အိန္ဒိယ-မြန်မာနယ်စပ် ချင်းပြည်နယ်၊ ရိဒ်ခေါ်ဒါရ်မြို့တွင် ဇွန်လ ၁၀ ရက်နေ့က ရိရ်တိုက်နယ်ဆေးရုံတွင် ဆေးကုသမှုခံယူနေသူများနှင့် ရပ်ကွက်အတွင်းနေထိုင်သူများကို ကျန်မားရေးဌာနနှင့် Volunteer များက ကိုဗစ်ပိုးရှိ/မရှိ လိုက်လံစစ်ဆေးရာတွင် ကိုဗစ်-၁၉ ရောဂါပိုး ကူးစက်ခံရသူ ၃၀ ဦးထပ်တွေ့ပြီး လက်ရှိတွင် ကိုဗစ်လူနာ ၆၁ ဦး ဆေးကုသမှုခံယူနေကြောင်း ရိခေါ်ဒါရ်မြို့ခံတစ်ဦးက ပြောသည်။ ”မနေ့ကတော့ အယောက် ၃၀ တွေ့တယ်၊ အမှတ် (၂) ရပ်ကွက် ၂ရ ယောက်၊ အမှတ် (၁) ရပ်ကွက်မှာ ၃ ယောက်တွေ့တယ်၊ ကျွန်တော်တို့က အိန္ဒိယနယ်စပ်ဖြစ်တော့၊ RDT Test kit လဲမရှိတဲ့အခါကြတော့ စစ်လို့မရဘူး၊ အခု RDT Test kit ရောက်လာတဲ့အခါကြတော့ အကုန်လုံးကို သံတယလူနာတွေ၊ သံတယဖြစ်တဲ့သူတွေကို လိုက်စစ်ပြီးတော့တွေ့တာပါ၊ ဘယ်လိုစကူးစက်ခံရသလဲဆိုတာတော့ မသိရဘူး၊ ကျွန်တော်တို့ နေ့တိုင်းလဲစစ်တယ်၊ မနေ့ကအထိတော့ ၆၁ ဦးထိရှိပြီ အခုပိုးတွေ့တဲ့သူတွေရဲ့ ကျန်းမာရေးကတော့ ကောင်းကြတယ်” ဟု ရိခေါ်ဒါရ်မြိုိ့ခံတစ်ဦးကပြောသည်။ ရိခေါ်ဒါရ်မြို့တွင် ကိုဗစ်-၁၉ ရောဂါပိုးတွေ့လူနာ ၆၁ ဦးအထိရှိပြီး လက်ရှိဆေးရုံတွင်မှု အတွင်းလူနာဖြင့် ကုသမှုခံနေသူ ၄ ဦးရှိပြီး ၎င်းတို့မှာ ဖျားနာသဖြင့် ဆေးရုံတတ်နေစဉ် ကိုဗစ်ပိုးစစ်ဆေးရာမှ တွေ့ရှိသူများကြပြီး ကျန် ကိုဗစ်ပိုးတွေ့လူနာများကိုမှု မိမိနေအိမ်တွင် Home Quarantine အဖြစ်ထားရှိပြီး ၎င်းတို့အတွက် ဒေသဖွံ့ဖြိုးရေးအဖွဲ့အစည်းက ဆေးဝါးနှင့် အားဖြည့်အစာတို့ကိုမှု ထောက်ပံ့ပေးပြီး ရပ်ကွက်လူငယ် Volunteer များက သွားရောက်ပို့ဆောင်ပေးကြရသည်ဟုလည်း ပြောသည်။ ရိခေါ်ဒါရ်မြို့တွင်…
Author: Editor
