မြန်မာ့နွေဦးတော်လှန်ရေးမှာ စစ်အာဏာရှင်ကို တူမီးသေနတ်တွေစွဲကိုင်ပြီး အစောဆုံးတော်လှန်ခဲ့တဲ့ ချင်းပြည်နယ်ကို အာဏာသိမ်းစစ်ကောင်စီက “အနော်ရထာစစ်ဆင်ရေး” အမည်တပ်ပြီး ၂၀၂၁ ခုနှစ် အောက်တိုဘာလဆန်းပိုင်းကတည်းက မကွေးနဲ့ စစ်ကိုင်းတိုင်းကနေ စစ်အင်အားအလုံးအရင်းနဲ့ချီတက်လာပြီး စစ်ဆင်ရေးတွေ အကြီးအကျယ် ဆောင်ရွက်လာခဲ့ပါတယ်။ ချင်းတောင်ကို စစ်အင်အားအလုံးအရင်းနဲ့တက်လာတဲ့ စစ်ကောင်စီတပ်ဖွဲ့တွေကို ချင်းအမျိုးသားတပ်မတော် CNA နဲ့ ချင်းဒေသကာကွယ်ရေးတပ်ဖွဲ့ CDF တွေက ခုခံတော်လှန်လာခဲ့ကြတာ အခုဆိုရင် တစ်နှစ်ခွဲကျော်လာပြီဖြစ်ပါတယ်။ ခုလက်ရှိချင်းပြည်နယ်ရဲ့ စစ်ရေး၊ နိုင်ငံရေး အနေအထားတွေဘယ်လိုရှိပါလဲ။ ချင်းအမျိုးသားတပ်ဦး CNF ပြောရေးဆိုခွင့်ရှိသူ ဆလိုင်းထက်နီကို တွေ့ဆုံမေးမြန်းထားပါတယ်။ မေး။ ။ အခုလက်ရှိ ချင်းပြည်နယ်မှာဖြစ်နေတဲ့ စစ်ရေးအခြေအနေ ဘယ်လိုရှိလဲ။ ဖြေ။ ။ အခုကမိုးလည်းကုန်ပြီဆိုတော့ ပွင့်လင်းရာသီမှာ သူတို့လုပ်နေကြတော့ လုပ်နိုင်ဖွယ်ရှိတာပေါ့။ ဒါပေမယ့် စစ်ရေးဆိုတဲ့နေရာမှာ တိုက်ပွဲကွက်ကြားကွက်ကြား ဖြစ်နေတာတော့ အမြဲတမ်းရှိတာပေါ့။ ပွင့်လင်းရာသီဆိုတဲ့နေရာမှာ အခုသူတို့က အခုနှစ်မှာ ဖေဖော်ဝါရီလမှာတစ်ခါ ၄ လကြာပြီးမှ မိုးအဝင်မှာတစ်ခါအဲ့သလိုလာတယ်။ အခုဆောင်းရောက်ပြီ ဆိုတော့ အဲ့သလိုလာတဲ့အချိန်မှာ အဓိကကတော့ ရိက္ခာဖြည့် တင်းတာပေါ့။ ရိက္ခာကတော့ အောက်လမ်းကနေလာ လုပ်လေ့ရှိတယ်။ ဒီတစ်ခါလည်း အဲ့သလိုပဲ ပွင့်လင်းရာသီအတွက် ရိက္ခာလို့ပြောတဲ့အခါ စားနပ်ရိက္ခာနဲ့ ကျည်ဆံတွေ ပါတွေ အဲ့သလိုလုပ်လာနိုင်ဖွယ်ရှိတာပေါ့။ ဒီနှစ်ထဲမှာတော့ ချင်းပြည်နယ် မြောက်ပိုင်း ဟားခါးမြို့ဘက်မှာတော့ တိုက်ပွဲက များတယ်။ ချင်းပြည်နယ်တောင်ပိုင်းက မရှိသလောက်ဖြစ်တာပေါ့ အဲ့သလိုဖြစ်နေတယ်။ ပွင့်လင်းရာသီရောက်လာပြီဆိုရင် တော့ ချင်းပြည်နယ်တောင်ပိုင်း မတူပီဗျူဟာဘက်ကိုသော်လည်ကောင်း ဟားခါးဗျူဟာဘက် မြောက်ပိုင်းဘက်ကို သော်လည်းကောင်း ရိက္ခာတွေကတော့ ၄ လတစ်ခါအဲ့သလို လုပ်လာဖွယ်ရှိတာပေါ့။ တိုက်ပွဲတွေကွက်ကြားကွက်ကြား…
