ကလေးမြို့တွင် တရုတ်နိုင်ငံထုတ် ကိုဗစ်ကာကွယ်ဆေးထိုးရန် အာဏာသိမ်းစစ်ကောင်စီအဖွဲ့က အသက် (၆၀) ကျော်နှင့် ကိုဗစ်-၁၉ ရောဂါကာကွယ်ထိန်းချုပ်ရေး volunteers များ၏ နာမည်စာရင်း စတင်ကောက်ယူနေကြောင်း ကိုဗစ်-၁၉ ရောဂါကာကွယ်ထိန်းချုပ်ရေး Volunteer မှ တာဝန်ရှိသူတစ်ဦးမှ သိရသည်။ “အသက်ကြီးပိုင်း ၆၀ ကျော်နဲ့ Volunteers တွေအတွက် နာမည်စာရင်းကောက်တယ်၊ နာမည်စာရင်းသွင်းမယ်၊ စုပေါင်းရုံး သို့မဟုတ် တခြား သူတို့စီစဉ်နေတဲ့နေရာမှာ ထိုးမယ်၊ ထိုးနှံမယ့်နေ့တော့ မသိသေးဘူး၊ စာရင်းအရင်ကောက်ထားတယ်” ဟု ကိုဗစ်-၁၉ ရောဂါကာကွယ်ထိန်းချုပ်ရေး Volunteer မှ တာဝန်ရှိသူတစ်ဦးက ပြောသည်။ အာဏာသိမ်းစစ်ကောင်စီမှ တရုတ်နိုင်ငံထုတ် ကိုဗစ်ကာကွယ်ဆေးထိုးရန် နာမည်စာရင်းကောက်ယူမှုမှာ ဇူလိုင် ၂၆ ရက်နေ့က ကလေးမြို့ ကိုဗစ်ကာကွယ်ထိန်းချုပ်ရေးလုပ်ငန်း လုပ်ဆောင်နေကြသည့် Volunteers များထံ အကြောင်းကြားပြီး ယနေ့နောက်ဆုံးထားပြီး နာမည်စာရင်းသွင်းရန် အကြောင်းကြားထားသည်ဟု သိရသည်။
Author: Editor
ချင်းပြည်နယ်တောင်ပိုင်း၊ မင်းတပ်မြို့နယ်တွင် CDF–Mindat နှင့် စစ်ကောင်စီတို့အကြား တကျော့ပြန်တိုက်ပွဲဖြစ်ပွားမှုကြောင့် မင်းတပ်မြို့နယ်အတွင်းရှိ ကျေးရွာ ၁၀ ရွာခန့်မှ ဒေသခံပြည်သူများသည် တောထဲသို့ ထွက်ပြေးတိမ်းရှောင်နေကြရသည်ဟု သိရသည်။ “အဓိက တိုက်ပွဲဖြစ်တဲ့ အနားတဝိုက်ကရွာက စစ်ဘေးရှောင်ကြတာပေါ့၊ အဓိက စစ်ပွဲဖြစ်တဲ့နေရာက မကွေးတိုင်းနဲ့ ကျွန်တော်တို့ ချင်းပြည်နယ် နယ်စပ်၊ သူကတော့ ထီးလင်းနားက ရွှေအောင်သာနားကနေ စကစကတက်လာတယ်။ ရွှေတွင်းတူး၊ ဒန့်တီး၊ စွန်တောင်၊ တောင်ကုန်း၊ ပီးဟူ အဲ့ရွာတွေက အဓိက တိုက်ပွဲလမ်းကြောင်းဖြစ်တဲ့နေရာက ရွာတွေဆို ရွာလုံးကျွတ်မရှိတော့ လူတွေက တောင်ယာတွေကို ပြေးကြတယ်၊ တချို့ကလဲ တောထဲမှာ တာလပတ်တဲထိုးပြီးမှ နေကြတယ်၊ လူဦးရေအားဖြင့် ခန့်မှန်းဖို့ခက်တယ်” ဟု