Author: Editor

ကလေးမြို့နယ်တွင် စက်တင်ဘာလ ၈ ရက် နေ့ညက ကျေးရွာအုပ်ချုပ်ရေးမှူး ၂ ဦး သေနတ်ဖြင့်ပစ်သတ်မှုဖြစ်ပွားခဲ့သည့် နောက်ပိုင်း ကျေးရွာ ၅ ရွာမှ အုပ်ချုပ်ရေးမှူးများ နှုတ်ထွက်စာတင်ထားကြသည်ဟု သိရသည်။ ကလေးမြို့အနောက်မြောက်ပိုင်းကျေးရွာများဖြစ်သည့် ပျဉ်းတောဦး(Tuingo) ကျေးရွာအုပ်စု အုပ်ချုပ်ရေးမှူး ဦးဆွေး ဇမ်ထန်း၊ အောင်ရွာကျေးရွာတာဝန်ခံဦးထင်လင်းမောင်၊ ချင်းစုကျေးရွာတာဝန်ခံ ဦးဗန်လာမွန်၊ မြစိမ်းကျေးရွာ တာဝန်ခံ ဦးဝုန်ရှန်းပေါင် နှင့် ဆင်ရွာကျေးရွာအုပ်စု အုပ်ချုပ်ရေးမှူး ဦးဆွလိန်တို့သည် စက်တင်ဘာလ ၉ ရက်နေ့က ၎င်းတို့ရာထူးမှ နှုတ်ထွက်ခွင့်ပြုရန် ကလေးမြို့နယ်စီမံအုပ်ချုပ်ရေးအဖွဲ့ထံ တင်ပြခဲ့ကြခြင်းဖြစ်သည်။ “ ကလေးမြို့အနောက်မြောက်ဘက်က ချင်းလူမျိူးတွေနေထိုင်တဲ့ ကျေးရွာတာဝန်ခံအတော်များများကတော့ စစ်အာဏာ သိမ်းမှု ဖြစ်ပြီးနောက်မှာ စစ်အာဏာရှင်ကိုဆန့်ကျင်လို့ သူတို့သဘောနဲ့နှုတ်ထွက်တဲ့သူတွေများတယ်၊ အခုနှုတ်ထွက်တဲ့ သူတွေကတော့ နှုတ်မထွက်ဘဲ ဆက်လုပ်နေတဲ့သူတွေဖြစ်တယ်၊ ဟိုတနေ့က အုပ်ချုပ်ရေးမှူး ၂ ဦးသတ်ခံရတော့ကြောက် ပြီး နှုတ်ထွက်စာချက်ချင်းတင်ကြတာ’’ ဟု ဒေသခံတစ်ဦးကပြောသည်။ ပြီးခဲ့သည့် စက်တင်ဘာလ ၈ ရက်နေ့ညက ကလေးမြို့နယ် မော်စီ(Vutbuak) နှင့် ပျဉ်းခုံကြီးကျေးရွာ မှ အုပ်ချုပ်ရေးမှူးရေး ၂ ဦးသည် ၎င်းတို့နေအိမ်တွင် သေနတ်ဖြင့်ပစ်သတ်ခံခဲ့ရသည်။ မော်စီနှင့် ပျဉ်းခုံကြီးကျေးရွာသည် ကလေးမြို့မှ ၄ မိုင်ခန့်ကွာဝေးပြီး တာဟန်း-လက်ပံချောင်းကားလမ်းမ ပေါ်တွင်တည်ရှိ ကာ ချင်းလူမျိူးများနေထိုင်ကြသည့်ကျေးရွာဖြစ်သည်။ ယခုကဲ့သို့ ကျေးရွာအုပ်ချုပ်ရေးမှူးသတ်ဖြတ်မှုရှိလာသည့်အတွက် အုပ်ချုပ်ရေးမှူးရာထူးမှနှုတ်ထွက်သူပိုများလာဖွယ်ရှိသည်ဟု သိရသည်။

ပြီးခဲ့သည့် ဖေဖော်ဝါရီ (၁) ရက်နေ့ကစပြီး မြန်မာနိုင်ငံ စစ်တပ်မှ အာဏာသိမ်းယူခဲ့ပြီးနောက် အိန္ဒိယနိုင်ငံ မီဇိုရမ်ပြည်န ယ်အတွင်း ထွက်ပြေးတိမ်းရှောင်လာသူ မြန်မာစစ်ဘေးရှောင်း ၉၄၃၄ ဦး ခိုလုံလျှက်ရှိကြောင်း မီဇိုရမ် ပြည်နယ် အစိုးရကပြော ဆိုလိုက်သည်။ အဆိုပါကိစ္စကို လက်ရှိမီဇိုရမ်ပြည်နယ်အတွင်း ကျင်းပပြုလုပ်လျက်ရှိသည့် ၈ ကြိ်မ်မြောက် လွတ်တော် အစည်းအဝေးတွင် အတိုက်ခံပါတီလွတ်တော်ကိုယ်စာလှယ်များ၏ မေးမြန်းချက်ကို လက်ရှိအစိုးရ MNF ပါတီ ပြည်ထဲရေးဝန်ကြီး Pu Lal chamliana က ယခုလို ဖြေကြားခဲ့ကြောင်း The Aizawl Post သတင်းစာတွင် ဖော်ပြသည်။ “သြဂုတ်လ ၂၈ ရက်နေ့အထိ အစိုးရစာရင်းအရ စစ်ဘေးရှောင် ၁၀၂၂၉ ဦးရှိတယ်။ တချို့က နေရပ်ကိုပြန်သွားတဲ့သူ တွေရှိတယ်။ ဒါကြောင့် လက်ရှိစာရင်းအရတော့ စစ်ဘေးရှောင် ၉၄၃၄ ဦး ရှိတယ်” ဟု မီဇိုရမ်ပြည်ထဲရေးဝန်ကြီးက ပြောသည်။ မြန်မာ စစ်ဘေးရှောင်များမှာ မီဇိုရမ်ပြည်နယ် မြို့နယ်အသီးသီးတို့တွင် ပြန့်နှံ့နေထိုင်ကြပြီး မီဇိုရမ်အစိုးရ အနေဖြင့် စစ်ဘေးရှောင်ပြည်သူများကူညီဆောင်ရွက်ရာတွင် သိန်း ၃၀ ထုတ်ပေးခဲ့ပြီဖြစ်ကြောင်းလည်း မီဇိုရမ် ပြည်ထဲရေးဝန်ကြီးက ဆက်ပြောသည်။ မီဇိုရမ်ပြည်နယ်အတွင်း ကိုဗစ်-၁၉ ကူးစက်ခံရသူ စစ်ဘေးရှောင်းအရေအတွက် ဘယ်လောက်ရှိကြောင်း မေးမြန်းချက် ကို Pu Lalchamliana က ကိုဗစ်-၁၉ ရောဂါကူးစက်ခံရခြင်းနှင့်ပတ်သက်၍ စစ်ဘေးရှောင်များကို သီးသန့်မှတ်သား ပြုစု ထားခြင်းမရှိကြောင်း ဖြေကြားခဲ့သည်။ မြန်မာနိုင်ငံတွင် စက်တင်ဘာလ ၇ ရက်နေ့မနက်ပိုင်းကစပြီး National Unity Government…

စစ်ကိုင်းတိုင်းအထက်ပိုင်း၊ ဟုမ္မလင်းမြို့၊ ဟုမ္မလင်းရပ်ကွက်က အမျိုးသမီး ၁ ဦးအပါအဝင် လူ ၄ ဦးကို စက်တင်ဘာလ ၈ ရက်နေ့ ည (၈) နာရီအချိန်တွင် ၎င်းတို့၏နေအိမ်တွင် စစ်ကောင်စီတပ်ဖွဲ့က အင်အားအများအဖြင့် လာရောက်ဖမ်းဆီးသွားခဲ့သည်ဟု သိရသည်။ “ညက ဖမ်းဆီးတာတွေရှိတယ်၊ သူတို့ဖမ်းတဲ့သူတွေကိိုဆိုရင် လေတပ်ဖက်မှာပဲထားတာ” ဟု ဟုမ္မလင်းဒေသခံတစ်ဦးက ပြောသည်။ အဆိုပါ ဖမ်းဆီးခံရသူများမှာ ဦးအောင်ကိုလတ်၊ ဦးမင်းနီ၊ ဦးကျော်စိုးဦးနှင့် ဒေါ်ဆွေဆွေအောင်၏ ခင်ပွန်းဖြစ်သူ ဦးစိုးသိမ်းကို မတွေ့ရှိသောကြောင့် ဇနီးကို