အစုိးရခြင့္ျပဳခ်က္မပါပဲ ျပန္လာသူမ်ားကုိ ရိေခါဒါရ္နယ္ေျမအတြင္း ျဖတ္သန္းခြင့္မျပဳဟုဆို

0

#Zawgyi

By ႏွင္းႏွင္း – ႏွစ္နုိင္ငံအစုိုးရ ခြင့္ျပဳခ်က္မပါဘဲ အိႏၵိယနုိ္င္ငံ မီဇုိရမ္ျပည္နယ္မွ ျမန္မာနုိင္ငံသုိ႔ ျပန္လာၾကသူမ်ားကုိ ခ်င္းျပည္နယ္ ရိေခါဒါရ္ျမဳိ႕နယ္ေျမအတြင္း ျဖတ္သန္းသြားလာခြင့္ ျပဳမည္မဟုတ္ေၾကာင္း Rih Lengtlang Youth Association (RLYA) က ထုတ္ျပန္ထားသည္။

အိႏိၵယႏုိင္ငံတြင္ အလုပ္လုပ္ကိုင္၍ျဖစ္ေစ ေက်ာင္းတက္၍ျဖစ္ေစ ေနထုိင္ၾကသည့္ ျမန္မာႏုိင္ငံသားမ်ားသည္ အိႏိၵယ-ျမန္မာနယ္စပ္အမွတ္ (၂) ရိ-ဇိုေခါဒါရ္ ကုန္သြယ္ေရးဂိတ္မွတဆင့္ ျမန္မာႏုိ္င္ငံသို႔ ျပန္လာလ်က္ရွိၾကၿပီး ေမလ ၃၁ ရက္ေန႔ကစ၍ ႏွစ္ႏုိင္ငံ (မီဇိုရမ္-ခ်င္းျပည္နယ္အစိုးရ၊ျမန္မာသံရံုး) အစိုးရအဖြဲ႔၏ ခြင့္ျပဳခ်က္မပါရွိဘဲ ျပန္လာပါက ရိေခါဒါရ္ၿမိဳ႕ကို ျဖတ္သန္းသြားလာခြင့္ျပဳေတာ့မည္မဟုတ္ေၾကာင္း RLYA ၏ ထုတ္ျပန္ခ်က္တြင္ ေဖာ္ျပထားသည္။

ယင္းကိစၥႏွင့္ပတ္သက္၍ ရိေခါဒါရ္ၿမိဳ႕ ျပန္ၾကားေရးႏွင့္ျပည္သူ႔ဆက္ဆံေရးဦးစီးဌာနမွ ဦးစီးမွဴးဦးလားပက္ေလာမ္မာ “ဟိုဘက္ မီဇိုရမ္ျပည္နယ္မွာ ျမန္မာႏုိင္ငံသား ျပန္လာခ်င္တဲ့သူေတြအမ်ားႀကီးရွိတယ္၊ ႏွစ္ႏုိင္ငံအစိုးရရဲ့ခြင့္ျပဳခ်က္နဲ႔ျဖစ္ျဖစ္၊ သံရံုးကေနတဆင့္ျဖစ္ျဖစ္ တရား၀င္ (Official) နဲ႔ျပန္လာတဲ့သူေတြဆိုရင္ က်ေနာ္တို႔ လူငယ္အဖြဲ႔ကေကာ၊ ဌာနဆိုင္ရာကေကာ ေႏြးေႏြးေထြးေထြးႀကိဳဆိုပါတယ္၊ ဒါေပမယ့္ တခ်ဴိ႕လူေတြက်ေတာ့ ဘာခြင့္ျပဳခ်က္မွလည္းမပါဘဲနဲ႔ နယ္စပ္ေခ်ာင္းကိုျဖတ္ၿပီး ခိုး၀င္လာတဲ့သူေတြရွိတယ္၊ အဲဒီလူေတြကို က်ေနာ္တို႔ ရိေခါဒါရ္နယ္ေျမကို ၀င္မလာဖို႔ ရိေခါဒါရ္ၿမိဳ႕အတြင္းကို ျဖတ္သန္းသြားလာခြင့္မျပဳတာပါ’’ ဟု ေျပာသည္။