မင်းတပ်မြို့နယ် စစ်ဘေးရှောင်ကူညီရေးအဖွဲ့မှ တာဝန်ရှိသူတစ်ဦးက ပြောသည်။ CDF-Mindat နှင့် စစ်ကောင်စီအကြား အပစ်ခတ်ရပ်စဲရေးဆွေးနွေးမှုအား ဇူလိုင်လ ၁၆ ရက်နေ့က ပျက်ပြယ်ခဲ့ပြီးနောက် ဇူလိုင်လ ၂၁ ရက်နေ့ကစ၍ ချင်းပြည်နယ်နှင့် မကွေးတိုင်းနယ်စပ် ရွှေတွင်းတူးရွာဘက်တွင် တကျော့ပြန်တိုက်ပွဲ ဖြစ်ပွားခဲ့ခြင်းဖြစ်သည်။ မင်းတပ်မြို့နယ်တွင် ယခုကဲ့သို့ တကျော့တိုက်ပွဲ ပြန်လည်ဖြစ်ပွားလာခြင်းကြောင့် ထွက်ပြေးတိမ်းရှောင်နေရသော လူဦးရေ ယခင်ကထက် တိုးများလာနေပြီး ၎င်းတို့အတွက် စားသုံးကုန်နှင့်ဆေးဝါးများ လိုအပ်လျှက်ရှိကြောင်း စစ်ဘေးရှောင်ကူညီအဖွဲ့ဝင်တစ်ဦးက ပြောသည်။ “အခက်အခဲတွေက ပြောမပြနိုင်အောင်ကိုများတယ်၊ အဓိက ဆန်လိုတယ်၊ ပြီးတော့ ဆေးဝါးလိုတယ်၊ စစ်ကောင်စီက ဆန်ကိုလည်း သတ်မှတ်တဲ့ပမာဏထက်ကျော်ရင် ဖမ်းတယ်၊ ခွင့်ပြုချက်မရရင် သယ်လို့မရဘူး၊ ဆန်ဝယ်ချင်ရင်တောင် ဝယ်လို့မရဘူး၊ ဆေးဝါးက ဝယ်တာတွေ့ရင် တန်းဖမ်းတယ်၊ သယ်ယူခွင့်မရှိဘူး၊ ကျွန်တော်တိို့မှာ…
အိန္ဒိယနိုင်ငံ မီဇိုရမ်ပြည်နယ်နှင့် Assam ပြည်နယ်စပ်တွင် ယမန်နေ့ ဇူလိုင် ၂၆ ရက်နေ့က နှစ်ဖက်ရဲများအကြား နယ်နိမိတ်အရေး တင်းမာမှုဖြစ်ပွားခဲ့ပြီး ညနေ ၄ နာရီခွဲခန့်တွင် မိနစ် ၅၀ ကြာ ပစ်ခတ်ခဲ့ကြပြီး မီဇိုရမ်ပြည်ဘက်၌ သေဆုံးသူမရှိကြောင်းနှင့် Assam ပြည်နယ်ရဲများ ဒဏ်ရာရရှိသူနှင့် သေဆုံးသူများရှိနေကြောင်းသိရပြီး တိကျခိုင်လုံသည့် သတင်းအချက်အလက်မရရှိသေးကြောင်း ဒေသသတင်း Zonet တွင် ဖော်ပြသည်။ ဖြစ်ပုံမှာ နှစ်ဖက်နယ်နမိတ်ပြဿနာနဲ့စပ်လျဉ်း၍ ယမန်နေ့ ဇူလိုင် ၂၆ ရက်နေ့ နေ့လည်တွင် Assam ပြည်နယ် လက်နက်ကိုင်ရဲတပ်ဖွဲ့တို့သည် မီဇိုရမ်ပြည်နယ်ထဲကိုဝင်ရောက်ပြီး မီဇိုရမ်ပြည်နယ် Vairengte ကျေးရွာ သုံးဘီးဂိတ်ရှိသည့်နေရာအထိ ဝင်ရောက်လာသည့်အပြင် မီဇိုရမ်ပြည်နယ် နယ်စပ်လုံခြုံရေးစခန်း Duty post ကိုလည်း အတင်းကျူးကျော်ဝင်ရောက်ခဲ့ခြင်းဖြစ်သည်။ အဆိုပါကိစ္စကို မီဇိုရမ်ပြည်နယ်ရဲများနှင့် ဒေသခံမီဇိုးလူငယ်များက ထွက်သွားဖို့ အကြိမ်ကြိမ်ပြောဆိုခဲ့သော်လည်း Assam ပြည်နယ်ရဲများက လှည့်မပြန်ခဲ့ကြသည့်အတွက် အခြေအနေတဖြေးဖြေးတင်းမာလာပြီး ယခုလို ညနေ ၄ နာရီခွဲလောက်တွင် နှစ်ဖက်လက်နက်ကိုင်ရဲများ မိနစ် ၅၀ ကြာ ပစ်ခတ်ခဲ့ကြပြီးနောက် Assam ပြည်နယ်ရဲများ ပြန်လှည့်ထွက်သွားခဲ့ကြကြောင်း သိရသည်။
ချင်းပြည်နယ်၊ ပလက်ဝမြို့တွင် အာဏာသိမ်းစစ်ကောင်စီမှ ပုဒ်မ ၅၀၅ (က) ဖြင့် အမှုဖွင့်ဖမ်းဆီးထားသည့် ချင်းလူငယ် ၅ ဦးကို ယနေ့ရုံးမထုတ်ဘဲ ဩဂုတ်လ ၂ ရက်နေ့သို့ ရုံးပြန်ချိန်းလိုက်သည်ဟု သိရသည်။ “ကျမတို့ ၂၆ ရက်နေ့မှာ ရုံးချိန်းဆိုတော့ ကျမတို့အကုန် လာရမှာလားဆိုပြီး ကျမတို့မေးကြည့်တယ်၊ ၂၆ ရက်နေ့မှာ သူတို့က ရုံးပိတ်တာဆိုတော့ ရုံးကိုလာလို့မရပါဘူး၊ ဒီနေ့ ရုံးမထုတ်ရပါဘူးတဲ့၊ သူတို့က ရုံးပိတ်ထားတယ်၊ သြဂုတ် ၂ ရက်နေ့မှပဲ ရုံးပြန်ထုတ်ပေးပါမယ်လို့ အကြောင်းကြားလာပါတယ်” ဟု ၎င်းတို့နှင့်နီးစပ်သည့် ပလက်ဝမြို့ဒေသခံက ပြောသည်။ ပလက်ဝမြို့တွင် မေလ ၂၈ ရက်နေ့က ဗုံးနှစ်ကြိမ်ပေါက်ကွဲမှု ဖြစ်ပွားခဲ့သည့်နောက်ပိုင်း အာဏာသိမ်းစစ်ကောင်စီသည် မြို့ပေါ်ရှိ အရပ်ဘက်အဖွဲ့အစည်းများတွင် အလုပ်လုပ်ကိုင်နေသူများအပါအဝင် လူငယ် ၁၈ ဦးကို ဖမ်းဆီးခဲ့ပြီး ၁၃ ဦးကို ပြန်လွှတ်ပေးခဲ့သော်လည်း ၅ ဦးကို ဇွန်လ ၁၇ ရက်နေ့က ပုဒ်မ ၅၀၅ (က) ဖြင့် အမှုဖွင့်ခံခဲ့ရခြင်းဖြစ်သည်။ ပုဒ်မ ၅၀၅ ဖြင့် အမှုဖွင့်ခံရသည့် လူငယ် ၅ ဦးမှာ ယခုလက်ရှိ ပလက်ဝမြို့ရဲစခန်းအချုပ်တွင် ထိန်းသိမ်းခံထားရပြီး ရာသီတုတ်ကွေးမိကာ ဖျားနာနေကြသည့်အတွက် မိသားစုဝင်များက စိုးရိမ်နေကြသည်။ အမည်မဖော်လိုသည့် ပလက်ဝဒေသခံတစ်ဦးက “သူတို့ကိုလည်း စစ်ဆေးပြီးပြီ၊ စစ်ဆေးသင့်သလောက်ကို အများကြီးစစ်ဆေးပြီးပြီ၊ အပြစ်မရှိဘူးဆိုတာလည်းသိပြီ၊ မြန်မြန်လေးကို လွှတ်ပေးစေချင်ပြီ၊ ဘာပဲဖြစ်ဖြစကလေးတွေက သူတို့က ပလက်ဝမှာလည်း စစ်ဆေးပြီးပြီ၊ နောက်ပြီးတော့ စစ်တွေကိုလည်း ခေါ်သွားပြီ၊ အပြစ်မရှိဘူးဆိုတာလည်း…