ဖမ်းဆီးသွားခြင်းဖြစ်သည်ဟု သိရပြီး စစ်ကောင်စီတပ်ဖွဲ့များက ၎င်းတို့ကို ရှမ်းနီအမျိုးသားတပ်မတော်များနှင့် ဆက်စပ်မှုရှိသည်ဟု သံသယရှိသောကြောင့် ဖမ်းဆီးခံရခြင်းဖြစ်သည်ဟုလည်း ဒေသခံများ၏ ပြောကြားချက်အရ သိရသည်။ ဖမ်းဆီးခံရသည့်အထဲမှ ဦးအောင်ကိုလတ်နှင့် ဦးကျော်စိုးဦးတို့ကို ည (၁၀) နာရီခွဲဝန်းကျင်တွင် ပြန်လည်လွတ်ပေးခဲ့သော်လည်း ကျန် ၂ ဦးကို ဆက်လက်ဖမ်းဆီးထားဆဲဖြစ်ကြောင်း သိရသည်။ အလားတူ ပြီးခဲ့သည့် သြဂုတ်လ ၂၄ ရက်နေ့ ညနေ ၃ နာရီတွင် ဟုမ္မလင်းမြို့၊ ကုတင် (၁၀၀) ဆံ ပြည်သူ့ဆေးရုံမှ CDM ဓာတ်ခွဲခန်းဝန်ထမ်း ကိုအိုက်ဇော်ဆိုသူကိုလည်း စစ်ကောင်စီတပ်ဖွဲ့က အိမ်စီးကားနှစ်စီးဖြင့် ၎င်း၏နေအိမ်တွင် ဝင်ရောက်ရှာဖွေ ဖမ်းဆီးသွားပြီး ၃ ရက်ခန့်အကြာမှ ပြန်လည်လွတ်ပေးခဲ့ကြောင်းလည်း သိရသည်။

ချင်းပြည်နယ်၊ ဟားခါးမြို့တွင် စက်တင်ဘာလ ၉ ရက်နေ့ နံနက်ပိုင်း ၁ နာရီခန့်က စစ်ကောင်စီတပ်ဖွဲ့နှင့် CDF တို့အကြား မြို့တွင်း ထပ်မံပစ်ခတ်ခြင်းရှိခဲ့ပြီး တိုက်ပွဲပြင်းထန်မှုရှိခဲ့သောကြောင့် လူနေအိမ် အဆောက်အအုံပျက်စီးမှုများ ရှိသည်ဟု သိရသည်။ “တိုက်ပွဲက တော်တော်လေး ပြင်းထန်တယ်။ အထိခိုက်ကတော့မသိရသေးဘူး၊ အိမ်တွေပျက်စီးတာတော့ရှိတယ်၊ ဘယ်နှစ်အိမ်လောက် ပျက်စီးလဲမသိရသေးဘူး သေနတ်သံတွေလဲ တော်တော်များတယ်၊ ဗုံးသံလည်း အရမ်းများတယ် အရင်ညက သူတို့တိုက်တာထက် ပိုပြီးတော့များ တယ် မနက် ၄နာရီလောက်ကလည်း သေနတ်သံ ၂ ချက် ၃ ချက်လောက် ပြန်ကြားတယ်။ ဖြစ်တာကလဲ ဟိုတနေ့ကဖြစ်တဲ့နေရာပတ်ဝန်းကျင်ပဲ” ဟု ဟားခါးမြို့ခံတစ်ဦးက ပြောသည်။ အဆိုပါပသ်ခတ်မှုကြောင့် ဟားခါးမြို့၊ ချင်းဦးစီးရပ်ကွက်၊ မြန်မာ့စီးပွားရေးဘဏ်များနှင့် မရာဘုရားကျောင်းအနီးအနားတွင် လက််နက်ကြီးကျည်များ ကျရောက်ပေါက်ကွဲကာ အဆောက်အအုံများပျက်စီးပြီး ဒဏ်ရာရ ထိခိုက်သူ ရှိ/မရှိကိုမှု မသိရှိရသေးပေ။ စက်တင်ဘာလ ၇ ရက်နေ့ ည ၁၀ နာရီအချိန်တွင်လည်း စစ်ကောင်စီတပ်ဖက်မှ လက်နက်ကြီးဖြင့် ရမ်းသမ်းပစ်ခတ်မှုကြောင့် လူနေအိမ်အချို့ ပျက်စီးမှုများရှိခဲ့ပြီး နေအိမ်အတွင်း ပုန်းခိုနေသော အမျိုးသားတစ်ဦးလည်း ပုခုံးတွင် ကျည်ထိမှန်ဒဏ်ရာရရှိခဲ့သည်ဟု သိရသည်။

