ဟားခါး Covid-19 ပိုးေတြ႔လူနာ ကေလးၿမိဳ႕တြင္ Quarantine မ၀င္ဘဲ (၁၀) ရက္တည္းခိုခဲ့

0

#Zawgyi

By လားႏြန္ – ခ်င္းျပည္နယ္၊ ဟားခါးၿမိဳ႕တြင္ေတြ႔ရွိသည္ Covid-19 လူနာအမွတ္ ၁၅၀ သည္ ခ်င္းျပည္နယ္သို႔ မျပန္ခင္ ကေလးၿမိဳ႕ ေတာင္ဇလပ္ရပ္ကြက္တြင္ ေနထုိင္ေသာ သူငယ္ခ်င္းျဖစ္သူ၏ ေနအိမ္တြင္ ၁၀ ရက္တည္းခိုခဲ့သည္ဟု သိရသည္။

အသက္(၁၈)ႏွစ္အရြယ္ အဆိုပါပိုးေတြ႔လူနာ အမ်ဴိးသမီးသည္  တရုတ္ႏုိင္ငံမွျပန္လာသူျဖစ္ၿပီး ကေလးၿမိဳ႕သို႔ မတ္လ ၂၅ ရက္ေန႔က ေရာက္ရွိလာကာ Quarantine ၀င္ေရာက္ျခင္းမရွိဘဲ ေတာင္ဇလပ္ရပ္ကြက္ နယ္ေျမ (၃) တြင္ေနထုိင္သည့္ သူငယ္ခ်င္းျဖစ္သူထံတည္းခိုခဲ့သည္ဟု ကေလးၿမိဳ႕ ျပည္သူ႔လႊတ္ေတာ္ကိုယ္စား လွယ္ ေဒၚရွားမီးကေျပာသည္။

“ တရုတ္မွာလည္း Quarantine မ၀င္ဘူး ကေလးမွာလည္း Quarantine မ၀င္ဘူး သူကအဲဒီအိမ္မွာတည္းခိုျပီးေတာ့ သူက သူ႔ကိုယ္သူတရုတ္ကေနျပန္လာတယ္လို႔လည္းသူကေျပာဘူး ဒီတိုင္းပဲ ေတာင္ဇလပ္ နယ္ေျမ(၃) မွာတည္းသြားျပီးေတာ့ ဟားခါးကိုတက္သြားတယ္ အိမ္ရွင္ကလည္းသတင္းမပို႔ဘူးျဖစ္ေနတယ္ ကေလးၿမိဳ႕ Quarantine းစာရင္းမွာလည္းမပါဘူး’’ ဟုေဒၚရွားမီးကေျပာသည္။

ထို႔ေၾကာင့္ အဆိုပါအမ်ဴိးသမီးတည္းခိုခဲ့သည့္ ေတာင္ဇလပ္ရပ္ကြက္ရွိ အိမ္ရွင္မိသား၀င္ (၆) ဦး၏ ေသြးနမူနာမ်ားယူၿပီး ကားအဆင္ေျပပါက စစ္ေဆးရန္ ယေန႔ပို႔ေဆာင္မည္ျဖစ္သည္ဟု လႊတ္ေတာ္ကိုယ္စားလွယ္ကေျပာသည္။

“ သူတည္းခိုခဲ့တဲ့ မိသားစု၀င္ ေျခာက္ဦးကို အခုေသြးနမူနာယူေနတယ္ ေသြးနမူနာယူျပီးရင္ ဒီေနပို႔မလား မနက္ျဖန္ပို႔ျဖစ္မလား မသိေသးဘူး ကားအေျခအေနရ ဒီကေနကားငွါးရမွကိုး အဆင္ေျပရင္ေတာ့ ဒီေန႔ပို႔မယ္ ေနာက္ (၃) ရက္ေလာက္ေန အေျဖတစ္ခုခုကေန ဘယ္လိုဆက္လက္ေဆာင္ရြက္မလဲဆိုတာလုပ္ရမွာေပါ့ေလ’’ ဟု လႊတ္ေတာ္ကိုယ္စားလွယ္ကေျပာသည္။

ပိုးေတြ႔လူနာအမ်ဴိးသမီး Case 150 သည္ ကေလးၿမိဳ႕မွ ခ်င္းျပည္နယ္သို႔ ျပန္သြားသည့္အခ်ိန္တြင္ ခ်က္ခ်င္း Quarantine ၀င္ေရာက္ခ်င္းမရွွိဘဲ သူမေနထုိင္သည့္ ဟားခါးၿမိဳ႕နယ္ Tiphul ရြာသို႔ တစ္ပတ္ခန္႔ေနထိုင္ၿပီးေနာက္ ဧၿပီလ ၁၆ ရက္ေန႔က်မွ ဟားခါးၿမိဳ႕ န.တ.လ ေက်ာင္းတြင္ Facility Quarantine ၀င္ေရာက္ခဲ့သည္ဟုသိရသည္။

ယခုအခါ ပိုးေတြ႔လူနာအမ်ဴိးသမီး Case 150 ကို ဟားခါးၿမိဳ႕ျပည္သူ႔ေဆးရံုတြင္ သီးသန္႔ထားရွိကာ ၾကပ္မတ္ကုသေပး လ်က္ရွိသည္ ဟု သိရသည္။ ခ်င္းျပည္နယ္တြင္ Vovid-19 ေရာဂါပိုးေတြ႔လူနာသည္ တီးတိန္ၿမိဳ႕ျပည္သူ႔ေဆးရံုးတြင္ (၅) ဦး၊ ဟားခါးၿမိဳ႕ျပည္သူ႔ေဆးရံုတြင္ (၁)ဦး စုစုေပါင္း (၆) ဦးရွိၿပီျဖစ္သည္။