ချင်းပြည်နယ် မင်းတပ်မြို့နယ် မကွီအိမ်နူးမြို့ရှိ အာဏာသိမ်းစစ်ကောင်စီနှင့် ရဲတပ်ဖွဲ့ဝင်များပူးပေါင်းထားသည့် ရဲစခန်းမှ စကစဗိုလ်ကြီးအဆင့်ရှိသူအပါအဝင် ၇ ဦးသည် လက်နက်ခဲယမ်းများနှင့်အတူ ဇူလိုင်လ ၂၄ ရက်နေ့က စစ်အာဏာရှင်ဆန့်ကျင့်သည့် CDM လှုပ်ရှားမှုတွင် ပါဝင်လာပြီး CDF-Mindat တပ်ဖွဲ့ထံ ဝင်ရောက်ပူးပေါင်းခဲ့သည်ဟု သိရသည်။ မင်းတပ်မြို့ အနောက်တောင်ဘက်တွင်တည်ရှိသည့် မကွီအိမ်နူးမြို့ ရှေ့တန်းရဲစခန်းတွင် စကစတဖွဲ့နှင့် ရဲတပ်သား ၁၂ ဦးရှိသည့်အနက် ၅ ဦးမှာ လက်နက်နှင့် ထွက်ပြေးသွားပြီး ၇ ဦးမှာ CDF-Mindat နှင့် ဝင်ရောက်ပူးပေါင်းသည်ဟု CDF-Mindat မှ တာဝန်ရှိသူတစ်ဦးက ပြောသည်။ “ဒီလ ၂၄ ရက်နေ့က ကျနော်တို့ CDF အနေနဲ့ သူတို့စခန်းကိုသွားတယ်၊ CDM လုပ်ပေးဖို့ပြောတယ်၊ သူတို့နဲ့ ညှိနှိုင်းဖို့ခေါ်တယ်၊ သူတို့လာတယ်၊ CDM လုပ်ပေးဖို့ လိုချင်တဲ့အကြောင်းပြောတယ်၊ တစ်ယောက်နဲ့တစ်ယောက် ပစ်ရခတ်ရတာမကောင်းဘူး၊ အဲဒီမှာ တချို့ကကျတော့ ကျနော်တို့နဲ့ပူးပေါင်းတယ်၊ ၅ ယောက်လောက်က ကျနော်တို့နဲ့ ပူးပေါင်းဆောင်ရွက်မှုမရှိဘူး၊ စခန်းကလက်နက်တွေယူပြီး ထွက်ပြေးသွားတယ်၊ ၇ ယောက်က ကျနော်တို့နဲ့ပူးပေါင်းတယ်” ဟု CDF-Mindat တာဝန်ရှိသူက ပြောသည်။ CDF-Mindat နှင့် ပူးပေါင်းလာသူများမှာ မကွီးအိမ်နူးမြို့ရဲစခန်းမှ တာဝန်ရှိသူ စစ်တက္ကသိုလ်အပတ်စဉ် ၅၅ ကျောင်းဆင်း ဗိုလ်ကြီးသိန်းထိုက်နှင့် ရဲဘော် ၂ ယောက်၊ ရဲတပ်ဖွဲ့မှ အရာရှိတစ်ဦးနှင့် တပ်သား ၃ ယောက် စုစုပေါင်း ၇ ယောက်ဟု သိရသည်။ ယခုကဲ့သို့ စကစတပ်ဖွဲ့ဝင်များ ပူးပေါင်းလာသည့်ကိစ္စနှင့်ပတ်သက်၍ CDF-Mindat…