မြန်မာနိုင်ငံတွင် စစ်တင်ဘာ ၇ ရက်နေ့က D-day ကြေညာခဲ့ပြီးနောက် ချင်းပြည်နယ် မြို့နယ်အသီးသီးတို့တွင် တိုက်ပွဲများတဖြေးဖြေးပြင်ထန်လာမည်ကို စိုးရိမ်ပူပန်ကြသောကြောင့် မီဇိုရမ်ပြည်နယ်ဘက်ကို ထွက်ပြေးတိမ်း ရှောင်လာသူများ ရှိနေပြီ၊ ထွက်ပြေးတိမ်းရှောင်လာသူ ပိုများလာနိုင်ဖွယ်ရှိကြောင်း သိရသည်။ အမျိူးသားညီညွတ်ရေးအစိုးရအဖွဲ့ NUG က မြန်မာနိုင်ငံတွင် စက်တင်ဘာ ၇ ရက်နေ့က D-day ကြေညာခဲ့ပြီးနောက် ချင်းပြည်နယ် ထန်တလန်မြို့နယ်က စစ်ဘေးရှောင် အယောက် ၃၀ ခန့် မီဇိုရမ်ပြည်နယ် Sangau ကျေးရွာအနီး Pang ကျေးရွာကို ဝင်ရောက်လာပြီး Pang ကျေးရွာလူထုများက ကူညီစောင့်ရှောက်ခဲ့ကြကြောင်း သိရသည်။ အဆိုပါ စစ်ဘေးရှောင် အယောက် ၃၀ တို့မှာ South Lungpher ကျေးရွာတွင် နေထိုင်ကြရန် South Lungpher ကျေးရွာကို ဆက်လက်ခရီးဆက်ခဲ့ကြသည်ဟု ဒေသတွင်းမီဒီယာများကဖော်ပြသည်။ စက်တင်ဘာ ၈ ရက်နေ့ကလည်း ထန်တလန်နယ်မှ စစ်ဘေးရှောင် အယောက် ၂၀ ကျော် မီဇိုရမ်ပြည်နယ် Sangau ကျေးရွာဘက်ကို ဝင်ရောက်လာကြောင်း သိရပြီး မီဇိုရမ်ပြည်နယ်ကို ထွက်ပြေးတိမ်းရှောင် လာသော စစ်ဘေးရှောင်းများ လာနိုင်ဖွယ်ရှိကြောင်း သုံးသပ်ရသည်။

ကလေးမြို့နယ် တောင်ပိုင်းရှိ ကျောက်ဖူးရွာနှင့် ဒိုးနွယ်ရွာအကြားသို့ ဝင်ရောက်လာသည့် အကြမ်းဖက်စစ်ကောင်စီစစ်ကြောင်းကို PDF (Kalay) တပ်ဖွဲ့ဝင်များက ယနေ့ နေ့လည် ၁၂ နာရီဝန်းကျင်ခန့်က မိုင်းဆွဲတိုက်ခိုက်ခဲ့ရာ စစ်ကောင်စီ‌တပ်သား အနည်းဆုံး ၄ ဦးသေဆုံးပြီး ၁၀ ဦးကျော်ဒဏ်ရာရသွားကြောင်း PDF (Kalay) ကထုတ်ပြန်သည်။ ထို့အပြင် ကလေးမြို့အတွင်းရှိ ဒကစ တပ်အတွင်းအပါအဝင် စစ်ကောင်စီတပ်ဖွဲ့များ ထိန်းချုပ်သိမ်းပိုက်‌နေရာယူထားသော ရုံးအဆောက်အဦးနေရာအများအပြားကို PDF (Kalay) တပ်ဖွဲ့ဝင်များက မိုင်းခွဲတိုက်ခိုက်မှုများပြုလုပ်ခဲ့သည်ဟုလည်း