စစ်ကောင်စီနှင့် အပစ်ရပ်စဲမှုပျက်ပြယ်ပြီးနောက် မင်းတပ်မြို့တွင် ယမန်နေ့ညကစ၍ တိုက်ပွဲများပြန်လည်ဖြစ်ပွားကာ အာဏာသိမ်းစစ်ကောင်စီက ကျောက်ထုမြို့မှ လက်နက်အကြီး၊ အမြောက်ကျည်ဆံများဖြင့် မင်းတပ်မြို့သို့ တောက် လျှောက်ပစ်ခတ်မှုကြောင့် မင်းတပ်ပြည်သူ့ကာကွယ်ရေးတပ်ဖွဲ့တစ်ဦး ကျဆုံးကာ ၄ ဦးဒဏ်ရာရရှိကြသည်ဟု သိရသည်။ “ဒီမနက် ၆ နာရီလောက်က တိုက်နေတာ သူတို့ဘက်က ကျောက်ထုလေယာဉ်ကွင်းကနေ လက်နက်ကြီးတွေနဲ့ တောက်လျှောက်ပစ်နေတယ် ပစ်လိုက်တက်လာလိုက်လုပ်နေတယ် ကျနော်တို့ကလည်း အသက်နဲ့ရင်းပြီး မြို့ကို ကာကွယ်ထားပါတယ် မြို့ပေါ်ကိုတော့ လက်နက်ကြီးနဲ့မပစ်ဘူး ကျနော်တို့ CDF တပ်ဖွဲ့တွေရှိတဲ့နေရာလောက်ကိုပေါ့ ၃ မိနစ်ခြားတစ်ခါလောက် ပစ်နေတာ’’ ဟု မင်းတပ်ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးကပြောသည်။ စစ်ကောင်စီဘက်မှ ပစ်ခတ်လိုက်သော အမြောက်ဆံကျည်ထိမှန်မှုကြောင့် မင်းတပ်ပြည်သူ့ကာကွယ်ရေးတပ်ဖွဲ့ဝင် တစ်ဦး ကျဆုံးခဲ့ရပြီး ၄ ဦးဒဏ်ရာရရှိသော်လည်း စိုးရိမ်စရာမရှိကြောင်း ၎င်းကဆက်ပြောသည်။ ကျောက်ထုမြို့သို့ စစ်ကူ စစ်ကား ၃ စီးထပ်မံရောက်ရှိနေပြီး မင်းတပ်မြို့ဘက်သို့ စစ်ကား ၂ စီးတက်လာ နေသည်ဟု သိရသည်။ ယခုလက်ရှိအခြေအနေအရ ချင်းပြည်နယ်မြို့နယ်များအားလုံးအနေဖြင့် အတူတကွပူးပေါင်းပါဝင်လှုပ်ရှားရန် အရေးကြီးပြီ ဟုလည်း မင်းတပ်ပြည်သူ့ကာကွယ်ရေးတပ်မှတာဝန်ရှိသူတစ်ဦးကပြောသည်။ “ကျနော်တို့ ဘာကြောင့် ခုချိန်ထိအတူတူမလှုပ်ရှားသေးတာလဲ ကျနော်တို့ညီနောင်တွေအားလုံး အချင်းချင်းပါဝင်မယ် တိုက်ခိုက်မယ်ပြောထားရဲ့သားနဲ့ ကျန်နေသေးတဲ့မြို့တွေဘာကြောင့်မလှုပ်ရှားကြသေးတာလဲ’’ ဟု သူကပြောသည်။ အာဏာသိမ်းစစ်ကောင်စီဆန့်ကျင်ဆန္ဒဖော်ထုတ်မှုကြောင့် အဖမ်းခံရသည့် မင်းတပ်မြို့ဒေသခံ ၅ ဦးကို စစ်ကောင်စီဘက် က ပြန်လည်လွှတ်ပေးခြင်းမရှိသည့်အတွက် မေလ ၁၂ ရက်နေ့မွန်းလွဲပိုင်းကစ၍ စစ်ကောင်စီနှင့် မင်းတပ်ပြည်သူ့အုပ်ချုပ် ရေးအဖွဲ့အကြား သဘောတူထားသည့် အပစ်ခတ်ရပ်စဲမှုသည့် ပျက်ပြယ်သွားခဲ့ပြီး မေလ ၁၂ ရက်ညက မင်းတပ်မြို့တွင် တိုက်ပွဲများပြန်လည်ဖြစ်ပွားခဲ့သည်။ ယမန်နေ့ညက…