Author: Editor
ချင်းပြည်နယ် ဖလမ်းမြို့နယ် သီးဘွာလ်ကျေးရွာရှိ စစ်ကောင်စီတပ်စခန်းအတွက် တိုက်ပွဲသုံးရဟတ်ယာဉ်နှစ်စင်းဖြင့် စားနပ်ရိက္ခာနှင့် လက်နက်အကူများအား ယနေ့နံနက်ပိုင်း ၁၀ နာရီခန့်က လာရောက်ဖြည့်တင်းမှုများရှိနေပြီး ချင်းကာကွယ်ရေးတပ်ဖွဲ့များနှင့် တိုက်ပွဲများဆက်လက်ဖြစ်ပွားသည်ဟု သိရသည်။ စစ်ကောင်စီတပ်ဖွဲ့သည် သီးဘွာလ်တပ်စခန်းသို့ ရိက္ခာများလာရောက်ဖြည့်တင်းပြီးနောက် နံနက်ပိုင်း ၁၀ နာရီခွဲခန့်တွင် တိုက်ပွဲသုံးရဟတ်ယာဉ် MI-35 ဖြင့် ချင်းအမျိုးသားကာကွယ်ရေးတပ်ဖွဲ့ CNDF နှင့် ချင်းကာကွယ်ရေးပူးပေါင်းတပ်ဖွဲ့များကို လာရောက်ပစ်ခတ်ခဲ့သည်ဟု CNO/CNDF ပြန်ကြားရေးဌာနက ထုတ်ပြန်သည်။ ယနေ့နံနက်ပိုင်း ၁၁ နာရီခွဲကျော်ကျော်ခန့်တွင် စစ်ကောင်စီတပ်ဖွဲ့ကို CNDF လက်ဖြောင့်တပ်သားများ (Snipers) မှ ချောင်းပစ်ခတ်ခဲ့ရာ စကစတပ်သား (၂) ဦး သေဆုံးသွားပြီး ကျည် (၂၀၀)ကျော် သိမ်းဆည်းနိုင်ခဲ့သည်ဟ သိရသည်။ အိန္ဒိယ-မြန်မာနယ်စပ်အနီးတွင်တည်ရှိသော သီးဘွာလ်ကျေးရွာရှိ စစ်ကောင်စီတပ်စခန်းကို သိမ်းပိုက်ရန် ချင်းအမျိုးသားကာကွယ်ရေးတပ်ဖွဲ့ CNDF က ပြီးခဲ့သည့် နိုဝင်ဘာလ ၁၅ ရက် မနက်ကစ၍ လက်နက်ကြီး၊ လက်နက်ငယ်များ၊ ဒရုန်းများဖြင့် စတင်ပစ်ခတ်တိုက်ခိုက်ခဲ့ကြရာ စစ်ကောင်စီတပ်ဖွဲ့နှင့် ယနေ့ထိ တိုက်ပွဲများ ဆက်တိုက်ဖြစ်ပွားနေခဲ့ကြသည်။ သီးဘွာလ်တိုက်ပွဲတွင် အထိနာနေသော စစ်ကောင်စီတပ်ဖွဲ့သည် ဂျက်တိုက်လေယာဉ် (၂) စီး၊ တိုက်ပွဲသုံးရဟတ်ယာဉ် (၅) စီးဖြင့် ချင်းကာကွယ်ရေးပူးပေါင်းတပ်ဖွဲ့များကို အပြင်းအထန် တိုက်ခိုက်မှုများပြုလုပ်လျှက်ရှိသည်။
