ပလက္၀ၿမိဳ႕နယ္တြင္ ေရြးေကာက္ပြဲမက်င္းပႏိုင္မည္ကို အရပ္ဘက္အဖြဲ႔အစည္းမ်ားစိုးရိမ္

0

#Unicode

မန်မာ့တပ်မတော်နှင့် ရက္ခိိုင့်တပ်တော်(AA) တို့အကြားဖြစ်ပွားနေသော စစ်ရေးပဋိပက္ခကြောင့် နိုဝင်ဘာလ ၈ ရက်နေ့တွင် ကျင်းပပြုလုပ်မည့် အထွေထွေရွေးကောက်ပွဲကို ချင်းပြည်နယ် ပလက်ဝမြို့နယ်တွင် မကျင်းပနိုင်မည်ကို အထူးစိုးရိမ်မိ သည်ဟု ခူမီးချင်းမျိူးနွယ်စုအဖွဲ့အစည်းများက အောက်တိုဘာလ ၁၄ ရက်နေ့စွဲဖြင့် ကြေညာချက်တစ်စောင်ထုတ်ပြန်လိုက် သည်။

ချင်းပြည်နယ်တောင်ပိုင်း ပလက်ဝမြို့နယ်တွင် လွန်ခဲ့သည့် ၂၀၁၅ ခုနှစ်ကစ၍ ယနေ့ချိန်ထိ မြန်မာ့တပ်မတော်နှင့် ရက္ခိုင့်တပ်တော်(AA) အကြား တိုက်ပွဲဖြစ်ပွားလျက်ရှိပြီး ထိုကဲ့သို့ဖြစ်ပွားလျက်ရှိသော လက်နက်ကိုင်ပဋိပက္ခကြောင့် ရွေးကောက်ပွဲအပေါ် ထိခိုက်မှုဖြစ်ပွားမည်ကို အထူးစိုးရိမ်ကြောင်း ပြည်တွင်းပြည်ပအခြေစိုက် ခူမီချင်းမျိူးနွယ်စုအဖွဲ့ အစည်း (၇) ဖွဲ့က ထုတ်ပြန်ကြေညာခဲ့ခြင်းဖြစ်သည်။

ခူမီးချင်းမျိူးနွယ်စုများရေးရာပေါင်းစပ်ညှိနှိုင်းရေးကောင်စီ (KACC) မှပြောရေးဆိုခွင့်ရှိသူ ကိုစောမြက “ကျနော်တို့နယ်မှာ အေအေ တွေလည်းလှုပ်ရှားနေတုန်းဆိုတော့လေ မဲဆွယ်စည်းရုံးရေးတွေလည်းကောင်းကောင်းမလုပ်နိုင်ဘူး၊ ရွေးကောက်ပွဲအသိပညာပေးမှုတွေလည်းကောင်းကောင်းမလုပ်နိုင်ဘူး ရွေးကောက်ပွဲကော်မရှင်တွေရဲ့ လုပ်ငန်းစဉ်တွေမှာ လည်းနှောင့်နှေးတယ်ပေါ့ဗျာ အစိုးရတပ်ဖက်ကလည်း သွားလာဖို့ လုံခြုံရေးအရကန့်သတ်ထားတာတွေရှိတယ် အဲဒါကြောင့်ရွေးကောက်ပွဲမဖြစ်မှာကို ကျနော်တို့အထူးစိုးရိမ်မိတယ်’’ ဟုပြောသည်။

ပလက်ဝမြို့နယ်သည် ချင်းပြည်နယ်တွင် မဲဆန္ဒရှင်အများဆုံးရှိသည့် မြို့နယ်ဖြစ်ပြီး နိုဝင်ဘာလ ၈ ရက်နေ့ရွေးကောက်ပွဲ တွင် မဲဆန္ဒပေးပိုင်ခွင့်ရှိသူ (၆၂၈၄၅) ဦးရှိသည်ဟု ချင်းပြည်နယ် ရွေးကောက်ပွဲကော်မရှင်အဖွဲ့ခွဲရုံးမှ ဒုတိယအကြိမ်မဲ စာရင်းကြေညာချက်အရသိရသည်။

လွှတ်တော် မဲဆန္ဒနယ်မြေ (၅) ခုရှိသည့် ပလက်ဝမြို့နယ်တွင် လာမည့်ရွေးကောက်ပွဲတွင် နိုင်ငံရေးပါတီ (၆) ခုမှ လွှတ်တော်ကိုယ်စားလှယ်လောင်း ၂၄ ဦးဝင်ရောက်ယှဉ်ပြိုင်ကြမည်ဖြစ်သည်။

