“CDM မလုပ်လိုက်ရလို့ပဲ နောင်တဆိုတာရှိမယ်။ CDM လုပ်လို့ နောင်တဆိုတာတော့မရှိဘူး” လို့ ဆရာမထရေစီ (အမည်လွဲ) က သူမရဲ့ ခံယူချက်ကို ပြတ်ပြတ်သားသား ရှင်းပြပါတယ်။ သူမဟာ ချင်းပြည်နယ်တောင်ပိုင်း တောင်ပေါ်မြို့လေးဖြစ်တဲ့ မတူပီမြို့မှာ ကျောင်းဆရာမအလုပ်ကို လုပ်ကိုင်ရင်း မိသားစုသုံးယောက် ဘဝကို အေးချမ်းစွာ ဖြတ်သန်းခဲ့သူပါ။ ငြိမ်းချမ်းလှပတဲ့ တောင်ပေါ်မြို့လေးက ကလေးတွေကို စာတွေသင်ကြားပေးရင်း ပျော်မွှေ့နေတဲ့ ကျောင်းဆရာမ တယောက်ပေါ့။ ၂၀၂၁ ခုနှစ် ဖေဖော်ဝါရီလ ၁ ရက်နေ့မှာ စစ်တပ်က နိုင်ငံ့အာဏာကို အဓမ္မသိမ်းယူလိုက်တဲ့အချိန်မှာတော့ ဆရာမထရေစီတို့ရဲ့ ငြိမ်းချမ်းတဲ့ တောင်ပေါ်ဒေသလေးဟာလည်း တစ်နိုင်ငံလုံးကြုံတွေ့နေရသလို စစ်အာဏာရှင် ဂြိုလ်ဆိုးဝင်မွှေတဲ့ဒဏ်ကို ကြုံတွေ့ခံစားခဲ့ကြရပါတယ်။ ရန်ကုန်၊ မန္တလေးတို့လို အထင်ကရမြို့ပြကြီးတွေအပါအဝင် တောင်ပေါ်မြေပြန့်ဒေသအသီးသီးမှာရှိတဲ့ အစိုးရဝန်ထမ်းတွေဟာ ဝါသနာနဲ့ အသက်မွေးဝမ်းကျောင်း အလုပ်တွေကို စွန့်လွှတ်ပြီး စစ်အာဏာသိမ်းမှုကို ဆန့်ကျင်ကန့်ကွက်တဲ့အနေနဲ့ အကြမ်းမဖက် အာဏာဖီဆန်ရေးလှုပ်ရှားမှု (CDM) ပြုလုပ်ခဲ့ကြပါတယ်။ ပညာရေး၊ ကျန်းမာရေး၊ ကာကွယ်ရေးနဲ့ လုံခြုံရေးအပါအဝင် ဌာနဆိုင်ရာအသီးသီးကပါဝင်တဲ့ CDM လှုပ်ရှားမှုတွေထဲမှာ ဆရာမထရေစီတို့ရဲ့ ချင်းတောင်တန်းဒေသကလည်း အားအကောင်းဆုံးအဖြစ်နဲ့ ပါဝင်ခဲ့ကြပါတယ်။ အစိုးရဝန်ထမ်းတွေရဲ့ CDM လှုပ်ရှားမှုကြောင့် ဌာနဆိုင်ရာယန္တယားတွေ မလည်ပတ်နိုင်တဲ့အထိ ဖြစ်လာတဲ့အခါ အာဏာသိမ်းစစ်ကောင်စီက CDM ဝန်ထမ်းတွေကို ဖမ်းဆီးမှုတွေ ဆက်တိုက်လုပ်လာတဲ့အတွက် အသက်ရှင်ရပ်တည်ရေးနဲ့ လုံခြုံရေးအတွက်ပါ စိုးရိမ်ခဲ့ကြရပါတယ်။ ဒီလိုအခြေအနေတွေကို ဆရာမထရေစီလည်း ကြုံခဲ့ရပါတယ်။ “ကျမချိန်းခြောက်မှုတွေ၊ ပတ်ဝန်ကျင်ရဲ့ဖိအားတွေ ရင်ဆိုင်ခဲ့ရပါတယ်။ တချို့က CDM မလုပ်ဘူးလားဆိုတဲ့ အကြည့်နဲ့ကြည့်တယ်။ တချို့ကတော့ ဘယ်အိမ်က အစိုးရဝန်ထမ်းအိမ်လဲ။ ဒလန်များဖြစ်မလားဆိုတာတွေနဲ့…
