FactCheck
ဒီသတင်းအမှားကို Khin Nyein Chan ဆိုတဲ့အကောင့်နေပြီး “NUG နဲ့ PDF တို့ အခြေအနေမလှတော့ကြောင်း အတွင်းသူလျှိုများရဲ့ ပေးပို့မှု ကြောင့် ရရှိထားတဲ့ B 15 နဲ့ B 12 တပ်ရင်းမှူးများ Singal ကနေ အချင်းချင်းပြောနေကြတဲ့ ကယားပြည်နယ် အခြေအနေပါ။ မှန် / မမှန်တော့ မသိပါ။ ကာယကံရှင်များသာသိကြပါလိမ့်မယ်။ တကယ့် မြေပြင် အခြေအနေကတော့ မီဒီယာမှာ PDF NUG တွေ အခြေအနေကောင်းပြီး အောင်ပွဲတွေ အလီလီရလျက်ပါ။ တကယ် မြေပြင်မှာတော့ စားစရာမရှိလို့ တောင်းစားနေရတဲ့အခြေအနေတွေဖြစ်နေပါပြီ။” လို့ ရေးသားဖော်ပြထားတာဖြစ်ပါတယ်။
ဒီသတင်းနဲ့ပတ်သက်ပြီး ရှာဖွေလေ့လာကြည့်တဲ့အခါ ဒီဇင်ဘာလ ၁၃ ရက်နေ့မှာ ဒီးမော့ဆိုမြို့နယ်၊ စံပြ ၆ မိုင်နဲ့ ဘက်သလိန်ကျေးရွာဘက်ကို စစ်ကြောင်းထိုးလာသော အကြမ်းဖက်စစ်တပ်နှင့် KNDF/B09 ထိတွေ့တိုက်ပွဲ ၃ ကြိမ် ဖြစ်ပွားခဲ့ကြောင်း သိရပါတယ်။
ကရင်နီအမျိုးသားများ ကာကွယ်ရေးတပ် KNDF မှတာဝန်ရှိသူတစ်ဦးက “တိုက်ပွဲ ၃ ကြိမ်အတွင်းမှာ အကြမ်းဖက် စစ်ကောင်စီတပ်ဘက်က ၃၀ ဦးခန့် ထိခိုက် သေဆုံးပါတယ်။ တိုက်ပွဲငယ်တွေပေါ့။ မကြာခဏ ထိတွေ့ပစ်ခတ်တာတွေတော့ ရှိနေတယ်” လို့ပြောပါတယ်။
နောက်ပြီးတော့ ဒီဇင်ဘာ ၄ ရက်နေ့ ဒီမော့ဆိုမှာလည်း တိုက်ပွဲအတွင်း စစ်ကောင်စီတပ်မှ ၂၀ ဦးသေဆုံးပြီး တပ်ကြပ်ကြီးအဆင့်ရှိသူ ၁ ဦး၊ တပ်ကြပ် အဆင့်ရှိသူ ၂ ဦး၊ တပ်သားအဆင့်ရှိသူ ၁ ဦး စုစုပေါင်း စစ်သုံ့ပန်း ၄ ဦး ဖမ်းဆီးရမိပြီး လက်နက်ခဲယမ်းများလည်း သိမ်းဆည်းရမိကြောင်း ဓါတ်ပုံနှင့်တကွ ကရင်နီပြည်သူကာကွယ်ရေးတပ်ဖွဲ့မှ သတင်းထုတ်ပြန်ထားပါတယ်။
ဒါကြောင့် Khin Nyein Chan ဆိုတဲ့အကောင့်မှာရေးသားထားသလို “NUG နဲ့ PDF တို့ အခြေအနေမလှတော့ကြောင်း အတွင်းသူလျှိုများရဲ့ ပေးပို့မှုကြောင့် ရရှိထားတဲ့ B 15 နဲ့ B 12 တပ်ရင်းမှူးများ Singal ကနေ အချင်းချင်း ပြောနေကြတဲ့ ကယားပြည်နယ် အခြေအနေပါ။ မှန် / မမှန်တော့ မသိပါ။ ကာယကံရှင်များသာသိကြပါလိမ့်မယ်။ တကယ့် မြေပြင် အခြေအနေကတော့ မီဒီယာမှာ PDF NUG တွေ အခြေအနေကောင်းပြီး အောင်ပွဲတွေ အလီလီရလျက်ပါ။ တကယ် မြေပြင်မှာတော့ စားစရာမရှိလို့ တောင်းစားနေရတဲ့အခြေအနေတွေဖြစ်နေပါပြီ။” ဆိုတာ သတင်းအမှားတစ်ပုဒ်သာဖြစ်ပါတယ်။