#Unicode

By လားနွန် – ချင်းပြည်နယ်၊ ဟားခါးမြို့တွင်တွေ့ရှိသည် Covid-19 လူနာအမှတ် ၁၅၀ သည် ချင်းပြည်နယ်သို့ မပြန်ခင် ကလေးမြို့ တောင်ဇလပ်ရပ်ကွက်တွင် နေထိုင်သော သူငယ်ချင်းဖြစ်သူ၏ နေအိမ်တွင် ၁၀ ရက်တည်းခိုခဲ့သည်ဟု သိရသည်။

အသက်(၁၈)နှစ်အရွယ် အဆိုပါပိုးတွေ့လူနာ အမျိူးသမီးသည်  တရုတ်နိုင်ငံမှပြန်လာသူဖြစ်ပြီး ကလေးမြို့သို့ မတ်လ ၂၅ ရက်နေ့က ရောက်ရှိလာကာ Quarantine ဝင်ရောက်ခြင်းမရှိဘဲ တောင်ဇလပ်ရပ်ကွက် နယ်မြေ (၃) တွင်နေထိုင်သည့် သူငယ်ချင်းဖြစ်သူထံတည်းခိုခဲ့သည်ဟု ကလေးမြို့ ပြည်သူ့လွှတ်တော်ကိုယ်စား လှယ် ဒေါ်ရှားမီးကပြောသည်။

“ တရုတ်မှာလည်း Quarantine မဝင်ဘူး ကလေးမှာလည်း Quarantine မဝင်ဘူး သူကအဲဒီအိမ်မှာတည်းခိုပြီးတော့ သူက သူ့ကိုယ်သူတရုတ်ကနေပြန်လာတယ်လို့လည်းသူကပြောဘူး ဒီတိုင်းပဲ တောင်ဇလပ် နယ်မြေ(၃) မှာတည်းသွားပြီးတော့ ဟားခါးကိုတက်သွားတယ် အိမ်ရှင်ကလည်းသတင်းမပို့ဘူးဖြစ်နေတယ် ကလေးမြို့ Quarantine းစာရင်းမှာလည်းမပါဘူး’’ ဟုဒေါ်ရှားမီးကပြောသည်။

ထို့ကြောင့် အဆိုပါအမျိူးသမီးတည်းခိုခဲ့သည့် တောင်ဇလပ်ရပ်ကွက်ရှိ အိမ်ရှင်မိသားဝင် (၆) ဦး၏ သွေးနမူနာများယူပြီး ကားအဆင်ပြေပါက စစ်ဆေးရန် ယနေ့ပို့ဆောင်မည်ဖြစ်သည်ဟု လွှတ်တော်ကိုယ်စားလှယ်ကပြောသည်။

“ သူတည်းခိုခဲ့တဲ့ မိသားစုဝင် ခြောက်ဦးကို အခုသွေးနမူနာယူနေတယ် သွေးနမူနာယူပြီးရင် ဒီနေပို့မလား မနက်ဖြန်ပို့ဖြစ်မလား မသိသေးဘူး ကားအခြေအနေရ ဒီကနေကားငှါးရမှကိုး အဆင်ပြေရင်တော့ ဒီနေ့ပို့မယ် နောက် (၃) ရက်လောက်နေ အဖြေတစ်ခုခုကနေ ဘယ်လိုဆက်လက်ဆောင်ရွက်မလဲဆိုတာလုပ်ရမှာပေါ့လေ’’ ဟု လွှတ်တော်ကိုယ်စားလှယ်ကပြောသည်။

ပိုးတွေ့လူနာအမျိူးသမီး Case 150 သည် ကလေးမြို့မှ ချင်းပြည်နယ်သို့ ပြန်သွားသည့်အချိန်တွင် ချက်ချင်း Quarantine ဝင်ရောက်ချင်းမရှိဘဲ သူမနေထိုင်သည့် ဟားခါးမြို့နယ် Tiphul ရွာသို့ တစ်ပတ်ခန့်နေထိုင်ပြီးနောက် ဧပြီလ ၁၆ ရက်နေ့ကျမှ ဟားခါးမြို့ န.တ.လ ကျောင်းတွင် Facility Quarantine ဝင်ရောက်ခဲ့သည်ဟုသိရသည်။

ယခုအခါ ပိုးတွေ့လူနာအမျိူးသမီး Case 150 ကို ဟားခါးမြို့ပြည်သူ့ဆေးရုံတွင် သီးသန့်ထားရှိကာ ကြပ်မတ်ကုသပေး လျက်ရှိသည် ဟု သိရသည်။ ချင်းပြည်နယ်တွင် Vovid-19 ရောဂါပိုးတွေ့လူနာသည် တီးတိန်မြို့ပြည်သူ့ဆေးရုံးတွင် (၅) ဦး၊ ဟားခါးမြို့ပြည်သူ့ဆေးရုံတွင် (၁)ဦး စုစုပေါင်း (၆) ဦးရှိပြီဖြစ်သည်။

Share.

About Author

Leave A Reply