Author: Editor
ချင်းပြည်နယ်တောင်ပိုင်း ကန်ပက်လက်မြို့နယ်မှာ စစ်ကောင်စီတပ်ဖွဲ့ရဲ့ လက်နက်ကြီး၊ လက်နက်ငယ်ပစ်ခတ်မှုကြောင့် တောင်ယာထဲစစ်ဘေးတိမ်းရှောင်နေတဲ့စစ်ဘေးရှောင်ပြည်သူ ၄ ဦး လက်နက်ကြီးကျည်ထိမှန် ဒဏ်ရာရရှိခဲ့ကြတယ်လို့ သိရပါတယ်။ စစ်ကောင်စီတပ်ဖွဲ့ဟာ ပြီးခဲ့တဲ့ ဒီဇင်ဘာလ ၁၀ ရက်နေ့က ကန်ပက်လက်မြို့နယ် မြက်ပြင်ကျယ်ရွာထဲ ဝင်ရောက်လာပြီး လက်နက်ကြီး၊ လက်နက်ငယ်တွေ အကြောင်းမဲ့ပစ်ခတ်တာကြောင့် တောင်ယာထဲကို စစ်ဘေးတိမ်းရှောင်တဲ့ ဒေသခံပြည်သူ ၄ ဦး ထိခိုက်ဒဏ်ရာရရှိခဲ့တာလို့ စစ်ဘေးရှောင်တွေကို ကူညီပေးနေသူတစ်ဦးက ပြောပါတယ်။ စစ်ဘေးရှောင်ကူညီပေးနေသူတစ်ဦးက “မြက်ပြင်ကျယ်ရွာ တောင်ယာလုပ်ရင်းနဲ့ စစ်ဘေးရှောင်ရင်း၊ ပုန်းရင်းနဲ့ အဲ့မှာ တဲ ၁၀ လုံးလောက်ရှိတဲ့ထဲမှာ ၂ လုံးလောက်ကို သူတို့က လက်နက်ကြီး၊ လက်နက်ငယ်နဲ့ တရပ်စပ်ပစ်တော့ ဒဏ်ရာရတာ ၃ ယောက်၊ ပြင်းပြင်းထန်ထန်ဒဏ်ရာရတယ်။ ၁ ယောက်ကျတော့ သိပ်ပြီးမပြင်းထန်ဘူး” လို့ ပြောပါတယ်။ ဒဏ်ရာရရှိသူတွေဟာ အသက် ၅၀ ကနေ ၇၀ အရွယ်ရှိတဲ့ သက်ကြီးရွယ်အိုတွေဖြစ်ကြပြီး အမျိုးသား ၃ ဦးနဲ့ အမျိုးသမီး ၁ ဦးဖြစ်ပြီး လက်မောင်း၊ ခါးတွေမှာ ဒဏ်ရာရရှိခဲ့ကြတာဖြစ်တယ်လို့ သိရပါတယ်။ ဒဏ်ရာရရှိတဲ့သူတွေကိုတော့ နီးစပ်ရာဆေးပေးခန်းတစ်ခုမှာ ပို့ဆောင်ပြီး ကုသမှုခံယူနေရတယ်လို့ သိရပါတယ်။ စစ်ကောင်စီတပ်ဖွဲ့တွေဟာ မြက်ပြင်ကျယ်ရွာကနေ ကျောက်တောင်ကျေးရွာဘက်ကို ဆက်လက်ဝင်ရောက်ခဲ့ကြပြီး အရပ်သားပြည်သူ ၆ ဦးကိုဖမ်းဆီးကာ ၄ ယောက်ကို ပြန်လွှတ်ပေးပြီး ၂ ယောက်ကိုတော့ ဒီကနေ့အထိ ပြန်လွှတ်ပေးခြင်းမရှိသေးဘူးလို့ စစ်ဘေးရှောင်ကူညီရေးအဖွဲ့တာဝန်ရှိသူက ပြောပါတယ်။ ပြီးခဲ့တဲ့ ဒီဇင်ဘာလ ၈ ရက်နေ့ကစပြီး မကွေးတိုင်း၊ ဆောမြို့နယ်၊ ကြံတောရွာကို…
