(006SV) ချင်းပြည်နယ်၊ ကန်ပက်လက်မြို့နယ်၊ လွန်ဒုံကျေးရွာကို စစ်ကောင်စီက ယနေ့ လေကြောင်းတိုက်ခိုက်မှုများ ပြုလုပ်ခဲ့ရာ ဒေသခံပြည်သူများ ဒဏ်ရာအပြင်းအထန် ရရှိခဲ့ကြောင်း ကန်ပက်လက်မြို့နယ် ပြည်သူ့အုပ်ချုပ်ရေးအဖွဲ့ထံမှ သိရသည်။ ယနေ့ဧပြီလ ၂၈ ရက် နေ့လယ် ၁ နာရီခွဲခန့်က စစ်ကောင်စီက လွန်ဒုံကျေးရွာကို လေကြောင်းတိုက်ခိုက်မှု ၂ ကြိမ် ပြုလုပ်ခဲ့ရာ အသက် ၆၈ နှစ်အရွယ် အမျိုးသား (၁) ဦး၊ အသက် ၄၅ နှစ်အရွယ် အမျိုးသမီး (၁) ဦးတို့မှာ ပြင်းထန်ဒဏ်ရာများရရှိခဲ့ပြီး အသက် ၁၈ နှစ်အရွယ် အမျိုးသမီး (၁) ဦးမှာ မစိုးရိမ်ရ ဒဏ်ရာများရရှိခဲ့ကြောင်း သိရသည်။ လေကြောင်း တိုက်ခိုက်မှုကြောင့် လွန်ဒုံကျေးရွာရှိ လက်ရှိမှာ ဖွင့်လှစ်နိုင်ခြင်း မရှိသည့် ဆေးပေးခန်းနှင့် အရပ်သား နေအိမ် ၃ လုံးမှာ လုံးဝ ပျက်စီးသွားခဲ့ကြောင်း ကန်ပက်လက်မြို့နယ် ပြည်သူ့အုပ်ချုပ်ရေးအဖွဲ့က ယနေ့မှာ သတင်းထုတ်ပြန်သည်။ လွန်ဒုံကျေးရွာမှာ အိမ်ခြေ ၃၀ ကျော်ခန့်သာရှိသော ကျေးရွာငယ်ဖြစ်ပြီး တိုက်ပွဲဖြစ်ပွားခြင်း မရှိသည့် နေရာဒေသများမှ အရပ်သားပြည်သူများကို ဦးတည်၍ လေကြောင်းတိုက်ခိုက်ခြင်းသည် စစ်ရာဇတ်မှု ကျူးလွန်ခြင်း ဖြစ်ကြောင်း ယင်းအဖွဲ့က ဆိုသည်။ စစ်ကောင်စီသည် ကန်ပက်လက်မြို့နယ်၊ ဖျန်ချောင်းကျေးရွာကို ဧပြီလ ၃ ရက်က လေကြောင်းတိုက်ခိုက်မှု (၁) ကြိမ်၊ အုံကျေးရွာ၊ လွီးစုံကျေးရွာ၊ ကောက်ဆောင်းကျေးရွာများကို ဧပြီလ ၁၇ ရက်က လေကြောင်းတိုက်ခိုက်မှု (၁) ကြိမ်နှင့် ယနေ့မှာ…
Author: Editor
(006SV) ချင်းပြည်နယ်၊ မင်းတပ်မြို့နယ်ထဲက ဝမ္မသူးဆေးရုံ လေကြောင်းတိုက်ခိုက်ခံရမှုတွင် သေဆုံးသူ ၅ ဦးနှင့် ထိခိုက် ဒဏ်ရာရရှိသူ ၃၀ ဦးအထိ တိုးလာပြီး ဆေးရုံတစ်ခုလုံး မီးလောင်ပျက်စီးသွား၍ ကျန်းမာရေးစောင့်ရှောက်မှု ပြန်လည်ပေးနိုင်ရန် ကူညီထောက်ပံ့မှုများ အရေးတကြီး လိုအပ်နေကြောင်း သတင်းရရှိသည်။ ဧပြီလ ၂၅ ရက် ည ၈ နာရီခန့်က စစ်ကောင်စီက ဝမ္မသူး ဆေးရုံကို လေကြောင်းတိုက်ခိုက်မှု နှစ်ကြိမ်ပြုလုပ်ရာတွင် ပေါင် ၅၀၀ ဗုံး ၄ လုံးကျော်အထိ အသုံးပြုတိုက်ခိုက်ခဲ့ကြောင်း