ချင်းပြည်နယ် ဖလမ်းမြို့နယ် သီဘွာလ်ကျေးရွာအနီးတွင် စစ်ကောင်စီတပ်နှင့် ချင်းကာကွယ်ရေးတပ်ဖွဲ့တို့အကြား ၅ ရက်ကြာဖြစ်ပွားသည့်တိုက်ပွဲတွင် စစ်ကောင်စီဘက်က အရာရှိအပါအဝင် ၃၀ ကျော်သေဆုံးခဲ့သည်ဟု ချင်းအမျိုးသားအဖွဲ့ချုပ် CNO/CNDF က ယနေ့ထုတ်ပြန်သည်။ ဖလမ်းမြို့နယ် အိန္ဒိယ-မြန်မာနယ်စပ်အနီးတွင်တည်ရှိသော သီဘွာလ်ကျေးရွာရှိ စစ်ကောင်စီတပ်စခန်းကို သိမ်းပိုက်ရန် ချင်းအမျိုးသားကာကွယ်ရေးတပ်ဖွဲ့ CNDF က ပြီးခဲ့သည့် နိုဝင်ဘာလ ၁၅ ရက်မနက်ကစ၍ လက်နက်ကြီး၊ လက်နက်ငယ်များ၊ ဒရုန်းများဖြင့် စတင်ပစ်ခတ်တိုက်ခိုက်ခဲ့ကြရာ စစ်ကောင်စီတပ်ဖွဲ့နှင့် ယနေ့နိုဝင်ဘာလ ၁၉ ရက်နေ့အထိ ၅ ရက်ကြာ တိုက်ပွဲအပြင်းအထန် ဖြစ်ပွားခဲ့ကြသည်။ ၅ ရက်ကြာဖြစ်ပွားသည့်တိုက်ပွဲတွင် စစ်ကောင်စီတပ်ဖွဲ့သည် အထိနာသဖြင့် ၅ ရက်လုံးလုံး လေကြောင်းမှတဆင့် အပြင်းအထန် ဗုံးကြဲတိုက်ခိုက်ခဲ့သည်ဟု CNO/CNDF တာဝန်ရှိသူတစ်ဦးက ပြောသည်။ “စပစ်တဲ့နေ့ ၁၅ ရက် မနက် ၉ နာရီလောက်ကနေစပြီး Jet-fighter လေယာဉ်သုံးခါလာပြီးတော့ သုံးခါ ဗုံးချသွားတယ်။ အဲ့ဒီညနေမိုးချုပ်ခါနီးမှာပဲ နစ်ခေါက်ပြန်လာပြီးတော့ ဗုံးပြန်ကြဲသွားတယ်၊ အဲ့ဒီ ငါးရက်မှာ တစ်ရက်ပဲ လေကြောင်းမလာတာ ကျန်တဲ့နေ့ နေ့တိုင်းလိုလိုပဲလေကြောင်းပစ်ကူလာတယ်၊ ဒီနေ့ ၁၉ ရက်နေ့ဆိုရင် Jet-fighter နှစ်ခါလာတယ် ပြီးတော့ ရဟတ်ယာဉ်တော့ အကြိမ်ကြိမ်လာတယ်” ဟု CNO/CNDF တာဝန်ရှိသူတစ်ဦးက ပြောသည်။ ပထမနေ့တိုက်ပွဲတွင် စစ်ကောင်စီတပ်ဖွဲ့သည် အထိနာနေသောကြောင့် လေကြောင်းစစ်ကူများ အသုံးပြုလာခဲ့ရာ နိုဝင်ဘာလ ၁၅ ရက်နေ့ တစ်ရက်တည်းတွင် ဂျက်လေယာဉ်ဖြင့် ၄ ကြိမ်လာရောက်ကာ ဗုံးအကြိမ်ပေါင်းများစွာ ကြဲချခဲ့သည်ဟု CNO က ဆိုသည်။ စစ်ကောင်စီ၏…
ချင်းရန်ပုံငွေအဖွဲ့၏ တူမီးထီအစီအစဉ်မှ (၆) လတာ ကာလအတွင်း ချင်းပြည်နယ်ရှိ စစ်ဘေးရှောင် IDPs များအတွက် အမေရိကန်ဒေါ်လာ ၄၁၉၀ (မြန်မာငွေ ၁၀,၄၇၅,၀၀၀) အားဖြည့်ပေးနိုင်ခဲ့သည်ဟု သိရသည်။ တူမီးထီအစီစဉ်သည် ချင်းပြည်နယ်ရှိ တော်လှန်ရေးအင်အားစုများ၏ ဘဏ္ဍာငွေ လိုအပ်ချက်ကို ဖြည့်ဆည်းနိုင်ရန် အွန်လိုင်းမှတဆင့် ထီများရောင်းချကာ ရံပုံငွေများရှာဖွေသည့်အစီစဉ်ဖြစ်ပြီး ယင်းအစီစဉ်မှရရှိလာသော ရံပုံငွေများကို ချင်းတော်လှန်ရေးအင်အားစုများသာမကပဲ စစ်ဘေးရှောင်ပြည်သူများအတွက်လည်း အားဖြည့်ပေးနိုင်လာ ခဲ့ခြင်းဖြစ်သည်။ တူမီးထီအစီအစဉ်က ချင်းပြည်နယ် ၉ မြို့နယ်ရှိ စစ်ရှောင်ပြည်သူများထံ လိုအပ်သည့်အကူအညီများအား ပံ့ပိုးခဲ့ခြင်းဖြစ်သည်။ အဆိုပါ ပံ့ပိုးမှုများမှာ – ဟားခါးမြို့နယ်အတွက် အမေရိကန်ဒေါ်လာ – ၂၇၅၊ ထန်တလန်မြို့နယ်အတွက် အမေရိကန်ဒေါ်လာ – ၅၀၀၊ တီးတိန် မြို့နယ် အတွက် အမေရိကန်ဒေါ်လာ – ၂၇၅၊ တွန်းဇံမြို့နယ်အတွက် အမေရိကန်ဒေါ်လာ – ၂၇၅၊ ဖလမ်းမြို့နယ်အတွက် အမေရိကန်ဒေါ်လာ – ၅၀၀၊ မတူပီမြို့နယ်အတွက် အမေရိကန်ဒေါ်လာ – ၅၀၀၊ ပလက်ဝမြို့နယ်အတွက် အမေရိကန်ဒေါ်လာ – ၅၀၀၊ ကန်ပက်လက်မြို့နယ်အတွက် အမေရိကန်ဒေါ်လာ – ၆၅၀၊ မင်းတပ်မြို့နယ်အတွက် အမေရိကန်ဒေါ်လာ – ၆၅၀ စသဖြင့် အသီးသီး ကူညီပံ့ပိုးခဲ့သည်ဟု ချင်းရံပုံငွေအဖွဲ့ကထုတ်ပြန်သည်။ စစ်ကောင်စီ၏ အကြမ်းဖက်ထိုးစစ်ဆင်မှု၊ အကြောင်းမဲ့ ပစ်ခတ်မှုများကြောင့် ချင်းပြည်နယ်ရှိ ပြည်သူ ငါးသောင်း (၅၀၀၀၀) ခန့်သည် တောထဲ တောင်ထဲမှာ နေရပ်စွန့်ခွာ ထွက်ပြေးတိမ်းရှောင်နေရပြီး တချို့က အိန္ဒိယ-မြန်မာနယ်စပ်တွင် လိုအပ်ချက်များစွာဖြင့် ခိုလှုနေထိုင်ကြလျက်ရှိကြသည်ဟု တူမီးထီအဖွဲ့ကဆိုသည်။…
ချင်းပြည်နယ်၊ ကန်ပက်လက်မြို့နယ်တွင် စစ်ကောင်စီတပ်နှင့် ဒေသကာကွယ်ရေးတပ်ဖွဲ့အကြားတိုက်ပွဲကြောင့် ထွက်ပြေးတိမ်းရှောင်နေရသော စစ်ဘေးရှောင်ပြည်သူများ ဆေးဝါးနှင့် အခြေခံစားသောက်ကုန်များ လိုအပ် ေနကြောင်း သိရသည်။ ကန်ပက်လက်မြို့နယ်အတွင်းက ဒေသခံပြည်သူ ၅ ထောင်ကျော်ခန့်သည် မကွေးတိုင်း ဆောမြို့နှင့် နီးစပ်ရာစစ်ဘေးရှောင်စခန်းများတွင် ထွက်ပြေးခိုလာကြသည်မှာ တစ်ရွာခွဲကျော်လာပြီဖြစ်ကာ ဆေးရွားနှင့် အခြေခံစားသောက်ကုန်များ လိုအပ်နေကြသည်ဟု ကန်ပက်လက်မြို့နယ်က စစ်ဘေးရှောင်ကူညီပေးနေသူတစ်ဦးက ပြောသည်။ “စစ်ဘေးရှောင်တွေက ၂ နှစ်ဝန်းကျင်ရှိပြီဆိုတော့ အဓိကတော့ ကျန်းမာရေးအတွက် ဆေးဝါးလိုအပ်တယ်၊ ဆန်၊ဆီ၊ဆား၊ နောက်ပြီး ကလေးတွေက တောထဲမှာ စာသင်ကြတော့ စာအုပ်၊ခဲတံတွေလိုအပ်ပါတယ်။ တချို့အဖွဲ့စည်းက ထောက်ပံ့ပေမယ့် အချိတ်အဆက်က သိပ်နည်းနေသေးတယ်” ဟု စစ်ဘေးရှောင်များကို ကူညီပေးနေသူတစ်ဦးက ပြောသည်။ ကန်ပက်လက်မြို့နယ်တွင် စစ်ရေးအခြေအနေတင်းမာပြီး တိုက်ပွဲများမကြာခဏဖြစ်ပွားနေသည့်အတွက် စစ်ဘေးရှောင်ပြည်သူများသည် နေရပ်မပြန်ရဲကြသေးပဲ စစ်ဘေးရှောင်စခန်းများတွင် ရေရှည်နေရဦးမည့်အခြေအနေမှာရှိနေပြီး အလှူရှင်များလည်း ယခင်နှစ်များထက် တဖြည်းဖြည်းနည်းပါးလာနေသည့်အတွက် အခက်ကြုံနေကြရခြင်းဖြစ်သည်။ ထို့အပြင် ဆောင်းရာသီရောက်လာပြီဖြစ်သောကြောင့် စစ်ဘေးရှောင်ပြည်သူများ အနွေးထည်၊ စောင်များလည်း လိုအပ်လျက်ရှိနေသည်ဟု စစ်ဘေးရှောင်တစ်ဦးက ပြောသည်။ “တော်တော်အေးပြီး အနွေထည်ကတော့ မရှိဘူး တခုနဲ့တခုတော့တူမယ်မထင်ဘူး ကျွန်တော်တို့ကတော့ အနွေး ထည်တော့မရကြသေးဘူး၊ တချို့Camp တွေက ရတဲ့သူတွေလည်းရှိရင်ရှိမယ်။ ကူညီပေးတာတော့ရှိတယ် မလောက်နိုင်ဘူးပေါ့” ဟု စစ်ဘေးရှောင်တစ်ဦးက ပြောသည်။ ချင်းပြည်နယ် ကန်ပက်လက်မြို့နယ်တွင် တိုက်ပွဲကြောင့် ထွက်ပြေးတိမ်ရှောင်းနေရသည့် စစ်ရှောင်ပြည်သူများသည် ထန်းကုန်း၊ အောက်လှယ်၊ အညာကတင်း၊ ဘီးကုန်း စစ်ဘေးရှောင်စခန်းနှင့် ဆောမြို့တို့တွင် နေထိုင်နေကြသည်ဟု သိရသည်။
ကလေးမြို့နယ်၊ မြောက်စည်းရွာမှာရှိတဲ့ စစ်ကောင်စီတပ်သားတွေကို ယနေ့ နိုဝင်ဘာ ၁၆ နေ့လည်ပိုင်းက တိုက်ခိုက်ခဲ့တယ်လို့ VAKOK-CNDF အဖွဲ့က ထုတ်ပြန်ထားပါတယ်။ အဆိုပါရွာမှာ ဘိလိယက်ထိုးနေတဲ့ စစ်ကောင်စီတပ်သားတွေကို VAKOK-CNDF နဲ့ ပူးပေါင်းအဖွဲ့တွေက ပြောက်ကျားစနစ်နဲ့ တိုက်ခိုက်ခဲ့တယ်လို့ သိရပြီး စကစ အရာရှိတစ်ဦး သေဆုံးတယ်လို့ ထုတ်ပြန်ပါတယ်။ စစ်ကောင်စီအရာရှိထံကနေ ဆိုင်ကယ် ၁ စီး၊ လက်ပစ်ဗုံး ၂ လုံး၊ MA5 ပစ္စတို ၁ လက်၊ ခြောက်လုံးပြူးအတို ၁ လက်၊ ဖုန်းနှင့် Power Bank၊ ငွေကျပ် သုံးသိန်းကျော်၊ ပိုက်ဆံအိတ် ၁ လုံး၊ ဘဏ်ကတ်များ၊ မှတ်ပုံတင်များနှင့် လိပ်စာကတ်တို့ကိုလည်း သိမ်းဆည်းရမိခဲ့တယ်လို့ခဲ့ သိရပါတယ်။ Crd- VOK