ချင်းပြည်နယ်တောင်ပိုင်း၊ မင်းတပ်မြို့နယ်အတွင်းရှိ စစ်ဘေးရှောင်ပြည်သူများအား လူသားချင်စာနာထောက်ထားမှု အကူအညီပေးအပ်ရောက်ရှိလာသည့် ကမ႓ာ့ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR) တာဝန်ရှိသူများ စစ်ကောင်စီ၏ ပိတ်ပင်ကန့်သတ်ချက်ကြောင့် စစ်ဘေးရှောင်ပြည်သူအများစုအား ထောက်ပံ့ခွင့်မရှိဘဲ ဇူလိုင် ၂၂ ရက်ညနေပိုင်းက မင်းတပ်မြို့မှ ပြန်လှည့်သွားပြီဟုသိရသည်။ “UNHCR ကတော့ ပြန်သွားပြီ၊ သူ့တို့ပစ္စည်းတွေကတော့ မြို့ပေါ် Camp ၅ ခုမှာရှိတဲ့ အိမ်ထောင်စု ၆၆ စုကိုပေးပြီး၊ ကျန်တာပေးလို့မရဘူး၊ ဖြန့်ဝေလို့မရတော့ဘူး၊ သူတို့ကတော့ မနေ့ညနေပိုင်းလောက်က ကားတွေနဲ့ပြန်လှည့်သွားပြီ” ဟု မင်းတပ်မြို့မိမြို့ဖတစ်ဦးက ပြောသည်။ UNHCR ရုံးမှတာဝန်ရှိသူများသည် ကိုဗစ်-၁၉ ရောဂါကာကွယ်ရေး တကိုယ်ရေသုံး အကာအကွယ်ပစ္စည်းကိရိယာများအပါအဝင် အစားအစာမဟုတ်သည့် တာပေါ်လင်၊ ခြင်ထောင်၊ ဖျာ၊ စောင်၊ မီးဖိုချောင်သုံးပစ္စည်း၊ နေရောင်ခြည်စွမ်းအင်သုံး မီးအိမ် စသည့်ပစ္စည်းများကို မင်းတပ်မြို့နယ်အတွင်းရှိ စစ်ဘေးရှောင်ပြည်သူ အိမ်ထောင်စုပေါင်း ၁၀၀၀ လူဦးရေ ၅၀၀၀ စာအတွက် ထောက်ပံ့ရန် ဇူလိုင် ၁၉ ရက်နေ့က မင်းတပ်မြို့သို့ ရောက်ရှိလာခဲ့သည်။ သို့သော်လည်း စစ်ကောင်စီက မင်းတပ်မြို့ပေါ်ရှိ ၎င်းတို့ခွင့်ပြုချက်ဖြင့် ဖွင့်လှစ်ထားသည့် စစ်ဘေးရှောင်စခန်း ၅ ခုတွင်နေထိုင်သော စစ်ဘေးရှောင်အိမ်ထောင်စု ၆၆ စု လူဦးရေအားဖြင့် ၅၀၀ ဝန်းကျင်ခန့်သာ ထောက်ပံ့ခွင့်ပြုခဲ့ပြီး စစ်ဘေးရှောင်အများစု ခိုလုံကြသော ကျေးရွာဘက်နှင့် တောထဲရှိ စစ်ဘေးရှောင်စခန်းများတွင် သွားရောက်ဖြန့်ဝေခွင့်မပြုသည့်အတွက် ထောက်ပံ့ပစ္စည်းများအားချန်ထားကာ ပြန်လှည့်သွားခဲ့ခြင်းဖြစ်သည်။ “သူတို့ပစ္စည်းတွေကို အခု လုံခြုံတဲ့နေရာ ဘုန်းကြီးကျောင်းတနေရာမှာ လှောင်ထားတယ်၊ စခန်းမှာ နောက်ထပ် အသစ်ရောက်လာမဲ့သူတွေကို စာရင်းဇယားနဲ့လုပ်ပြီးမှ ဘုန်းကြီးစီသွားထုတ်ရမယ်” ဟု မင်းတပ်မြို့မိမြို့ဖက…