ချင်းပြည်နယ် ထန်တလန်မြို့နယ် Sopum ကျေးရွာသို့ ယမန်နေ့က ရောက်ရှိခဲ့သည့် စစ်သားများမှ ယနေ့မနက်တွင် ပြန်လည်ဆုတ်ခွာသွားပြီး မည်သည့်နေရာသို့ သွားရောက်မည်ကို မသိရှိရသေးကြောင်း ရွာသားတစ်ဦးထံမှ သိရသည်။ “မနေ့က ရောက်လာတဲ့ စစ်သားတွေက ဒီနေ့မနက်ဘဲ ပြန်ဆုတ်သွားပြီ၊ သူတို့အားလုံးပေါင်းက ၁၀၃ ယောက်ရှိတယ်၊ စစ်သားတွေက ခြေကျင်နဲ့ဘဲ ထန်တလန်ဘက်ကိုသွားတာ၊ ပစ္စည်းတွေတော့ကားနဲ့သယ်သွားတယ်၊ ဘယ်ကိုသွားတာလည်းဆိုတာတော့မသိဘူး” ဟု Sopum ရွာသားတစ်ဦးထံမှသိရသည်။ စစ်ကောင်စီမှ ယခုရက်ပိုင်းတွင် ထန်တလန်ဘက်သို့ စစ်သားဖြည့်တင်းမှုများ လုပ်ဆောင်နေပြီး ထန်တလန်မြို့နယ်မှာ CNF ဌာနချုပ်တည်ရှိရာ ဒေသဖြစ်သဖြင့် စစ်ရေးတင်းမားမှုများရှိလာမည်ကိုလည်း ဒေသခံများမှ စိုးရိမ်နေကြကြောင်းသိရသည်။ စစ်ကောင်စီတပ်များ ယန်မနေ့တွင်သွားရောက်ခဲ့သည့် Sopum ကျေးရွာမှာ CNF ဌာနချုပ်သွားရာလမ်းတွင်တည်ရှိပြီး Sopum ကျေးရွာအကျော် Vanzang ကျေးရွာမှ စတင်ကာ CNF နယ်မြေစတင်ကြောင်း သိရသည်။
ချင်းပြည်နယ်၊ ပလက်ဝမြို့နယ်တွင် ဇွန်လ ၈ ရက်နေ့က ကိုဗစ်-၁၉ ပိုးကူးစက်ခံရသူ ၇ ဦးတွေ့ရှိကြောင်း သိရသည်။ ပလက်ဝဒေသခံတစ်ဦးက “ မနေ့ည ပိုးတွေ့တာ ၇ ဦးရှိတယ်၊ သူတို့က ပလက်ဝမြို့နယ် မြိတ်ဝရွာကပါ၊ ပြည်သူတစ်ဦးကို ဆေး ခန်းလာပို့တာ သူ့မှာပိုးတွေ့လို့ သူနဲ့ထိစပ်သူတွေကိုလည်း ဆေးစစ်တော့ အကုန်လုံးပိုးတွေ့တာ၊ ဆေး ရုံက နိုက်တင်ဂေးခန်းမမှာ ရယောက်စလုုံး သူ့အခန်းနဲ့အတူထားတယ်၊ စိုးရိမ်ရတာက ဆေးခန်း လာပြတဲ့သူက နည်းနည်းအသက်ရှုကြပ်တာတို့ရှိတယ်၊ တခြား ၆ယောက်ကတော့ ကောင်းတယ်” ဟု ပြောသည်။ မြိတ်ဝ ကျေးရွာသည် အိန္ဒိယနှင့်နီးစပ်သော ကျေးရွာ တစ်ရွာဖြစ်သည်။ ပလက်ဝမြို့နယ်၊ မြိတ်ဝကျးရွာကနေ ဆေးခန်းလာပြသူ ထံတွင် ကိုဗစ်ပိုးတွေ့ရှိခဲ့ခြင်းကြောင့် ပလက်ဝမြို့ပေါ်တွင် စာသင်ကျောင်းများ၊ စျေးများ၊ အများနှင့် သက်ဆိုင်ရာနေရာများကိုလည်း ပိတ်ထားရကြောင်းလည်းသိရသည်။
