ချင်းကုန်သည်များ CNA တပ်မတော်သားများအား ဆန်လျှူ

0

ချင်းပြည်နယ်မြို့တော် ဟားခါး အခြေစိုက် ချင်းကုန်သည်ကြီးများက ချင်းအမျိုးသားတပ်မတော်သားများအား ဆန်အိတ် ၄၀ ကျော် ထောက်ပံ့ခဲ့သည်။

ဟားခါးမြို့ပေါ် Rual u ဥက္ကဌ Pu Thawngkian နှင့် ဟားခါး၊ ထန်တလန်၊ရန်ကုန် Rual U ဥက္ထဌ Pu Thla Bik ဦးဆောင် သည့် အဖွဲ့သည် ဆန်အိတ် ၄၀ ကျော်နှင့် ဆီ၊ ဆား၊ အ၀တ်အစား၊ စောင်များ ကို ဇန္န၀ါရီလ ၃ ရက်နေ့ က ချင်းအမျိုး သား တပ်ဦး အခြေစိုက်ရာ စခန်းသို့ လာရောက် လှူဒါန်းကြခြင်းဖြစ်သည်။

ပြီးခဲ့သည့် ဒီဇင်ဘာလအတွင်း ထန်တလန်မြို့ပေါ် ဘာသာရေးအသင်းက ချင်းအမျိုးသားတပ်မတော် သားများ အတွက် စောင် များ လှူဒါန်း ခဲ့ကြသည်။

“ချင်းအမျိုးသားတပ်ဦး၊ တပ်မတော်ဆိုတာ ပြည်သူက မွေးဖွားပေးခဲ့တာပါ၊ မိဘ က သားသမီးလိုအပ်ချက်ကို ဖြည့်ဆည်း လိုက်တဲ့ သဘောပါ၊ သူတို့ကို အင်မတန်ကျေးဇူးတင်တယ်” ဟု စစ်ဖက်ရေးရာ ကော်မီတီ အတွင်းရေးမှူး ဗိုလ်မှူးကြီး ဆော်လမွန် က ပြောသည်။

ထို့အပြင် နိုင်ငံရပ်ခြားရောက်ချင်းပြည်သူတွေကလည်း ချင်းအမျိုးသားတပ်ဦးသို့ ငွေကြေး၊ အ၀တ်အထည်များ လှူဒါန်းနေ ကြကြောင်းလည်း သိရသည်။

“ ယခုလို CNF ကို လှူဒါန်းနေတာက ငြိမ်းချမ်းရေးရယူခြင်းရဲ့ အသီးအပွင့် တခုပါ၊ ချင်းပြည်နယ်မှာ ထာဝရ ငြိမ်းချမ်းရေး ရှင်သန်စေချင်တယ်၊ အားလုံးမှာ တာဝန်ရှိတယ် ”ဟု နော်ဝေနိုင်ငံရောက် ချင်းပြည်သူတဦးက ပြောသည်။

Share.

About Author

Comments are closed.