ချင်းပြည်နယ်၊ မင်းတပ်မြို့တွင် ယမန်နေ့၊ ဇူလိုင်လ ၂၂ ရက်နေ့ ည ၁၁ နာရီအချိန်က လူနေအိမ်တစ်လုံးမီးလောင်ကျွမ်းမှုကြောင့် လူ ၁ ဦးသေဆုံးသည်ဟု သိရသည်။ “အိမ်က တစ်လုံးပဲမီးလောင်ပါတယ်၊ သားဖ ၂ ယောက်နေတယ်လို့ သိရတယ်၊ ဒီမနက် ရပ်ကွက်မှာရှိတဲ့သူတွေ သွားကြည့်တာ အိမ်အောက်ဖက်နားမှာ လူငယ်တယောက် ဒဏ်ရာရတယ်၊ ခြေလက်တွေလည်း မီးလောင်ခံရတယ်၊ ဆုံးသွားပါတယ်၊ သဂြိုလ်ပြီးသွားပါပြီ၊ ဖခင်ကလည်း ဒဏ်ရာရပြီးတော့ ပုန်းရှောင်တာလား၊ ဆေးကုတာလားဆိုတာ သဲသဲကွဲကွဲ မသိကြသေးဘူး။ အရင်တခေါက် စစ်ဘေးတိမ်းရှောင်ပြီးမှ သွားကြတဲ့သူတွေဆိုတော့ အခုက မြို့ပေါ်ပြန်ရောက်တာ သိပ်မကြာသေးဘူး” ဟု မင်းတပ်မြို့ခံတစ်ဦးက ပြောသည်။ အဆိုပါမီးလောင်မှုမှာ မင်းတပ်မြို့၊ ဘဝသစ်ရပ်ကွက်၊ စာတိုက်အောက်၊ မှုလွန်ကျောင်းနားကဖြစ်ပြီး ည ၁၁ နာရီအချိန်တွင် သေနတ်သံ ၁၀ ချက်ခန့်ကြားရပြီးနောက် လူနေအိမ်မီးလောင်ခဲ့ခြင်းဖြစ်ကာ ၎င်းသေနတ်သံများကြောင့် မီးငြိမ်းသတ်ရန်အတွက် ဘယ်သူမှမထွက်ရဲဘဲဖြစ်ကြရသည်ဟု သိရသည်။ မီးလောင်သည့်အကြောင်းရင်းကို မသိရသော်လည်း အာဏာသိမ်းစစ်ကောင်စီတပ်ဖွဲ့ဖက်မှ ပစ်ခတ်သည့် လက်နက်ကြီးကျရောက်မှုကြောင့် မီးသင့်ကာ လောင်ကျွမ်းခြင်းဖြစ်နိုင်သည်ဟု ယူဆကြသည်။
ချင်းပြည်နယ်တောင်ပိုင်း ပလက်ဝမြို့နယ်တွင် ကိုဗစ်-၁၉ ရောဂါကူးစက်မှု မြင့်မားလျှက်ရှိပြီး ဇူလိုင် (၁) ရက်နေ့မှ ဇူလိုင်လ (၂၂) နေ့အထိ ပိုးတွေ့လူနာ (၁၆၇) ဦးအထိရှိခဲ့ပြီး ယခုလက်ရှိ ကုသမှုခံယူနေသူ (၁၂၂) ဦးရှိသည်ဟု ပလက်ဝမြို့ ပြည်သူ့ဆေးရုံမှ ဒေါက်တာခိုင်ဝင်းကပြောသည်။ “ဒီနေ့က ဆေးရုံဆင်းတာက (၆) ယောက်ရှိတယ်၊ လက်ရှိကုသဆဲက (၁၂၂) ယောက်ရှိတယ်၊ ပိုးတွေ့လူနာတွေမှာ သူတို့အခက်အခဲတွေ့တာကတော့ သူတို့အစားအသောက်က အိမ်ကနေယူလာရတာဆိုတော့ တချို့က ရွာကနေလာတဲ့သူရှိတယ်လေ၊ သူတို့စားဖို့ အရမ်းခက်တယ်၊ စားဖို့ရှာရတယ်၊ ပိုးတွေ့လူနာတွေအတွက် အစားအစာ အဟာရရှိတဲ့ဟာစားဖို့ အခက်အခဲဖြစ်တယ်” ဟု