ချင်းပြည်နယ် ပလက်ဝမြို့တွင် မေလ ၂၈ ရက်နေ့က ဗုံးနှစ်ကြိမ်ပေါက်ကွဲမှုဖြစ်ပွားခဲ့သည့်နောက်ပိုင်း ဖမ်းဆီးခံခဲ့ရသူများအနက် ၃ ဦးကို ယမန်နေ့ (ဇွန်လ ၇ ) ရက်ည ပြန်လွှတ်ပေးခဲ့ပြီး ယခုလက်ရှိတွင် ၆ ဦးကို ဆက်လက်ဖမ်းဆီးထားဆဲဟု သိရသည်။ “မနေ့ညက ၃ ဦးလွတ်တယ်၊ နောက်ဆုံးမှာ ခေါ်သွားတဲ့ ၃ ယောက်တော့လွတ်ပြီ၊ ခု ၆ ယောက်တော့ကျန်သေးတယ်” ဟု ပလက်ဝမြို့ခံတစ်ဦးကပြောသည်။ အဆိုပါ ပြန်လွတ်လာသူ (၃) ဦးမှာ အိုက်အောင်သီဟ၊ အောင်နိုင်ထွန်း၊ အိုက်ဂျွန်ဉာဏ်လင်းထွန်း(ခ) အပုစူတို့ဖြစ်ကြပြီး ကျန် ၆ ဦးကိုမူ ပလက်ဝမြို့ ၂ ဖွဲ့ခွဲပြီးထားရှိကြသည်ဟု အဖမ်းဆီးခံရသူတစ်ဦး၏ ဇနီးဖြစ်သူကပြောသည်။ “မြို့နယ်မှုးရုံးဖက်ကို တချို့ထားတယ် ဟိုဖက်ရဲစခန်းဖက်ကို တချို့ထားတယ်၊ သူတို့ကိုပြောတာ ဘယ်လိုဖြစ်လို့ သူတို့ကို မလွတ်သေးတာလဲ၊ စစ်လဲမစစ်ပဲ ဒီလိုပဲထားမှာလားလို့မေးတော့ သူတို့ဖြေထားတာတွေကို အထက်ကိုတင်ထား တယ်အဲ့ကနေအဖြေလာမှ သိရမယ်လို့ပြောတယ်၊ အခုအဖမ်းခံထားရတာ ၁၁ ရက်ရှိပြီ၊ တခုတော့စိုးရိမ်တယ် သူကဘာမှလည်းမလုပ်ထားဘူးဆိုတော့ အဲ့လိုမျိုးစစ်မေးတယ်၊ တော်ကြာကြရင်ပုဒ်မတွေ တပ်မှာပဲစိုးရိမ်တယ်၊ သူဘာမှ မလုပ်ထားဘူးဆိုတာလည်း သူ့ဇနီးအနေနဲ့အားလုံးသိတယ်” ဟု အဖမ်းဆီးခံရသူတစ်ဦး၏ ဇနီးဖြစ်သူကပြောသည်။ ပလက်ဝမြို့ ထွေအုပ်ရုံးရှေ့ နှင့် မြန်မာ့စီးပွားရေးဘဏ်ရှေ့တွင် မေလ ၂၈ ရက်နေ့မနက်က ဗုံးနှစ်ကြိမ်ပေါက်ကွဲမှုဖြစ်ပွားခဲ့ ပြီးနောက် အာဏာသိမ်းစစ်ကောင်စီသည် မြို့ပေါ်ရှိ အရပ်ဘက်အဖွဲ့အစည်းတွင်အလုပ်လုပ်နေသူများအပါအဝင် လူငယ် ၁၈ ဦးကို ဖမ်းဆီးခဲ့ခြင်းဖြစ်ပြီး ၁၂ ဦးကို ပြန်လည်လွှတ်ပေးကာ ၆ ဦးကို ဆက်လက်ထိန်းသိမ်းထားခြင်းဖြစ်သည်။