မင်းတပ်မြို့နယ် ပြည်သူ့အုပ်ချုပ်ရေးအဖွဲ့က သတင်းထုတ်ပြန်သည်။ ပထမအကြိမ်တွင် လူနာများ ကုသနေသည့် အပေါ်ဆေးရုံထိခိုက်ပျက်စီးခဲ့ပြီး လူနာများ၊ လူနာစောင့်များ ၃၀ ဦးခန့် ထိခိုက်ဒဏ်ရာများရရှိခဲ့ကာ အမျိုးသား ၅ ဦး သေဆုံးကြောင်း၊ ဒုတိယအကြိမ်တွင် ဆေးပစ္စည်နှင့် အခြားပစ္စည်းများ သိုလှောင်သည့် အောက်ဆေးရုံ၊ ကျန်းမာရေးဝန်ထမ်း အိမ်ရာများ ထိခိုက်ပျက်စီး မီးလောင်သွားခဲ့ကြောင်း သိရသည်။ လေကြောင်းတိုက်ခိုက်ခံရမှုကြောင့် ခွဲစိတ်ခန်း၊ လူနာဆောင်၊ ဓါတ်ခွဲခန်း၊ ခွဲစိတ်ခန်းသုံး ပစ္စည်းများနှင့်တကွ ဆေးရုံကား၊ ဆီပေပါ၊ ဆေးဝါးနှင့် ခွဲစိတ်ပစ္စည်းများ၊ ကျန်းမာရေးဝန်ထမ်း အိမ်ရာနှင့်တကွ အသုံးအဆောင်ပစ္စည်းပေါင်း ကာလတန်ဖိုး သိန်းတစ်သောင်းခန့် ပျက်စီးဆုံးရှုံးခဲ့ကြောင်း သိရသည်။ ဝမ္မသူး ဆေးရုံးသည် မင်းတပ်မြို့နယ်တစ်ခုလုံးသာမက ချင်းပြည်တောင်ပိုင်း မတူပီ၊ ကန်ပက်လက်၊ ပလက်ဝနှင့်တကွ မကွေးတိုင်းထဲက ဂန့်ဂေါ၊ ထီးလင်း၊ ကျောက်ထု၊ ဆော၊ လောင်းရှည်၊ စေတုတ္တရာ၊ ပွင့်ဖြူ၊ ဆိပ်ဖြူ၊ ပေါက်၊ မြိုင်၊ စစ်ကိုင်းတိုင်းထဲက…
(006SV) ချင်းပြည်နယ်၊ မင်းတပ်မြို့နယ်၊ တိုက်နယ် (၂) ဒေသက ဝမ္မသူးဆေးရုံကို စစ်ကောင်စီက ဗုံးကြဲတိုက်ခိုက်မှုကြောင့် ဆေးကုသမှု ခံယူနေသော ပြည်သူ ၄ ဦးသေဆုံးကာ ၁၅ ဦးထက်မနည်းမှာ ဒဏ်ရာအပြင်းအထန်များ ရရှိခဲ့ကြောင်း သတင်းရရှိသည်။ ယမန်နေ့ ဧပြီလ ၂၅ ရက်ညနေပိုင်း ၄ နာရီခန့်တွင် မင်းတပ်မြို့နယ် တိုက်နယ် ၂ ဖက်ကို စစ်ကောင်စီက တိုက်လေယာဉ်နှင့် ၂ ကြိမ် ၊ Y12 အမျိုးစားလေယာဉ်ဖြင့် ၅ ကြိမ်ဗုံးကြဲခဲ့ပြီးနောက် ည ၈ နာရီခန့်တွင် CDF-Mindat ထိန်းချုပ်နယ်မြေထဲတည်ရှိသော ဝမ္မသူးဆေးရုံကို ထပ်မံဗုံးကြဲတိုက်ခိုက်ခဲ့ခြင်းဖြစ်သည်။ “ညနေ ၄ နာရီ ၄၀ လောက်မှာ တိုက်နယ် ၂ တစ်နေရာကို ဂျက်ဖိုက်တာနဲ့ နှစ်ကြိမ်ဗုံးကြဲတယ်။ Y12 လေယာဉ်နဲ့က တစ်ခါကြဲရင် ၁၂ လုံးလောက် ကြဲတယ်။ ငါးကြိမ် လာကြဲတယ်။ ငါးဆယ်ကျော်လောက်ရှိမယ်။ ၈ နာရီမှာ ဝမ္မသူး ဆေးရုံးကို ကြဲတယ်။ လူနာ ဆောင် တည့်တည့်ကို ဂျက်ဖိုက်တာနဲ့ ၂ ကြိမ် လာကြဲတယ်။ ဆေးကုသမှု