ရိေခါဒါရ္ၿမိဳ႕သည္ ခ်င္းျပည္နယ္ႏွင့္ မီဇိုရမ္ျပည္နယ္ နယ္စပ္တြင္တည္ရွိသည့္ၿမိဳ႕ျဖစ္ၿပီး အမွတ္ (၂) နယ္စပ္ကုန္သြယ္စခန္းတည္ ရွိရာလည္းျဖစ္သည္။

အိႏိၵယႏုိင္ငံ မီဇိုရမ္ျပည္နယ္သို႔သြားေရာက္လိုသည္ျဖစ္ေစ၊ မီဇိုရမ္ျပည္နယ္မွ ျမန္မာႏုိ္င္ငံသို႔ ျပန္လာလိုသည္ျဖစ္ေစ ရိေခါဒါရ္ၿမိဳ႕ကိုျဖတ္၍သြားရသည္။

ယခုရက္ပိုင္းအတြင္း မီဇိုရမ္ျပည္နယ္မွ မည္သည့္အေထာက္အထားမွမပါဘဲျပန္လာကာ နယ္စပ္ကို တရားမ၀င္ ခိုး၀င္လာၿပီး ျမန္မာႏိုင္ငံသို႔ျပန္သြားေလ့ရွိသည့္အတြက္ ကိုဗစ္ႏုိင္တင္းေရာဂါထိန္းခ်ဴပ္ကာကြယ္ရန္ အတြက္ ယခုကဲ့သို႔ လုပ္ေဆာင္ရျခင္းျဖစ္သည္ဟုသိရသည္။

“အဓိက ကေတာ့သူတုိ႔ ေရာဂါျမဳိ႕ထဲကုိျပန္႔ပြားမွာကုိ စုိးရိမ္တဲ့သေဘာေပါ့ေနာ္ လူငယ္ေတြက ျမဳိ႕အဝင္အထြက္မွာ ေစာင့္တယ္ ၊ ကင္းခ်ျပီးေတာ့ ညလည္းအိပ္တယ္ ကြ်န္ေတာ္တုိ႕ရိ နယ္ေျမမွာ ရွိတဲ့ နယ္စပ္ေခ်ာင္းတေလ်ွာက္ေပါ့ေနာ္ အဲ့မွာလည္း ဂ်ဳတီခ်ထားတယ္” ဟု ျပန္/ဆက္ ဦးစီးမွဴး ဦးလားပက္ေလာမ္မာက ေျပာသည္။

လက္ရွိတြင္ အိႏၵိယနုိ္င္ငံ မီဇုိရမ္ျပည္နယ္မွ ေနရပ္ျပန္လာသည္႔ ျမန္မာနုိင္ငံသားမ်ား ၁၅ ဦးကုိ ရိေခါဒါရ္ျမဳိ႕ တြင္ Facility Quarantine အျဖစ္ထားရွိေၾကာင္းသိရသည္။

#Unicode

By နှင်းနှင်း – နှစ်နိုင်ငံအစိုုးရ ခွင့်ပြုချက်မပါဘဲ အိန္ဒိယနိ်ုင်ငံ မီဇိုရမ်ပြည်နယ်မှ မြန်မာနိုင်ငံသို့ ပြန်လာကြသူများကို ချင်းပြည်နယ် ရိခေါဒါရ်မြို့နယ်မြေအတွင်း ဖြတ်သန်းသွားလာခွင့် ပြုမည်မဟုတ်ကြောင်း Rih Lengtlang Youth Association (RLYA) က ထုတ်ပြန်ထားသည်။

အိန္ဒိယနိုင်ငံတွင် အလုပ်လုပ်ကိုင်၍ဖြစ်စေ ကျောင်းတက်၍ဖြစ်စေ နေထိုင်ကြသည့် မြန်မာနိုင်ငံသားများသည် အိန္ဒိယ-မြန်မာနယ်စပ်အမှတ် (၂) ရိ-ဇိုခေါဒါရ် ကုန်သွယ်ရေးဂိတ်မှတဆင့် မြန်မာနိ်ုင်ငံသို့ ပြန်လာလျက်ရှိကြပြီး မေလ ၃၁ ရက်နေ့ကစ၍ နှစ်နိုင်ငံ (မီဇိုရမ်-ချင်းပြည်နယ်အစိုးရ၊မြန်မာသံရုံး) အစိုးရအဖွဲ့၏ ခွင့်ပြုချက်မပါရှိဘဲ ပြန်လာပါက ရိခေါဒါရ်မြို့ကို ဖြတ်သန်းသွားလာခွင့်ပြုတော့မည်မဟုတ်ကြောင်း RLYA ၏ ထုတ်ပြန်ချက်တွင် ဖော်ပြထားသည်။