ချင်းပြည်နယ် မင်းတပ်မြို့နယ်တွင် အာဏာသိမ်းစစ်ကောင်စီတပ်ဖွဲ့နှင့် Chinland Defense Force–CDF (Mindat) တပ်ဖွဲ့ဝင်များအကြားဖြစ်ပွားခဲ့သောတိုက်ပွဲတွင် CDF-Mindat တပ်ဖွဲ့မှ ၂၁ ဦးကျဆုံးခဲ့သည်ဟု မင်းတပ်မြို့ပြည်သူ့အုပ်ချုပ်ရေးက ထုတ်ပြန်သည်။ အာဏာသိမ်းစစ်ကောင်စီနှင့် CDF-Mindat အကြား မေလ ၁၂ ရက်နေ့က ဆွေးနွေးပွဲပျက်ပြယ်ခဲ့ပြီးနောက် တကျော့ပြန်တိုက်ပွဲဖြစ်ပွားရာတွင် မေလ ၁၃ ရက်နေ့ကစ၍ ဇွန်လ ၇ ရက်နေ့အထိ CDF-Mindat ဘက်မှ တပ်ဖွဲ့ဝင် ၂၁ ဦးကျဆုံးခဲ့သည်။ CDF-Mindat ဘက်မှ ကျဆုံးစာရင်းမှာ အောက်ပါအတိုင်းဖြစ်သည်။ ၁။ ဆလိုင်း ထန်းဟုန်းထန်း (မေ ၁၃၊ ဂေါက်ကွင်းတိုက်ပွဲ) ၂။ ဆလိုင်း မာန်ကီးထန်း (ဂေါက်ကွင်းတိုက်ပွဲ) ၃။ ဆလိုင်း ဟုန်းအွမ်ဟုန်း (ဂေါက်ကွင်းတိုက်ပွဲ) ၄။ ဆလိုင်း ထန်းပက် (ဂေါက်ကွင်းတိုက်ပွဲ) ၅။ ဆလိုင်း ခွီရှိန်းနင် (မေ ၁၄၊ ဂေါက်ကွင်းတိုက်ပွဲ) ၆။ ဆလိုင်း ဟာခွီရှိန်း (ဂေါက်ကွင်းတိုက်ပွဲ) ၇။ ဆလိုင်း ကီးတမ် (မေ ၁၃၊ ၃၅ မိုင် တိုက်ပွဲ) ၈။ ဆလိုင်း ကီးရှိန်း (အနောက် ၃၈ မိုင်တိုက်ပွဲ၊ မေ ၁၇) ၉။ ဆလိုင်း လိန်းကီး (အနောက်တိုက်ပွဲ) ၁၀။ ဆလိုင်း လိန်းရွှီ (အနောက်တိုက်ပွဲ) ၁၁။ ဆလိုင်း ထန်းနိုင်း (ပူကွန်းတိုက်ပွဲ ၂၁.၅.၂၀၂၁) ၁၂။ ဆလိုင်း တမ်လိန်း (ပူကွန်းတိုက်ပွဲ ဗုံးထိ -…
ချင်းပြည်နယ် မင်းတပ်မြို့နယ်တွင် ဇွန်လ ၆ ရက်နေ့က အာဏာသိမ်းစစ်ကောင်စီနှင့် Mindat-CDF အကြား တိုက်ပွဲဖြစ်ပွားမှုတွင် စစ်ကောင်စီဘက်က အယောက် ၅၀ ခန့်သေဆုံးမှုရှိခဲ့ပြီး CDF ဘက်မှ ၃ ဦး ကျဆုံးခဲ့သည်ဟု မင်းတပ်မြို့ပြည်သူ့အုပ်ချုပ်ရေးအဖွဲ့က ထုတ်ပြန်သည်။ ချောင်းဆုံအနီးတဝိုက်တွင် ဖြစ်သောတိုက်ပွဲ၌ အာဏာသိမ်းစစ်ကောင်စီတပ်များ ၄၀ ခန့်ကျဆုံးခဲ့ပြီး ယှက်ရွာတိုက်ပွဲတွင်လည်း အာဏာသိမ်းစစ်ကောင်စီတပ်ဘက်မှ ၁၀ ဦးခန့်ကျဆုံးမည်ဟု ခန့်မှန်းရပြီး ဒဏ်ရာရသူများလည်းရှိသည်ဟု မင်းတပ်မြို့ပြည်သူ့အုပ်ချုပ်ရေးအဖွဲ့၏ ထုတ်ပြန်ချက်အရသိရသည်။ ချောင်းဆုံတိုက်ပွဲတွင် အာဏာသိမ်းစစ်ကောင်စီတပ်များသည် မင်းထို့အပြင်တပ်မြို့ အရှေ့ပြင်မီးသတ်ကုန်း၊ ဘောင်ထဲရွာ၊ ကျောက်ထုအမြှေက်တပ် စသည်တို့မှ ပစ်ကူသည့်အပြင်လေယာဉ်ဖြင့် ဗုံး ၂ ကြိမ် ကြဲခဲ့သည်။ CDF မင်းတပ်မှလည်း ၃ ဦး ကျဆုံးပြီး ဒဏ်ရာရသူ ၂၀ ဝန်းကျင်ရှိပြီး ချောင်းဆုံတိုက်ပွဲတွင် ၂ ဦး (ထန်းမာန် – စိချဲ့နှင့် ဟာဖေ – မရှိန်းလှော်) တို့ကျဆုံးပြီး ဒဏ်ရာရသူ ၆ ဦးခန့်ရှိပြီး ယှက်ရွာတိုက်ပွဲ မင်းတပ် CDF ဘက်မှ တစ်ဦး (ရဲဘော် ငိုင်းရှိန်းမာန် – ဝကောက်) ကျဆုံးပြီး ဒဏ်ရာရသူ ၁၅ ဦးခန့် ရှိသည်ဟုသိရသည်။
ချင်းပြည်နယ် ဟားခါးမြို့နယ်အတွင်းရှိ Senthang (ဆဲန်ထန်း) နယ်ဟုခေါ်သော ဟားခါး-မတူပီကားလမ်းမကြီးအကြားရှိ ကျေးရွာပေါင်း ၈ ရွာခန့်မှ ဒေသခံ ၅၀၀၀ ကျော်ခန့်သည် ၎င်းတို့ဒေသတွင် မေလကုန်ပိုင်းကဖြစ်ပွားခဲ့သော အာဏာ သိမ်းစစ်ကောင်စီနှင့် Hakha-CDF တို့တိုက်ပွဲကြောင့် တောထဲသို့ထွက်ပြေးတိမ်းရှောင်နေကြရသည်။ ပြီးခဲ့သည့်မေလ ၃၁ ရက်နေ့က ချင်းပြည်နယ်တောင်ပိုင်း မတူပီမြို့မှ ဟားခါးမြို့သို့တက်ရောက်သော စစ်ကားကို ဖြတ်တိုက်ရာမှ ဆဲန်ထန်းနယ်တွင် စစ်ကောင်စီနှင့် Hakha-CDF အကြား တိုက်ပွဲပြင်းပြင်းထန်ထန်ဖြစ်ပွားခဲ့ပြီး စစ်ကောင်စီဘက်က လက်နက်ကြီးများအသုံးပြုကာပစ်ခတ်တိုက်ခိုက်မှုကြောင့် ဆူရ်ခွါမြို့အပါအဝင် အနီးနား ကျေးရွာများမှ ဒေသခံပြည်သူများသည် ပြေးလွတ်ရာတောထဲသို့ထွက်ပြေးတိမ်းရှောင်နေခဲ့ကြရခြင်းဖြစ်သည်။ ဆဲန်ထန်းနယ်မှ စစ်ဘေးရှောင်ပြည်သူတစ်ဦးက “ကျနော်တို့ဆဲန်ထန်းနယ်အဝင်နားမှာ တိ်ုက်ပွဲတွေဖြစ်တော့ ရှောင်ကြ တာပေါ့၊ ကိုယ့်အိမ်တွေထားခဲ့တယ်၊ ပစ္စည်းတွေထားခဲ့တယ်၊ သေနတ်သံတွေတအားကြားတော့လေ စက်သေနတ်တွေ လက်နက်ကြီးတွေတအားပစ်တော့ စိတ်တော်တော်ဆင်းရဲတာပေါ့၊ ကျနော်တို့ မကြုံဖူး မကြားဖူးတော့ လက်နက်ကြီး တွေတအားပစ်တာတွေလေ ငိုတဲ့လူငိုကြတယ်’’ ဟု ပြောသည်။ အဆိုပါတိုက်ပွဲဖြစ်ပွားမှုကြောင့် ဆဲန်ထန်းနယ်က Surkhua Myo, Phaizawng, Khuapi , Lungrang, Hausen, Dinlopa, Sakta, Loklung စသည့်ကျေးရွာအသီသီးတို့မှ ဒေသခံပြည်သူ ၅၀၀၀ ကျော်တို့သည် နီးစပ်ရာတောထဲသို့ ထွက်ပြေးတိမ်းရှောင်နေကြခြင်းဖြစ်သည်။ ယခုကဲ့သို့စစ်ဘေးတိမ်းရှောင်နေကြရသည့်အချိန်တွင် စစ်ကောင်စီတပ်ဖွဲ့များသည် ကျေးရွာအတွင်းရှိ လူနေအိမ်များအား ဖောက်ထွင်းဝင်ရောက်ကာ အိမ်တွင်းပစ္စည်များဖျက်ဆီးခြင်း၊ အိမ်မွေးတိရိစ္ဆာန်များ ဖမ်းဆီးမှုများလည်းရှိသည်ဟု သိရသည်။ “Dinlopa ရွာမှာဆိုရင် သော့ခတ်ထားတဲ့အိမ်တွေကိုဖျက်ဆီးပြီးတော့ အထဲကဆန်တွေကို လမ်းမှာဖြန့်ကျဲတာတွေ၊ ယက္ကန်းစင်တွေဖျက်စီးတာတွေ ပြူတင်းပေါက်မှန်တွေလည်းရိုက်ခွဲသွားကြတာ၊ ကျွဲ၊ နွား၊ ဆိတ်တွေလည်း သတ်သွား ကြတယ်’’ ဟု ဆဲန်ထန်းနယ်မှဒေသခံတစ်ဦးကပြောသည်။…
ချင်းပြည်နယ် ဟားခါးမြို့ ဗုံးပေါက်ကွဲမှုဖြစ်ပြီးနောက် ဖမ်းဆီးခံရသည့် အယောက် (၆၁) ဦးထဲမှ (၂၈) ယောက်သည် မနေ့ည ၁၀ နာရီကျော်က ပြန်လွတ်လာကြောင်း ဟားခါးမြို့ ဒေသခံတစ်ဦးမှ သိရသည်။ “မနေ့ညက ၂၈ ယောက်လွှတ်တယ် ပြီးတော့ ကျန်နေသေးတာက (၃၃) ယောက်ကျန်သေးတယ် ညက ၁၀ ခွဲလောက်လွှတ်လာတယ် ဒီတိုင်းပဲမေးမြန်းပြီးလွှတ်တာပဲ မေးတာတွေတော့ သူတို့မေးတယ် မလွှတ်တဲ့သူတွေဘာကြောင့်မလွှတ်သေးတာလဲ အတိအကျမသိသေးဘူး လူငယ်ပိုင်းများတယ်မလွှတ်သေးတဲ့သူတွေထဲမှာ” ဟု ဟားခါးမြို့ဒေသခံတစ်ဦးကပြောသည်။ ယမန်နေ့ညပိုင်းပြန်လွှတ်လာသူ အများစုမှာ သက်ကြီးပိုင်း မိဘအရွယ်များဖြစ်ကြပြီး လူငယ်ပိုင်းအများစုကို စစ်ကောင်စီက ဆက်လက်ဖမ်းဆီးထားဆဲဟု သူကပြောသည်။ ဟားခါးမြို့တွင် ဇွန်လ ၅ ရက်နေ့ညနေပိုင်းက ဗုံးပေါက်မှု သုံးကြိမ် ဖြစ်ပွားခဲ့ပြီး မြို့သစ်ရပ်ကွက်ဘက် နေအိမ်တစ်အိမ် ဗုံးပေါက်ကွဲမှုတွင် CDF-Hakha မှ (၃) ဦး ကျဆုံးခဲ့သည်။
အိန္ဒိယနိုင်ငံ အရှေ့မြောက်ဒေသ မဏိပူရ်ပြည်နယ်တွင် ယက္ကန်းယက်ရန်ရောက်ရှိနေသည့် မြန်မာနိုင်ငံသား ၈ ဦးသည် ကိုဗစ်ပိုးကူးစက်ခံထားရပြီး ၎င်းတို့အနက် ရွှေဘိုမြို့နယ်မှ အသက် ၄၀ ကျော်အရွယ်အမျိူးသမီးတစ်ဦး ဇွန်လ ၆ ရက်နေ့တွင်သေဆုံးသွားကြောင်းသိရသည်။ ယခုကိုဗစ်ပိုးကူးစက်ခံထားသူများအပါအဝင် မြန်မာနိုင်ငံသား အယောက် ၃၀ ခန့်တို့သည် လွန်ခဲ့သည့် ၃ လခန့်ကတည်းက မဏိပူရ်ပြည်နယ် Curachandpur မြို့တွင် ယက္ကန်းလုပ်ငန်းလုပ်ကိုင်ရန် သွားရောက်ကြရာတွင် အဖမ်းဆီးခံခဲ့ရသူများဖြစ်ကြသည်ဟု ယက္ကန်းသမားတစ်ဦးက ပြောပါသည်။ “ဖမ်းဆီးချုပ်နှောင်ခံထားသူ အယောက် ၃၀ ရှိတယ်။ ၈ ဦး ကိုဗစ်ရောဂါပိုး ကူးစက်ခံရတယ်။ ကူးစက်ခံရတဲ့အထဲမှာ အမျိုးသမီးတဦး ဒီကနေပဲဆုံးသွားတယ်။ သူတို့က ဒီပြည်နယ်မှာ ယက္ကန်းလုပ်ငန်းကိုလုပ်ကိုင်ဖို့ လာကြတာဖြစ်တယ်။ မြန်မာနိုင်ငံ စစ်တပ်ကအာဏာသိမ်းပြီးတဲ့နောက်ပိုင်း စစ်ဘေးရှောင် CDM တွေ ဒီဘက်ကို အများကြီးထွက်ပြေးလာကြတယ်။ အဲဒါကို အိန္ဒိယဗဟိုအစိုးရက ဖမ်းဆီးပြီးပြန်ပို့ဖို့ အမိန့်ပေးခဲ့စဉ်က ဖမ်းဆီးတဲ့အထဲ ပါသွားတဲ့သူတွေဖြစ်တယ်။ Foreigner case အမှုဖွင့်ထားတယ်ကြားတယ်။ ကိုဗစ်ကြောင့် အမှုက စစ်ဆေးလို့မရသေးဘူး၊ ဒါကြောင့် ကြန့်ကြာနေရခြင်းဖြစ်တယ်” ဟု ယက္ကန်းသမားတစ်ဦးက ပြောပါသည်။ ယခုကိုဗစ်ရောဂါပိုး ကူးစက်ခံနေရသူများအနက် တစ်ဦးမှာလည်း အခြေအနေစိုးရိမ်နေရကြောင်း သိရသည်။ “အဖမ်းခံရတဲ့သူတွေကို အချုပ်ခန်းနှင့်ထောင်မှာမထားဘူး။ အိမ်တစ်လုံးမှာ ထားထားတယ်။ အပြင်ကနေသူတို့ကို ထမင်းဟင်းတွေ သွားသွားပေးရတယ်။ ဒါကြောင့် အပြင်ကနေဘဲ ကူးစက်တာဖြစ်မယ်။ အခု ကိုဗစ်ရောဂါပိုးရှိတဲ့ ၇ ယောက်ကို ဆေးရုံမှာ ကုသနေတယ်။ တယောက်ကတော့ အဆုပ်ရောဂါအခံရှိထားတော့ အခြေအနေ နည်းနည်းစိုးရိမ်ရတယ်” ဟု ၎င်းကဆက်ပြောသည်။ မဏီပူပြည်နယ်သည် အိန္ဒိယ-မြန်မာနယ်စပ်ဒေသတစ်ခုဖြစ်ပြီး…