ချင်းပြည်နယ်တောင်ပိုင်း၊ ပလက်ဝမြို့နယ်မှာ စစ်ဘေးရှောင်တွေကို ကူညီတဲ့အလှူရှင်တွေ နည်းပါးလာတာကြောင့် စစ်ဘေးရှောင်ပြည်သူအများစုဟာ စားဝတ်နေရေးအတွက် အခက်ကြုံနေရတယ်လို့ စစ်ဘေးရှောင်တွေကူညီပေးနေတဲ့အဖွဲ့တွေက ပြောပါတယ်။ ပလက်ဝမြို့နယ်မှာ စစ်ရေးပဋိပက္ခကြောင့် ပလက်ဝမြို့ပေါ်နဲ့ ဆမီးမြို့ပေါ်မှာ စစ်ဘေးရှောင်ပြည်သူ တစ်သောင်းဝန်းကျင်ခန့်ခိုလှုံနေပြီး အစောပိုင်းကာလမှာ အလှူရှင်တွေများပေမဲ့ အခုနောက်ပိုင်းမှာတော့ ကမ္ဘာ့စားနပ်ရိက္ခာအဖွဲ့ (WFP) တစ်ခုတည်းကိုသာ အားထားနေရတယ်လို့ ဆမီးမြို့က စစ်ဘေးရှောင်ကူညီပေးနေသူတစ်ဦးက ပြောပါတယ်။ ဆမီးမြို့က စစ်ဘေးရှောင်ကူညီပေးနေသူတစ်ဦးက “အရင်တုန်းကတော့ အဖွဲ့အစည်းစုံစုံလင်လင်နဲ့ရှိပါတယ်။ အခုနောက်ပိုင်းကျတော့ လာချင်ရင်တောင်မှ မလာနိုင်တဲ့အနေအထားရှိတဲ့အခါမှာ အလှူရှင်တွေက သိပ်မရှိတော့ဘူး။ ကမ္ဘာ့စားနပ်ရိက္ခာအဖွဲ့ရဲ့ ကူညီပံ့ပိုးမှုကို တစ်ဆင့်ဖြန့်ဝေပေးတာ ဆမီးနဲ့ပလက်ဝက အတူတူပဲ။ ရိက္ခာတင်လို့ရတဲ့အခါမှာကျ ဆန်၊ ပဲ၊ ဆီ၊ ဆား၊ အာဟာရ ပုံမှန် လစဉ်လတိုင်းပေးတယ်။ အခုနောက်ပိုင်းကျတော့ ပြတ်တောက်ပြတ်တောက်ဖြစ်လို့ ဆန်လည်းတင်လို့မရတဲ့အနေအထားလည်းရှိတဲ့အခါမှာ အခက်အခဲတော့ကြုံတာပေါ့။” လို့ ပြောပါတယ်။ ရခိုင်ပြည်နယ်နဲ့ ချင်းပြည်နယ်၊ ပလက်ဝမြို့နယ်တို့မှာ ပြီးခဲ့တဲ့ ၂၀၂၀ ခုနှစ်ကစပြီး ဒီနှစ် နိုဝင်ဘာလဆန်းပိုင်းအထိ ရက္ခိုင့်တပ်တော်နဲ့ စစ်ကောင်စီတပ်တို့ တိုက်ပွဲဖြစ်ပွားတာကြောင့် ပလက်ဝမြို့နယ်ထဲက ကျေးရွာ/ကျေးလက်ဒေသက ပြည်သူတွေဟာ ဆမီးမြို့နဲ့ ပလက်ဝမြို့ပေါ်က စစ်ဘေးရှောင်စခန်းတွေမှာ ခိုလှုံနေကြရတာဖြစ်ပါတယ်။ ဆမီးမြို့နဲ့ ပလက်ဝမြို့ပေါ်က စစ်ဘေးရှောင်ပြည်သူတွေကို ကမ္ဘာ့စားနပ်ရိက္ခာအစီစဉ် (WFP) က လူတစ်ဦးကို ဆန်နို့ဆီဘူး ၅၄ ဘူး၊ ဆီ ၁ ဘူး၊ ပဲ၊ ဆား အပါအဝင် ၅ နှစ်အောက်ကလေးငယ်နဲ့ ကိုယ်ဝန်ဆောင်မိခင်တွေအတွက် အာဟာရမှုန့်တွေ ထောက်ပံ့ကူညီလေ့ရှိတယ်လို့ သိရပါတယ်။ ပလက်၀မြို့က စစ်ဘေးရှောင်ကူညီပေးနေသူတစ်ဦး “အခုဒီဇင်ဘာလအထိတော့ မရှိတော့ဘူးပေါ့။ ဒါလည်းပဲ အထက်ကိုတင်ပြခဲ့တယ်။…