ယင်းကိစ္စနှင့်ပတ်သက်၍ ရိခေါဒါရ်မြို့ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးမှူးဦးလားပက်လောမ်မာ “ဟိုဘက် မီဇိုရမ်ပြည်နယ်မှာ မြန်မာနိုင်ငံသား ပြန်လာချင်တဲ့သူတွေအများကြီးရှိတယ်၊ နှစ်နိုင်ငံအစိုးရရဲ့ခွင့်ပြုချက်နဲ့ဖြစ်ဖြစ်၊ သံရုံးကနေတဆင့်ဖြစ်ဖြစ် တရားဝင် (Official) နဲ့ပြန်လာတဲ့သူတွေဆိုရင် ကျနော်တို့ လူငယ်အဖွဲ့ကကော၊ ဌာနဆိုင်ရာကကော နွေးနွေးထွေးထွေးကြိုဆိုပါတယ်၊ ဒါပေမယ့် တချိူ့လူတွေကျတော့ ဘာခွင့်ပြုချက်မှလည်းမပါဘဲနဲ့ နယ်စပ်ချောင်းကိုဖြတ်ပြီး ခိုးဝင်လာတဲ့သူတွေရှိတယ်၊ အဲဒီလူတွေကို ကျနော်တို့ ရိခေါဒါရ်နယ်မြေကို ဝင်မလာဖို့ ရိခေါဒါရ်မြို့အတွင်းကို ဖြတ်သန်းသွားလာခွင့်မပြုတာပါ’’ ဟု ပြောသည်။

ရိခေါဒါရ်မြို့သည် ချင်းပြည်နယ်နှင့် မီဇိုရမ်ပြည်နယ် နယ်စပ်တွင်တည်ရှိသည့်မြို့ဖြစ်ပြီး အမှတ် (၂) နယ်စပ်ကုန်သွယ်စခန်းတည် ရှိရာလည်းဖြစ်သည်။

အိန္ဒိယနိုင်ငံ မီဇိုရမ်ပြည်နယ်သို့သွားရောက်လိုသည်ဖြစ်စေ၊ မီဇိုရမ်ပြည်နယ်မှ မြန်မာနိ်ုင်ငံသို့ ပြန်လာလိုသည်ဖြစ်စေ ရိခေါဒါရ်မြို့ကိုဖြတ်၍သွားရသည်။

ယခုရက်ပိုင်းအတွင်း မီဇိုရမ်ပြည်နယ်မှ မည်သည့်အထောက်အထားမှမပါဘဲပြန်လာကာ နယ်စပ်ကို တရားမဝင် ခိုးဝင်လာပြီး မြန်မာနိုင်ငံသို့ပြန်သွားလေ့ရှိသည့်အတွက် ကိုဗစ်နိုင်တင်းရောဂါထိန်းချူပ်ကာကွယ်ရန် အတွက် ယခုကဲ့သို့ လုပ်ဆောင်ရခြင်းဖြစ်သည်ဟုသိရသည်။

“အဓိက ကတော့သူတို့ ရောဂါမြို့ထဲကိုပြန့်ပွားမှာကို စိုးရိမ်တဲ့သဘောပေါ့နော် လူငယ်တွေက မြို့အဝင်အထွက်မှာ စောင့်တယ် ၊ ကင်းချပြီးတော့ ညလည်းအိပ်တယ် ကျွန်တော်တို့ရိ နယ်မြေမှာ ရှိတဲ့ နယ်စပ်ချောင်းတလျှောက်ပေါ့နော် အဲ့မှာလည်း ဂျုတီချထားတယ်” ဟု ပြန်/ဆက် ဦးစီးမှူး ဦးလားပက်လောမ်မာက ပြောသည်။

လက်ရှိတွင် အိန္ဒိယနိ်ုင်ငံ မီဇိုရမ်ပြည်နယ်မှ နေရပ်ပြန်လာသည့် မြန်မာနိုင်ငံသားများ ၁၅ ဦးကို ရိခေါဒါရ်မြို့ တွင် Facility Quarantine အဖြစ်ထားရှိကြောင်းသိရသည်။

Share.

About Author

Leave A Reply