စစ်အုပ်ချုပ်ရေးကြေညာခံထားရသည့် ချင်းပြည်နယ် မင်းတပ်မြို့နယ်တွင် အာဏာသိမ်းစစ်ကောင်စီတပ်ဖွဲ့သည် စစ်ကြောင်း ၃ ကြောင်းဖြင့် စစ်ဘေးရှောင်ဒုကသည်အများစုနေထိုင်ကြသည့် ကျေးရွာဘက်သို့ တက်လာပြီး ယနေ့နံနက်ပိုင်း ၁၀ နာရီဝန်းကျင်ခန့်ကစ၍ Mindat-CDF တပ်ဖွဲ့များနှင့် ပစ်ခတ်မှုများရှိနေသည်ဟုသိရသည်။ အာဏာသိမ်းစစ်ကောင်စီသည် မင်းတပ်မြို့အရှေ့ဘက်ခြမ်း၊ အနောက်ဘက်ခြမ်းဘက်တို့မှ စစ်ကြောင်း ၂ ကြောင်းဖြင့် Mindat-CDF တပ်ဖွဲ့ကိုထိုးစစ်ဆင်တိုက်ခိုက်လာသည့်အပြင် မင်းတပ်-မကွေးနယ်စပ် ရွှေအောင်သာဘက်တွင်လည်း ဇွန်လ ၃ ရက်နေ့ကတည်းက ယနေ့ချိန်ထိ တိုက်ပွဲဖြစ်ပွားနေသည်ဟု Mindat-CDF မှတာဝန်ရှိသူတစ်ဦးကပြောသည်။ “ဒီနေ့မနက်ကျတော့ မင်းတပ်မြို့ရဲ့အရှေ့ဘက်ကနေ ဆင်းလာပြီးမှ စစ်ဘေးရှောင်အများစုက မြို့ရဲ့ မြောက်ဘက်ခြမ်းရွာမှာအများစုရှိကြတယ် အဲဒီဘက်ကို ဦးတည်လာတဲ့ စစ်ကြောင်း ၂ ကြောင်းရှိတယ်၊ အင်အား ၉၀ ကျော်လောက်ရှိမယ် ဘောင်ထဲရွာကနေ ချောင်းဆုံဘက်ကိုတက်လာတယ် အဲဒီမှာ ကျနော်တို့အဖွဲ့နဲ့တိုက်ပွဲဖြစ်တယ်၊ မြို့အနောက်ဘက်ကနေတက်လာတဲ့ စစ်ကောင်စီတပ်နဲ့ ကျနော်တို့တပ်ဖွဲ့တွေ ရှက်ရွာမှာ တိုက်ပွဲထပ်ဖြစ်တယ်၊ ရွှေအောင်သာဘက်မှဖြစ်တယ် စစ်ကြောင်း ၃ ကြောင်းနဲ့ တစ်ပြိုင်တည်းတိုက်နေရတာပေါ့’’ ဟု Mindat-CDF မှတာဝန်ရှိသူတစ်ဦးကပြောသည်။ စစ်ကောင်စီတပ်ဖွဲ့မျာသည် လက်နက်ကြီးများကို တောက်လျှောက်အသုံးပြုနေပြီး ယနေ့မနက် ရှက်ရွာတိုက်ပွဲတွင် ဒဏ်ရာရရှိသူတစ်ဦးမှာ ဓာတုလက်နက်များရှှုရှိက်မိ၍ အဆိပ်သင့်သည့်လက္ခဏာများခံစားနေရကြောင်း Mindat-CDF က ထုတ်ပြန်ထားသည်။