Author: Editor
ချင်းပြည်နယ် ဟားခါးမြို့တွင် စစ်ကောင်စီ၏ ဖမ်းစီးမှုကြောင့် သေဆုံးခဲ့သူမှာ နှစ်ဦးဖြစ်ကြောင်း ယနေ့ညနေပိုင်းမှသာ မိသားစုထံ အကြောင်းကြားခဲ့ပြီး နောက်တစ်ဦးမှာ Thang Zang ကျေးရွာမှ ဟားခါးသို့ ခေတ္တ အလည်လာသူ Pu Khamh Bawi ဖြစ်ကြောင်း သိရသည်။ “ဒီညနေပိုင်းလောက်မှာ တပ်ဘက်ကနေ ပါစတာတစ်ယောက်ကိုဖုန်းဆက်တယ်၊ Pu Tler Ling သေပြီး သိပ်မကြာခင်မှာ ဆုံးသွားတာကြောင့် အတူတူမီးရှို့လိုက်တယ်လို့ပြောတယ်၊ သူက Thang Zang ဘက်ကနေ ဒီကိုခဏလာတာလို့ပြောတယ်၊ သူ့အမေကတော့ ဒီမှာဘဲ၊ သူတို့အိမ်က ဟားခါးသာရ် ခြောက်လမ်းစုံဘက်မှာ၊ စစ်သားတွေက အဲဘက်မှာ ဟိုးသွားဒီသွားလုပ်နေတော့ သူတို့အိမ်ကို ရပ်ကွက်က အသုဘ စောင့်ပေးဖို့လည်း မသွားရဲကြဘူးပြောတယ်” ဟု ဒေသခံတစ်ဦးမှပြောသည်။ စစ်ကောင်စီ၏ ဝါဒဖြန့်သတင်းစာဖြစ်သည့် မြန်မာ့အလင်း သတင်းစာမှ ဟားခါးမြို့တွင် မေလ ၁၀ ရက်နေ့က မသင်္ကာဖွယ် အမျိုးသားနှစ်ဦးအား ဖမ်းဆီးခဲ့ပြီး ဦးကီလ်လိန်းမှာ သွေးတိုးရောဂါနှင့် သေဆုံးပြီး ကျန်တစ်ဦးဖြစ်သည့် ဦးဘွေအားမှာ ပြင်းထန်အဆုတ်ရောင်ရောဂါဖြင့် သေဆုံးခဲ့ကြောင်း ထုတ်ပြန်ထားသည်။ တစ်ကယ့်ဖြစ်စဉ်မှာ Pu Khamh Bawi အား မေလ ၉ ရက်နေ့မနက်ပိုင်း ၉ နာရီခန့်တွင် ဟားခါးမြို့ ဂေါက်ကွင်းအနီးရှိ နေအိမ်တွင်ဖမ်းဆီးခဲ့ပြီး Pu Tler Ling အား ညနေပိုင်းတွင် နွယ်ချောင်းဘက်ရှိ ၄င်း၏ ယာတဲထဲတွင်ဖမ်းဆီးခဲ့ခြင်းဖြစ်သည်။ စစ်ကောင်စီ၏ ဖမ်းဆီးမှုကြောင့်သေဆုံးခဲ့ရသည့် Pu Tler Ling နှင့် Pu Khamh Bawi…
