ခ်င္းျပည္နယ္လႊတ္ေတာ္ဥကၠဌ ဦးဇိုေဘြး ေရြးေကာက္ပြဲ ဝင္ၿပိဳင္ေတာ့မည္မဟုတ္

0

#Unicode

ချင်းပြည်နယ် အမျိူးသားဒီမိုကရေစီအဖွဲ့ချူပ် (NLD) ပါတီဥက္ကဌလည်းဖြစ် လက်ရှိလွှတ်တော်ဥက္ကဌ ဦးဇိုဘွေးသည် လာမည့်နိုဝင်ဘာလ (၈) ရက်နေ့၌ ကျင်းပမည့် ပါတီစုံအထွေထွေရွေးကောက်ပွဲတွင် ဝင်ရောက်ယှဉ်ပြိုင်တော့မ ည်မဟုတ်ကြောင်းသိရသည်။

ဦးဇိုဘွေးသည် အစကနဦးတွင် ဟားခါးမြို့နယ် ပြည်နယ်လွှတ်တော်မဲဆန္ဒနယ်မြေအမှတ် (၁) မှ ဝင်ရောက်ယှဉ်ပြိုင်ရန် စီစဉ်ထားပြီး NLD ပါတီဗဟိုက ပြည်သူ့လွှတ်တော်တွင် ဝင်ရောက်ယှဉ်ပြိုင်ရန် ပြောင်းလဲအတည်ပြုခဲ့သော်လည်း ရွေးကောက်ပွဲအောင်နိုင်ရေးအတွက် ကူညီပံ့ပိုးနိုင်ရန် ယခုလိုဆုံးဖြတ်ရခြင်းဖြစ်သည်ဟု ခိုနူမ်းသုန်သတင်းဌာနကို ပြောသည်။

“ကျနော်က ပြည်နယ်မှာပြိုင်ဖို့ တင်ထားတယ် ဒါပေမယ့် ဗဟိုက ပြည်သူ့ဆိုတော့ ကျနော်ကလည်း ပါတီဥက္ကဌဆိုတော့ ပါတီနဲ့အနီးကပ်ကြီးကြပ်မှပဲ အဆင်ပြေမယ်ဆိုပြီးတော့လေ ပါတီအောင်နိုင်ရေးပဲ ကွက်ကဲကြီးကြပ်မယ်ဆိုပြီး ဆုံးဖြတ်ချက်ချလိုက်တာ၊ ကိုယ့်ဟာကိုယ်ဆုံးဖြတ်ချက်လို်က်တာပါ’’ ဟု ဦးဇိုဘွေ့ကပြောသည်။

ဦးဇိုဘွေး ဝင်ရောက်ယှဉ်ပြိုင်မည့် ဟားခါးမြို့နယ်ပြည်သူ့လွှတ်တော်မဲဆန္ဒနယ်မြေတွင် လက်ရှိချင်းပြည်နယ် ဥပဒေချူပ် ဦးဆန်နီထန်ကျူံးက အစားထိုးဝင်ရောက်ယှဉ်ပြိုင်သွားမည်ဖြစ်သည်။

အမျိူးသားဒီမိုကရေစီအဖွဲ့ချူပ် (NLD) ပါတီသည် မဲဆန္ဒ (၁၂) နေရာကို ပါတီအောင်နိုင်ရေးအတွက် မဖြစ်မနေလုပ်ဆောင်ရန်လိုအပ်သည့်အတွက်ဟုဆိုကာ ကိုယ်စားလှယ်လောင်း (၁၂) ဦးကို သြဂုတ်လ (၁) ရက်နေ့က အပြောင်းအလဲပြုလုပ်ခဲ့သည်။

#Zawgyi

ခ်င္းျပည္နယ္ အမ်ိဴးသားဒီမိုကေရစီအဖြဲ႕ခ်ဴပ္ (NLD) ပါတီဥကၠဌလည္းျဖစ္ လက္ရွိလႊတ္ေတာ္ဥကၠဌ ဦးဇိုေဘြးသည္ လာမည့္နိုဝင္ဘာလ (၈) ရက္ေန႔၌ က်င္းပမည့္ ပါတီစုံအေထြေထြေရြးေကာက္ပြဲတြင္ ဝင္ေရာက္ယွဥ္ၿပိဳင္ေတာ့မ ည္မဟုတ္ေၾကာင္းသိရသည္။

ဦးဇိုေဘြးသည္ အစကနဦးတြင္ ဟားခါးၿမိဳ႕နယ္ ျပည္နယ္လႊတ္ေတာ္မဲဆႏၵနယ္ေျမအမွတ္ (၁) မွ ဝင္ေရာက္ယွဥ္ၿပိဳင္ရန္ စီစဥ္ထားၿပီး NLD ပါတီဗဟိုက ျပည္သူ႔လႊတ္ေတာ္တြင္ ဝင္ေရာက္ယွဥ္ၿပိဳင္ရန္ ေျပာင္းလဲအတည္ျပဳခဲ့ေသာ္လည္း ေရြးေကာက္ပြဲေအာင္နိုင္ေရးအတြက္ ကူညီပံ့ပိုးနိုင္ရန္ ယခုလိုဆုံးျဖတ္ရျခင္းျဖစ္သည္ဟု ခိုႏူမ္းသုန္သတင္းဌာနကို ေျပာသည္။

“က်ေနာ္က ျပည္နယ္မွာၿပိဳင္ဖို႔ တင္ထားတယ္ ဒါေပမယ့္ ဗဟိုက ျပည္သူ႔ဆိုေတာ့ က်ေနာ္ကလည္း ပါတီဥကၠဌဆိုေတာ့ ပါတီနဲ႔အနီးကပ္ႀကီးၾကပ္မွပဲ အဆင္ေျပမယ္ဆိုၿပီးေတာ့ေလ ပါတီေအာင္နိုင္ေရးပဲ ကြက္ကဲႀကီးၾကပ္မယ္ဆိုၿပီး ဆုံးျဖတ္ခ်က္ခ်လိုက္တာ၊ ကိုယ့္ဟာကိုယ္ဆုံးျဖတ္ခ်က္လို္က္တာပါ’’ ဟု ဦးဇိုေဘြ႕ကေျပာသည္။

ဦးဇိုေဘြး ဝင္ေရာက္ယွဥ္ၿပိဳင္မည့္ ဟားခါးၿမိဳ႕နယ္ျပည္သူ႔လႊတ္ေတာ္မဲဆႏၵနယ္ေျမတြင္ လက္ရွိခ်င္းျပည္နယ္ ဥပေဒခ်ဴပ္ ဦးဆန္နီထန္က်ဴံးက အစားထိုးဝင္ေရာက္ယွဥ္ၿပိဳင္သြားမည္ျဖစ္သည္။

အမ်ိဴးသားဒီမိုကေရစီအဖြဲ႕ခ်ဴပ္ (NLD) ပါတီသည္ မဲဆႏၵ (၁၂) ေနရာကို ပါတီေအာင္နိုင္ေရးအတြက္ မျဖစ္မေနလုပ္ေဆာင္ရန္လိုအပ္သည့္အတြက္ဟုဆိုကာ ကိုယ္စားလွယ္ေလာင္း (၁၂) ဦးကို ၾသဂုတ္လ (၁) ရက္ေန႔က အေျပာင္းအလဲျပဳလုပ္ခဲ့သည္။

Share.

About Author

Leave A Reply