ပလက္၀ၿမိဳ႕နယ္တြင္ ကိုယ္၀န္သည္အမ်ဴိးသမီးမ်ား ကိုယ္၀န္ပ်က္က်မႈမ်ားလာ

0

#Unicode

By နှင်းနှင်း – စစ်ရေးပဋိပက္ခဖြစ်ပွားနေသည့် ချင်းပြည်နယ်တောင်ပိုင်း ပလက်ဝမြို့နယ်တွင် ကိုယ်ဝန်သည်အမျိူးသမီးများ ကိုယ်ဝန်ပျက်ကျမှု များလာသည်ဟု သိရသည်။

ပလက်ဝမြို့နယ်တွင် ယခုနှစ်ဆန်းပိုင်း ဇန်နဝါရီလမှ ဇူလိုင်လအထိ (၇) လအတွင်း ကိုယ်ဝန်သည်အမျိူးသမီး (၅၄) ဦး ကိုယ်ဝန်ပျက်ကျမှုဖြစ်ပွားခဲ့ပြီး ယင်းကိုယ်ဝန်ပျက်ကျမှုများသည် စစ်ရေးပဋိက္ခနှင့် တစ်စိတ်တစ်ပိုင်းဆက်နွယ်မှုရှိသည်ဟု ပလက်ဝမြို့နယ် ကျန်းမာရေးနှင့်ကုသရေးဦးစီးဌာနမှူး ဒေါက်တာစိုးသက်ဝင်းကပြောသည်။

“စစ်ဘေးတွေတိမ်းရှောင်ရလို့ ဟိုပြေးဒီပြေးလုပ်ရတယ်၊ လှုပ်ရှားသွားလာမှုများတဲ့အခါ အဲလိုမျိူးကြောင့်ရယ် စိုးရိမ်ကြောင့်ကြမှုတွေကြောင့်ရယ်၊ ပြီးတော့ ဒီလိုထွက်ပြေးသွားလာနေတဲ့အခါမှာ အဟာရပိုင်းကိုလည်း ဂရုမစိုက်နိုင်တော့တာကြောင့်ဖြစ်ဖို့များပါတယ်” ဟု ဒေါက်တာစိုးသက်ဝင်းကပြောသည်။

ပလက်ဝမြို့နယ်သည် တပ်မတော်နှင့် ရက္ခိုင့်တပ်တော် (AA) တို့ စစ်မက်ဖြစ်ပွားရာဒေသတစ်ခုဖြစ်ပြီး ၂၀၂၀ ခုနှစ် ဇန်နဝါရီလ ၁ ရက်နေ့မှ ဇူလိုင်လအထိ ပလက်ဝမြို့နယ်တွင် တိုက်ပွဲပေါင်း (၁၁) ကြိမ်ဖြစ်ပွားခဲ့သည်ဟု Burma News International (BNI) က ထုတ်ဝေသော ရခိုင်နှင့်ချင်းဒေသ စစ်ရေး-နိုင်ငံရေး အားပြိုင်မှုများနှင့် အနာဂတ်မြန်မာ ဆန်းစစ်လေ့လာမှုစာစောင် (၂) တွင်ဖော်ပြထားသည်။

ပလက်ဝမြို့နယ်အတွင်း ကိုယ်ဝန်သည်အမျိူးသမီးများ ကိုယ်ဝန်ပျက်ကျမှုများလာရခြင်းသည် ပလက်ဝမြို့နှင့်အနီးတစ်ဝိုက်တွင် ယခုနှစ်ဆန်းပိုင်းကစ၍ တိုက်ပွဲပြင်းထန်လာသည့်အတွက်ကြောင့် ဖြစ်နိုင်သည်ဟု ချင်းစစ်ဘေးရှောင်ပြည်သူများ အရေးပေါ်ကူညီရေးနှင့် ပြန်လည်ထူထောင်ရေးကော်မတီမှ ပြောရေးဆိုခွင့်ရှိသူ မိုင်နန်းဝေကပြောသည်။

“ဘာကြောင့်လဲဆိုတော့ ပလက်ဝအနီးအနားတဝှက်မှာ ဗုံးကြဲတာမျိုးတွေအရမ်းများတယ်၊ လက်နက်ကျည်ကျတ များတယ်၊ စစ်ပွဲနဲ့ နည်းနည်းလေးဝေးတဲ့ရွာတွေက ကိုယ်ဝန်ပျက်ကျမှု အဲလောက်မများဘဲနဲ့ ဒီပလက်ဝမြို့ပေါ်နဲ့ ဒီစစ်ဘေးကို လုံးဝ အကြီးအကျယ်ခံစားရတဲ့ ဒေသတွေမှာ ပိုပြီးဖြစ်တာ စစ်ပွဲတွေကို အမြန်းဆုံးရပ်တန့်စေချင်တယ် အမြန်ဆုံးငြိမ်းချမ်းစေချင်တယ် တကယ်လို့ မဖြစ်မနေတိုက်ရမယ်ဆိုရင်တောင်မှ လူတွေနဲ့ ပြည်သူ လူထုနဲ ့ဝေးတဲ့နေရာမှာသွားပြီးတော့ တိုက်တာက အဆင်ပြေတယ် ပုုိပြီးတော့ သင့်တော်တယ်ပေါ့နော်။ လူတွေနဲ့ အနီးဆုံးနေရာမှာ တိုက်ပွဲတွေ ဖန်တီးနေတာကတော့ လူထုအတွက်က ဆိုးကျိုးတွေအရမ်းများနေတယ် ခြိမ်းခြောက်မှုတွေနဲ့ လူထုတွေကစိုးရိမ်မှုတွေနဲ့ သောကတွေနဲ့ ရှင်သန်နေရတဲ့အခါမှာ အထူးသဖြင့် ဒီကိုယ်ဝန်ဆောင်အမျိုးသမီးတွေနဲ့ ကလေးသူငယ်တွေက ပိုပြီးတော့ ထိခိုက်မှုပိုများရတာပေါ့” ဟုပြောသည်။