ဒေါက်တာခိုင်ဝင်းကပြောသည်။ ပလက်ဝမြို့နယ်အတွင်းရှိ ကိုဗစ်ပိုးတွေ့လူနာ (၁၆၇) ဦးအနက် (၄၅) ဦးမှာ သက်သာပျောက်ကင်းကာ ဆေးရုံမှဆင်းသွားကြပြီဖြစ်၍ ယခုလက်ရှိ (၁၂၂) ဦး ကုသမှုခံယူနေကြဆဲဖြစ်သည်။ ပိုးတွေ့လူနာများတွင် အသက်ကြီးများနှင့် ရောဂါအခံရှိသူများ တိုးများလာခြင်းကြောင့် အောက်ဆီဂျင်လိုအပ်မှု မြင့်တက်လာကြောင်း ဆရာဝန်ကပြောသည်။
စစ်အုပ်ချုပ်ရေးကြေညာခံထားရသည့် ချင်းပြည်နယ်တောင်ပိုင်း၊ မင်းတပ်မြို့နယ်အတွင်းရှိ စစ်ဘေးရှောင်ပြည်သူများအတွက် ကမ္ဘာ့ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) မှ ပေးပို့လိုက်သော လူသားချင်းစာနာထောက်ထားမှုဆိုင်ရာ အကူအညီများကို စစ်ကောင်စီ၏ တားမြစ်ပိတ်ပင်မှုကြောင့် မင်းတပ်မြို့ပေါ်ရှိ စစ်ဘေးရှောင်အိမ်ထောင်စု ၆၆ စု လူဦးရေ ၅၀၀ ကျော်ကျော်ခန့်ကသာ ရရှိခဲ့ကြသည်ဟု သိရသည်။ “ဟိုတနေ့က ဖြန့်ဖြူးနေကြပါပြီ၊ သူတို့က လက်ရှိ စခန်းမှာရှိတဲ့ အိမ်ထောင်မိသားစုကိုပဲ ပေးရမယ်ဆိုတဲ့လမ်းညွှန်းချက်နဲ့ အိမ်ထောင်မိသားစု ၆၆ စုထံ ဖြန့်ဝေပေးပါတယ်၊ စစ်ရှောင်စခန်းကျောင်း (၅) ကျောင်းလောက်မှာ ၆၆ မိသားစုကို ဖြန့်ဝေပေးတယ်၊ လူဦးရေအနေနဲ့တော့ ၅ဝဝကျော်လောက်ရှိမှာပါ၊ ကျန်တဲ့ဟာတော့ ဖြန့်ဝေခွင့်မရဘူး၊ ကျန်တဲ့ဟာကျတော့ ဟိုးတောရွာတွေ၊ ကျေးလက်တွေမှာပဲ စခန်းတွေရှိတယ်ဆိုတော့ သွားခွင့်မရှိသေးတဲ့အတွက်ကြောင့် သူတို့ဖက်မှာတော့ မရောက်သေးဘူး” ဟု မင်းတပ်မြို့ မြို့မိ/မြို့ဖတစ်ယောက်က ပြောသည်။ UNHCR အနေဖြင့် ကိုဗစ်-၁၉ ရောဂါကာကွယ်ရေး တကိုယ်ရေသုံး အကာအကွယ်ပစ္စည်းကိရိယာများအပါအဝင် အစားအစာမဟုတ်သည့် တာပေါ်လင်၊ ခြင်ထောင်၊ ဖျာ၊ စောင်၊ မီးဖိုချောင်သုံးပစ္စည်း၊ နေရောင်ခြည်စွမ်းအင်သုံးမီးအိမ် စသည့်ပစ္စည်းများကို မင်းတပ်မြို့နယ်အတွင်းရှိ စစ်ဘေးရှောင်ပြည်သူ အိမ်ထောင်စုပေါင်း ၁၀၀၀၊ လူဦးရေ ၅၀၀၀ စာအတွက် ထောက်ပံ့ပေးခဲ့ခြင်းဖြစ်သည်။ သို့သော်လည်း