သက်ကြီးရွယ်အိုနှင့် ကျန်းမာရေးမကောင်းသည့်ပြည်သူ အယောက် (၁၀၀) ကျော်တို့ ဆေး၀◌ါးနှင့် စား၀◌တ် နေရေး အခက်အခဲကြုံနေကြရသည်ဟု သိရသည်။ “ဆန်က အခုတလောတော့ ရှိသေးတယ်၊ ကျန်တဲ့ဟာတွေတော့ မရှိတော့ဘူး ငပိ၊ ဆား အစားအသောက် ရေကအစပေါ့ ဝယ်ဖို့မရှိဘူး။ အကုန် ထွက်ပြေးတဲ့နေရာမှာ သယ်ကုန်ကြတာ။ အခုက ရှိသလောက်ပဲစားမယ် ကုန်ရင်ဘယ်လို လုပ်ရမလဲဆိုတာ စဥ်းစားလို့မရဘူး” ဟု ဆမီးမြို့ထဲ ကျန်ခဲ့သော သက်ကြီးရွယ်အိုတစ်ဦးက ပြောသည်။ ဆမီးမြို့ပေါ်တွင် ပြီးခဲ့သည့် ၂၀၂၃ ခုနှစ် ဒီဇင်ဘာလ (၁၄) ရက်နေ့ကစပြီး စစ်ကောင်စီနှင့် တော်လှန်ရေးတပ်ဖွဲ့များအကြား တိုက်ပွဲဖြစ်ပွားနေသောကြောင့် မြို့ခံပြည်သူအားလုံးနီးပါး ကျေးရွာဖက်နှင့် တောတောင်တွေထဲ စစ်ဘေးတိမ်းရှောင်နေကြသည်မှာ (၂) လနီးပါးရှိလာပြီဖြစ်သည်။ လက်ရှိဆမီးမြို့ထဲတွင် မထွက်ပြေးနိုင်ဘဲ ကျန်ခဲ့သည့် ကျန်းမာရေးမကောင်းသူနှင့် သက်ကြီးရွယ်အိုအယောက် ၁၀၀ ၀န်းကျင်ခန့်ရှိပြီး စား၀တ်နေရေးနှင့် ၎င်းတို့နေ့စဥ်မှီဝဲသည့် ဆေးဝါးများလည်း ပြတ်လပ်လာပြီဖြစ်သောကြောင့် ကျန်းမာရေးအတွက် စိုးရိမ်နေရကြောင်း သိရသည်။ “ကျန်ခဲ့တဲ့သူတွေက လူနာတွေ အသက်ကြီးတဲ့ ဘိုးဘွားတွေပဲ အခု အခက်အခဲဆုံးက ဆေးဝါးပဲ။ ပါဒါစီတမော တောင်မရှိဘူး၊ ဖျားလိုက်၊ နာလိုက်နဲ့ မတတ်နိုင်ဘူး တယောက်နဲ့တယောက် အဲ့လိုပဲ ကူညီပြီး နေကြရတော့တာပဲ” ဟု ဆမီးမြို့ဒေသခံကပြောသည်။ အဆိုပါ သက်ကြီးရွယ်အိုများသည် စစ်ဘေးတိမ်းရှောင်ချင်ကြသော်လည်း လမ်းပန်းဆက်သွယ်ရေးအခက်အခဲနှင့် ကျန်းမာရေးနှင့် လမ်းစရိတ်အခက်အခဲတို့ကြောင့် စစ်မရှောင်နိုင်ဘဲ ကျန်ခဲ့သူများဖြစ်ကြသည်ဟု သိရသည်။ အိမ်ခြေတစ်ထောင်ခန့်ရှိသော ဆမီးမြို့တွင်…