သိရသည်။ ယခုရက်ပိုင်းအတွင်း ကလေးမြို့နယ်တောင်ပိုင်း အင်းကျွန်း၊ ရေရှင်၊ လယ်ခြား၊ ကုက္ကိုလ်၊ ရှားတော၊ ဒိုးနွယ်ကျေးရွာများကို စစ်ကောင်စီတပ်ဖွဲ့များက မွှေနှောက်ဖျက်စီးခြင်း၊ ကျေးရွာပြည်သူများ၏ ဆိုင်ကယ်၊ ကား၊ လှေ၊ အိမ်တွင်းရှိအဖိုးတန် ပစ္စည်းများကို ယူဆောင်သွားခြင်း၊ အိမ်များကို မီးရှိုးဖျက်စီးခြင်းများ ဆက်လက်လုပ်ဆောင်လျက်ရှိသည်ဟု သိရသည်။ အဆိုပါကျေးရွာနေပြည်သူများအနေဖြင့် စစ်ကောင်စီ၏ရန်ပြုမှုဘေးမှ လွတ်ရာသို့ တိမ်းရှောင်ထွက်ပြေးနေရဆဲဖြစ်သည်။ PDF (Kalay) အနေဖြင့် ကလေးဒေသပြည်သူများ၏ အသက်၊ အိုးအိမ်၊ စည်းစိမ်ကို ကာကွ‌ယ်‌စောင့်ရှောက်ပေးနိုင်ရန်အတွက် စစ်ကောင်စီတပ်ဖွဲ့များအား အစွမ်းကုန် အရှိန်အဟုန်မြှင့် ချေမှုန်းတိုက်ခိုက်သွားမည်ဖြစ်‌သောကြောင့် ကလေးဒေသပြည်သူများအနေဖြင့် ကြုံလာရမည့်အခြေအနေအရပ်ရပ်အတွက် အမျိုးသားညီညွတ်ရေးအစိုးရ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာန က ထုတ်ပြန်တဲ့ ပဋိပက္ခတွေအတွင်း ဘေးအန္တရာယ်အတွက် ပြည်သူလူထုအနေနဲ့ ကြိုတင်ပြင်ဆင်ထားရမယ့် အချက်များအတိုင်း ကြိုတင်ပြင်ဆင်ထားကြရန်၊ PDF (Kalay) တပ်ဖွဲ့ဝင်များနှင့် ပူးပေါင်းပါဝင်ဆောင်ရွက်ကြပါရန်လည်း PDF (Kalay) ယ​နေ့ညထုတ်ပြန်သော ကြေညာချက်တွင်ဖော်ပြထားသည်။

စစ်ကိုင်းတိုင်းဒေကြီး၊ ကလေးမြို့နယ်တောင်ပိုင်း မြစ်သာမြစ်အရှေ့ဘက်ကမ်းတွင်တည်ရှိသော ရေရှင်ကျေးရွာတွင် အာဏာသိမ်းစစ်ကောင်စီတပ်ဖွဲ့များက သတ်ဖြတ်ခဲ့သည့် ရုပ်အလောင်း ၈ လောင်းကို ယမန်နေ့ စက်တင်ဘာလ ၆ ရက်နေ့ က ဒေသခံများက သဂြိုလ်ခဲ့ကြသည်ဟု စုံစမ်းသိရှိရသည်။ “အလောင်းတွေက ပုတ်လို့နေပြီ အလောင်းတောင် ကောက်လို့မရတော့ဘူး၊ မနေ့က ၈ လောင်းကို သဂြိုလ်တာ ရွာထဲမှာပဲ အိမ်နားနီးချင်းတွေရဲ့ထင်းတွေကိုယူပြီး ရှို့ပြီး သဂြိုလ်ကြတာ ၃ ယောက်က ရေရှင်သားတွေ သူတို့ လည်ပင်းတွေကို ဓားနဲ့လှီးဖြတ်ထားကြတာ ၅ ယောက်ကျတော့ ဘယ်သူတွေလည်းမသိရဘူး” ဟု ရေရှင်ကျေးရွာ ဒေသခံတစ်ဦးက ပြောသည်။ စစ်ကောင်စီတပ်ဖွဲ့က