ကလေးမြို့ အနောက် မြောက်ပိုင်း၊ နန်းချောင်းရွာကို ယမန်နေ့ ဒီဇင်ဘာ ၁၂ နံနက်ပိုင်းက စစ်ကောင်စီတပ်ဖွဲ့ဝင်များ စစ်ကြောင်းထိုးဝင်ရောက်လာပြီး ဘုရားကျောင်းအပါအဝင် နေအိမ် ၁၉ လုံးကို မီးရှို့ဖျက်ဆီးခဲ့ကြောင်း CNO အထက်ချင်းတွင်းဒေသ ကော်မတီအဖွဲ့ကထုတ်ပြန်သည်။ ယမန်နေ့မနက်ပိုင်းက ပျူစောထီးများနှင့် စစ်ကောင်စီတပ်ဖွဲ့ဝင်များ ဆည်တော်ဦးရွာမှတဆင့် နန်းချောင်းရွာကို စစ်ကြောင်းထိုးဝင်ရောက်ခဲ့ပြီး ဒေသခံ ပြည်သူ့ကာကွယ်ရေးအဖွဲ့များဖြင့် ထိတွေ့မှုဖြစ်ပွါးကြောင်းသိရပြီး တိုက်ပွဲအခြေနေ အသေးစိတ်မသိရပေ။
မြန်မာ့နွေးဦးတော်လှန်ရေးမှာ စစ်အာဏာရှင်စနစ်ကို တော်လှန်နေကြသော ချင်းပြည်နယ်က မရာမျိုးနွယ်စုထဲက လက်နက်ကိုင်အဖွဲ့ ၂ ဖွဲ့ဖြစ်တဲ့ Chinland Defense Force- Mara(CDF-Mara) နဲ့ Mara Administrative Territorial Council – MATC/MDF တပ်ဖွဲ့တို့ဟာ ယခင်အစောပိုင်းကတည်းက အငြင်းပွားမှုတွေ ဖြစ်ပွားနေခဲ့ရာကနေ အောက်တို ဘာလ ၃ ရက်နေ့ကစလို့ နှစ်ဖက်အကြားစစ်ရေး အခြေအနေတင်းမှာလာခဲ့ပြီးနောက် အောက်တိုဘာလ ၉ ရက်နေ့က ငဖိုင်ပီးကျေးရွာမှာ ပစ်ခတ်မှုဖြစ်ပွားခဲ့ကြပါတယ်။ မြန်မာနိုင်ငံမှာ စစ်အာဏာသိမ်းမှုဖြစ်ပွားပြီးနောက်ပိုင်း နိုင်ငံတဝန်းလုံးမှာ စစ်အာဏာရှင်စနစ်ကို လက်နက်ကိုင်ဆန့်ကျင် တော်လှန်ခဲ့ကြပြီး ချင်းပြည်နယ်မှာလည်း မြို့နယ်ကိုအခြေခံပြီး ဖွဲ့စည်းတဲ့ လက်နက်ကိုင်အဖွဲ့နဲ့ မျိုးနွယ်စုကိုအခြေခံပြီး ဖွဲ့စည်းတဲ့ လက်နက်ကိုင်တပ်ဖွဲ့စုစုပေါင်း ၁၈ ဖွဲ့ကျော်ရှိပါတယ်။ CDF-Mara နဲ့ MATC/MDF တို့ဟာ မရာမျိုးနွယ်စုကို အခြေခံပြီး ဖွဲ့စည်းထားတဲ့ လက်နက်ကိုင်တပ်ဖွဲ့တွေဖြစ်ကြပါတယ်။ ဘာကြောင့် မျိုးနွယ်စုတူ လက်နက်ကိုင်တပ်ဖွဲ့တွေအကြား ပဋိပက္ခဖြစ်နေရတာပါလဲ။ သူတို့တပ်ဖွဲ့ ၂ ဖွဲ့ကြား မပြေလည်မှု တွေ၊ အငြင်းပွားမှုတွေက ဘာကြောင့်ပါလဲ။ ဖြေရှင်းဖို့ ဘယ်လိုလုပ်ဆောင်ဖို့လိုအပ်ပါသလဲ။ ဒီကိစ္စနဲ့ပတ်သက်ပြီး CDF-Mara ရဲ့ အကြံပေးပုဂ္ဂိုလ်ဖြစ်တဲ့ Salai Bawi Kung ကို ခိုနူမ်းသုန်ကဆက်သွယ်မေး မြန်းထားပါတယ်။ မေး။ ။ CDF-Mara နဲ့ MATC-MDF အကြားက အဓိကအငြင်းပွားမှုက ဘာလဲ။ မရာမျိုးနွယ်စုအချင်းချင်းကြားမှာ ဘာကြောင့် ခုလို ပဋိပက္ခတွေ ဖြစ်နေရတာလဲ။ အဖြ။ ။ မူဝါဒမတူဘူး၊ လူက မူဆွဲတယ်၊ မူကပဲလူတွေကို သက်ရောက်တယ်။…
ကလေးမြို့ တောင်ဇလပ်ရပ်ကွက် BMB KTV နှင့် မာဆပ်ဆိုင်သို့ လာရောက်သည့် ကလေးခရိုင် မြန်မာ့စီးပွါးရေးဘဏ်မန်နေဂျာအပါဝင် ၃ ဦးတို့ကို ဒီဇင်ဘာ ၁၀ ရက်နေ့က PDF (Kalay) တပ်ဖွဲ့က ဖမ်းဆီးခဲ့ကြောင်း ကလေးမြို့နယ်ပြည်သူ့ရဲတပ်ဖွဲ့ (KPS) က သတင်းထုတ်ပြန်သည်။ ဖမ်းဆီးခံရသူများမှာ ကလေးခရိုင်မြန်မာ့စီးပွါးရေးဘဏ် မန်နေဂျာ ထွန်းထွန်းနိုင်၊ အငယ်တန်းစာရေး ငြိမ်းခန့်ဇော်နှင့် တပ်ကြပ် မင်းဇော်ဦးတို့ ဖြစ်ပြီး ဒီဇင်ဘာလ ၁၀ မွန်းလွဲ ၁ နာရီက အဆိုပါ KTV ၌ ၎င်းတို့ ၃ ဦး ရောက်နေကြောင်း တာဝန်သိပြည်သူများ၏ သတင်းပေးမှုကြောင့် PDF Kalay တပ်ဖွဲ့ဝင်များမှ သွားရောက်စီးနင်းတိုက်ခိုက် ဖမ်းဆီးရမိခဲ့ခြင်းဖြစ်သည်။ ဖမ်းဆီးရမိသည့် တရားခံများအား တပ်ဖွဲ့ ထိန်းချုပ်ရာနယ်မြေသို့ ခေါ်ဆောင်စဉ် တပ်ကြပ်မင်းဇော်ဦးမှာ ပြန်လည်ခုခံ၍ ထွက်ပြေးရန်ပြုလုပ်သဖြင့် အသေပစ်ခတ်ဖမ်းဆီးခဲ့ကြောင်းလည်း KPS ၏ ထုတ်ပြန်ချက်တွင် ဖော်ပြထားသည်။ ဖမ်းဆီးခံရသည့် မန်နေဂျာ ထွန်းထွန်းနိုင်သည် အာဏာသိမ်းစက ဘဏ်ဝန်ထမ်းများ အကြမ်းမဖက်အာဏာဖီဆန်ရေးလှုပ်ရှားမှု CDM တွင် မပါဝင်ကြရန်နှင့် ပါဝင်သူများကို ခြိမ်းခြောက်ခဲ့သူဖြစ်ကြောင်း သိရသည်။ ဖမ်းဆီးရမိထားသော တရားခံများအား အမျိုးသားညီညွတ်ရေးအစိုးရ၊ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန၊ ပြည်သူ့ရဲချုပ်ရုံး၏ ညွှန်ကြားချက်အရ ကလေးမြို့နယ် တရားသူကြီးအဖွဲ့သို့ အကြမ်းဖက်မှုတိုက်ဖျက်ရေးဥပဒေပုဒ်မ ၅၂(က) ဖြင့် တရားစွဲတင်ပို့နိုင်ရေး စီစဉ်ဆောင်ရွက်ထားကြောင်းနှင့် နိုင်ငံတကာလူ့အခွင့်အရေးစံချိန်စံနှုန်းများနှင့်အညီ ကောင်းမွန်စွာထိန်းသိမ်းထားကြောင်း KPS က သတင်းထုတ်ပြန်ထားသည်။ VOK