ခံယူနေတဲ့ လူနာ ၄ ဦး သေဆုံးတယ်။ ၁၅ ဦးကျော်လောက် ဒဏ်ရာရတယ်” ဟု CDF မင်းတပ်မှ ပြောရေးဆိုခွင့်ရှိသူ ဆလိုင်းဟာအွမ်းက ပြောသည်။ စစ်ကောင်စီသည် ဝမ္မသူးဆေးရုံကို လေကြောင်းတိုက်ခိုက်မှု နှစ်ကြိမ်ဖြင့် ဗုံး ၆ လုံးဖြင့် တိုက်ခိုက်ခဲ့ရာ ဆေးရုံလူနာဆောင်ပေါ်…
(002MG) စစ်ကိုင်းတိုင်း၊ ကလေးမြို့မြောက်ပိုင်းဒေသကို စစ်ကြောင်းထိုးဝင်ရောက်နေသော စစ်ကောင်စီတပ်ဖွဲ့က ကျေးရွာများကို တရွာပြီးတရွာမီးတင်ရှို့နေပြီး ကျေးရွာပေါင်း ၆ ရွာက လူနေအိမ်ခြေရာနှင့်ချီ မီးလောင်ပျက်စီးခဲ့ရပြီဟု သိရသည်။ စစ်ကောင်စီတပ်ဖွဲ့သည် ကလေးမြောက်ပိုင်းဒေသကို ဧပြီလဆန်းပိုင်းကစတင်စစ်ကြောင်းထိုးဝင်ရောက်လာကာ ပြည်သူ့ကာကွယ်ရေးပူပေါင်းတပ်ဖွဲ့များနှင့် နေ့စဉ်ရက်ဆက်တိုက်ပွဲဖြစ်ပွားနေပြီး တိုက်ပွဲဖြစ်ပွားခြင်းမရှိသည့်ကျေးရွာ များကိုပါ စစ်ကောင်စီက မီးပတ်ရှို့နေသည်ဟု ပြည်သူ့ကာကွယ်ရေးတပ်ဖွဲ့ဝင်တစ်ဦးက ပြောသည်။ “တောက်လျှောက်မီးရှို့တာ၊ စစ်ကြောင်းထိုးပြီးမှ သူတို့ကိုယ်တိုင်ပဲ ထိတွေ့မှုရှိရှိ/မရှိရှိ သူတို့တွေက မီးရှို့တာ။ ဖြစ်တဲ့နေရာပဲရှို့မယ်ဆိုရင် သူတို့ (၃) နေရာလောက်ပဲရှိမှာ အခုက ပတ်ခြာလည်ရှို့တာကိုး၊ ရွာတွေက မီးရှို့ တာပဲမြင်ရတယ်၊ ဘယ်လောက်လောက် မီးထဲပါသွားလဲဆိုတာ တပ်ဖွဲ့ဝင်တွေ ဝင်လို့မရသေးတော့ မသိရသေးဘူး” ဟု ပြည်သူ့ကာကွယ်ရေးတပ်ဖွဲဝင်တဦးက ပြောသည်။ ဧပြီလဆန်းကစ၍ ယနေ့ ဧပြီလ ၂၆ ရက်နေ့အထိ ကလေးမြို့မြောက်ပိုင်းဒေသက ပျဉ်းခုံကြီး၊ ဟံသာ၊ ယောက်ချိုကွင်း၊ နန်းချောင်း၊ ဆည်ကြီး နှင့် ချင်း-ကလေးအစပ် တီးတိန်မြို့နယ် မိုင်နွဲကျေးရွာတို့ကို စစ်ကောင်စီက မီးရှိုခဲ့ခြင်းဖြစ်သည်။ စစ်ကောင်စီတပ်ဖွဲ့၏ မီးရှို့မှုကြောင့် ပျဉ်းခုံကြီးရွာက ဘုရားကျောင်း ၅ ကျောင်းအပါအဝင် အိမ်ခြေ ၄၀၀ နီးပါး၊ ဟံသာ ကျေးရွာနှင့် ယောက်ချိုကွင်းကျေးရွာတွင် အိမ်ခြေ ၃၀ ကျော် နှင့် မိုင်နွဲကျေးရွာတွင် ဘုရားကျောင်း ၂ ကျောင်း အပါ အဝင် အိမ်ခြေ ၅၀ ခန့် မီးလောင်ပျက်စီးခဲ့သည်ဟု သိရသည်။ နန်းချောင်းကျေးရွာတွင် စစ်ကောင်စီတပ်ဖွဲ့နှင့် ပြည်သူ့ကာကွယ်ရေးတပ်ဖွဲ့များ ဧပြီလ ၂၄ ရက်နေ့ကစ၍ ထိတွေ့ တိုက်ပွဲဖြစ်ပွားပြီးနောက် ဧပြီလ…