တပ်မတော်နှင့် ရက္ခိုင့်တပ်တော် (AA) တိုက်ပွဲများကြောင့် ပလက်ဝမြို့နယ်အတွင်းရှိ ဒေသခံပြည်သူများသည် ထွက်ပြေးတိမ်းရှောင်နေကြရပြီး ပလက်ဝမြို့ စစ်ဘေးရှောင်စခန်းတွင် လူဦးရေ (၅၀၀၀) နီးပါး၊ ဆမီးမြို့ စစ်ဘေးရှောင်စခန်းတွင် လူဦးရေ (၃၀၀၀) ကျော်၊ စိမ်းစင်းကျေးရွာတွင် လူဦးရေ (၅၀၀) ကျော် ခိုလှုံနေကြရဆဲဖြစ်သည်။

ပလက်ဝမြို့နယ် ကျန်းမာရေးနှင့် ကုသရေးဦးစီးဌာန၏ စာရင်းအရ ပြီးခဲ့သည့် ၂၀၁၉ ခုနှစ်ကလည်း ပလက်ဝမြို့နယ်တွင် ကိုယ်ဝန်ပျက်မှု (၁၁၉) ဦးရှိခဲ့သည်ဟုသိရသည်။

#Zawgyi

By ႏွင္းႏွင္း – စစ္ေရးပဋိပကၡျဖစ္ပြားေနသည့္ ခ်င္းျပည္နယ္ေတာင္ပိုင္း ပလက္၀ၿမိဳ႕နယ္တြင္ ကိုယ္၀န္သည္အမ်ဴိးသမီးမ်ား ကိုယ္၀န္ပ်က္က်မႈ မ်ားလာသည္ဟု သိရသည္။

ပလက္၀ၿမိဳ႕နယ္တြင္ ယခုႏွစ္ဆန္းပိုင္း ဇန္န၀ါရီလမွ ဇူလိုင္လအထိ (၇) လအတြင္း ကိုယ္၀န္သည္အမ်ဴိးသမီး (၅၄) ဦး ကိုယ္၀န္ပ်က္က်မႈျဖစ္ပြားခဲ့ၿပီး ယင္းကိုယ္၀န္ပ်က္က်မႈမ်ားသည္ စစ္ေရးပဋိကၡႏွင့္ တစ္စိတ္တစ္ပိုင္းဆက္ႏြယ္မႈရွိသည္ဟု ပလက္၀ၿမိဳ႕နယ္ က်န္းမာေရးႏွင့္ကုသေရးဦးစီးဌာနမွဴး ေဒါက္တာစိုးသက္၀င္းကေျပာသည္။

“စစ္ေဘးေတြတိမ္းေရွာင္ရလို႔ ဟိုေျပးဒီေျပးလုပ္ရတယ္၊ လႈပ္ရွားသြားလာမႈမ်ားတဲ့အခါ အဲလိုမ်ဴိးေၾကာင့္ရယ္ စုိးရိမ္ေၾကာင့္ၾကမႈေတြေၾကာင့္ရယ္၊ ၿပီးေတာ့ ဒီလိုထြက္ေျပးသြားလာေနတဲ့အခါမွာ အဟာရပိုင္းကိုလည္း ဂရုမစိုက္ႏုိင္ေတာ့တာေၾကာင့္ျဖစ္ဖို႔မ်ားပါတယ္” ဟု ေဒါက္တာစိုးသက္၀င္းကေျပာသည္။

ပလက္၀ၿမိဳ႕နယ္သည္ တပ္မေတာ္ႏွင့္ ရကၡိဳင့္တပ္ေတာ္ (AA) တို႔ စစ္မက္ျဖစ္ပြားရာေဒသတစ္ခုျဖစ္ၿပီး ၂၀၂၀ ခုႏွစ္ ဇန္န၀ါရီလ ၁ ရက္ေန႔မွ ဇူလိုင္လအထိ ပလက္၀ၿမိဳ႕နယ္တြင္ တိုက္ပြဲေပါင္း (၁၁) ႀကိမ္ျဖစ္ပြားခဲ့သည္ဟု Burma News International (BNI) က ထုတ္ေ၀ေသာ ရခိုင္ႏွင့္ခ်င္းေဒသ စစ္ေရး-ႏုိင္ငံေရး အားၿပိဳင္မႈမ်ားႏွင့္ အနာဂတ္ျမန္မာ ဆန္းစစ္ေလ့လာမႈစာေစာင္ (၂) တြင္ေဖာ္ျပထားသည္။