သတ်ဖြတ်သည့် ၃ ဦးမှာ ရေရှင်ကျေးရွာသာများဖြစ်ကြပြီး ကျန် ၅ ဦးမှာမူ အလောင်းပုတ်ပွနေပြီဖြစ်သည့်အတွက် မည်သူမည်ဝါမသိရှိနိုင်ကြောင်း PDF-Kalay တပ်ဖွဲ့ဝင်များလည်း ဟုတ်/မဟုတ်မသိရကြောင်း အဆိုပါဒေသခံက ဆက်ပြောသည်။ ပြီးခဲ့သည့်စက်တင်ဘာလ ၃ ရက်နေ့ ညနေ ၇ နာရီအချိန်တွင် စစ်ကောင်စီတပ်ဖွဲ့ဝင်များက ကျေးရှင်ကျေးရွာကို ဝင်ရောက်စီးနင်းကာ လက်နက်ကြီး၊ လက်နက်ငယ်များဖြင့် အဆက်မပြတ် ပစ်ခတ်ခဲ့သောကြောင့် လူနေအိမ် ၇ လုံး မီးလောင်ပြာကျသွားသည့်အပြင် နေအိမ်အချိူ့မှာလည်း ဖောက်ထွင်းခံရပြီး ကားတွေပါ မီးလောင်ပျက်စီးခဲ့သည်ဟုသိရ သည်။ အာဏာသိမ်းစစ်ကောင်စီတပ်ဖွဲ့များက ရေရှင်ကျေးရွာအပါအဝင် မြစ်သာမြစ်အရှေ့ဘက်ကမ်းက ကျေးရွာများအား ဝင်ရောက်စီးနင်မှုကြောင့် PDF- Kalay ဒေသကာကွယ်ရေးတပ်ဖွဲ့နှင့်လည်း စက်တင်ဘာလ ၃ ရက်နေ့ကတည်းက တိုက်ပွဲများဖြစ်ပွားခဲ့ပြီး စစ်ကောင်စီတပ်သား အနည်းဆုံး ၈ ဦးသေဆုံးကာ PDF-Kalay ဘက်မှလည်း ၃ ဦးခန့် လက်နက်ကြီးကျည်ထိမှန်ဒဏ်ရာရရှိခဲ့ကြသည်ဟု…

ချင်းပြည်နယ် စီမံအုပ်ချုပ်ရေးကောင်စီမှ ချင်းပြည်နယ်အတွင်းရှိ ခရစ်ယာန်အမှုတော်ဆောင်ပါစတာများအား အလှူငွေေထာက်ပံ့ပေးမှုကို လက်မခံဘဲ ဟားခါးနှင့် ဖလမ်းမြို့နယ်မှ ခရစ်ယာန်အမှုတော်ဆောင်ပါစတာများက ၎င်းတို့လက်ခံရရှိခဲ့သော ငွေကြေးများကို အသီးသီး ပြန်လည်အပ်နှံခဲ့ကြသည်ဟု စုံစမ်းသိရှိသည်။ အာဏာသိမ်းစစ်ကော်စီမှ ဖွဲ့စည်းထားသည့် ချင်းပြည်နယ် စီမံအုပ်ချုပ်ရေးကောင်စီအဖွဲ့သည် ကိုဗစ်ကာလကူညီထောက်ပံ့ရေးဟုဆိုကာ ဖလမ်းမြို့နယ်အတွင်းရှိ ခရစ်ယာန်အမှုတော်ဆောင်ပါစတာများအား စက်တင်ဘာလ ၅ ရက်နေ့က တစ်ဦးလျှင် ကျပ်ငွေ ၁၈၀၀၀ နှုန်းဖြင့် ကူညီထောက်ပံ့ကာ ချင်းလူမျိူးအသိုင်းအဝန်းနှင့် လူမှုကွန်ယက်စာမျက်နှာတွင် ဝေဖန်သံများ ကျယ်ကျယ်လောင်လောင် ထွက်ပေါ်လာပြီးနောက် ယနေ့စက်တင်ဘာလ ၆ ရက်နေ့တွင် ၎င်းတို့လက်ခံရရှိခဲ့သည့် အလှူငွေများကို စစ်ကောင်စီထံ ပြန်လည်အပ်နှံခဲ့ကြခြင်းဖြစ်သည်။ ယင်းကိစ္စနှင့်ပတ်သက်၍ ဖလမ်းမြို့နယ်မှ အလှူငွေလက်ခံရရှိပြီး ပြန်လည်အပ်နှံခဲ့သည့် ခရစ်ယာန်အမှုတော်ဆောင် ပါစတာတစ်ဦးက “သူတို့ပြောတာကတော့ ကိုဗစ်ကြောင့် ခက်ခဲနေရတယ်ဆိုတော့ ထောက်ပံ့တာလို့ပြောပါတယ်၊ ကျနော်က ကျနော့်အသင်းတော်အမှုတော်ဆောင် ၁၇ ယောက်စာအတွက် ထုတ်ခဲ့တာလေ၊ အဲဒီ ၁၇ ယောက်စာကို ဒီနေ့ ပြန်အပ်လိုက်တယ်၊ ကျနော်တို့ အသင်းသူအသင်းသားတွေကလည်း အဲဒါ ယူလို့မကောင်းပါဘူးဆိုပြီး ပြောတယ်၊ အသင်းသူအသင်းသားတွေရဲ့ မျက်နှာကိုကြည့်ပြီး ကျနော်တို့ ပြန်အပ်လိုက်တာပါ” ဟု ခိုနူမ်းသုန်သတင်းဌာနကို ပြောသည်။ ဖလမ်းမြို့နယ်တွင် စစ်ကောင်စီမှထောက်ပံ့သော အလှူငွေများလက်ခံရရှိသည့် ခရစ်ယာန်အမှုတော်ဆောင် အရေအတွက် မည်မျှရှိသည်ကို အတိအကျမသိရဘဲ ၎င်းတို့လက်ခံရရှိသော အလှူငွေများကိုလည်း အားလုံး ပြန်အပ်နှံခြင်းရှိ/မရှိကိုလည်း မသိရကြောင်း အဆိုပါ ပါစတာကဆက်ပြောသည်။ အလားတူ ချင်းပြည်နယ်၏မြို့တော် ဟားခါးမြို့တော်တွင်လည်း စက်တင်ဘာလ ၃ ရက်နေ့က ခရစ်ယာန်အမှုတော်ဆောင် အယောက် ၂၆၁ ဦးထံ ချင်းပြည်နယ် စီမံအုပ်ချုပ်ရေးကောင်စီက တစ်ဦးလျှင်ကျပ်ငွေ…

ချင်းပြည်နယ်၊ ဟားခါးမြို့တွင် အကူအညီလိုအပ်နေသည့် အိမ်ထောင်စုပေါင်း ၈၀ ကို Latsinu နှင့် ညီမများအဖွဲ့မှ အစားအသောက်နှင့် ဆေးဝါးကုသမှုအတွက် ငွေသား ထောက်ပံ့ပေးခဲ့သည်ဟု သိရသည်။ Latsinu နှင့် ညီမများအဖွဲ့အနေဖြင့် ဟားခါးမြို့နယ်အတွင်းရှိ အိမ်ထောင်စုပေါင်း ၂၀၀၀ ကို ရှေ့ပြေးစစ်တမ်းကောက်ယူကာ ယင်းအနက် အိမ်ထောင်စုပေါင်း ၈၀ ကို အုပ်စု ၃ စုခွဲ ထောက်ပံ့ခဲ့ကြခြင်းဖြစ်သည်ဟု တာဝန်ရှိသူတစ်ဦးက ပြောသည်။ “အိမ်ထောင်စု ၈၀ ကို တခါတည်းနဲ့ အုပ်စု ၃ ခုခွဲပြီးတော့ ပံပိုးပေးတာဖြစ်တယ်။ အခုလဲ မနက်ဖြန် ဆေးဝယ်ဖိို့နဲ့ ဒီနေ့ကိုလဲ ဆေးဝယ်ဖို့လိုအပ်တဲ့ ကင်ဆာသမားတွေလဲရှိတယ်၊ အထူးသဖြင့် ကလေးတွေ စားနပ်ရိက္ခာအတွက် ကျမတို့ စစ်ကောင်စီရဲ့ခွင့်ပြုချက်နှင့် လမ်းခရီးပေါက်တဲ့အထိ စောင့်မယ်ဆိုရင်တော့ တော်တော်လေး စိုးရိမ်ရတဲ့ အနေအထားဖြစ်တဲ့အတွက် အရေးပေါ်အနေနဲ့ ဦးစားပေးပြီး အမျိုးသမီးအဖွဲ့အနေနဲ့ ပေါင်းပြီးတော့ ပေးရတာပါ” ဟု ပြောသည်။ အဆိုပါ ကူညီထောက်ပံ့မှုများကို ပလက်ဝမြို့နယ်မှ ထန်တလန်သို့ ပြောင်းရွှေ့လာကြသော ထိုမှတဆင့်မှ ဟားခါးမြို့သို့ ပြန်လည်ရောက်ရှိလာကြသည့် စစ်ဘေးရှောင်အိမ်ထောင်စုများနှင့် နာမကျန်း သက်ကြီးရွယ်အို မသန်စွမ်းကလေးငယ်များပါဝင်သည့် အိမ်ထောင်စုများက လက်ခံရရှိကြသည်ဟု သိရသည်။ Latsinu နှင့် ညီမများအဖွဲ့မှ ယခင်က ပလက်ဝနှင့် ဆမီးစစ်ဘေးရှောင်တို့ကိုလည်း ၆ လတိုင် ထောက်ပံ့မှုများ ပေးသည့်အပြင် ယခုတွင်လည်း အထူးလိုအပ်သူများကို ဆေးဝါးနှင့် အစားအသောက်များအတွက် ပုံမှန် ၁ လလျှင် တစ်ကြိမ်မှ ၂ ကြိမ် ထောက်ပံမှုများပေးနိုင်ရန် စီစဉ်ထားကြောင်းလည်း…

ချင်းပြည်နယ် တီးတိန်မြို့ မြို့မရဲစခန်းက နယ်ထိန်း ဒု-ရဲအုပ် စက်တင်ဘာလ ၄ ရက်ေန့က သေနတ်ဖြင့် ပစ်ခတ်ခံရပြီး စက်တင်ဘာ ၅ ရက် နေ့လယ်ပိုင်းတွင် သေဆုံးသွားကြောင်း တီးတိန်မြို့ဒေသခံများထံမှ သိရသည်။ “စနေနေ့ကပေါ့ တီးတိန်ကြိုဆိုပါ၏ ကားနဲ့သွားပြီးတော့မှ ဓာတ်ဆီသွားဖြည့်တယ်ထင်တယ် အဲဒီအပြန်မှာ အပစ်ခံရတယ် ဒဏ်ရာရပြီးတော့ စခန်းထိတော့ရောက်တယ် အဲဒီကနေ မနေ့က ကလေးမြို့ပို့ဖို့ အဲဒီကြိုဆိုပါ၏ မရောက်ခင်မှာ ဆုံးသွားတယ်လို့သိရတယ်” ဟု တီးတိန်မြို့ဒေသခံတစ်ဦးကပြောသည်။ သေဆုံးသူမှာ အသက် ၃၇ နှစ်အရွယ် ဒု-ရဲအုပ်သန်းလင်းဦးဟုသိရပြီး ကျည်ဆံ ၃ ချက်ထိမှန်ကာ သေဆုံးခြင်းဖြစ်သည်ဟု သိရသည်။ ဒု-ရဲအုပ်အား သေနတ်ဖြင့် ပစ်ခတ်သွားသူများမှာ မည်သည့်အဖွဲ့အစည်းဖြစ်သည်ကိုမူ မသိရသေးပေ။ တီးတိန်မြို့တွင် ပြီးခဲ့သည့် သြဂုတ်လနောက်ဆုံးပတ်ကလည်း မြန်မာ့စီးပွားရေးဘဏ်လုံခြုံရေးတာဝန်ကျသည့် ရဲတပ်သား ၃ ဦးကို အမည်မသိလက်နက်ကိုင်သူများက သေနတ်ဖြင့်ပစ်ခတ်သေဆုံးခဲ့သည်။ ချင်းပြည်နယ်၏ မြို့တော် ဟားခါးမြို့ ပြည်နယ်စီမံအုပ်ချုပ်ရေးကောင်စီရုံးရှေ့တွင် စက်တင်ဘာလ ၄ ရက်နေ့ညက သေနတ်ပစ်ခတ်မှုဖြစ်ပွားခဲ့ပြီး စစ်ကောင်စီတပ်သား ၁ ဦး သေဆုံးခဲ့သည်ဟု သိရသည်။