ရွေးကောက်ပွဲကျင်းပခြင်းသည် ဒီမိုကရေစီရှင်သန်ရေးအတွက် အခရာကျသည့်လုပ်ငန်းစဉ်ဖြစ်သကဲ့သို့ လူထု၏အခွင့်အရေးများကို တောင်းဆိုတင်ပြပေးနိုင်သည့် နိုင်ငံရေးလမ်းစဉ်တစ်ခုဖြစ်သောကြောင့် ရွေးကောက်ပွဲမကျင်းပဖြစ်ပါက ဒေသတွင်းကိုယ်စားပြုမှုပျောက်ဆုံးသွားနိုင်မည့်အရေးကို များစွာစိုးရိမ်မိကြောင်း ၎င်းတို့၏ ထုတ်ပြန်ချက်ထဲတွင်ဖော်ပြထားသည်။

“ တကယ်လို့ ပလက်ဝမြိ့နယ်မှာရွေးကောက်ပွဲမကျင်းပနိုင်ဘူးဆိုရင်တော့ ကျနော်တို့ရဲ့ ကိုယ်စားပြုမှုကပျောက်သွားမယ်၊ ပလက်ဝနယ်က ချင်းပြည်နယ်လူဦးရေရဲ့ ၅ ပုံ ၁ ပုံက ပလက်ဝနယ်မှာရှိတယ်၊ အဲဒီ ၅ ပုံ ၁ ပုံသော ကိုယ်စားပြုမှုကို ပျောက်သွားမယ် ပြီးတော့ စစ်မက်ဖြစ်ပွားတာလည်းပိုစိုးသွားနိုင်တယ် ဘာလို့လည်းဆိုရင် ပြောပေးဆိုပေးဖို့လွှတ်တော်ကိုယ်စားလှယ်တွေကမရှိတော့ဘူးဆိုရင်တော့လေ ဒေသခံပြည်သူတွေအနေနဲ့လည်း အစိုးရအပေါ်ယုံကြည်မှုလည်းတစ်နည်းမဟုတ်တစ်နည်းတော့ကျသွားနိုင်တယ် ဘာလို့လဲဆိုတော့ရွေးကောက်ပွဲတောင် မလုပ်ပေးနိုင်ဘူးဆိုတာမျိူးလေ နောက်တစ်ခုက အော် ငါတို့ကိုကျတော့ ဝိုင်းဖယ်ခံရပါလားဆိုတဲ့စိတ်မျိူးလည်းဝင်သွား နိုင်တယ်လေ’’ ဟု ကိုစောမြကပြောသည်။

#Zawgyi

ျမန္မာ့တပ္မေတာ္ႏွင့္ ရကိၡိဳင့္တပ္ေတာ္(AA) တို႔အၾကားျဖစ္ပြားေနေသာ စစ္ေရးပဋိပကၡေၾကာင့္ ႏို၀င္ဘာလ ၈ ရက္ေန႔တြင္ က်င္းပျပဳလုပ္မည့္ အေထြေထြေရြးေကာက္ပြဲကို ခ်င္းျပည္နယ္ ပလက္၀ၿမိဳ႕နယ္တြင္ မက်င္းပႏိုင္မည္ကို အထူးစိုးရိမ္မိ သည္ဟု ခူမီးခ်င္းမ်ဴိးႏြယ္စုအဖြဲ႔အစည္းမ်ားက ေအာက္တိုဘာလ ၁၄ ရက္ေန႔စြဲျဖင့္ ေၾကညာခ်က္တစ္ေစာင္ထုတ္ျပန္လိုက္ သည္။ 

ခ်င္းျပည္နယ္ေတာင္ပိုင္း ပလက္၀ၿမိဳ႕နယ္တြင္ လြန္ခဲ့သည့္ ၂၀၁၅ ခုႏွစ္ကစ၍ ယေန႔ခ်ိန္ထိ ျမန္မာ့တပ္မေတာ္ႏွင့္ ရကၡိဳင့္တပ္ေတာ္(AA) အၾကား တိုက္ပြဲျဖစ္ပြားလ်က္ရွိၿပီး ထိုကဲ့သို႔ျဖစ္ပြားလ်က္ရွိေသာ လက္နက္ကိုင္ပဋိပကၡေၾကာင့္ ေရြးေကာက္ပြဲအေပၚ ထိခိုက္မႈျဖစ္ပြားမည္ကို အထူးစိုးရိမ္ေၾကာင္း ျပည္တြင္းျပည္ပအေျခစိုက္ ခူမီခ်င္းမ်ဴိးႏြယ္စုအဖြဲ႔ အစည္း (၇) ဖြဲ႔က ထုတ္ျပန္ေၾကညာခဲ့ျခင္းျဖစ္သည္။ 