ပလက္၀ၿမိဳ႕နယ္အတြင္း ကိုယ္၀န္သည္အမ်ဴိးသမီးမ်ား ကုိယ္၀န္ပ်က္က်မႈမ်ားလာရျခင္းသည္ ပလက္၀ၿမိဳ႕ႏွင့္အနီးတစ္၀ိုက္တြင္ ယခုႏွစ္ဆန္းပိုင္းကစ၍ တိုက္ပြဲျပင္းထန္လာသည့္အတြက္ေၾကာင့္ ျဖစ္ႏုိင္သည္ဟု ခ်င္းစစ္ေဘးေရွာင္ျပည္သူမ်ား အေရးေပၚကူညီေရးႏွင့္ ျပန္လည္ထူေထာင္ေရးေကာ္မတီမွ ေျပာေရးဆိုခြင့္ရွိသူ မိုင္နန္းေ၀ကေျပာသည္။

“ဘာေၾကာင့္လဲဆုိေတာ့ ပလက္ဝအနီးအနားတဝွက္မွာ ဗုံးၾကဲတာမ်ဳိးေတြအရမ္းမ်ားတယ္၊ လက္နက္က်ည္က်တ မ်ားတယ္၊ စစ္ပြဲနဲ႔ နည္းနည္းေလးေ၀းတဲ့ရြာေတြက ကိုယ္၀န္ပ်က္က်မႈ အဲေလာက္မမ်ားဘဲနဲ႔ ဒီပလက္၀ၿမိဳ႕ေပၚနဲ႔ ဒီစစ္ေဘးကို လံုး၀ အႀကီးအက်ယ္ခံစားရတဲ့ ေဒသေတြမွာ ပိုၿပီးျဖစ္တာ စစ္ပြဲေတြကုိ အျမန္းဆုံးရပ္တန္႔ေစခ်င္တယ္ အျမန္ဆုံးျငိမ္းခ်မ္းေစခ်င္တယ္ တကယ္လုိ႔ မျဖစ္မေနတုိက္ရမယ္ဆုိရင္ေတာင္မွ လူေတြနဲ႕ ျပည္သူ လူထုနဲ ႔ေဝးတဲ့ေနရာမွာသြားျပီးေတာ့ တုိက္တာက အဆင္ေျပတယ္ ပုုိျပီးေတာ့ သင့္ေတာ္တယ္ေပါ့ေနာ္။ လူေတြနဲ႔ အနီးဆုံးေနရာမွာ တုိက္ပြဲေတြ ဖန္တီးေနတာကေတာ့ လူထုအတြက္က ဆုိးက်ဳိးေတြအရမ္းမ်ားေနတယ္ ျခိမ္းေျခာက္မႈေတြနဲ႔ လူထုေတြကစုိးရိမ္မႈေတြနဲ႔ ေသာကေတြနဲ႔ ရွင္သန္ေနရတဲ့အခါမွာ အထူးသျဖင့္ ဒီကုိယ္ဝန္ေဆာင္အမ်ဳိးသမီးေတြနဲ႔ ကေလးသူငယ္ေတြက ပုိျပီးေတာ့ ထိခိုက္မႈပုိမ်ားရတာေပါ့” ဟုေျပာသည္။

တပ္မေတာ္ႏွင့္ ရကၡိဳင့္တပ္ေတာ္ (AA) တိုက္ပြဲမ်ားေၾကာင့္ ပလက္၀ၿမိဳ႕နယ္အတြင္းရွိ ေဒသခံျပည္သူမ်ားသည္ ထြက္ေျပးတိမ္းေရွာင္ေနၾကရၿပီး ပလက္၀ၿမိဳ႕ စစ္ေဘးေရွာင္စခန္းတြင္ လူဦးေရ (၅၀၀၀) နီးပါး၊ ဆမီးၿမိဳ႕ စစ္ေဘးေရွာင္စခန္းတြင္ လူဦးေရ (၃၀၀၀) ေက်ာ္၊ စိမ္းစင္းေက်းရြာတြင္ လူဦးေရ (၅၀၀) ေက်ာ္ ခိုလႈံေနၾကရဆဲျဖစ္သည္။

ပလက္၀ၿမိဳ႕နယ္ က်န္းမာေရးႏွင့္ ကုသေရးဦးစီးဌာန၏ စာရင္းအရ ၿပီးခဲ့သည့္ ၂၀၁၉ ခုႏွစ္ကလည္း ပလက္၀ၿမိဳ႕နယ္တြင္ ကိုယ္၀န္ပ်က္မႈ (၁၁၉) ဦးရွိခဲ့သည္ဟုသိရသည္။

Share.

About Author

Leave A Reply