ကလေးမြို့အနောက်မြောက်ဘက် နန်းချောင်းကျေးရွာက လူနေအိမ် ၃ လုံးကို စစ်ကောင်စီတပ်ဖွဲ့က ယနေ့နံနက်ပိုင်း ၇ နာရီဝန်းကျင်ခန့်က မီးရှို့ခဲ့ကြသည်ဟု သိရသည်။ ယနေ့နံနက်ပိုင်း ၆ နာရီလောက်ကစ၍ ကလေးမြို့ တာဟန်းရပ်ကွက်မှ လက်ပံချောင်းကျေးရွာဘက်သွားသည့် လမ်းမကြီးအနီးဘက်တွင်တည်ရှိသော နန်းချောင်းကျေးရွာသို့ အင်အား ၁၅၀ ခန့်ရှိသည့် စစ်ကောင်စီတပ်ဖွဲ့များ ဝင်ရောက်လာပြီး လက်နက်ကြီး လက်နက်ငယ်သံများဆက်တိုက်ထွက်ပေါ်ခဲ့သည်ဟု ချင်းအမျိုးသားအဖွဲ့ချုပ် (အထက်ချင်းတွင်း ဒေသကော်မတီ) က သတင်းထုတ်ပြန်သည်။ အဆိုပါဖြစ်စဉ်ကြောင့် နန်းချောင်းကျေးရွာသားအားလုံးထွက်ပြေးတိမ်းရှောင်နေကြရပြီး စစ်ကောင်စီတပ်သားများ ရွာထဲတွင် ရှိနေသေးသည့်အတွက် တာဟန်း-လက်ပံချောင်းကားလမ်းအား ဖြတ်သန်းသွားလာမည့်သူများ သတိထားသွားလာကြရန် ချင်းအမျိုးသားအဖွဲ့ချုပ် (အထက်ချင်းတွင်း ဒေသကော်မတီ) က တောင်းဆိုထားသည်။
ကလေးမြို့အနောက်တောင်ဘက် အင်ဒိုင်းကုန်းကျေးရွာတွင် ဒီဇင်ဘာလ ၇ ရက်နေ့က လူနေအိမ်ကို မီးရှို့သည့် စစ်ကောင်စီတပ်ဖွဲ့ကို PDF (Kalay) တပ်ဖွဲ့က မိုင်းခွဲတိုက်ခိုက်ရာတွင် စစ်ကောင်စီတပ်သား ၁၅ ဦးထက်မနည်း သေဆုံးခဲ့ပြီး အများအပြား ဒဏ်ရာရရှိခဲ့သည်ဟု PDF (Kalay) က ထုတ်ပြန်သည်။ အင်အား ၁၀၀ ခန့်ရှိသော စစ်ကောင်စီတပ်ဖွဲ့သည် ဒီဇင်ဘာလ ၇ ရက်နေ့က ကလေးမြို့ မြို့လှရပ်ကွက်မှ စစ်ကြောင်း ၂ ကြောင်းခွဲကာ အင်ဒိုင်းကုန်းကျေးရွာဘက်သို့ ရောက်ရှိပြီးနောက် နေအိမ်တစ်လုံးအား မီးရှို့ဖျက်ဆီးခဲ့သည်အပြီးတွင် နောက်ထပ်နေအိမ်တစ်လုံး ထပ်မံမီးရှို့ရန် ပြင်ဆင်နေချိန်တွင် PDF (Kalay) မိုင်းတပ်ဖွဲ့မှ အသင့်တပ်ဆင်ထားသော မိုင်း ၄ လုံးဖြင့် ဖောက်ခွဲတိုက်ခိုက်ခဲ့ခြင်းဖြစ်သည်။ အဆိုပါ မိုင်းခွဲတိုက်ခိုက်မှုကြောင့် စစ်ကောင်စီတပ်သား ၁၅ ဦးထက်မနည်း သေဆုံးကာ အများအပြား ဒဏ်ရာရရှိခဲ့ပြီး လူနာတင်ကား ၂ စီးဖြင့် လာရောက်သယ်ဆောင်သွားခဲ့ကြသည်ဟု PDF (Kalay) ကဆိုသည်။ မိုင်းခွဲတိုက်ခိုက်မှုပြုလုပ်သည့်နေရာအနီး၌ ဖြတ်သန်းသွားလာသူ ပြည်သူ ၃ ဦး မိုင်းထိမှန်ခဲ့သည့်အပေါ် အနူးအညွတ်တောင်းပန်ကြောင်းနှင့် ပြည်သူများအနေဖြင့် လုံခြုံရေးအထူးသတိပြု၍ စစ်ကောင်စီကို ဝေးဝေးမှ ကြိုတင်ရှောင်ရှားကြရန်လည်း PDF (Kalay) က မေတ္တာရပ်ခံထားသည်။
မန္တလေးမြို့၊ ဖလမ်းနှစ်ခြင်းခရစ်ယာန်အသင်းတော်မှ သင်းအုပ်ဆရာတော်ကြီး သိက္ခာတော်ရဆရာ သျှန်းလျှန်ဆန်း (Rev- Thian Lian Sang) ကို စစ်ကောင်စီက ယမန်နေ့ ဒီဇင်ဘာလ ၇ ရက်နေ့က အလုပ်ကြမ်းနှင့် ထောင်ဒဏ် နှစ် ၂၀ ကျော် အမိန့်ချမှတ်လိုက်သည်ဟု သိရသည်။ သိက္ခာတော်ရဆရာ သျှန်းလျှန်ဆန်းကို စစ်ကောင်စီတပ်ဖွဲ့က ပြီးခဲ့သည့် ၂၀၂၁ ခုနှစ် စက်တင်ဘာလ ၁၆ ရက်နေ့က မန္တလေးမြို့နေအိမ်တွင် ဖမ်းဆီးခဲ့ခြင်းဖြစ်ပြီး ယခုနှစ် ဇွန်လ ၁၅ ရက်နေ့က ပုဒ်မ ၅၀၅ (က) ဖြင့် အလုပ်ကြမ်းနှင့် ထောင်ဒဏ် ၃ နှစ် ချမှတ်ခဲ့ပြီးနောက် ဒီဇင်ဘာလ ၇ ရက်နေ့တွင် အကြမ်းဖက်မှုတိုက်ဖျက်ရေးဥပဒေ ၄၉ (က) ဖြင့် အလုပ်ကြမ်းနှင့် ထောင်ဒဏ် နှစ် ၂၀ ထပ်မံချမှတ်ကာ စုစုပေါင်းထောင်ဒဏ် ၂၃ နှစ် အမိန့်ချမှတ်ခံရခြင်းဖြစ်သည်ဟု ဆရာတော်၏ မိသားစုဝင်တစ်ဦးက ပြောသည်။ “၅၀၅ (က) ရယ် ၄၉ (က) ရယ် ပုဒ်မနှစ်ခုနဲ့စွဲထားတာ။ ၅၀၅(က) က ဒီနှစ် ဇွန်လ ၁၅ ရက်နေ့က အလုပ်ကြမ်းနဲ့ ထောင်ဒဏ် ၃ နှစ်ချထားတာ။ ၄၉ (က) က မနေ့ကမှ အလုပ်ကြမ်းနဲ့ ထောင်ဒဏ် အနှစ် ၂၀ ချထားတာ၊ နှစ်ခုပေါင်းရင်တော့ ၂၃ နှစ်ဖြစ်သွားတယ်” ဟု ဆရာတော်၏ မိသားစုဝင်ကပြောသည်။ အသက် ၄၂ နှစ်အရွယ်ရှိသည့်…