အာဏာသိမ်းစစ်ကောင်စီက ဖမ်းဆီးထားသည့် မင်းတပ်မြို့မှ လူငယ် ၅ ဦးကို ယနေ့မေလ ၁၂ ရက်နေ့ ၁၂ နာရီအချိန်ထိ ပြန်လွှတ်ပေးခြင်းမရှိသည့်အတွက် စစ်ကောင်စီနှင့် အပစ်အခတ်ရပ်စဲမှု ပျက်ပြယ် သွားပြီဟု မင်းတပ်ပြည်သူ့အုပ်ချုပ်ရေး အဖွဲ့ကပြောဆိုလိုက်သည်။ မင်းတပ်မြို့ပြည်သူ့အုပ်ချုပ်ရေးမှ နှင့် စစ်ကောင်စီဘက်မှ တာဝန်ရှိသူတို့သည် ယနေ့နံနက်ပိုင်းက တွေ့ဆုံဆွေးနွေးခဲ့ကြ ပြီး စစ်ကောင်စီဘက်က ပလက်ဝမြို့နယ် ဆမီးမြို့မှ တပ်အင်အား ၂၀၀ ကျော်ပါရှိသော စစ်ကား ၁၇ စီးကို မင်းတပ်မြို့ သို့ဖြတ်သန်းခွင့်ပြုပြီးမှ ဖမ်းဆီးခံရသူများမှ ၄ ဦးကို လွှတ်ပေးမည်ဟု ပြောဆိုသည့်အတွက် သဘောတူညီချက်မရဘဲ ယခင်က သဘောတူထားသည့်အချက်များလည်း အကုန်ပျက်ပြယ်သွားပြီဟု အဆိုပါဆွေးနွေးပွဲတွင်ပါဝင်သူ မင်းတပ်မြို့ ပြည်သူ့အုပ်ချုပ်ရေးအဖွဲ့မှတာဝန်ရှိသူတစ်ဦးက ခိုနူမ်းသုန်သတင်းဌာနကိုပြောသည်။ “ ကျနော်တို့အရင်ပိုင်းက ဆွေးနွေးထားတာက ထောက်ပို့ဆိုပြီး ဆမီးကိုသွားတဲ့ စစ်ကား ၁၃ စီးရှိတယ်လေ အဲဒီ ၁၃ စီးထွက်သွားရင် ဒီ ၅ ယောက်ကိုလွှတ်ပေးမယ်ဆိုပြီး သဘောတူထားတာလေ အဲဒါကိုသူတို့ဆက်စွဲထားပြီး ဘာဆွေးနွေးလာလဲဆိုတော့ ၄ ယောက်ကိုပဲလွှတ်ပေးမယ် တစ်ယောက်ကတော့ လူသတ်မှုဖြစ်တဲ့အတွက်မလွှတ်ပေးနိုင်ဘူးတဲ့ နောက်ပြီး အပေးအယူက ဆမီးကနေ ပြန်လာတဲ့ စစ်သား အယောက် ၂၀၀ ကျော်ပါတဲ့ စစ်ကား ၁၇ စီးကို မင်းတပ်ကိုဖြတ်သွားရမယ်တဲ့ ကျနော်တို့ဘက်ကတော့ ဒီအင်အားနဲ့ ကျနော်တို့မြို့ကို ဖြတ်သွားဖို့က လုံးဝခွင့်မပြုနိုင်ဘူး ဒါကျနော်တို့ကို တမင်တကာ သက်သက်အကြပ်ကိုင်တာဖြစ်တယ်၊ လူ ၄ ယောက်ကို လွှတ်ပေးမယ် စစ်ကား ၁၇ စီး စစ်သားအယောက် ၂၀၀ ဖြတ်သွားမယ်ဆိုတာက…
ချင်းပြည်နယ် ဟားခါးမြို့တွင် စစ်ကောင်စီမှ မေလ ၉ ရက်နေ့တွင် ဖမ်းဆီးပြီးနောက် သေဆုံးခဲ့သည့် Pu Tler Ling (၅၇) နှစ်အား ကလေးမြို့သို့ ဆေးကုသဖို့ ပို့ဆောင်ရာတွင် သေဆုံးခဲ့သဖြင့် ကလေးမြို့တွင်ပင် မီးရှို့သဂြိုလ်ခဲ့ကြောင်း စစ်ကောင်စီမှ မိသားစုဝင်များထံ အကြောင်းပြန်ခဲ့ကြောင်း သိရသည်။ “စစ်တပ်ကနေပြီးတော့ သူတို့စဖမ်းကတည်းက