စစ်ကောင်စီက မင်းတပ်မြို့ပေါ်ရှိ ၎င်းတို့ခွင့်ပြုချက်ဖြင့် ဖွင့်လှစ်ထားသည့် စစ်ဘေးရှောင်စခန်းမှာသာ ဖြန့်ဝေခွင့်ပြုခဲ့ပြီး စစ်ဘေးရှောင်အများစုခိုလှုံကြသော ကျေးရွာဘက်နှင့် တောထဲရှိ စစ်ဘေးရှောင်စခန်းများတွင် သွားရောက်ဖြန့်ဝေခွင့်မပြုသည့်အတွက် စစ်ဘေးရှောင်အနည်းကျဉ်းကသာ UNHCR ၏ ထောက်ပံ့ပစ္စည်းကို ရရှိနိုင်ခဲ့ကြခြင်းဖြစ်သည်။ မင်းတပ်မြို့ပေါ်တွင် စစ်ကောင်စီခွင့်ပြုချက်ဖြင့် ဖွင့်လှစ်ထားသော စစ်ဘေးရှောင်စခန်း ယခင်က ၁၀…
ချင်းပြည်နယ်တောင်ပိုင်း မင်းတပ်မြို့နယ်တွင် CDF-Mindat နှင့် စစ်ကောင်စီတပ်ဖွဲ့တို့အကြား တကျော့ပြန်တိုက်ပွဲ ယနေ့နံနက်ပိုင်းက ဖြစ်ပွားခဲ့သည်။ စစ်ကောင်စီတပ်ဖွဲ့ဝင်များသည် ယမန်နေ့ကတည်းက ချင်းပြည်နယ်နှင့် မကွေးတိုင်းနယ်စပ် ရွှေတွင်းတူးရွာဘက်သို့ စစ်ကြောင်းချီတက်လာခဲ့ပြီးနောက် ယနေ့နံနက်ပိုင်း ၆ နာရီ ၄၅ မိနစ်ခန့်တွင် CDF-Mindat တပ်ဖွဲ့နှင့် ထိတွေ့မှုဖြစ်ပွားခဲ့ပြီး လက်ရှိအချိန်ထိ တိုက်ပွဲဖြစ်ပွားနေဆဲဟု CDF-Mindat က ထုတ်ပြန်ထားသည်။ ထို့အပြင် မတူပီမြို့ဘက်မှ စစ်ကောင်စီတပ်ဖွဲ့ စစ်ကြောင်းတစ်ကြောင်းသည်လည်း ဇူလိုင်လ ၁၉ ရက်နေ့ကတည်းက မင်းတပ်မြို့ဘက်သို့ ဦးတည်ထွက်ခွါလာပြီး လက်ရှိအချိန်တွင် မင်းတပ်-မတူပီကြား မိုင် ၇၀ ဝန်းကျင်တွင် ရောက်ရှိပြီဖြစ်ကာ CDF-Mindat နှင့် ထိတွေ့မှုမရှိသေးကြောင်း သိရသည်။ ယခုလက်ရှိတွင် မင်းတပ်မြို့နယ်အတွင်း နယ်မြေခံတပ်ရင်း (၂၇၄) အပါအဝင် တပ်ရင်း (၆) ရင်း လှုပ်ရှားလျက်ရှိပြီး တပ်ရင်း (၄) ရင်းသည် လူမြင်ကွင်းတွင် လှုပ်ရှားမှုရှိသော်လည်း ကျန်တပ်ရင်း (၂) ရင်းမှာမူ တပ်ဖျောက်ထားကြောင်း CDF-Mindat က ထုတ်ပြန်ထားသည်။ CDF-Mindat နှင့် စစ်ကောင်စီအကြား အပစ်ခတ်ရပ်စဲရေးဆွေးနွေးမှုအား ဇူလိုင်လ ၁၆ ရက်နေ့ကစ၍ ပျက်ပြယ်ခဲ့ပြီးနောက် နှစ်ဖက်တင်းမာမှုနှင့် တိုက်ပွဲများ ပြန်လည်ဖြစ်ပွားလာခဲ့ခြင်းဖြစ်သည်။