(006SV) မြန်မာ့နွေဦးတော်လှန်ရေး ၃ နှစ်ကျော်လာချိန်တွင် ချင်းတော်လှန်ရေးအင်အား စုများသည် ချင်းပြည်နယ်၏ နယ်မြေအများစုကို တိုက်ခိုက်သိမ်းပိုက်နိုင်ခဲ့ကြပြီး စစ်ရေးအရအောင်မြင်မှု အတိုင်းအတာတစ်ခုအထိရှိလာပြီဟုသိရသည်။ နွေးဦးတော်လှန်ရေးအစကနဦးပိုင်းမှာ စစ်ကောင်စီတပ်ဖွဲ့၏ အကြီးအကျယ်ထိုးစစ်တိုက်ခိုက်မှုခံခဲ့ရသော ချင်းတောင်တွင် ယခုအခါ စစ်ကောင်စီတပ်ဖွဲ့၏ ထိုးစစ်ဆင်တိုက်ခိုက်မှုများ သိသိသာသာလျှော့နည်းလာပြီး တိုက်ပွဲဖြစ်ပွားမှု လည်း ယခင်ကထက် နည်းပါးလာသည်ကိုတွေ့ရသည်။ ယခုလက်ရှိချင်းပြည်နယ်၏ စစ်ရေးအခြေအနေ၊ စစ်ကောင်စီတပ်ဖွဲ့၏ အနေအထားများ၊ လတ်တလော ရင်ဆိုင်နေရသော စိန်ခေါ်မှုများနှင့်ပတ်သက်၍ ချင်းအမျိုးသားတပ်ဦး CNF ပြောရေးဆိုခွင့်ရှိသူ ဆလိုင်းထက်နီကို ခိုနူမ်းသုန်သတင်းဌာနက ဆက်သွယ်မေးမြန်းထားသည်။ မေး – ခုဆိုရင် တူမီးနဲ့စတင်ခဲ့တဲ့ တော်လှန်ရေးဟာ ၃ နှစ်ကျော်လာပါပြီ။ ကျနော်တို့ ချင်းပြည်တော်လှန်ရေး ရည်မှန်းချက်အနေနဲ့ ဘယ်လောက်အတိုင်အတာထိ ရောက်နေပြီးလို့ ပြောလို့ ရမလဲ။ ဖြေ – ၃ နှစ်တာတော်လှန်ရေးတိုက်ပွဲမှာက ကျနော်တို့ အောင်မြင်မှုနဲ့ပတ်သက်ရင် ချင်းပြည်နယ် ၉ မြို့နယ်က မြို့ပေါ် မှာပဲ စစ်ကောင်စီက တပ်ထိုင်နိုင်တဲ့ အနေအထားပဲ ရှိတော့တယ်။ တခြားဒေသတွေ အားလုံးကတော့ ပြည်သူကနေ စိုးမိုးထားနိုင်ပြီ၊၊ ရာခိုင်နှုန်းနဲ့ တွက်ကြတော့ ၁၀၀ မှာ ၇၅ ရာခိုင်နှုန်းတော့ ကျနော်တို့ရဲ့ ထိန်းချုပ်စိုးမိုးမှု အောက်မှာ ရှိနေတယ်။ အဲဒီထဲမှာ ဒေသအုပ်ချုပ်ရေးတွေကို သူ့ဟာနဲ့ သူ ၊ အဲသလိုမျိုး ဖော်ဆောင်နိုင်တဲ့ အဆင့်ပေါ့။ ဒါပေမယ့် ကျနော်တို့ လိုချင်တာက စစ်အာဏာရှင် အပြုတ်တိုက်ရေး ဆိုတော့ အားလုံးတစ်စုံလုံးကို ထိန်းချုပ်နိုင်ဖို့က ကျနော် တို့မှာ တာဝန်အများကြီး ရှိနေသေးတယ်။ အဲဒီအတွက်…
