ချင်းပြည်နယ် လောက်တူနယ်ဒေသအတွင်း ဓာတ်သတ္တုလုပ်ငန်းလုပ်ကိုင်လိုသူများအနေဖြင့် လုပ်ငန်းလိုင်စင်ခွင့်ပြု ချက် လျှောက်ထားကြရန် လောက်တူနယ်ဒေသပြည်သူ့အုပ်ချုပ်ရေးအဖွဲ့ သေန္တရအုပ်ချုပ်ရေးရုံးက ဒီဇင်ဘာလ ၅ ရက် နေ့က ထုတ်ပြန်သည်။
၂၀၂၄ ခုနှစ် မေလ ၁၃ ရက်မှ ၁၅ ရက်နေ့အထိ ကျင်းပပြုလုပ်ခဲ့သော ပထမအကြိမ်လောက်တူပြည်သူ့ရေးရာ ကောင်စီ တတိယအကြိမ်အစည်းအဝေးမှာ ဒေသတွင်းဓာတ်သတ္တုဆိုင်ရာလုပ်ငန်းများ စနစ်တကျလုပ်ကိုင်နိုင်ရေး လောက်တူ နယ်ဒေသ ဓတ်သတ္တုဆိုင်ရာ ဥပဒေကို အတည်ပြုပြဌာန်းခဲ့ကြသည်။
ယင်းဥပဒေအရ လောက်တူနယ်ဒေသမှာ ဓာတ်သတ္တုလုပ်ငန်းဆောင်ရွက်မည်ဆိုပါက ခွင့်ပြုချက်လိုင်စင်လျှောက် ထားကြရန် နှစ်ကြိမ်ထုတ်ပြန်ခဲ့ပြီးဖြစ်သော်လည်း လက်ရှိမှာ တရားမဝင် လုပ်ကိုင်ဆောင်ရွက်နေသူများ စိစစ်တွေ့ရှိ ရသောကြောင့် နောက်ဆုံးကြိမ်အဖြစ် ထပ်မံအသိပေးထုတ်ပြန်ရခြင်းဖြစ်သည်ဟု သိရသည်။
ဓာတ်သတ္တုဆိုင်ရာ လုပ်ငန်းဆောင်ရွက်မည့်သူတွေအနေဖြင့် ယခုစာထုတ်ပြန်သည့်ရက်မှ ၁၀ ရက်အတွင်း လုပ်ငန်း လုပ်ကိုင်ခွင့်လိုင်စင်ကိုလျှောက်ထားရမှာဖြစ်ပြီး သတ်မှတ်ရက်ကာလကျော်လွန်သည့်အထိ လိုက်နာဆောင်ရွက် ခြင်းမရှိသော မည်သူကိုမဆို ဥပဒေအရ အရေးယူသွားမည်ဟုဆိုသည်။
ဓာတ်သတ္တုထုတ်လုပ်ရောင်းချခွင့်လုပ်ငန်းလိုင်စင်အမျိုးအစားအလိုက် အုပ်ခဲထုတ်လုပ်ခွင့်လိုင်စင်အတွက် ကျပ်ငွေ ၁၀ သိန်း၊ သဲထုတ်လုပ်ခွင့်လိုင်စင်အတွက် ၁၀ သိန်း နှင့် ကျောက်ထုတ်လုပ်ခွင့်လိုင်စင်အတွက် ကျပ်ငွေ ၈ သိန်း အသီးသီး သတ်မှတ်ထားကြောင်း လောက်တူနယ်ဒေသပြည်သူ့အုပ်ချုပ်ရေးအဖွဲ့ သေန္တရအုပ်ချုပ်ရေးရုံးက ထုတ်ပြန်ထားသည်။
ထို့အပြင် လုပ်ငန်းလိုင်စင်လျှောက်ထားသူများအနေဖြင့် မိမိလုပ်ကိုင်လိုသည့် အဆိုပြုစီမံကိန်းဧရိယာသည် အငြင်းပွား မှုကင်းစင်းသောနယ်မြေဖြစ်ရမည်၊ ရပ်ရွာပြည်သူ့အုပ်ချုပ်ရေးအဖွဲ့၏ ထောက်ခံစာများကိုလည်းပူးတွဲတင်သွင်းရမည် ဖြစ်ပြီး လိုင်စင်သက်တမ်းမှာ စတင်လုပ်ကိုင်သည့်နေ့မှ ၁၂ လအထိဖြစ်သည်ဟု သိရသည်။
