မတူပီ-ပလက်ဝ ကားလမ်းပေါ်ခင်းထားသည့် ကျောက်များအရည်အသွေးမပြည့်သောကြောင့် ပြန်ဖယ်ရှားခိုင်း

0

By လားနွန် – ချင်းပြည်နယ်တောင်ပိုင်း မတူပီနှင့် ပလက်ဝမြို့နယ်ဆက်သွယ်သည့် ကားလမ်းမကြီးပေါ် ကတ္တရာခင်းရာတွင် အသုံးပြုထားသည့်ကျောက်များသည် အရည်အသွေးပြည့်မှီခြင်းမရှိသည့်အတွက် ဖယ်ရှားခိုင်းပြီး အသစ်ပြန်လုပ်ခိုင်းထားသည်ဟု မတူပီမြို့နယ် ပြည်နယ်လွှတ်တော်ကိုယ်စားလှယ် ဦးအောင်လျန်ကပြောသည်။

“ခင်းထားတဲ့ကျောက်တွေက လုံးဝအကောင်းဘူး ဒီတိုင်းဆိုရင်တစ်နှစ်လုပ်ပြီးတော့ နောက်တစ်နှစ်ပြန်ဖျက်ရ မယ့်သဘောရှိတယ် ဒါကြောင့်မို့အမြန်ဆုံးဖယ်ရှားပေးပါဆိုပြီးတော့ မနေ့ကရော ဒီနေ့ကရောဖယ်ရှားကြတယ် အကုန်လုံး ဟိုးချောက်ထဲထိဖယ်ထုတ်ထားတယ် ပြန်သယ်လို့မရအောင်ပေါ့” ဟု ဦးအောင်လျန်ကပြောသည်။

အဆိုပါကားလမ်းသည် ဟားခါး-မတူပီ-ပလက်ဝ တို့ကိုဆက်သွယ်ထားသည့်လမ်းမကြီးဖြစ်ပြီး ကတ္တရာခင်းသည့်လုပ်ငန်း ကို ဆောက်လုပ်ရေးဝန်ကြီး လမ်းဦးစီးဌာန လမ်းအထူး (၁၂) မှ တာဝန်လုပ်ကိုင်နေခြင်းဖြစ်သည်။

အရည်အသွေးမပြည့်သော ကျောက်များအသုံးပြုပြီး ကတ္တရာခင်းထားသည့် နေရာသည် မတူပီမြို့မှ ပလက်ဝမြို့နယ်အ ကြား မိုင်တိုင် (၆) နှင့် (၇) နေရာဖြစ်ပြီး ကျောက်ပွများကို (၃) ဖာလုံအရှည်ခန့် ခင်းထားကြသည်ဟု ဦးအောင်လျ န်က ပြောသည်။


“ကျောက်က ကျောက်ပွတွေပေါ့နော် အ၀ါရောင်ကျောက်ပွတွေ ကျောက်မာတွေမပါဘူး အပျော့ကျောက်တွေ သူတို့ကဒီတိုင်းခင်းထားတယ် အောက်ခြေမှာ ကျောက်မာခင်းမယ့်နေရာမှာကို သူတို့ ရောပြီးတော့ ကျောက်မာတချို့ဟာလည်းပါပါတယ် ရောပြီးတော့ပါတာပေ့ါနော် ဒါပေမယ့် ၅၀ ၊ ၅၀ မျိုးဖြစ်နေတော့ ဒါကိုလုံးဝမကောင်းဘူး ဥပမာ ၈၀ ရာခိုင်နှုန်းလောက် အကောင်းဖြစ်ပြီးတော့ နည်းနည်းပါးပါးပါရင်တော့ လက်ခံလို့ရတယ် အခုက ၅၀% ၊ ၅၀% လောက်ဖြစ်နေတော့ ကျွန်တော်တို့ကလုံးဝမသင့်တော်ဘူး အခုကအကုန်လုံးဖယ်ရှားလိုက်ပြီ တာဝန်ယူလုပ်ကိုင်တဲ့သူတွေကလည်း ကျောက်အရည်အသွေးရှိတဲ့ဟာပဲ ကျွန်တော်တို့ခင်းပါမယ်ဆိုပြီးတော့ အားလုံး သဘောတူလက်မှတ်ထိုးထားကြပါတယ်” ဟု ဦးအောင်လျန်ကပြောသည်။

Share.

About Author

Leave A Reply

*

code