ခူမီးခ်င္းမ်ဴိးႏြယ္စုမ်ားေရးရာေပါင္းစပ္ညွိႏိႈင္းေရးေကာင္စီ (KACC) မွေျပာေရးဆိုခြင့္ရွိသူ ကိုေစာျမက “က်ေနာ္တို႔နယ္မွာ ေအေအ ေတြလည္းလႈပ္ရွားေနတုန္းဆိုေတာ့ေလ မဲဆြယ္စည္းရံုးေရးေတြလည္းေကာင္းေကာင္းမလုပ္ႏိုင္ဘူး၊ ေရြးေကာက္ပြဲအသိပညာေပးမႈေတြလည္းေကာင္းေကာင္းမလုပ္ႏိုင္ဘူး ေရြးေကာက္ပြဲေကာ္မရွင္ေတြရဲ႕ လုပ္ငန္းစဥ္ေတြမွာ လည္းေႏွာင့္ေႏွးတယ္ေပါ့ဗ်ာ အစိုးရတပ္ဖက္ကလည္း သြားလာဖို႔ လံုျခံဳေရးအရကန္႔သတ္ထားတာေတြရွိတယ္ အဲဒါေၾကာင့္ေရြးေကာက္ပြဲမျဖစ္မွာကို က်ေနာ္တို႔အထူးစိုးရိမ္မိတယ္’’ ဟုေျပာသည္။ 

ပလက္ဝၿမိဳ႕နယ္သည္ ခ်င္းျပည္နယ္တြင္ မဲဆႏၵရွင္အမ်ားဆံုးရွိသည့္ ၿမိဳ႕နယ္ျဖစ္ၿပီး ႏို၀င္ဘာလ ၈ ရက္ေန႔ေရြးေကာက္ပြဲ တြင္ မဲဆႏၵေပးပိုင္ခြင့္ရွိသူ (၆၂၈၄၅) ဦးရွိသည္ဟု ခ်င္းျပည္နယ္ ေရြးေကာက္ပြဲေကာ္မရွင္အဖြဲ႕ခြဲရံုးမွ ဒုတိယအႀကိမ္မဲ စာရင္းေၾကညာခ်က္အရသိရသည္။ 

လႊတ္ေတာ္ မဲဆႏၵနယ္ေျမ (၅) ခုရွိသည့္ ပလက္၀ၿမိဳ႕နယ္တြင္ လာမည့္ေရြးေကာက္ပြဲတြင္ ႏိုင္ငံေရးပါတီ (၆) ခုမွ လႊတ္ေတာ္ကိုယ္စားလွယ္ေလာင္း ၂၄ ဦး၀င္ေရာက္ယွဥ္ၿပိဳင္ၾကမည္ျဖစ္သည္။ 

ေရြးေကာက္ပြဲက်င္းပျခင္းသည္ ဒီမိုကေရစီရွင္သန္ေရးအတြက္ အခရာက်သည့္လုပ္ငန္းစဥ္ျဖစ္သကဲ့သို႔ လူထု၏အခြင့္အေရးမ်ားကို ေတာင္းဆိုတင္ျပေပးႏိုင္သည့္ ႏိုင္ငံေရးလမ္းစဥ္တစ္ခုျဖစ္ေသာေၾကာင့္ ေရြးေကာက္ပြဲမက်င္းပျဖစ္ပါက ေဒသတြင္းကိုယ္စားျပဳမႈေပ်ာက္ဆံုးသြားႏိုင္မည့္အေရးကို မ်ားစြာစိုးရိမ္မိေၾကာင္း ၎တို႔၏ ထုတ္ျပန္ခ်က္ထဲတြင္ေဖာ္ျပထားသည္။ 

“ တကယ္လို႔ ပလက္၀ၿမိ႕နယ္မွာေရြးေကာက္ပြဲမက်င္းပႏိုင္ဘူးဆိုရင္ေတာ့ က်ေနာ္တို႔ရဲ႕ ကိုယ္စားျပဳမႈကေပ်ာက္သြားမယ္၊ ပလက္၀နယ္က ခ်င္းျပည္နယ္လူဦးေရရဲ႕ ၅ ပံု ၁ ပံုက ပလက္၀နယ္မွာရွိတယ္၊ အဲဒီ ၅ ပံု ၁ ပံုေသာ ကိုယ္စားျပဳမႈကို ေပ်ာက္သြားမယ္ ၿပီးေတာ့ စစ္မက္ျဖစ္ပြားတာလည္းပိုစိုးသြားႏိုင္တယ္ ဘာလို႔လည္းဆိုရင္ ေျပာေပးဆိုေပးဖို႔လႊတ္ေတာ္ကိုယ္စားလွယ္ေတြကမရွိေတာ့ဘူးဆိုရင္ေတာ့ေလ ေဒသခံျပည္သူေတြအေနနဲ႔လည္း အစိုးရအေပၚယံုၾကည္မႈလည္းတစ္နည္းမဟုတ္တစ္နည္းေတာ့က်သြားႏိုင္တယ္ ဘာလို႔လဲဆိုေတာ့ေရြးေကာက္ပြဲေတာင္ မလုပ္ေပးႏိုင္ဘူးဆိုတာမ်ဴိးေလ ေနာက္တစ္ခုက ေအာ္ ငါတို႔ကိုက်ေတာ့ ဝိုင္းဖယ္ခံရပါလားဆိုတဲ့စိတ္မ်ဴိးလည္း၀င္သြား ႏိုင္တယ္ေလ’’ ဟု ကိုေစာျမကေျပာသည္။

Share.

About Author

Leave A Reply