နေမကောင်းဘူး၊ စခန်းရောက်တော့လည်း မထနိုင်ဘူးလို့ပြောတယ်၊ ကလေးမှာ ကုပေးမယ်ဆို့ ပို့ပေးနေတုန်း လမ်းမှာဆုံးသွားလို့ ကလေးမှာဘဲ မီးရှို့လိုက်တယ်လို့ပြောတယ်၊ ဖမ်းတုန်းကတည်းက တောင်ဝှေးနဲ့ လမ်းလျှောက်တာလို့ သူတို့ပြောတယ်၊ တစ်ကယ်က တောင်ဝှေးလည်းတစ်ခါမှမသုံးဘူး အရမ်းကျန်းမာတာသူက၊ ကျနော်သိသလောက်က ကလေးကိုတောင်မခေါ်သွားလောက်ဘူး၊ သူ့အလောင်းလည်း ဟားခါးမှာဘဲရှိမှာ” ဟု မိသားစုဝင်တစ်ဦးကပြောသည်။ Pu Tler Ling မှာ လက်နက်ကိုင်လူငယ်အဖွဲ့များနဲ့ အဆက်သွယ်ရှိသည်ဟု သတင်းရရှိထားတာကြောင့် ဖမ်းဆီးစစ်ဆေးခဲ့ခြင်းဖြစ်ကြောင်း စစ်ကောင်စီမှ အကြောင်းပြန်ခဲ့သော်လည်း အခြေအမြစ်မရှိ စွက်ဆွဲပြောဆိုချက်သာ ဖြစ်နိုင်ကြောင်း ဟားခါးမြို့ခံတစ်ချို့မှပြောသည်။ ထို့ပြင် Pu Tler Ling အား ဖမ်းဆီးခေါ်ဆောင်ချိန်တွင် အလွန်အကျူးရိုက်နှက်ခံခဲ့ရသဖြင့် လမ်းပင်မလျှောက်နိုင်ဘဲ စစ်ကားပေါ်သို့ စစ်သားအချို့မှ ထမ်းတင်ခဲ့ရသည်ကို မြင်တွေ့ခဲ့ရကြောင်း မျက်မြင်အချို့ထံမှ သိရသည်။ စစ်ကောင်စီ၏ ဖမ်းဆီးမှုကြောင့် သေဆုံးသွားခဲ့ရသည့် Pu Tler Ling မှာ မိသားစုဝင်များထံ အလောင်းပြန်မရောက်သဖြင့် မည်ကဲ့သို့ ဆက်လက်စီစဉ်မည်ကို ဆွေးနွေးတိုင်ပင်နေဆဲဖြစ်ကြောင်း သိရသည်။
အခုပြောပြပေးသွားမှာက ဆေးဘက်ဆိုင်ရာနှာခေါင်းစည်း (Mask) ကို မဝတ်ဆင်ခင် ပြုလုပ်သင့်တဲ့ အချက်တစ်ချို့နဲ့ မပြုလုပ်သင့်တဲ့ အချက်တစ်ချို့ကို ဖော်ပြပေးသွားမှာဖြစ်ပါတယ်။ ပြုလုပ်သင့်ရာများ ၁) ပါးစပ်နဲ့ နှားခေါင်းစည်း (Mask) ကို မကိုင်တွယ်ခင် လက်ကို စနစ်တကျဆေးကြောပါ။ ၂) နှားခေါင်းစည်း (Mask) မှာ စုပ်ပြဲခြင်း (သို့) အပေါက်များရှိ/မရှိ သေချာစွာ စစ်ဆေးပါ။ ၃) အရောင်ရှိသောဘက်ကို အပြင်ကိုထားပြီးမှ နှာခေါင်းစည်းကို ဝတ်ဆင်ပါ။ ၄) Mask ကို သတ္ထုချောင်း (သို့) ကော်ချောင်း (သို့) မာကျောသောအပိုင်းကို အပေါ်ထားရှိပြီး သင့်နှားခေါင်းပေါ်တွင်တက်ဆင်ပါ။ ၅) Mask ကို နှားခေါင်း၊ ပါးစပ်၊ မေးစေ့ ကိုကာမိအောင် ဝတ်ဆင်ပါ။ ၆) နှားခေါင်းစည်း (Mask) ကို ဝတ်ဆင်ပြီးပါက လက်ဖြင့်ကိုင်တွယ်ခြင်း မပြုလုပ်ပါနဲ့။ ၇) အသုံးပြုပြီး သာ နှားခေါင်းစည်း (Mask) ကို အမှိုက်ပုံးထဲသို့သေချာစွာ စွန့်ပစ်ပါ။ ၈) စွန့်ပစ်ပြီးပါက လက်ကိုသေချာစွာ ဆပ်ပြာနဲ့ဆေးကြောပါ။ မပြုလုပ်သင့်ရာများ ၁) စုပ်ပြဲနေတဲ့ ဒါမှမဟုတ် စိုစွတ်နေတဲ့ နှားခေါင်းစည်း (Mask) ကို လုံးဝ အသုံးမပြုပါနဲ့။ ၂) နှားခေါင်းစည်း (Mask) ကို ပါးစပ်ပေါ်တွင် မတပ်ဆင်ရပါဘူး။ ၃) သင်ရဲ့မျက်နှာနဲ့ ချောင်နေတဲ့ နှားခေါင်းစည်း (Mask) ကို အသုံးမပြုပါနဲ့။ ၄) ဝတ်ဆင်ထားစဉ်နှားခေါင်းစည်း (Mask) ရဲ့အရှေ့ဘက်ကို သွားမထိပါနဲ့။ ၅) တစ်စုံတစ်ယောက်နဲ့…
ချင်းပြည်နယ် ဟားခါးမြို့တွင် အာဏာသိမ်း စစ်ကောင်စီတပ်ဖွဲ့ ဖမ်းဆီးထားသည့် အသက် ၅၆ နှစ် အရွယ် Pu Tler Ling မှာ ဆေးကုသရန်အတွက် ကလေးမြို့သို့ ပို့ဆောင်စဉ်တွင် သေဆုံးသွားကြောင်းသိရသည်။ “Pu Tler Ling သေသွားတာဟုတ်တယ်၊ အလောင်းက ဟားခါးကိုပြန်မရောက်သေးဘူး၊ ဆေးကုဖို့ ကလေးကို ခေါ်သွားတာ ကလေးမရောက်ခင်မှ သေသွားတယ်လို့သိရတယ်၊ သူ့ကိုဖမ်းစီးထားစဉ်မှာ နှိပ်ဆက်တာကြောင့် ရတဲ့ဒဏ်ရာကို ကုဖို့ခေါ်သွားရင်းနဲ့ ခုလိုဖြစ်တာလို့ ယူဆရတယ်”ဟု ဟားခါးမြို့ခံတစ်ဦးမှ ပြောသည်။ သေဆုံးသွားသူ Pu Tler Ling အား မေလ ၉ ရက်နေ့တွင် ဟားခါးမြို့ နွယ်ချောင်းဘက်တွင်ရှိသည့် လယ်တောယာအိမ်ထဲတွင် ရှိနေစဉ် စစ်ကောင်စီများမှ ဖမ်းဆီးခေါ်ဆောင်သွားခဲ့ခြင်းဖြစ်ပြီး မည်သည့်အတွက်ကြောင့် ဖမ်းဆီးခဲ့သည်ကို မသိရကြောင်းသိရသည်။ ချင်းပြည်နယ် ဟားခါးမြို့တွင် CDF-Hakha နှင့် စစ်ကောင်စီတပ်ဖွဲ့များ မေလဆန်းပိုင်းမှ တိုက်ပွဲစတင်ဖြစ်ပွားပြီးနောက် စစ်ကောင်စီများမှ လူနေအိမ်များအားသို့ ဝင်ရောက်စီးနင်းကာ ပြည်သူများအား ဆက်တိုက်ဖမ်းဆီးမှုများ လုပ်ဆောင်ခဲ့ခြင်းဖြစ်သည်။