ရက္ခိုင့်တပ်တော် (AA) နှင့် စစ်ကောင်စီတပ်တို့အကြား တိုက်ပွဲကြောင့် လုံခြုံရေးအကြောင်းပြချက်ဖြင့် စစ်ကောင်စီတပ်ဖွဲ့က လနှင့်ချီပတ်ပင်ထားသည့် ပလက်ဝ-ကျောက်တော်ရေလမ်းကြောင်းကို ဒီဇင်ဘာလ ၃ ရက်နေ့က ပြန်ဖွင့်လိုက်ပြီဟု သိရသည်။ ချင်းပြည်နယ် ပလက်ဝမြို့နှင့် ရခိုင်ပြည်နယ် ကျောက်တော်မြို့ကိုဆက်သွယ်သော ရေလမ်းကြောင်းကို စစ်ကောင်စီတပ်ဖွဲ့က စစ်ရေးအကြောင်းပြချက်ဖြင့် ၃ လကျော်ကြာ ပိတ်ပင်ခဲ့ခြင်းဖြစ်ပြီး မကြားသေခင်ရက်ပိုင်းက AA နှင့် စစ်ကောင်စီအကြား လူသားချင်းစာနာမှုဆိုင်ရာ ယာယီအပစ်ခတ်ရပ်စဲခဲ့ပြီးနောက် ယခုကဲ့သို့ ရေလမ်းကြောင်းများ ပြန်လည်ဖွင့်လှစ်ပေးခဲ့ခြင်းဖြစ်သည်။ “ထွက်ခွင့်ရှိတယ်ဆိုတော့ စနေနေ့ကတော့ တစ်စီးထွက်တယ်။ ဒီနေ့ပြန်ဆင်းလာတယ်။ ရေကြောင်းပို့ဆောင်ဆက်သွယ်ရေးကပဲ အစိုးရပိုင်ပေါ့ နှစ်စီးရှိတယ်။ သူက ဇက်ပုံစံ ကားတွေပို့တဲ့ဟာ မနေ့ကခရီးသည်တွေလည်းများတယ်။ ထော်လာဂျီတွေရော၊ ဆိုင်ကယ်၊ ကုန်တွေ၊ စားစရာတွေရော တင်ကြတာပဲ။” ဟု ပလက်ဝမြို့ဒေသခံတစ်ဦးက ပြောသည်။ ပလက်ဝ-ကျောက်တော် ရေလမ်းကြောင်းကို စစ်ကောင်စီတပ်က စစ်ရေးအကြောင်းပြချက်ဖြင့် လနှင့်ချီ ပိတ်ပင်းထားခဲ့သည့်အတွက် ပလက်ဝမြို့တွင် အခြေခံစားသောက်ကုန်များ၊ ဆန်၊ ဆီ၊ ဆားနှင့် လောင်စာဆီများ ပြတ်လပ်ခဲ့ရပြီး ဒေသခံပြည်သူများ အခက်ကြုံခဲ့ကြရသည်။ ယခုကဲ့သို့ ပလက်ဝ-ကျောက်တော် ရေလမ်းကြောင်းများ ပြန်လည်ဖွင့်ပေးသည့်အတွက် ဒေသခံများအတွက်သာမက စစ်ဘေးရှောင်များအတွက်လည်း ရိက္ခာသယ်ယူရေးမှာ အဆင်ပြေလာနိုင်ကြောင်း စစ်ဘေးရှောင်ကူညီရေးအဖွဲ့က တာဝန်ရှိသူတစ်ဦးကပြောသည်။ “ပြည်သူလူထုဖက်ကစဉ်းစားပေးရင်တော့ ကောင်းတာပေါ့။ တိုက်ပွဲရှောင်တွေက အခု ရိက္ခာပြတ်နေပြီဆိုတော့ ကျွန်တော်တို့လည်း တိုက်ပွဲရှောင်တွေအတွက် ရိက္ခာပြန်တင်လို့ရတာပေါ့၊ ရိက္ခာမပြတ်လပ်တော့ဘူးပေါ့။ မြို့ခံတွေအတွက်ရော အရင်တုန်းက အရမ်းကြပ်တဲ့ဟာတွေ နည်းနည်း ချောင်ချောင်လည်လည်ဖြစ်သွားမယ်လို့ ယုံကြည်ရပါတယ်” ဟု ၎င်းကပြောသည် ပလက်ဝ-ကျောက်တော်ရေလမ်းကြောင်း ပြန်ဖွင့်ပြီဟုဆိုသော်လည်း စစ်ကောင်စီပိုင် မြန်မာ့ရေကြောင်းမှ ဇက်ရေယာဉ်တစီးသာ သွားလာခွင့်ပြုပြီး…