(006SV) ချင်းပြည်နယ်၊ ပလက်ဝမြို့၏ ရှေ့တန်းတပ်မဌာနချုပ် ခလရ (၂၈၉) နှင့် စကခ (၁၉) တို့ကို အပြီးသတ်သိမ်းပိုက်ပြီးနောက် လက်နက်ခဲယမ်းများနှင့် စစ်အသုံးအဆောင်ပစ္စည်း မြောက်များစွာကို ရက္ခိုင်တပ်တော် AA က ယနေ့ ဇန်နဝါရီလ ၁၈ ရက်တွင် ထုတ်ပြန်လာသည်။ “ခလရ (၂၈၉) တပ်ရင်းဌာနချုပ်သည် ပလက်ဝမြို့နယ်တစ်ခုလုံးမှ တပ်စခန်းများ အားလုံးကို စီမံခန့်ခွဲပြီး အမိန့်ပေးကွပ်ကဲနေသော အဓိက တပ်မဌာနချုပ်တစ်ခုဖြစ်ပြီး တပ်မမှူးများ ပူးတွဲကြီးကြပ်ကွပ်ကဲနေကာ ဇန်နဝါရီလ ၁၀ ရက်က အပြီးသတ် သိမ်းပိုက်နိုင်ခဲ့သည်ဟု ရက္ခိုင်တပ်တော် AA က ထုတ်ပြန်ထားသည်။ “ခလရ (၂၈၉) တပ်ရင်းဌာနချုပ်” သည် ပလက်ဝတစ်ခုလုံးနှင့် အိန္ဒိယ-ဘင်္ဂလားဒေ့ရှ်- မြန်မာ (ပလက်ဝ) သုံးနိုင်ငံ နယ်စပ်အထိ စစ်ကောင်စီတပ် စစ်စခန်းများကို ထောက်ပိုပေးနေသော ထောက်ပို့ဗျူဟာကုန်းကြီးဖြစ်သည်ဟု သိရသည်။ ဇန်ဝါရီလ ၁၄ ရက်မှစတင်၍ ပလက်ဝမြို့နယ်တစ်ခုလုံးသည် “စစ်ကောင်စီ လုံးဝကင်းစင်သော ဒေသ” ဖြစ်လာပြီး ပလက်ဝမြို့နယ်တစ်ခုလုံးကို အောင်မြင်စွာ ထိန်းချုပ်နိုင်ပြီဖြစ်ကြောင်း AA က ဇန်နဝါရီလ ၁၄ ရက်တွင် တရားဝင် ထုတ်ပြန်ခဲ့သည်။ ၂၀၂၃ ခုနှစ် နိုဝင်ဘာလ ၁၃ ရက်ကစ၍ ပလက်ဝမြို့နယ်အတွင်းက “တရွန်အိုင်”နှင့် နှုံးဘူး” ဗျူဟာနှစ်ခုကို စတင်တိုက်ခိုက်ခဲ့ပြီး ရက်ပေါင်း ၆၃ ရက်အကြာတွင် ပလက်ဝမြို့နယ်တစ်ခုလုံးက စစ်ကောင်စီစစ်စခန်းများ၊ ရဲစခန်းများကို AA က သိမ်းပိုက်နိုင်ခဲ့ခြင်းဖြစ်သည်။
(004SS) စစ်ကိုင်းတိုင်း ကလေးမြို့ပေါ်က ဖိုးလမင်းမုန့်တိုက်ကို စစ်ကောင်စီက ၀င်စီးပြီး ပိုင်ရှင်အမျိုးသမီးကို ဖမ်းဆီးခေါ် ဆောင်သွားသည့်ဖြစ်ရပ် ဇန်န၀◌ါရီလ ၁၅ ရက်က ဖြစ်ပွားခဲ့သည်ဟု သိရသည်။ ဇန်နဝါရီလ ၁၅ ရက်နေ့ ညနေ ၃ နာရီဝန်းကျင်တွင် ကလေးမြို့ ပင်လုံရပ်ကွက် လမ်းဆုံအနီးရှိ ဖိုးလမင်းမုန့်တိုက်အား စစ်ကောင်စီတပ်ဖွဲ့က ဝင်ရောက်စီးနင်းခဲ့ရာမှာ ပိုင်ရှင်ကို ဖမ်းဆီးခေါ်ဆောင်ခဲ့ခြင်းဖြစ်သည်ဟု ဒေသခံ အမျိုးသားတစ်ဦးက ပြောသည်။ “ဖိုးလမင်းမုန့်တိုက်ပိုင်ရှင် အမျိုးသမီးက Kpay နဲ့ တော်လှန်ရေးအဖွဲ့တွေ ငွေကြေးပံ့ပိုးပေးတယ်ဆိုပြီးတော့ ဝင်ဖမ်းတာလို့ကြားတယ်၊ ပြောရရင် ဓါးပြတိုက်တာပေါ့၊ အရင်လိုပဲ သူတို့ဖမ်းမယ်၊ ငွေညစ်မယ် အဲလို့လုပ်ချင်လို့နေမှာ” ဟု ၎င်းက ပြောသည်။ ေဒသခံအချို့၏ ပြောပြချက်အရ ၎င်းမုန့်တိုက်အား ဝင်ရောက်စီးနင်းရာတွင် မုန့်တိုက်ပိုင်ရှင် အမျိုးသမီးနှင့်အတူ ဝန်ထမ်းများ၊ ဈေးဝယ်သူ အပါအဝင် လူ ၁၅ ယောက်အား ရိုက်နှက်ကာ ဖမ်းဆီးခေါ်ဆောင်သွားကြောင်း သိရသော်လည်း ခိုနူမ်းသုန်အနေဖြင့် သီးခြားအတည်မပြုနိုင်သေးပေ။ ဖမ်းဆီးခံသူများကို ကလေးမြို့ ဒေသကွပ်ကဲရေးစစ်ဌာနချုပ် – ဒကစသို့ ခေါ်ဆောင်သွားကြောင်း သိရသည်။ စစ်ကောင်စီများ၏ လုပ်ရပ်များကြောင့် ကလေးမြို့ရှိ ဆိုင်ရှင်များမှာ အမြဲတစေ စိုးရိမ်ပူပန်နေကြရကြောင်း သိရသည်။ ဗိုလ်ချုပ်လမ်းမဘေး မီးဖိုချောင်ပစ္စည်းအရောင်းဆိုင်ရှင်တစ်ဦးက “တနေ့က စစ်သားတွေ ကားနဲ့ ဆိုင်ရှေ့ရောက်လာတယ်၊ ကျွန်မကို လှမ်းခေါ်ပြီးတော့ သူတို့လိုချင်တဲ့ ပစ္စည်းပြောပြီး ဝယ်တာ သူတို့ ကားထဲကနေ လုံးဝမဆင်းဘူးနော် သူတို့ကို တွေ့တာနဲ့ကို ကြောက်တော့တာ” ဟု ပြောသည်။ ကလေးမြို့ပေါ်တွင် စစ်ကောင်စီတပ်များ၏ အပြစ်မဲ့…
(006SV) ချင်းကာကွယ်ရေးတပ်ဖွဲ့တစ်ခုဖြစ်သည့် CDF- Mara တပ်ရင်း (၄) မှ ရဲဘော် (၄) ဦးကို Maraland Defense Force (MDF) နှင့် ရက္ခိုင်တပ်တော် (AA) တို့က ဖမ်းဆီးထားသည်ဟု CDF – Mara က ယနေ့ သတင်းထုတ်ပြန်သည်။ ဇန်နဝါရီလ ၅ ရက်က မီဇိုရမ်ပြည်နယ်၊ လုံပူးကျေးရွာမှ ပထိန်တလန်ကျေးရွာသို့ သွားရာ လမ်းခရီးအတွင်းရှိ ရွှေလိုက်ဝကျေးရွာတွင် CDF- Mara တပ်ရင်း (၄) မှ ဘိတ်နှေချွာ (တပ်ခွဲမှူး) နှင့် ဘွေးယာ (တပ်သား) တို့ကို MDF တပ်ရင်းမှူး တူပါး ဦးဆောင်သည့် တပ်ဖွဲ့မှ ဖမ်းဆီးချုပ်နှောင်ခဲ့သည်ဟု သိရသည်။ CDF- Mara တပ်ရင်း (၄) မှ ရဲဘော် (၂) ဦး ဖမ်းဆီးခံရမှုအတွက် CDF- Mara မှ ဗျူဟာမှူး ဦးထက်ဆန်းနှင့် တပ်ရင်းမှူး ဦးခူးမာ တို့က Maraland Defense Force (MDF) နှင့် ရက္ခိုင်တပ်တော် (AA) တာဝန်ရှိသူများထံ လွှတ်ပေးရန် တောင်းဆိုခဲ့သည်ဟု သိရသည်။ CDF – Mara မှ ဗျူဟာမှူးနှင့် တပ်ရင်းမှူူးတို့ကို လက်နက်ခဲယမ်းမပါဘဲ ရွှေလိုက်ဝကျေးရွာသို့ လာရောက်ရန် လုံခြုံရေးကို တာဝန်ယူမည်ဖြစ်ကြောင်း၊ ရွှေလိုက်ဝကျေးရွာရောက်လျှက် ချက်ချင်းလွှတ်ပေးမည်ဟု AA နှင့် MDF တာဝန်ရှိသူများက ပြောဆိုခဲ့သည်ဟု CDF –…
(005MK) ရခိုင်ပြည်နယ်နှင့် ချင်းပြည်နယ် ပလက်၀မြို့နယ်ထဲက တိုက်ပွဲအတွင်း စစ်ရှုံးပြီး ထွက်ပြေးကြသည်ဟု ယူဆရသော စစ်ကောင်စီတပ်သား ၂၇၀ ကျော်သည် အိန္ဒိယနိုင်ငံ မီဇိုရမ်ပြည်နယ်ထဲကို ယနေ့ ရောက်ရှိကြသည်ဟု သိရသည်။ မီဇီုရမ်ပြည်နယ် လောင်တလိုင်ခရိုင် Bandukbanga ကျေးရွာထဲကို ယနေ့ညနေပိုင်း ၄ နာရီခန့်မှာ စစ်ကောင်စီတပ်သား ၂၇၈ ယောက် ၀င်ရောက်လာကြသည်ဟု ဒေသတွင်းမီဒီယာတွင် ဖော်ပြသည်။ အဆိုပါ စစ်ကောင်စီတပ်သားများသည် ရခိုင်ပြည်နယ်နှင့် ချင်းပြည်နယ် ပလက်၀မြို့နယ်တွင် ရက္ခိုင့်တပ်တော် AA နှင့် ဖြစ်ပွားသော တိုက်ပွဲအတွင်း စစ်ရှုံး၍ နယ်စပ်ဘက်ကို ထွက်ပြေးလာကြသူများဟု ယူဆရသည်။ ယခုလက်ရှိတွင် ၎င်းတို့ကို အာသံရိုင်ဖယ်တပ်ဖွဲ့က လက်ခံပြီး လိုအပ်သည်များ ဆောင်ရွက်ပေးလျှက်ရှိသည်ဟု ဒေသတွင်းမီဒီယာက ဆိုသည်။ ရက္ခိုင့်တပ်တော် AA သည် ချင်းပြည်နယ် ပလက်၀မြို့နယ်ထဲက စစ်ကောင်စီဗျူဟာကုန်း၊ တပ်ရင်း တပ်စခန်းအားလုံးကို တိုက်ခိုက်သိမ်းပိုက်ပြီး ပလက်၀ဒေသသည် စစ်ကောင်စီကင်းစင်သည့်ဒေသဖြစ်ပြီဟု ဇန်န၀◌ါရီလ ၁၄ ရက်နေ့က ထုတ်ပြန်ခဲ့သည်။ ထိုစခန်းသိမ်းတိုက်ပွဲများတွင် စစ်ကောင်စီတပ်သားအမြောက်အများ စခန်းကို စွန့်ခွါထွက်ပြေးခဲ့ကြသည်ဟု AA က ဆိုသည်။ အိန္ဒိယနိုင်ငံ မီဇိုရမ်ပြည်နယ်ထဲတွင် ပြီးခဲ့သည့် ၂၀၂၃ ခုနှစ် နို၀င်ဘာလ နှင့် ဒီဇင်ဘာ ၂ လအတွင်း တိုက်ပွဲအတွင်း စစ်ရှုုံး၍ ထွက်ပြေးခိုလုံသူ စစ်ကောင်စီတပ်သား အယောက် ၄၀၀ ကျော်ရှိခဲ့ပြီး အိန္ဒိယဗဟိုအစိုးရ၏ အစီစဉ်နှင့် စစ်ကောင်စီထံ ပြန်လည်ပို့ဆောင်ခဲ့ကြသည်။