ချင်းပြည်နယ်၏ မြို့တော် ဟားခါးမြို့တွင် ခရစ္စမတ်နှင့် နှစ်သစ်ကူးပွဲတော်များကို ခမ်းခမ်းနားနားဖြင့် ကျင်းပခြင်းမပြုလုပ်ကြရန် ဟားခါးခရစ်ယာန်ဂိုဏ်းပေါင်း စုံဓမ္မအမှုတော်ဆောင်များအဖွဲ့က ထုတ်ပြန်သည်။ မကြာခင်ရောက်ရှိလာတော့မည့် ခရစ်ယာန်ဘာသာဝင်များ၏ နေ့ထူးနေ့မြတ်ဖြစ်သော ခရစ္စမတ်ပွဲတော်နှင့် နှစ်သစ်ကူးပွဲတော်အတွက် ဘုရားကျောင်းပြင်ပအလှဆင်ခြင်း၊ မြို့/ရပ်ကွက်များ အလှဆင်ခြင်းမပြုလုပ်ရန်၊ ရပ်ကွက်အလိုက် လူထုအစည်းအဝေးများဖြင့် ညစာအတူတကွသုံးဆောင်ခြင်းများ မပြုလုပ်ရန်နှင့် ကိုယ့်ဘုရားကျောင်းတွင်သာ ဂုဏ်တော်ချီးမွမ်းဝတ်ပြုကြရန် ဟားခါး ခရစ်ယာန်ဂိုဏ်းပေါင်းစုံ ဓမ္မအမှုတော်ဆောင်များအဖွဲ့က နိုဝင်ဘာ ၁၁ ရက်နေ့က ထုတ်ပြန်ခဲ့ခြင်းဖြစ်သည်။ “ခရစ္စမတ်ပွဲတော်နဲ့ နှစ်သစ်ကူးပွဲတော်တွေကို ကျင်းပတဲ့အခါမှာ ဘုရားကျောင်းမှာရော ရပ်ကွက်တွေမှာ အသားသတ်ပြီး စားပွဲတွေမလုပ်ဖို့၊ carol singing တွေမသွားဖို့၊ အပြင်မှာ decoration အလှဆင်တာတွေမလုပ်ဖို့ပေါ့နော်၊ ဒါပေမဲ့ ဘုရားကျောင်းထဲ၊ အိမ်ထဲတွေမှာတော့ လုပ်လို့ရတာပေါ့နော် အဲတာတွေက ကျွန်တော်တို့ ဆုံးဖြတ်ထားပါတယ်” ဟု ဟားခါးမြို့ မှ သင်းအုပ်ဆရာတော်တပါးကပြောသည်။ ကိုဗစ် ၁၉ ကပ်ရောဂါနှင့် စစ်အာဏာသိမ်းမှုကြောင့် ဟားခါးမြို့တွင် ခရစ္စမတ်နှင့် နှစ်သစ်ကူးပွဲတော်များကို စည်းစည်းကားကားဖြင့် မကျင်းပသည်မှာ ၂ နှစ်ရှိသွားပြီဖြစ်ကာ ယခုနှစ်တွင်လည်း နိုင်ငံရေးအခြေအနေအရပ်ရပ်ကြောင့် ပွဲတော်များကိုလည်း စည်စည်ကားကား မကျင်းပဘဲ ငြိမ်သက်စွာကျင်းပကြရန် ထုတ်ပြန်ရခြင်းဖြစ်သည်ဟု သိရသည်။ ယခုထုတ်ပြန်ချက်သည် ချင်းပြည်နယ်တစ်ခုလုံးအတွက်မဟုတ်ဘဲ ဟားခါးမြို့တွင်းအတွက်သာ ထုတ်ပြန်ထားခြင်းဖြစ်သည်ဟု သိရသည်။