ကလေးမြို့ မင်္ဂလာဥယျဉ်ရပ်ကွက်တွင်နေထိုင်သည့် မီးဖွားခါစ အသက် (၄၁) အရွယ် ဒေါ်ဇာခြည်ဦးသည် ယမန်နေ့ညက သေနတ်သံ ပေါက်ကွဲသံများကြောင့် သွေးလန့်ပြီး သေဆုံးသွားသည်ဟုသိရသည်။ မေလ ၁၀ ရက်နေ့ညပိုင်းက ကလေးမြို့တွင် သေနတ်သံနှင့် ပေါက်ကွဲသံများကြားခဲ့ကြရပြီး ယင်းပေါက်ကွဲသံများကြောင့် ဒေါ်ဇာခြည်ဦးမှာ သွေးလန့်သေဆုံးခဲ့ခြင်းဖြစ်သည်။ ဒေါ်ဇာခြည်ဦးတွင် ၁ လနှင့် ၈ ရက်သားအရွယ် ကလေးတစ်ဦး ကျန်ရစ်ခဲ့သည်ဟု သိရသည်။ ကလေးမြို့တွင် ယခုရက်ပိုင်းအတွင်း ညပိုင်းတွင် သေနတ်သံ၊ ပေါက်ကွဲသံများ မကြာခဏထွက်ပေါ်လျှက်ရှိပြီး သက်ကြီးရွယ်အိုနှင့် နှလုံးရောဂါအခံရှိသူများအတွက် မိသားစုဝင်များက စိုးရိမ်လျက်ရှိကြကာ ကျေးရွာဘက်သို့လည်း ပို့ဆောင်ထားကြသည်ဟုလည်း သိရသည်။
မာဂရက် – ချင်းပြည်နယ်တောင်ပိုင်း၊ မတူပီမြို့ပေါ်သို့ အနီးနားပတ်ဝန်းကျင်ကျေးရွာနှင့် ရပ်ဝေးမှလာရောက်သည့် ခရီးသွားပြည်သူများအား အာဏာသိမ်းစစ်ကောင်စီတပ်ဖွဲ့က မှတ်ပုံတင်၊ ရပ်ကျေးထောက်ခံစာပါ/မပါ တင်းကြပ်စွာ စစ်ဆေးမှုများပြုလုပ် နေသည်ဟု မတူပီဒေသခံများထံမှသိရသည်။ “အခု မြို့ပေါ်တက်မယ်ဆိုရင် မှတ်ပုံတင်ပါရမယ်၊ ကျေးရွာရဲ့ထောက်ခံစာပါရမယ် ဒီ ၂ ခုပါမှပဲ သွားလို့ရတယ်ဆိုပြီးတော့ အဲ့လိုမျိုးလုပ်ထားတယ်၊ ပြီးတော့ ဂိတ်မှာဆိုလို့ရှိရင် ဖုန်းလည်း အစစ်ခံရမယ် အဲ့တာ အဓိကပေါ့နော်၊ ပလက်ဝ ဂိတ်ဖက်ကြတော့လေ တော်တော်တောင် အခြေအနေဆိုးနေတယ်လို့ပြောတယ် ၊ တချို့ဝန်ထမ်းတွေဆိုရင် ဝင်ထန်းကတ်ပါရင် ဝင်/ထွက်လို့ရ တယ်တဲ့၊ ဥပမာ အပြင်လူဆိုရင်တော့ ပိုက်ဆံနည်းနည်းပေးရင်တော့ သွားခိုင်းတယ်တဲ့ မပေးလို့ရှိရင် မသွားခိုင်းဘူးတဲ့အဲ့လိုမျိုးဖြစ်နေတာ” ဟု မတူပီမြို့ခံတစ်ဦးက ပြောသည်။ အာဏာသိမ်းစစ်ကောင်စီတပ်ဖွဲ့ဝင်များသည် မတူပီမြို့မှ ပလက်ဝ၊ မင်းတပ် နှင့် ဟားခါးဘက်သို့ဆက်သွယ်သည့် လမ်းကြောင်း သုံးကြောင်းစလုံးတွင် လုံခြုံရေးဂိတ်များထားရှိကာ မတူပီမြို့သို့တက်လာသည့် ရွာသားများကိုပါ ထောက်ခံစာပါမှ ဖြတ်သန်းသွားလာခွင့်ပြုသည်ဟု သိရသည်။ ထို့အပြင် အနီးနားပတ်ဝန်းကျင်ကျေးရွာများမှ မတူပီမြို့ပေါ်သို့ စျေးရောင်းလာသော ရွာသားများထံတွင်လည်း ၎င်းတို့ရောင်းဝယ်သည့် ဟင်းသီးဟင်းရွက်၊ အိမ်မွေးတိရစ္ဆာန်များလည်း သိမ်းယူလေ့ရှိသည်ဟု မတူပီမြို့ခံက ပြောသည်။ မတူပီမြို့ပေါ်ကို မည်သည့်ကိစ္စများကြောင့်ဖြစ်စေ ကျေးရွာများမှ လာရောက်မည့်သူများကို ထောက်ခံချက်များပါရှိရမည်ဟု စစ်ကောင်စီဖက်မှ တရားဝင်ထုတ်ပြန်ချက်မရှိသော်လည်း မတူပီမြို့ တွင်ရှိသော စစ်ဆေးရေးဂိတ် (၃) ခုတွင် ရပ်ကျေးထောက်ခံစာပါ/မပါ တင်းတင်းကြပ်ကြပ် စစ်ဆေးနေခြင်းဖြစ်သည်။ မတူူပီမြို့အနီးရှိ ငလိုင်၊ ဖနိုင်၊ ထီစောင်းနှင့် ဝေတူးကျေးရွာများသားများသည် နေ့စဉ် စားဝတ်နေရေးအတွက် မတူပီမြို့ပေါ်သို့ စျေးရောင်းခြင်း၊ အလုပ်လုပ်ကိုင်ခြင်းမျာ းပြုလုပ်လျှက်ရှိကြသည်။
ရစ်ချက် – ချင်းပြည်နယ်နဲ့နယ်နိမိတ်ချင်းထိစပ်နေပြီး မြန်မာစစ်ဘေးရှောင်ထောင်နဲ့ချီ ထွက်ပြေးဝင်ရောက်ခိုလှုံနေသည့် မီဇိုရမ် ပြည်နယ်တွင် ကိုဗစ်-၁၉ ရောဂါပိုး ဒုတိယလှိုင်း အရှိုန်အဟုန်မြင့်တက်လာမှုကြောင့် မေလ ၁၇ ရက်နေ့အထိ တပြည်နယ်လုံးကို Total Lockdown အဖြစ် ချမှတ်လိုက်ကြောင်း သိရသည်။ ကိုဗစ်-၁၉ ရောဂါပိုး ဒုတိယလှိုင်း မြင့်တက်လာမှုကြောင့် အဆိုပါ ရောဂါပိုးကူးစက်မှုကို ထိန်းချုပ်သည့်အနေဖြင့် မီဇိုရမ်ပြည်နယ် မြို့နယ်အချို့တွင် သုံးပတ်ခန့် Lockdown ချထားသော်လည်း ရောဂါကူးစက်မှုအရှိုန် မလျော့သည့် အပြင် ပို၍တိုးလာသောကြောင့် ယခုလို တပြည်နယ်လုံး Total Lockdown ချမှတ်လိုက်ရခြင်းဖြစ်သည်။ လက်ရှိအခြေအနေတွင် မေလ ၈ ရက်နေ့မနက်က မီဇိုရမ်ပြည်နယ်အတွင်း ကိုဗစ်-၁၉ ရောဂါပိုး ကူးစက်ခံထားရသူ လူနာသစ် တစ်ရက်အတွင်း ၂၃၅ ဦးရှိပြီး ယခုရက်ပိုင်းအတွင်း မီဇိုရမ်ပြည်နယ်တွင် တစ်ရက်ကို ပျမ်းမျှအားဖြင့် လူနာသစ် ၁၀၀ မှ ၂၀၀ အကြား နေ့စဉ်ပုံမှန် ရှိနေကြောင်း သိရသည်။ မေလ ၈ ရက်နေ့မနက် ထုတ်ပြန်ချက်အရ မီဇိုရမ်ပြည်နယ်တွင် ကိုဗစ်-၁၉ ရောဂါပိုးကြောင့် ကုသဆဲလူနာ ၁၉၀၆ ဦး ရှိနေကြောင်းနှင့် ကိုဗစ်-၁၉ ကြောင့် သေဆုံးသူ ၁၇ ဦး ရှိနေပြီဖြစ်သည်။
