ပလက်ဝမြို့နယ်တွင် ညမထွက်ရအမိန့် (၂) လ ထပ်တိုး

0

By လားနွန် – ချင်းပြည်နယ်တောင်ပိုင်း၊ ပလက်ဝမြို့နယ်တွင် နယ်မြေလုံခြုံရေး တည်ငြိမ်အေးချမ်းမှု မရှိသေးဟုဆိုကာ ရာဇ၀တ်ကျင့်ထုံးဥပဒေ ပုဒ်မ (၁၄၄) ညမထွက်ရအမိန့်ကို (၂) လ ထပ်တိုးလိုက်သည်ဟု ဇန်န၀ါရီလ (၉) ရက်နေ့က ပလက်ဝမြို့နယ်အုပ်ချူပ်ရေးမှူးက ထုတ်ပြန်လိုက်သည်။

မြန်မာ့တပ်မတော်နှင့် ရက္ခိုင့်တပ်မတော် (အေအေ) တပ်ဖွဲ့တို့ စစ်မက်ဖြစ်ပွားရာဒေသ ချင်းပြည်နယ်တောင်ပိုင်း ပလက်ဝမြို့နယ်တွင် ပြီးခဲ့သည့် နိုဝင်ဘာလ ၉ ရက်နေ့ကစ၍ ညမထွက်ရအမိန့်ကို (၂) လတိတိထုတ်ပြန်ခဲ့ပြီး ဇန်န၀ါရီလ (၉) ရက်နေ့က သက်တမ်းကုန်ဆုံးခဲ့သည်။

သို့သော်လည်း ပလက်ဝမြို့နယ်၏ နယ်မြေလုံခြုံရေးအခြေအနေသည် တည်ငြိမ်အေးချမ်းမှု မရှိသေးသည့်အတွက် ညမထွက်ရအမိန့်ကို ဇန်န၀ါရီလ (၉) ရက်နေ့ကစ၍ (၂) လအထိ ထပ်မံထုတ်ပြန်လိုက်ခြင်းဖြစ်သည်။

၎င်းအမိန့်ထုတ်ပြန်ချက်အရ ပလက်ဝမြို့နယ်အတွင်း မည်သူမဆို ည (၆) နာရီမှ နံနက် (၆) နာရီအတွင်း အမိန့်တစ်စုံတရာမရှိဘဲ လုံခြုံရေးတာဝန်ရှိသူမှအပ သွားလာလှုပ်ရှားခြင်းမပြုကြောင်း ပလက်ဝမြို့နယ်အတွင်း လမ်းမကြီးများ၊ အများပြည်သူသွားရာလမ်း၊ လမ်းသွယ်၊ လမ်းကြား အများပြည်သူနှင့် သက်ဆိုင်သော အဆောက်အဦးနေရာများတွင် ဆူပူလှုံ့ဆောင်လိုသောရည်ရွက်ချက်ဖြင့်ဖြစ်စေ၊ ပြစ်မှုတစ်စုံတစ်ရာ ကျူးလွန်လိုသောရည်ရွယ်ချက်ဖြင့်ဖြစ်စေ၊ လူ (၅) ဦးသို့မဟုတ် (၅) ဦးထက်ပို၍ဖြစ်စေ စုဝေးခြင်း၊ စီတန်းလှည့်လည်ခြင်း၊ ဟစ်အော်ကြွေးကြော်ခြင်း၊လှုံ့ဆော်ခြင်း၊ ရုန်းရင်းဆန်ခတ်ပြုခြင်းတို့ကို မပြုလုပ်ရန်အကယ်၍ အဆိုပါတားမြစ်ချက်များက်ို ကျူးလွန်ဖောက်ဖျက်ပါက တည်ဆဲဥပဒေအရ အရေးယူဆောင်ရွက်မည်ဟု ပါရှိသည်။

Share.

About Author

Leave A Reply

*

code