CDF-Hualngoram တော်လှန်ရေးတပ်ဖွဲ့ရဲ့ ထိန်းချုပ်နယ်မြေထဲမှာ Hualngoram People Organization ရဲ့ ဦးဆောင်မှုဖြင့် ၈ ကုတင် ဆံ့ ဆေးရုံကို နိုဝင်ဘာလ ၁၂ ရက်နေ့က အောင်မြင်စွာဖွင့်လှစ်ခဲ့နိုင်ခဲ့ကြတယ်လို့ သိရပါတယ်။ ဒီဆေးရုံကို LIANDO ဆေးရုံလို့ အမည်ပေးထားပြီး ဟွာလ်ငိုနယ်မြေက ပြည်သူတွေအပြင် နယ်စပ်ဒေသက ပြည်သူတွေအနေနဲ့ ဆေးဝါးကုသမှု ခံယူနိုင်မှာဖြစ်ပါတယ်။ LIANDO ဆေးရုံမှာ လူနာကုတင် ၈ လုံးနဲ့ ခွဲစိတ်ခန်းတစ်ခုရှိပြီး ဆေးဝါးနဲ့ ဆေးရုံသုံးကိရိယာလိုအပ်ချက်တွေ ရှိနေသေးတာကြောင့် ပြည်တွင်း/ပြည်ပမှာရှိနေကြတဲ့ စေတနာရှင်တွေအနေနဲ့ အကူအညီတွေပေးအပ်နိုင်တယ်လို့ Hualngoram People Organization က ထုတ်ပြန်ထားပါတယ်။
ချင်းပြည်နယ်၊ ဟားခါးမြို့ပေါ် ကျောဘုတ်ရပ်ကွက်တွင် ယမန်နေ့ည ၁၀ နာရီခွဲခန့်က စစ်ကောင်စီတပ်ဖွဲ့၏ လက်နက်ကြီးကျည် ကျရောက်ပေါက်ကွဲမှုကြောင့် အသက် ၁၄ နှစ်အရွယ်လူငယ်တစ်ဦး ပွဲချင်းသေဆုံးကာ ၂ ဦးဒဏ်ရာရရှိခဲ့သည်ဟု သိရသည်။ ယမန်နေ့ညက ၁၀ နာရီခွဲခန့်က ဟားခါးမြို့တွင် သေနတ်ပစ်ခတ်သံများထွက်ပေါ်လာပြီးနောက် ကျောဘုတ်ရပ်ကွက်ရှိ မိုးဟိန်းသောက်ရေသန့်စက်ရုံဝင်းအတွင်း နေအိမ်ပေါ်တွင် လက်နက်ကြီးကျည် ကျရောက်ပေါက်ကွဲကာ ညအိပ်စောင့်သည့် ဝန်ထမ်း ၃ ဦး ကျည်ဆံထိမှန်ကာ အသက် ၁၄ နှစ်အရွယ်တစ်ဦးမှာ ပွဲချင်းသေဆုံးခဲ့သည်ဟု ဟားခါးဒေသခံတစ်ဦးက ပြောသည်။ ”တယောက်ကတော့ ဆုံးသွားတယ်၊ အလောင်းလဲ အိမ်မှာမသယ်သေးဘူး ဆေးရုံမှာပဲရှိသေးတယ်။ သူတို့က ယောင်္ကျားလေးတွေပဲ၊ မနေ့ညက ပစ်ခတ်မှုက နည်းနည်းတော့ရှိတယ် သေနတ်အသံတွေက မကြာဘူး မိနစ်ပိုင်းလာက်ပဲဖြစ်မှာ ခနနေတော့ လက်နက်ကြီးတစ်ကြိမ်ပဲကျတာ ပြီးတော့ အဲ့လိုဖြစ်သွားတာ” ဟု ဟားခါးဒေသခံက ပြောသည်။ သေဆုံးသူသည် Shalom Van ဟုသိရပြီး ဒဏ်ရာရရှိသူ ၂ ဦးမှာ ဟားခါးပြည်သူ့ဆေးရုံသို့ ဆေးကုသမှုခံယူလျှက်ရှိပြီး တစ်ဦးမှာ ခြေထောက်နှစ်ဖက်ပြတ်သွားသည်ဟု သိရသည်။ ကျောဘုတ်ရပ်ကွက်သည် ဟားခါးမြို့မှ မတူပီမြို့သွားသည့် လမ်းအထွက်ဘက်တွင်တည်ရှိပြီး စစ်ကောင်စီစစ်ဆေးရေးဂိတ်တစ်ခုလည်းရှိသောကြောင့် စစ်ကောင်စီတပ်ဖွဲ့နှင့် CDF-Hakha တို့ မကြာခဏ ပစ်ခတ်မှုများလည်းရှိသည်ဟု သိရသည်။
၂၀၂၁ ခုနှစ်ဖေဖော်ဝါရီ ၁ ရက်နေ့က စစ်တပ်အာဏာသိမ်းမှုကို ပြည်သူလူထုက ငြိမ်းချမ်းစွာ ဆန့်ကျင်ဆန္ဒဖော်ထုတ်ခဲ့ကြသော်လည်း စစ်တပ်က လက်နက်မဲ့ပြည်သူများကို အကြမ်းဖက်ဖြိုခွင်းလာခဲ့သည့်နောက်ပိုင်းမှာ တနိုင်ငံလုံးမှာရှိသော လူငယ်များသည် ရွေးချယ်စရာနည်းလမ်းမရှိတော့သည့်အတွက် လက်နက်ကိုင်တော်လှန်ရေးထဲကို ဝင်ရောက်ပြီး စစ်အာဏာရှင်စနစ်ချုပ်ငြိမ်းရန်အတွက် ယနေ့ချိန်ထိ အားကောင်းမောင်းသန်စွာဖြင့် တိုက်ပွဲဝင်လျှက်ရှိကြသည်။ ယင်းလူငယ်များစွာထဲမှာ အသက် ၂၂ နှစ်ရွယ် ဥပဒေဘာသာရပ်သင်ကြားနေသော ချင်းသမီးပျို မိုင် Emily လည်း ပါဝင်ပါသည်။ မိုင် Emily သည် သူ၏ စိတ်ဆန္ဒဖြင့် ချင်းအမျိုးသားတပ်မတော် CNA ထဲကို ဝင်ရောက်ခဲ့ပြီး ယခုဆိုလျှင် တစ်ပွင့် ဒု-ဗိုလ်အဆင့်ရှိပြီဖြစ်သည်။ မိုင် Emily ကို ခိုနူမ်းသုန်သတင်းဌာနက တွေ့ဆုံမေးမြန်းထားသည်။ မေး။ ။ အရင်ဆုံးသိချင်တာက စစ်တပ်က အာဏာသိမ်းမှုအဖြစ်ပွားခင် ညီမက ဘယ်မှာနေပြီး ဘာအလုပ်တွေလုပ်ကိုင်ခဲ့လဲ။ ဖြေ။ ။ ကျမကကျောင်းကမပြီးသေးဘူး ကိုဗစ်ကဖြစ်ပြီးတော့ကျောင်းပိတ် တော်လှန်ရေးကဆက်ဖြစ်ပြီး ချင်းအမျိုးသား တပ်မတော် ဘက်ကိုရောက်လာတာပါ။ တော်လှန်ရေးမဖြစ်ခင်ကတော့ ကျောင်းသူတစ်ယောက်ပဲပေါ့၊ ရန်ကုန်မှာ အစ်မဆိုင်မှာကူညီပေးတယ်။ အာဏာသိမ်းပြီးသွားတော့ ရန်ကုန်မှာဆက်ပြီးတော့ အလုပ်လုပ်လို့မရတော့ဘူးဆိုတော့ ကိုယ့်ရဲ့ဇာတိကိုပြန်လာတယ်။ အိမ်မှာအကြားကြီးနေသေးတယ်။ ဒီလိုနဲ့ လူငယ်အများကြီးက သူတို့ရဲ့အသက်ကို ပေးပြီးတော့ တော်လှန်ရေးဝင်နေကြတယ်..အဲ့ဒါကြောင့်ဒီအတိုင်းကြီးမနေချင်တော့ဘူး ဒါကြောင့် CNF ထဲကိုဝင်လာတာ။ မေး။ ။ စစ်တပ်က အာဏာသိမ်းခဲ့တဲ့နေ့ကပေါ့လေ၊ အဲဒီသတင်းကို ကြားမိတော့ လူငယ်တယောက်အနေနဲ့ ဘယ်လိုခံစားချက်တွေပေါ်လာမိလဲ။ ဖြေ။ ။ ကျမအဲ့တုန်းက ရန်ကုန်မှာရှိတာ…အဲ့တုန်းကလိုင်တွေအကုန်ပိတ် ဗီဒီယိုလိုင်းတွေလည်းအကုန်ပိတ်တော့ TV ကြည့်မလို့ လိုင်းတွေဘာတွေမရတာဘာမှမသိဘူး။ ညကလည်း ၁၂ နာရီအထိ အလုပ်လုပ်တော့…