(005MK) အမေရိကန်အခြစိုက် ချင်းနှစ်ခြင်းအသင်းတော် (Chin Baptist Churches USA) မှ တာဝန်ရှိသူများသည် မီဇိုရမ်ပြည်နယ်ဝန်ကြီးချုပ် ပူးလာလ်ဒိုအောမ်မာနှင့် တွေ့ဆုံးပြီး Chief Minister Relief Fund အတွက် ရူပီးငွေ ၃ သိန်းပေးအပ်လှူဒါန်းခဲ့သည်သည်ဟု သိရသည်။ CBCUSA မှတာဝန်ရှိသူတစ်ချို့သည် မီဇိုရမ်ပြည်နယ်ဝန်ကြီးချုပ်ကို သူ၏ ရုံးခန်းတွင် ဧပြီလ ၂၄ ရက်နေ့က သွားရောက်တွေ့ဆုံခဲ့ကြပြီး မြန်မာနိုင်ငံကစစ်ဘေးရှောင်များအား ကူညီစောင့်ရှောက်သည့်အပေါ် ကျေးဇူးတင်ကြောင်း ပြောဆိုခဲ့ကြပြီး ဝန်ကြီးချုပ်ကယ်ဆယ်ရေးရန်ပုံငွေအတွက် ရူပီးငွေ ၃ သိန်းပေးလှူခဲ့တာဖြစ်သည်ဟု သိရသည်။ Chin Baptist Churches USA အဖွဲ့သည် အမေရိကန်ရောက် ချင်းနှစ်ခြင်းအသင်းတော်များဖြင့်ဖွဲ့စည်းထားသော ဘာသာရေးအဖွဲ့အစည်းဖြစ်ပြီး အသင်းတော်ပေါင်း ၁၂၀ နှင့် အသင်းသူအသင်းသား လူဦးရေ ၃၃၀၀၀ ဝန်းကျင်ရှိသည်ဟု သိရသည်။ အမေရိကန်အခြေစိုက် CBANA ကလည်း ဧပြီလ ၂၀ ရက်နေ့က မီဇိုရမ်ပညာရေးဝန်ကြီးထံ ရူပီးငွေ ၈ သိန်း ၅ သောင်း ပေးအပ်လှူဒါန်းခဲ့ကြသည်။
(005MK) အိန္ဒိယ-မြန်မာ နှစ်နိုင်ငံကြား နယ်စပ်ဖြတ်ကျော် ဝင်/ထွက်သွားခွင့်ပိတ်ပင်မှုကို အိန္ဒိယဗဟိုအစိုးရက ပြန်လည်ရုပ်သိမ်းလိုက်ပြီး ယနေ့မွန်းလွဲပိုင်းကစ၍ ရိ-ဇိုခေါထာရ် ချစ်ကြည်ရေးတံတားကိုလည်း ပြန်လည်ဖွင့်ပေးလိုက်ပြီဟု သိရသည်။ အိန္ဒိယနိုင်ငံမှာ ပြည်သူ့လွှတ်တော်ရွေးကောက်ပွဲကျင်းပမှုကို အကြောင်းပြကာ အိန္ဒိယ-မြန်မာ အမှတ် ၂ နယ်စပ်ကုန် သွယ်ရေးစခန်း တည်ရှိရာ ရိဒ်-ဇိုခေါထာရ် ချစ်ကြည်ရေး တံတားကို ဧပြီလ ၁၇ ရက်မှ ၁၉ ရက်နေ့အထိ ပိတ်ပင်ခဲ့သည်။ ရွေးကောက်ပွဲ ကျင်းပပြီးစီး၍ ဧပြီလ ၂၀ ရက်နေ့ မွန်းလွဲပိုင်းမှာ ရိဒ်-ဇိုခေါထာရ် ချစ်ကြည်ရေး တံတားကို ပြန်ဖွင့်ခဲ့ သော်လည်း အိန္ဒိယပြည်ထဲရေးဝန်ကြီးဌာန၏ အမိန့်အရဟုဆိုကာ အာသံရိုင်ဖယ်တပ်ဖွဲ့က နှစ်နိုင်ငံဝင်ထွက်သွား လာခွင့်ကို တင်းကြပ်လိုက်ပြီး မြန်မာဘက်ခြမ်းက ကျောင်းသူ၊ ကျောင်းသားနှင့် ကျန်းမာရေးဆိုင်ရာ အရေးပေါ် အခြေအနေများကိုသာ ခြွင်းချက်အဖြစ် နယ်စပ်ဖြတ်ကျော်ခွင့်ပြုထားခဲ့ခြင်းဖြစ်သည်။ အာသံရိုင်ဖယ်တပ်ဖွဲ့က မီဇိုရမ်ပြည်နယ် ကျန်ဖိုင်းခရိုင်ထဲက နယ်စပ်အနီးကျေးရွာများမှ ရပ်ရွာလူကြီးများ၊ အုပ်ချုပ်ရေးအဖွဲ့များအား ခေါ်ယူတွေ့ဆုံကာ အိန္ဒိယ-မြန်မာနယ်စပ်ကို ဧပြီလ ၂၀ ရက်မှ ၃၀ ရက်နေ့အထိ နားလည်မှု ကာလအဖြစ်သတ်မှတ်ကာ ဝင်ထွက်သွားလာခွင့်ပြုထားမည်ဖြစ်သော်လည်း မေလ ၁ ရက်နေ့ကစ၍ ပိတ်ပင်သွားမည်ဟု ပြောဆိုခဲ့သည်။ သို့သော်လည်း ယနေ့ဧပြီလ ၂၅ ရက်နေ့မွန်းလွဲပိုင်းတွင် အိန္ဒိယ-မြန်မာနယ်စပ်ကုန်သွယ်ရေးစခန်း ချင်းပြည်နယ် ဖလမ်း မြို့နယ်က ရိခေါဒါရ်မြို့နှင့် မီဇိုရမ်ပြည်နယ် ကျန်ဖိုင်းခရိုင် ဇိုခေါထာရ်ကျေးရွာကြား ရိ-ဇိုခေါထာရ် နယ်စပ်ဂိတ် တံတား ကို အိန္ဒိယဘက်က ပြန်လည်ဖွင့်လှစ်ပေးခဲ့သည်ဟု မီဇိုရမ်ရုပ်သံသတင်းဌာန Zonet က ကြေညာသည်။ ယနေ့မွန်းလွဲပိုင်းကစ၍ ရိ-ဇိုခေါထာရ်…
(005MK) ကလေးမြို့မြောက်ပိုင်း ပျဉ်းတောဦး (Tuingo) ကျေးရွာတွင် စစ်ကောင်စီတပ်ဖွဲ့မှ ပစ်ခတ်လိုက်သော လက်နက်ကြီးကျည်ကျရောက်ပေါက်ကွဲမှုကြောင့် အရပ်သားတစ်ဦးထပ်မံသေဆုံးပြီး တစ်ဦးမှာပြင်းထန်ဒဏ်ရာရရှိကြောင်းသိရသည်။ ယနေ့ဧပြီလ ၂၅ ရက်နေ့လည်ပိုင်းတွင် ပျဉ်းတောဦးကျေးရွာထဲ စစ်ကောင်စီ၏ လက်နက်ကြီး ၂ ကြိမ် ကျရောက်ပေါက်ကွဲခဲ့ပြီး ပထမအကြိမ်ပေါက်ကွဲမှုတွင် ဆိုင်ကယ်စီးနေသောအမျိုးသားနှစ်ဦးထိမှန်ကာ တစ်ဦးမှာသေဆုံးသွားပြီး ကျန်တစ်ဦးမှာလည်း စိုးရိမ်ဒဏ်ရာအပြင်းအထန်ရရှိကြောင်း ဒေသခံများထံမှသိရသည်။ “မနေ့က ရွာထဲမှာလက်နက်ကြီးကျပြီး သေဆုံးမှုတွေကြောင့် တရွာလုံးဝမ်းနည်းပူဆွေးနေကြတဲ့အချိန်မှာ ဒီကနေ့မှာလည်း ရွာထဲကို လက်နက်ကြီး ၂ နေရာမှာထပ်မံကျလာတယ် တစ်ယောက်ကတော့သေသွားတယ်၊ ကျန်တဲ့တစ်ယောက်တော့ အသက်ကယ်လို့အချိန်မီနိုင်မယ်လို့မျှော်လင့်ရတယ်’’ ဟု ပျဉ်းတောဦးဒေသခံတစ်ဦးက သူ၏လူမှုကွန်ယက်စာမျက်နှာတွင်ဖော်ပြထားသည်။ ဒုတိယအကြိမ်ကျရောက်ပေါက်ပွဲမှုတွင် လူထိခိုက်မှုမရှိသော်လည်း လူနေအိမ်တစ်လုံးထိမှန်ကာ မီးလောင်ပြာကျခဲ့ရသည်ဟုသိရသည်။ ကလေးမြို့မှ ၁၂ မိုင်ခန့်ကွာဝေးသော ပျဉ်းတောဦးကျေးရွာတွင် ယမန်နေ့ညနေပိုင်း ၄ နာရီခန့်က လက်နက်ကြီး ၃ ကြိမ်ကျရောက်ပေါက်ကွဲခဲ့ပြီး ၁၀ နှစ်အရွယ်ကလေးငယ် ၂ ဦးနှင့် အဘိုးအိုတစ်ဦး သေဆုံးခဲ့သည်။ စစ်ကောင်စီတပ်ဖွဲ့သည် ယခုဧပြီလဆန်းပိုင်းကစ၍ ကလေးမြို့မြောက်ပိုင်းဒေသ ကလေး-လက်ပံချောင်း ကားလမ်းမပေါ်ရှိ ကျေးရွာများဘက်သို့ စစ်ကြောင်းထိုးဝင်ရောက်ခဲ့ပြီး ပျဉ်းခုံကြီး၊ ယောက်ချိုကွင်း၊ မိုင်နွဲ စသည့်ကျေးရွာများကို မီးရှို့ဖျက်စီးခဲ့သည်။ ဒေသခံပြည်သူများသည် နီးစပ်တောတောင်များ၊ ကလေးမြို့ပေါ်နှင့် အိန္ဒိယ-မြန်မာနယ်စပ်ဘက်တို့တွင် ထွက်ပြေးတိမ်းရှောင်နေကြရသည်ဟု သိရသည်။
(005MK) အိန္ဒိယဗဟိုအစိုးရ ပြည်ထဲရေးဝန်ကြီးဌာန၏ အမိန့်အရ အိန္ဒိယ-မြန်မာ နှစ်နိုင်ငံကြား နယ်စပ်ဖြတ်ကျော် ဝင်/ထွက်သွားလာခွင့်ကို မေလ ၁ ရက်နေ့ကစ၍ တင်းတင်းကြပ်ကြပ်ဖြင့် ပိတ်ပင်တော့မည်ဟု အာသံရိုင်ဖယ်တပ်ဖွဲ့ကပြောသည်။ အာသံရိုင်ဖယ်တပ်ဖွဲ့မှတာဝန်ရှိသူများသည် ယမန်နေ့ဧပြီလ ၂၃ ရက်နေ့က မီဇိုရမ်ပြည်နယ် ကျန်ဖိုင်းမြို့ရှိ ၎င်းတို့ ဌာနချုပ်တွင် နယ်စပ်အနီးကျေးရွာများဖြစ်ကြသော Tlangsam, Zote, Ngur, Ruantlang နှင့် Hmunhmeltha ကျေးရွာများမှ ရပ်ရွာလူကြီးများ၊ ကျန်ဖိုင်းမြို့မီဇိုးလူငယ်အသင်း၊ ရပ်ကျေး အုပ်ချုပ်ရေးမှူးအဖွဲ့များအား ခေါ်ယူတွေ့ဆုံခဲ့ ကြသည်ဟု သိရသည်။ ယင်းတွေ့ဆုံဆွေးနွေးပွဲတွင် ဗဟိုအစိုးရပြည်ထဲရေးဝန်ကြီးဌာန၏ အမိန့်အရ ပြည်သူ့လွှတ်တော်ရွေးကောက်ပွဲကြောင့် နယ်စပ်ပိတ်ထားခဲ့ရကြောင်း၊ ဆက်လက်ပိတ်ပင်သွားမည်ဖြစ်သည့်အတွက် ယခုဧပြီလမကုန်ခင်အထိ နားလည်မှုဖြင့် နှစ်နိုင်ငံသားများ နာရီပေါင်း ၇၂ နာရီကြာ သုံးရက်အတွင်း နယ်စပ်ဖြတ်ကျော်နေထိုင်ခွင့်ပြုမည်ဟု အာသံရိုင်ဖယ် တပ်ဖွဲ့ ကပြောဆိုကြောင်း မီဇိုရမ်သတင်းမှာ ဖော်ပြထားသည်။ အကယ်၍ အခြေအနေအမျိုးမျိုးကြောင့် ၇၂ နာရီထက်ကျော်လွန်ပြီး နေထိုင်မည်ဆိုပါက သက်ဆိုင်ရာတာဝန်ရှိသူများထံ ခွင့်တောင်းရမည်ဖြစ်ပြီး ခွင့်ပြုချက်တောင်းခံခြင်းမရှိသူများကို အရေးယူသွားမည်ဟု ပြောဆိုကြောင်း မီဇိုရမ်သတင်းမှာ ဖော်ပြထားသည်။ မေလ ၁ ရက်နေ့ကစ၍ အိန္ဒိယ-မြန်မာနယ်စပ်က လမ်းကြောင်းများအားလုံး ပိတ်ပင်သွားမည်ဖြစ်ပြီး အကယ်၍အရေး ပေါ်အခြေအနေများရှိခဲ့ပါက စနစ်တကျဖြင့်စာရင်းမှတ်တမ်းများပြုစုကာ သွားလာခွင့်ပြုမည်ဟု ဆိုသည်။ ယခုကဲ့သို့ လုပ်ဆောင်ရခြင်းသည် မြန်မာနိုင်ငံသားများက နယ်စပ်မှတဆင့် မီဇိုရမ်ပြည်နယ်ကိုဖြတ်သန်း၍ မူးယစ်ဆေးဝါး အလုံးအရင်းတင်သွင်းနေမှုအား တားဆီးနိုင်ရန်ရည်ရွယ်ခြင်းဖြစ်သည်ဟု အာသံရိုင်ဖယ်တပ်ဖွဲ့ ကပြောဆိုသည်။ အိန္ဒိယနိုင်ငံမှာ ပြည်သူ့လွှတ်တော်ရွေးကောက်ပွဲကျင်းပမှုကို အကြောင်းပြကာ အိန္ဒိယ-မြန်မာအမှတ် ၂ နယ်စပ်ကုန် သွယ်ရေးစခန်း တည်ရှိရာ ရိဒ်-ဇိုခေါထာရ် ချစ်ကြည်ရေး တံတားကို…
(005MK) ကလေးမြို့မြောက်ပိုင်း ပျဉ်းတောဦး (Tuingo) ကျေးရွာတွင် ယနေ့ညနေပိုင်း ၄ နာရီခန့်က စစ်ကောင်စီတပ်ဖွဲ့က ပစ်ခတ်လိုက်သော လက်နက်ကြီးကျည် ကျရောက်ပေါက်ကွဲမှုကြောင့် ကလေးငယ် ၂ ဦးအပါအဝင် အရပ်သားပြည်သူ ၃ ဦး သေဆုံးခဲ့သည်ဟု သိရသည်။ ယနေ့ ဧပြီလ ၂၄ ရက်ညနေပိုင်း ၄ နာရီခန့်တွင် ပျဉ်းတောဦးကျေးရွာထဲ လက်နက်ကြီးကျည် ၂ နေရာတွင် ကျရောက်ပေါက်ကွဲကာ အသက် ၁၀ နှစ်ဝန်းကျင်ခန့်ရှိသော ကလေးငယ် ၂ ဦးနှင့် အသက် ၆၅ နှစ်အရွယ်ခန့်ရှိသော အမျိုးသားတစ်ဦးတို့ သေဆုံးခဲ့ခြင်းဖြစ်သည်။ နောက်ထပ်ကလေးငယ်တစ်ဦးမှာလည်း လက်နက်ကြီးကျည်ကြောင့် ပြင်းထန်ဒဏ်ရာရရှိပြီး စိုးရိမ်ရသည်ဟု သိရသည်။ ကလေး-လက်ပံချောင်း ကားလမ်းမပေါ်တွင်တည်ရှိသော ပျဉ်းတောဦးကျေးရွာသည် ကလေးမြို့မှ ၁၂ မိုင်ခန့်ကွာဝေးပြီး ချင်းလူမျိုးများနေထိုင်သည့် ကျေးရွာဖြစ်သည်။ ကလေးမြို့မြောက်ပိုင်း နန်းချောင်းကျေးရွာအနီးတွင် ယနေ့မနက်ပိုင်းက စစ်ကောင်စီတပ်ဖွဲ့နှင့် ပြည်သူ့ကာကွယ်ရေးပူးပေါင်းတပ်ဖွဲ့တို့ တိုက်ပွဲဖြစ်ပွားခဲ့ပြီးနောက် စစ်ကောင်စီတပ်က ကလေးမြို့ပေါ်မှ လက်နက်ကြီး များဖြင့် အဆက်မပြတ်ပစ်ကူခဲ့သည်ဟု သိရသည်။ စစ်ကောင်စီတပ်ဖွဲ့သည် ယခုဧပြီလဆန်းပိုင်းကစ၍ ကလေးမြို့မြောက်ပိုင်းဒေသ ကလေး-လက်ပံချောင်း ကားလမ်းမပေါ်ရှိ ကျေးရွာများဘက်သို့ စစ်ကြောင်းထိုးဝင်ရောက်ခဲ့ပြီး ပျဉ်းခုံကြီး၊ ယောက်ချိုကွင်း၊ မိုင်နွဲ စသည့်ကျေးရွာများကို မီးရှို့ဖျက်စီးခဲ့သည်။ ဒေသခံပြည်သူများသည် နီးစပ်တောတောင်များ၊ ကလေးမြို့ပေါ်နှင့် အိန္ဒိယ-မြန်မာနယ်စပ်ဘက်တို့တွင် ထွက်ပြေးတိမ်းရှောင်နေကြရသည်ဟု သိရသည်။