By လားနွန် – အာဏာသိမ်းစစ်ကောင်စီမှ အခြေခံပညာစာသင်ကျောင်းများပြန်လည် ဖွင့်လှစ်ရန်ကြိုးပမ်းမှုအပေါ် မင်းတပ်ပြည်သူများ အနေဖြင့် ပူးပေါင်းပါဝင်ခြင်းမရှိရန်နှင့် ကျောင်းအပ်နှံခြင်းများမပြုလုပ်ကြရန် မင်းတပ်ပြည်သူ့အုပ်ချုပ်ရေးအဖွဲ့က မေလ ၇ ရက်နေ့က ထုတ်ပြန်ထားသည်။ မင်းတပ်မြို့ ပြည်သူ့အုပ်ချုပ်ရေးအဖွဲ့တာဝန်ရှိသူတစ်ဦးက “အကြမ်းဖက်စစ်အာဏာရှင်ဖြစ်လို့ လက်မခံတာပါ၊ အကြမ်း ဖက်စစ်အာဏာရှင်ကိုအစိုးရနေရာမပေးချင်လို့လည်း ဖြစ်တယ်” ဟု ပြောသည်။ မင်းတပ်မြို့နယ်အတွင်းရှိ ပြည်သူလူထုများအနေဖြင့် မင်းတပ်မြို့နယ် ပြည်သူ့အုပ်ချုပ်ရေးအဖွဲ့၏ ခွင့်ပြုချက်မပါဘဲ ကျောင်းအပ်နှံခြင်းမပြုလုပ်ရန်နှင့် လိုက်နာခြင်းမရှိပါက သက်ဆိုင်သည့် ကျောင်း/ပုဂ္ဂိုလ်၏ လုံခြုံရေးအတွက် တာဝန်ယူမည်မဟုတ်ကြောင်း မင်းတပ်မြို့ပြည်သူ့အုပ်ချုပ်ရေးအဖွဲ့၏ထုတ်ပြန်ချက်တွင်ဖော်ပြထားသည်။ အာဏာသိမ်းစစ်ကောင်စီသည် ပညာရေးဝန်ကြီးဌာန၊ အဆင့်မြင့်ပညာဦးစီးဌာနလက်အောက်ခံ တက္ကသိုလ်၊ ကောလိပ်၊ ဒီဂရီကောလိပ်တို့မှ ပါရဂူဘွဲ့ကြိုတန်း၊ မဟာတန်းနှင့် နောက်ဆုံးနှစ်အတန်း၊ နည်းပညာ၊ အသက်မွေးပညာ၊ စက်မှုလက်မှုသိပ္ပံကျောင်းတို့မှ နောက်ဆုံးနှစ်အတန်း၊ အစိုးရနည်းပညာအထက်တန်းကျောင်းနောက်ဆုံးနှစ်အတန်းများကို မေလ ၅ ရက်နေ့က ပြန်လည်ဖွင့်လှစ်ခဲ့ပြီးဖြစ်သည်။ အလားတူ အခြေခံပညာ မူလတန်း၊ အလယ်တန်းနှင့် အထက်တန်းကျောင်းများကိုလည်း လာမည့် ဇွန်လတွင် ပြန်လည် ဖွင့်လှစ်တော့မည်ဟု ကြေညာထားသည်။ ယခုလက်ရှိအခြေအနေတွင် တစ်နိုင်ငံလုံးရှိ ကျောင်းဆရာ/ဆရာမ အများစုသည် CDM လှုပ်ရှားမှုတွင်ပူးပေါင်းပါဝင်ထားကြ သည်။